بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
ولد زي ده اوعك تتطيري يا روان لانو ح اطيرك من الدنيا سمح؟😹 بقيت بضحك فيها واحنا قاعدين كده الباب خبط قلته اتفضل؟ مهيار جاء داخل ♥ طبعا م اتخيلتو 😭♥ قال لي ألبسي شي وانا بجي داخل وطلع مها عاينت لي 😒 غبيهه وطلعت ضحكته و لبسته توب جاء داخل 💙 قعد في كرسي جلوس بعيد مني شويه كده 💙 قال لي يا روان من الاخر كده انتي وصية عمي وانا مستحيل م انفذ الوصيه دي تمام؟ يعني لو اتزوجتك جبر ح اتزوجك 💙 طبعا انا بقيت فاتحه خشمي مترين😹 ابتسم وتابع كلامو اذا م عندك شي انا طالع وبعدين المغرب ممكن نطلع داير اتفاهم معاك شويه وطوالي طلع وقفل الباب بدون حتي ينتظر ارد 😭😹 ... اليوم مر سريع لم جاء قريب المغرب مها قالت لي قومي ألبسي قلته ليها وين؟ قالت لي المغرب قرب مهيار اسه ح يجيك قلته ليها م ماشه ؟ قالت لي روان ! لا بالجد امشي معاه الليله بس وامكن تتفقوا بطلي عناد وكبر راس يااه وبما انو هو قال ح يتزوجك لانك وصيه ابوك الله يرحمو يبقي لازم يثبت ليك هو فرصه عشان تتعرفوا شويه 💙 اقتنعت حبه بكلامها وقلته ليها تمام شويه كده جاء مهاب قال لي اجهزوا ح يجي بعد شويه لانو انا عندي شغل ح تمشي معاك مها اذا م عندها مشكله ؟ طوالي نطت 😹 لالا م عندي 😹 مشي وانا مشيت طلعت لي عبايه سوداء وطرحه سوداء وشبشب بيت ظريف طبعا مها عاينت لي بعين لم خفته😹 قلته ليها مالك قالت لي انتي ماشه البقاله ولا حاجه ؟ 😹 قلته ليها لالا قالت لي طيب العبايه شنو؟ قلته ليها ح امشي بشنو ؟ قالت لي انتي لو في بكاء بتلبسي ظابط اسه في موعد تلبسي معولق كده ؟ قلته ليها اها ألبس شنو؟ قالت لي زحي كده "طلعت لي جمبسوت رماديه يديها كامله و طرحه كبديه ♥" قلته ليها لا طبعا م ح ألبس دي في النهايه طلعته "اسكيرتي اسود وبلوزه بالاسود فيها ورود صغيره بالزرعي وطرحه زرعي💙" لبستها وعملته ميكب خفيف جدا 💙 وهي لبست فستان بني محروق شويه كده ماما جات داخله قالت لي يلا اطلعوا لانو الاولاد ديل من قبيل منتظرينكم 💙 لم طلعنا لقينا سيارتين وحده سايها مهيار والتانيه محمد مها طوالي ركبت مع محمد وقالت ليه اتحرك 😹 التافهه خلتني براي ركبته مع مهيار والطريق كلو م ف زول اتكلم 😹♥ شغل اغاني وبقينا ماشين "هو لابس بنطلون بني و قميص بيجي فاتح 💙 وجزمه كلاسيك بني💙 وساعه فضيه " وصلنا مطعم ظريف كده نزلنا فيه قلته ليه ناس مها ليه اتاخروا ؟ قال لي م راكب معاهم في العربيه انا ؟😒 عاينته ليه كده وقعدته طلب عصير وانا مسكته جوالي وهو بعاين لي ملاحظه ليه 😹 فجاه حسيت بيه سحب الجوال مني قال لي انتي م جيتي هنا عشان تعايني في التلفون ؟ وقفلوا ودخلوا جوه جيبه 😹 قلته ليه انا جعانه قال لي اطلبي النفسك فيه 💙 قلته بيتزا طلب بيتزا حجم عائلي😹 وبعدها قال لي ها ؟ م نفسك نتعرف بعد ده ؟ قلته ابدأ انت 💙 قال مهيار امي وابوي متوفين قاعد في لندن طبيب مخ واعصاب 💙 بقا يحكي لي عن نفسو وكده 💙 وبقينا نتونس لم الجوال حقو رن 💙 رد اوو محمد ؟ .. خلاص تمام احنا بنجي بعد شويه 💙 وقفل قلته ليه في شنو؟ قال لي الساعه ١٠ ونص 🙆 ده كلو احنا بنتونس م حسينا بالزمن قلته ليه خلاص ارح 💙 طلعنا ركبنا السياره م مشي بجهه البيت دايره اتكلم كده قال لي اصبري 💙 بعد شويه وقف جمب مكان اسكريم💙 نزل جاب اتنين و فتحنا الشبابيك و الجو كان ظابط جدا بقينا نتونس فيه مسافه 💙 كده والله طلع ظريف جدا 💙
بعد حكايه 45 دقيقه كده قال لي نرجع بعد ده ؟ قلته ليه تمام واحنا ماشين كده قلته ليه ح تقعد كم ؟ قال لي مفترص ارجع بعد اسبوعين لكن ح احاول اقعد لم خالتي سمر تخلص الحبس عشان اتزوجك ونسافر مع بعض "لم قال اتزوجك دي حسيت دقات قلبي هو سامعها😹♥" سكته م رديت ليه شويه كده بقا يتونس معاي لم وصلنا قبل انزل قال لي انتي كنتي داخله في علاقه يا روان؟ طبعا لم قال كده طق اتزكرته رائد 😭 حسى بي اتوترته مسك يدي قال لي م تشيلي هم يا روان اهدي وانا معاك والله احكي لي 💙 سكته مسافه قال لي روان احنا اذا كنا دايرين نعيش مع بعض لازم اول شي نكون صريحين عشان نقدر نفكر لقدام 💙 حكيت ليه من اول م لاقيت رائد لم الموقف حق رنا قال لي تمام انا ح افتش عنو واكلمك يلا انزلي بعد ده نزلنا واي زول مشى ع غرفته لقيت مها بايته معاي 😹♥♥ دخلته اخدته دش وصليت و رقدته نمته فورا 💙 صحيت تاني يوم بنفس الروتين 💙 طلعته بره سمعته صوت مهاب ومهيار بتناقشوا شويه كده صوتهم اختفي مها لم شافتني طوالي جرتني احكي ليها😹 حكيت ليها قالت لي يعني موافقه ؟ قلته ليها لسه م عارفه يااه نشوف لقدام قلته مهاب ومهيار مالم ؟ قالت لي مهيار داير يرحل يوم الخميس هو ومحمد لشقه ومهاب بقول ليهم اقعدو😹 ماما نادتنا عشان الفطور طلعنا فطرنا ومها قالت ماشه البيت محمد قال ليها اوصلك ؟😹 طبعا طوالي عاينته لمها🌚 وفعلا طلعوا مع بعض وانا اتزكرته انو جواليمع مهيار وهو دخل غرفته انا مشيت غرفته خبطته الباب جاء قتح لي قلته ليه دايره الجوال حقي 💙اداني ليه مشيت لم وصلته لقيتو برن 💙 فتحته الخط جاني صوتو💙 قال لي " ده رقمي احفظي عندك 💙" اتونسنا كده و بعدها قال لي يلا انا طالع عندي شغل ولم ارجع ح احكي ليك يالسمحه💙 ابتسمته وقفلته الخط 💙
عانقني حتي تغيب رجفه قلبي من خوف فُقدانك 🤍.
#ابقوا_بعافيه💙
لبعدين بليل 💙💙
