قوه وجبروت امرأه ( الجزء الأول) "مكتمله"

الفصل العاشر

الفصل العاشر
.......................

لينا /ملك لما اتاكدت انى حامل اتكلمت معيا
قالتلى لازم مصطفى يعرف انك حامل كنت رافضه الموضوع فى الاول بس اقتنعت بعدها بحوالي اسبوعين

وقررت اروح ليهم وابلغهم ومخفش من حاجه علشان معملتش حاجه غلط و كانت لينا عاوزه تيجى معايا هى واسر علشان اسر يعرف اهله هو كمان بس انا

رفضت قولتلها انا عاوزه اروح المره دى لوحدى علشان اواجه خالتى على الكانت عاوزه تعمله معايا

وفعلا سافرت بس عبد الرحمن رفض انى اسافر لوحدي وسافر معايا بس انا خليته يستنى على اول البلد وانا هبلغهم و هرجع علطول

وبعد اصرار منى انى اروح لوحدى وهو يستنانى وافق وخدنى على اد عقلى وسبنى اروح لوحدى عندهم

فضلت ماشيه لحد موصلت قرب السرايا لقيت ناس كتير وطبل وانوار قلت ممكن تكون مراة عماد ولدت وبيعملوا السبوع

دا حتى مستنوش سنه على وفاه بابا

المهم لما قربت من الشادر المنصوب اتصدمت من الشفته

مصطفى راكب على حصان وبيرقص عليه ولابس نفس العبايه البيضه الكان لبسها يوم فرحنا المعداش عليه شهرين

والناس الحوليه بيبركوله على فرحه

انا وقفت مكانى معرفتش اتحرك كل البعمله حطه ايدى على بطنى و دموع بتنزل لوحديها وقهره فى قلبى حاسه انها هتموتنى

ولقيت مره واحد حد شدنى من ايدى ببص لقيتها خالتى سحبتنى وراها لحد مدخلنا فى اوضه فى ضهر السرايا

فضلت تزعق فيا وتشتمنى وتبهدلنى مكنتش مركزة معاها كل الشيفاه قدامى صوره مصطفى وهو بالعبايه البيضه و بيرقص على الحصان مفقوتش الغير على ضرب خالتى ليا بالقلم

لقيت نفسى بقول من غير ما احس... انا حامل

لقيتها راحت ضربانى بالقلم تانى و شتمانى يا صيعه زى امك اكيد حامل من الهربتى معاه وحطيتى راس ابنى فى الطين الحمد الله انه اتجوز صفاء هى الهتحافظ على اسمه مش انتى طالعه لامك خاطيه

عمك حلل دمك يا بت اختى لو اى حد من العائله شافك هيقتلوكى

حتى انتى مشيتى من غير متخدى عزاء ابوكى هقول ايه قويه مفتريه زى امك

اكيد حسن الله يرحمه عرف بعملتك السوده ومستحملش الفضيحه وطب واقع منك الله يا شيخه

لقيت نفسي بقولها وانا بعيط اتتى بتقولى ايه انا حامل و الله من مصطفى جوزى وابنك والفى بطنى دا حفيدك وابويا مات بسبب الابنك عامله فيا ومتجبيش سيره امى على لسانك

شهقت وقالت اقلوا للكداب احلف لا اجيب واجيب امك الغوت ابوكى علشان تتجوزه
وانتى طالعه زيها حملتى من الحرام