حب بعد زواج أجباري🔥🔥🖤

الجزء العاشر🔕🖤🔥

..
10
..
#انتهت ثقتي بهذا العالم تماماً 💔🤚🏻

لمحت البوم خذيته وتميت انتفرج وكان كله صور اياد من وهو صغير لهو كبير وفي صوره كان في صوره وراها طلعتها وانصدمت كانت صورة اياد باس بنت ع خدها وهي تضحك
سمعت صوت خطوات اياد رديته مكانه وكملت تنظيف
خش عليا اياد مبتسم
اياد: تي وين رحتي ازف ندور فيك وشاف للدار : تنظفيهاش هذي هنظفها نا في حاجات نبيهن
انا : اوك وطلعت ببرود هو استغرب وتما ياخذ في حاجاته وطلع حاجات عرم وطلعنا بعد نظفنا الحوش كله
نا تميت نفكر اكيد هذي البنت اللي قالي انه يحبها واضايقت بكل روحنا للحوش ودرت عشاء وكلينا ومشيت رقدت بعد مده جاني اياد ورقد جنبي صبيت شافلي باستغراب
انا بهدوء : اياد ياريت تطلع
اياد رفع حاجبه : نعم حلوه هذي شن اطلع
انا شفتله : اطلع منبيش نرقد جنبك
اياد: وشن جد عليك يعني
انا : اياد منبيش نحكي اطلع وخلصني
اياد صبا وقرب مني : منيش طالع شن تبي اديري يعني ١😡😡😡
انا شفتله وطلعت ومشيت للدار الثانيه وسكرت الباب ورقدت وهو منصدم ومستك من يلي درته جاني وطق عليا
اياد : افتحي
انا : لا
اياد : واقسملك بالله كان ما تفتحي نكسر الباب 😡😡😡
انا فتحت وشفتله : نعم شن تبي
اياد: ليش ام الحركات هذين ع اساس يعني اول مره نقرب منك ونرقد جنبك 😡😡😡
انا : واخر مره خلاص نبيكش تقرب مني او ترقد جنبي بعد اليوم ولو دير جميل مره وحده وطلقني وتفكني 😡😡😡
وسكرت الباب في وجهه بالمفتاح وهو منصدم
مشى للدار منصدم وقعد
اياد : تبي تطلق مني 💔 مستحيل نطلقها 😡😡
وقعد طول الليل يدخن ويفكر
ثاني يوم وعيت الساعه 11الظهر
انا : اووف تاخرت في النوم 😕
وصبيت مشيت للدار خذيت دبش ودوشت ودرت روتين الصبح ونزلت فطرت ع خشت هيثم واياد
تما اياد يشوفلي ساكت
هيثم : وين واعيه توا
انا : اي 😣
هيثم جاني : كنك مريضه والله شنو
انا : لا راسي مصدع بس 😅
هيثم : اها خذي بندول
انا : خذيت توا قبل ما تجو بشوي تعال افطر معاي
هيثم : لا نا هنتغداء توا 😹😹😹💔
انا:مبردك 😑😑
هيثم ضحك وحس الجو متكهرب بيني وبين اياد لانه ساكت ونا حكيتش معاه بكل بس محبش يدخل بينا
مر الوقت عادي وخذني اياد للعياده ومحكيناش بكل

مر شهر واسبوع ونحن هك منحكوش مع بعض الا للضروره
وفي يوم
انا نزلت لقيت اياد مكسد ع التي في جيته وقعدت جنبه
انا : اليوم طالعه نا والبنات للسوق
اياد شافلي : مع من
انا : هناخذو حافله
اياد : لا فيش مشي بحافله هناخذكن نا
انا : مش هياخذن راحتهن معاك
اياد : هنزلكن ونسيبكن بس منوصلكن ونجيبكن
انا : تمام يبقى
اياد : جيبي دبش للعيد بالمره
انا : به
وصبيت وقلت للبنات ووافقن وقفت ع الدولاب نشوف شن نلبس وحطيت يدي ع بطني حسيتها كابره طشه
انا: حي عليا را نقعد سمنت 😱😱 وتميت انتلمس فيها وحسيتها يابسه شوي استغربت
انا : كنها شن واكله نا 😕
غميت ولبست عبايه ووشاح وطلعت طارت النيه من اللبس 😑💔
نزلت وطلعت نا واياد وتكينا ع البنات بالوحده ومشينا للسوق وصلنا ونزلن البنات
اياد : هاكي
انا : معاي
اياد مسك يدي وحط فيها لفلوس : انتي مراتي ونا اللي نصرف عليك مش انتي اللي تصرفي ع روحك تمام
انا : به 😕
ونزلت وتمينا نبرمو نا والبنات في السوق ونا تعبت
انا : بنات تعبت ازح
ساره : يلا يا حني حركي كرعيك شوي 😑💔
انا : تف 😑😑💔
ومشينا لمحل وخطمنا ع محل شباب وعجبتني لبسه خشيت والبنات يهزبن فيا والشباب اللي في المحل يشوفولنا باستغراب شريت اللبسه وطلعت
اما : تمشي في خاطري يعني
ريهام : تي وتخشينا المحل شباب 😑😑💔
هيام : حتى هو لكبيده متاعها اياد 😑💔
انا : يلا جعت 😑😑💔
ساره : حتى نا
ومشينا للسياره وركبنا مع اياد ومشى بينا
انا : اياد جيعانات رانا 😅😅
اياد وقف ع مطعم وجابلنا اكل وكلينا والبنات يحكن لورا
انا : احكن بصوت نسمع في شي 😑😑😑💔
ريهام : عادي 😹😹😹💔
انا : حقيره 😒💔
ووصلنا البنات ومشيت نا واياد للحوش خشينا
انا : اياد تقدر تشيل الحاجات كرعيه وجعاتني بكل هن وظهري 😣😣💔
اياد خذهن مني وحطهن في الدار وردلي وشالني للدار ونزلني ع السرير
انا : شكرا
اياد : عفوا كذا وريني ظهرك من وين يوجع
انا: من هنا 😣
اياد حط يده مكان الوجع
انا : يدك مسقعه 😣💔
اياد ابتسم : انتي جسمك دافي
انا : لالا انت اللي مسقع بكل 😣💔
اياد حط يده ع خدي : شوفي اهي يدي دافيه انتي بس وسطك دافي
انا :اي معاك حق
اياد قرب مني ويبي يبوسني بعدت نا ونزلت راسي
اياد : ارام
انا : نعم
اياد : ليش تميتي تمنعي فيا اني نقربلك
انا : لانك وعدت وحده انك متقربليش بكل 💔
اياد : كيف 😳 موعدتش حد نا
انا : نحبش الكذب يا اياد نا عرفت هالشي وانت خليك ع وعدك لها
اياد : من هي
انا : منبيش نحكي لو سمحت سكر الباب وانت طالع وخشيت تحت الغطاء وتغطيت اياد مشاء سكر الباب ورد رقد جنبي شفتله
اياد : يا اما تحكيلي يا اما مش هنبعد عنك وكرني الحضنه وغمض عيونه
انا : اياد بعد
اياد : اشش نبي نرقد
انا : انت من جدك حول
اياد لا حياة لمن تنادي بعد عدة محاولات استسلمت ورقدت وعيت ثاني يوم ونا في حضن اياد وهو حاط يده ع بطني وراقد
انا حولت يده من بطني وبرمت عليه بشوي قربت منه وبست لحيته بشوي بكل وبعدت مشيت للحمام ودرت روتيني اليومي ونزلت درت فطور ورقيت الاياد لقيته يلبس في سوريته
اياد : صباح الخير
انا : صباح النور
وقربت منه وتميت نستنشق في ريحته
اياد باستغراب : كنك
انا : ريحتك حلوه شن حاط
اياد : مش حاط شي مزلت
انا : بس ريحتك حلوه بكل توا
اياد ابتسم : طول عمرها سمحه ريحتي 😌
انا : خف علينا بس 😑😑😑
اياد ضحك ونزلت نا وياه لقينا هيثم يفطر
اياد : راجينا اقل شي 😑😑💔.
هيثم : جوع يا راجل 😹😹💔
وقعدنا فطرنا معاه شوي وكبدي زعمت مشيت للحمام بسرعه واياد لحقني طول
اياد : ارام شن في كنك
انا طلعت من الحمام ننشف في فمي : مش عارفه كبدي زعمت ودايخه وشوي وطحت ع اياد شالني وطلع بيا يجري وهيثم لحقه طول
خذوني للعياده
ريهام : هذي ارام 😳😳😳
وجاته بسرعه هي والبنات
اياد : حنان شوفيها كذا
حنان : حاضر جيبها للغرفه
اياد خذني للغرفه وحطني ع السرير ومسك يدي
حنان انحرجت اطلعه وتمت تشتغل وهو قاعد
اياد : كنها
حنان ابتسمت : اصبر شوي نتاكد
وتمت تشوفلي بالايكو وابتسمت وحددت منطقه ع الايكو
حنان : تشوف في المنطقه هذي فيها شي صح
اياد: اي شن هذا
حنان: هذا ابنكم 😹❤
اياد شافلها : كيف يعني ابنا 😕
حنان ضحكت ع غبائه
اياد استوعب : قصدك حامل 😳😳😳😳❤
حنان ضحكت : اي حامل وحسب حجم البيبي هو حاليا ليه شهر واسبوعين
اياد ضحك وتما يشوف للايكو : يعني هذا ولدي نا وارام ❤
حنان: اي ولدكم بس مرات بنت 😹😹❤
اياد : مش مهم اللي يجي من ربي كويس وضحك: هنقعد اب يعني 😻❤
حنان : اي 😹😹😹😹💔 توا خلي ارام ترتاح وهنحطوها في غرفه خاصه لعند تفيق وهنكتبلها ادويه وفيتمينات لانه جسمها ضعيف انت جيبهن من الصيدليه اللي لوطا
اياد : به تمام
وكتبتله حنان الحاجات وطلعوني الغرفه خاصه وهو مخلش حد يلمسني بكل نزل وجابلي الادويه وقعد جنبي ومتحركش
ساره : كنها ارام
حنان : احم احم هنقعدو خالات 😻😻😻❤
البنات : يااااييييي حامل 😻😻😻😻❤
هيثم : هنقعد عم 😹❤
وتمو يحكو