حب بعد زواج أجباري🔥🔥🖤

الثامن🖤🔥

..
..
..
8
..
..
..

#ليتنا نستطيع معالجة خدوش ارواحنا 💔👌🏻

وطلعت نا وياه ع خشت حاله جراحيه جيت نبي نمشي يزن ومحمد خذوه للعمليات طول
مشيت للرسبشن لقيت تسع اشخاص استغربت
انا : مش قلت كل واحد يمشي لقسم
الرسبشن : هذمي ممرضين
انا : اها تمام كذا ملفاتكم
عطوني كلهم قعدت نشوفلهم بعدها صبيت
انا : اسمعو في وجود حالات ممنوع الحكي يعني لما تكون في حاله لازم تهتمو بيها كويس ومنبيش اي خطاء نحن وظيفتنا في الصحه انقاذ الناس مش نزيدو حالتهم توا نحن كلنا قرينا كم سنه عشان في الاخير نكونو نقطه فاصله بين المريض وقبره ياريت الكل يفهم وينفذ كلامي اول ما خشيتو للعياده كان في لافته حد قراها
بنت : متحدين نقف متفرقين نسقط هكذا هو عملنا في الطب جميعنا نحتاج لبعض
انا : حلو يعني كل واحد فينا محتاج الثاني عشان ننقذو لارواح تمام نبيكم دائما منتبهين ومهتمين في يوم يمكن نكونو مكان اللي نعالجو فيهم لذالك اللي تتمنى يصيرلك لو تميت في حالتهم ديره لهم توا
رغد : وين يا خطبات انتي 😹😹😹💔
انا : كملتي
رغد : اي جو ثلاث دكاتره اثنين والثالث مش محترم وانتي
انا : قبلت 4
ساره : نا قبلت 1
انا : بنات هذمي تسع ممرضين والكل شفت ملفاتهم وكلهم هنقبلوهم
الممرضين فرحو
انا : انتن شوفن التقسيم كيف
بنت : دكتوره خلينا عامين لانه احتمال تحتاجونا في اي قسم بعدد زياده
ريهام جت : معاها حق يا اوما
انا : اي فكرتها حلوه تمام شوي وجاء شاب
الشاب وقف قدامنا : معليش يا نبي نقدم ع طب الجراحه
انا : تفضل خوي تعال هيشوفك دكتور اياد
الشاب : تمام
ومشيت نا وياه
انا : ادي
اياد شافلي وشاف للشاب صبا وجانا : شن في
انا : يبي يقدم ع الجراحه شوفه
اياد : تمام تعال معاي
وخشو للمكتب
اياد : اسمك خيي
الشاب : عمر سيف
اياد : عطيني ملفك يا عمر
عمر مدله الملف واياد شافله وبعدها شاف العمر
اياد : اشتغلت بست اماكن وهن السته انت سيبتهن ليش
عمر : اهم شي في الشغل الانسجام صح نا منسجمتش معاهم وهالشي خلاني نسيب خير ما نعرض حياة مريض للخطر
اياد ابتسم : نسبتك عاليه وبحكيك اثبتتلي انك دكتور هتكون ناجح وتفيد هالعياده تمام تم قبولك للشغل الدكتور اللي توا هي المسؤوله عن قسم الجراحه وهديرلكم تقسيم انت ودكاتره الثانيين عشان شغلكم
عمر : تمام بارك الله فيك
اياد : وفيك بارك الله
وصبو وطلعو
مر الوقت من حاله لحاله وجو تمام ع الساعه 10 جمعت الدكاتره كلهم
انا : طبعا درنا تقسيم لاوقات الشغل متاعنا وكل حد في قسم صاحبت القسم هي اللي قسمة اوقاتهم نبي قسم الجراحه يجي المكتبي لو ممكن
ومشيت معاهم لمكتبي
انا : نحن عددنا 6
عمر : لا سبعه
انا : سته مش سبعه
عمر : اهو سبعه
اياد : تحسبنيش نا نشتغلش هنا
انا : اياد يشتغل في عياده ثانيه
عمر : اها
يزن : بس ليش انت هنا
اياد شافله : ارام تكون مراتي وقاعد نساعد فيها مبدائيا وخلاص توا بعد التقسيم مش هتحتاجني تقريبا
انا : تحكي 😹😹😹💔
اياد : لا خلاص نمشي الشغلي توا 😌
انا : اشتغل معاي
اياد : لا فكيني نبيش
انا : به براحتك 😑😑😑
سناء : استسلمتي طول
انا : مش عارفته انتي بس بعد يسكر راسه ع شي خلاص سوداني مية فيه 😑😑😑💔
الكل : 😹😹😹💔
اياد : به ع اساس انتي مش عنيده وراسك يابس 😑😑💔
انا : هنتعاركو في الحوش 😑😑😑💔 عموما حسب التقسيم سناء وشهد من الساعه 8 الصبح للساعه 1 ونا والجديد هذا شن اسمه
عمر : اسمي عمر 😑😑💔
انا : اوك نا وعمر من الساعه1لل5 ويزن ومحمد من ال5 لل10 فشن قلتو لو تبو تغيير
يزن : لا نا يناسبني
محمد : حتى نا
سناء وشهد : نفس الشي
عمر : حتى نا
اياد : تمام يبقى هتطبقو النظام هذا من بكره
محمد : تمام
جتني رغد : ارام تعالي حنان جتها حالة ولاده بس دايره حادث
انا : اوك جايه توا
وصبيت بسرعه وطلعت
درنا عملية جابت البيبي وتمت كويسه والبيبي حنان عطاته ليا بعد نظفوه ولفوه ولبسوه حسيت بشعور غريب يكل بكل وعيوني دمعن حنان شافتلي
حنان : كنك
انا : مش عارفه 😭😭
حنان ضحكت : عبيطه تعالي نطلعوه
طلعت ونا شايلته
لقيت راجلين ومرا كبيره وواحد من الرجاله دبشه فيه دم
الراجل صبالي طول : ولدي هذا 😳
انا : اي ولدك
الراجل قرب مني جاء اياد وخذه من يدي وعطاه له
الراجل كبر في وذانه وفؤحان بيه بعدها شافلي : ومراتي
حنان : مراتك الحمد لله بخير وهننقلوها لغرفه خاصه بعد شوي
وباركنالهم ومشينا مشيت لغرفة تغيير الملابس وبدلت دبشي ومزلت حاسه بنفس الشعور اللي حسيته لما شلت البيبي كان حلو بكل بكل مش قادره نوصفه
طلعت لقيت اياد يراجي فيا طلعت معاه ونا ساكته
اياد : كنك ارام
انا : كني
اياد : ساكته واجد
انا : مش عارفخ حسيت بشعور غريب لما شلت البيبي تعرف شعور حلو مش هنقدر نوصفه اني شايله بيبي عمره دقايق تعرف تمنيت اني تخصصت نساء
اياد ضحك عليا : عبيطه انتي هتشوفي حالات واجد هك حتى لو متخصصتيش نساء ولعدين انتي تقدري تديري عمليات في قسم النساء لانك قاريه عامه
انا : اي عارفه بس مش عارفه اوووف
اياد ضحك : جمله غير منطقيه 😹😹😹💔
انا : بطل يا سامط 😓😓
اياد ضحك
وصلنا للحوش وخشينا شالني اياد
اياد : فيكش كرعين حتى ليوم
انا : يعني شبه
اياد ضحك ومشا بيا للدر خش وسكر الباب هزلني ع السرير ورقد جنبي انا تميت نشوفله وهو يشوفلي مد يده وتما يلعب بشعري وقرب مني رن فونه
اياد بعد وشاف من وهو في عقله يسب ويلعن وكان هيثم رد
اياد ؛ كنك يا فرخ
هيثم ضحك : شكلي قطعت عليك اخرى 😹😹😹😹💔
اياد : اختصر 😑😑😑
هيثم : نبي نبلغك بس اني بايت برا 😹😹😹💔
اياد : تف ع وجك به
هيثم : به به 😹😹💔
اياد سكر في وجهه ورد رقد جنبي
انا : هيثم
اياد : اي بايت برا
انا : اها تصبح ع خير
اياد : وانتي من اهله
انا برمت وجي وغمضت عيوني شوي وحسيت بيد التفت ع خصري وكرني له وحضني
انا : ادي
اياد : اششش وباس ارقبتي : مش هندير شي تخافيش
انا حسيت بتيار كهربائي مع جسمي لما باسني غمضت عيوني وهو حاضني ورقدنا هك
ثاني يوم وعيت لقسته مزال راقد وحاضني زين مقدرتش انتحرك برمت عليه بشوي وكنا قرب بكل من بعض
انا : ادي اياد ادي
اياد فتح عيونه بشوي وشافلي وابتسم : صباح الخير
انا : صباح النور حول نبي نصبي
اياد كرني له اكثر : لا خليك شوي اخرى
انا : شن وحسيت ببوسه طويله ذوبتني قعد يبوس فيا ونا مش مستوعبه الموضوع بعد وباس ارقبتي ونزل عليا بوس ونا مدرتش اي رد فعل ومش مستوعبه
اياد لقانيش متجاوبه معاه حس اني نبيش شافلي وقرب مني وباسني وثبا طلع وهو مضايق
انا : شن يلي صار توا 😳😳😳