الهاربه

الفصل السادس

《6》

ديفيد : افتحي ياحبيبتي .. سنلهو معاً ..لن يعرف وسام بذلك ..انه نائم الآن .. افتحي و الا سوف اقوم بكسر الباب...
ليلى الصوت غاب منها من الخوف .. كان دماغها مشوش و تتخيل اللي بيصير معاها لو ديفيد فتح الباب .. قطع حبل تخيلاتها الباب و ديفيد يدف فيه بقوته ... شوي و التخبيط وقف و سمعت صوت كيتي..
كيتي : ديفيد .. توقف ..
وقفت كيتي قدام الباب تمنع في ديفيد من انه يكسره ..
ديفيد : ابتعدي كيتي ..
كيتي : لاا .. لن ادعك تقترب منها ..
ديفيد : اوووه كيتي .. ماذا حل بكِ .. سألهو معها قليلا فقط ..
كيتي : لاا . انها ليست مثلنا .. انها فتاة بريئه .. ارجوك اذهب و اجلس بجانب توم ..
شاف ديفيد لي كيتي و للباب .. نفخ و مشى رجع لمكانه ..

بينما كيتي قعمزت قدام الباب سانده ظهرها لباب دار ليلى و كأنها تبي تحرسها ..
بينما ليلى لما سمعت الحوار اللي بينهم و سمعت خطوات ديفيد و هوا يبعد عنها .. قعمزت ع الارض منهاره و تحمد في ربي ..
فكرت شوي و عرفت انه كيتي مزال مقعمزه قدام الباب تحرس فيها .. حست انه كيتي كويسه و تقدر تساعدها ..
مشت اتدور في ورقه و قلم في الادراج اللي في الدار لين القت .. مشت بخطوات سريعه و قعمزت قدام الباب و كتبت بالقلم في الورقه رساله صغيره لي كيتي بالانجليزي ..

" ارجوكِ ساعديني "

طبقتها و دفتها من تحت الباب هي و القلم ..
كيتي شافت للورقه اللي طالعه من تحت الباب .. رفعتها و قرتها .. و قعدت تفكر ..
كيتي بصوت واطي : هل تتحدثين الانجليزيه ؟
ليلى بصوت هامس : نعم ..
كيتي : جيد .. كيف سأساعدكِ ..
ليلى : اريد الهروب ..
كيتي : لما لا تهربين ؟
ليلى : وسام يغلق الباب عندما يخرج ..
كيتي سكتت تفكر ..
ليلى خافت لما القتها سكتت خافتها تكون تراجعت..
ليلى بصوت باكي : ارجووكِ لا تتركيني هناا .. سيعود وسام و اصدقائه في ليلة اخرى و لن يدعوني ..
كيتي : حسناً حسناً .. سآتي غدا مع وسام .. و سأقوم بمساعدتكِ اطمئني .. غدا كوني جاهزه في نفس الوقت خذي معكِ كل ماتملكين من نقود و القليل من الملابس و الطعام .. حسناً؟؟
ليلى : حسناً .. اشكرك .. لن انسى لكِ هذا المعروف..
كيتي : وسام رجل طيب .. انه يحبكِ جداً ..هوا اخبرني بهذا .. ولكن ادمانه على الكحول و المخدرات جعله هكذا .. أنا اعرفه جيداً ..
ليلى سكتت ....
كيتي : اذهبي و نامي الآن .. لاتخافي لن يقترب منكِ أحد ...
ليلى : حسناً .. شكرا لكِ ..

وقفت ليلى و قعمزت ع السرير و هي تفكر في بكرا و اللي بيصير بكرا وكيف بتقدر تهرب و تطلع لعالم هي ماتعرفاش عالم غريب عن بلادها ... ناس جديده و عادات و تقاليد مختلفه ..ماعندها لمنو تمشي ولا عندها شنو بتدير كل همها انها تتخلص من وسام و عالم وسام اللي لو استمرت معاه ..اكيد حتتحول لوحده منهم لا اخلاق ولا شرف ...
..............................
الكاتبه:Beba pink
واتباد "BebaPink89"
سلوى : بنت عمي بتتزوج .. نبي نمشيلها و بنقعد ايام غادي ..
وجدي : حاضر ياحبي ..
سلوى : شنو حاضر نبي فلوس ..
وجدي : حاضر اللي تبيه عندي ..
سلوى : ماتحاولش تغطي على موضوع الصغار .. بكرا حجزتلك عند الدكتور برا عالج ..
وجدي سكت ..
وقفت سلوى و خشت للدار...