مجنونة الآسمر " مكتملة "

مجنونة الآسمر

الفصل السادس

جلست روز ونظرت لهم لتنفجر باكية ثم وضعت وجهها بين يديها ليهتز جسدها ببكاء وبدأت تداهمها أفكار سيئة عن غيابه

أسيا بحزن : يا بنتي اهدي والله اتعودنا إن قال هغيب شهر يبقي ممكن شهرين او اكتر

روز ببكاء : بقاله كتير اوي اسبوعين مفيش خبر انا خايفه اوي عليا يا مامي

نظرت لها بشفقة لتربط على كتفها ثم قالت : طيب بصي هقولك لأحمد يرن علي اللوا تطمني ماشي

روز بلهفة : يا ريت والنبي

دخل أنس وخلفه أخاه ليلقي السلام فأجابوا ثم جلس الاثنان بجانب بعضهما يتمدد آسمر على الأريكة بتعب، لمح روز تمسح دموعها وتنظر أمامها شاردة والخوف يرتسم على ملامحها

آسمر باستغراب : في ايه مالك يا روز ؟ منكده علينا المفروض النكد ده تعينيه لإياد لما ينورنا

أسيا : بس يا آسمر هي قلقانه علي اخوك ومن الصبح بتعيط وأنت ...

آسمر بمرح مقاطعاً إياها : أيه ده من الصبح يا بختك يا إياد

روز : بطل غلاسه دا بدل ما تطمني

آسمر بلامبالة : اطمنك علي ايه دي عادتنا كلنا نقول كدة ونوصي الوصايا السبعه ونروح ونرجع ذي القرود وهتلاقي جوزك داخل عليكي في اي لحظة ذي القرد

روز بحدة : قرد في عينك دا انت اللي قرد انما إياد حبيبي عسل

آسمر : إياد حبيبي الله الله من وراه حبيبي ومن قدامه لو سمحت

روز بغيظ وهي ترمي به الوسادة الصغيرة الخاصة بالصالون : أنت غلس أوي

آسمر : بتشتميني يا روز بقى بتقوليلي غلس

روز بحدة : غلس وبارد كمان

آسمر وهو يقف : بس وصلت أنا هقوم أغير وأروح أتغدي مع روح قلبي لا تقولي يا غلس ولا يا بارد

روز : مع ألف سلامة خد الباب في إيدك

آسمر : هاخده يا جزمة

روز بتوعد : ماشي أغلط أغلط يا بتاع جنااان

كاد يدخل غرفته لكنه التفت قائلاً : يا بتاعة إياااااد

دخل الغرفة وبدل ملابسه ثم اتجه حيث جنان بينما جلست روز مع أيه ووالدة إياد والأفكار السيئة لا تتركها بحالها

****************

تحدثت الأخصائية النفسية مع جنان التي تفرد يديها وتقف قليلاً لعل جسدها يتنشط ثم جلست مرة أخرى

الدكتورة باستفسار : يعني علاقتك ب آيه كانت كويسه

جنان بهدوء : وروز كمان يعني آيه مكنتش تقدر تقول ل روز ان جوزها بيحبها تخاف يحصل حاجة بين الأخوات وروز طيبه انما حكايه إن اسراري تبقي مع روز ف دا كان يوم الفرح صدفه