NOSTALGIA [Completed]

- 18 -

" ဖျားနေတုန်းလား၊ နေမကောင်းရင် အိမ်မှာပဲ နားရမှာပေါ့။ ဘတ်ဟျွန်းနီက ခေါင်းမမာရဘူးလေ "

ပြောပြောဆိုဆို နဖူးလေးကိုလှမ်းစမ်းတော့ ခပ်ငွေ့ငွေ့နွေးနေဆဲ..။ ခုတလော ရာသီဥတုမမှန်တာနဲ့ဆို ဒီတိုင်းအပြင်ထွက်ရင် ထပ်ဖျားဦးမှာ အသေအချာ။

" ဖျားတာကြာပြီလား အန်တီ
သူကျွန်တော့်ကို မပြောဘူး။ အခုမှ သိရတာ "

ဝတ်ထားတဲ့ Hoodie ခေါင်းစွပ်လေးကို ခေါင်းပေါ်ဆွဲတင်ပေးလိုက်ရင်းပြောတော့ အန်တီက သူ့သားအကြောင်း သူသိသလိုနဲ့ သက်ပြင်းချရင်း ခေါင်းညိတ်တယ်။

" ဟိုနေ့က မိုးမိလာတာလေ။ စဖျားကတည်းက ဆေးခန်းပြပြီး ဆေးတိုက်ထားပေမယ့် ငွေ့ငွေ့ကျန်နေသေးလို့ မသွားစေချင်တာကို ဒီမနက် အတင်းသွားမယ်လုပ်နေလို့ "

" စိတ်ချအန်တီ သူမသွားရဘူး
ကျွန်တော်လည်း မသွားတော့ဘူး "

" ချန်းယောလ်လီ .... "

စောဒကတက်ချင်လို့ မျက်လုံးလေးဝင့်ပြီး ကြည့်လာပေမယ့် ခပ်စူးစူး တစ်ချက်ကြည့်ပေးလိုက်တော့ မျက်နှာလေးငယ်ပြီး ငြိမ်သက်သွားရှာတယ်။   

" အန်တီ သွားစရာရှိရင်သွားနော်။ ကျွန်တော် ဒီနေ့တနေကုန် သူ့ကိုစောင့်ပေးလိုက်မယ် "

" အဲ့လိုပဲလုပ်ရမယ် ချန်းယောလ်ရေ..။ အန်တီလည်း ဆိုင်မသွားရတာ ၃ ရက်ရှိပြီ။ စိတ်ချခဲ့မယ်နော် "

" ဟုတ်ကဲ့ "

" ဟျွန်းနီ .. ချန်းယောလ်ကို နိုင်တယ်ဆိုတိုင်း ဂျစ်မတိုက်နဲ့။ ချန်းယောလ်လီကလည်း ဒီကောင်လေးကို အလိုမလိုက်နဲ့နော်။ နှစ်ယောက်ပေါင်းပြီးတော့လည်း လောင်းမကျော်နဲ့။ စိတ်ချခဲ့မယ် "

နေမကောင်းရင် ချွဲပြီး ဂျစ်တူးကျတတ်တဲ့ ကိုယ့်သားအကြောင်း ကိုယ်သိသလို သားကိုဆို ငုံထားမတတ် သည်းသည်းလှုပ်တဲ့ ချန်းယောလ်အကြောင်းကိုလည်း သိပြီးသားမို့ စိတ်လည်း လုံးဝမချရဲ။ ဒီကောင်လေးချွဲရင် ဘယ်သူခံနိုင်တာမှတ်လို့..။