نوفيلا عاشقان في إسرائيل..{بقلمي مروة ياسر}(مكتملة)

نوفيلا عاشقان في إسرائيل.. 2

{{#نوفيلا_عاشقان_في_إسرائيل}}
#البارت_الثاني

في الجهاز...

كانت أنغام تجلس مع يحيي بعد ان طلبها اللواء بها لمكتبه..

يحيي: قالك ايه؟

أنغام: قالي ان في واحد اسمه مينا هيستناني عند النفق في فلسطين. هو هيتولي مكاني اقامتي.. والتحرك الساعه 10 عشان اوصل هناك علي المعاد..

يحيي: ماشي انا هروح واجيلك..

أنغام: تعالا معايا.. هو مشوار وخلاص..

يحيي: لا

أنغام: عشان خاطري يا يحيي.. وتقنع بابا معايا.

يحيي: اقنعه بحاجه مش مقتنع بيها ازاي..

أنغام: يوووة يا يحيي انت عارف اننا مينفعش نجادل في الاوامر.. تعرف ولا الحوجه ليكي.. هرن بسيف.. بس برضو هتيجي معايا...

لتمسك هاتفها.. وتضغط علي ثم تضعه علي اذنها... وتنتظر الرد..

أنغام: الو يا سيف.
سيف. ايوا يا نغومتي..
أنغام: عايزاك في موضوع يا قلب اختك..
سيف: قلب اختك كمان. وانا اقول بتطمني عليا.. مصلحجيه طول عمرك... قولي عايزة ايه..
أنغام: بص بصراحه كدة. ومن الاخر انا عندي مهمه برا مصر وعايزاك تقنع بابا معايا..
سيف: ماشي نقنعه مع بعض.. بس فين المهمه؟
أنغام: مهمه اةة منا بقولك برا مصر.
سيف: المهمه فين يا أنغام..
أنغام: طب براحه كدة ومن غير ماتتعصب.. المهمه في إسرائيل.
سيف: انتي اتهبلتي يابت..
أنغام: يا سيف عشان خاطري اسمعني.. مهمه زي ايه مهمه وبعدين الموت بيجي في اي الوقت مش بس في إسرائيل.. عشان خاطري انت عارف ان دا حلمي اني اروح مهمه كبيرة زي دي.
سيف: يا حبيبتي انا خايف عليكي..
أنغام: متقلقش والله ان شاء الله هتعدي زي اللي قبلها... هتساعدني..
سيف: ماشي.. انا هروح اهو..
أنغام بفرحه: ربنا يخليك ليا يا سيف.. لتغلق معه..

أنغام: يلا بينا.. وسيب عربيتك هنا وكلم الصيانه تخدها من هنا.. وامشي بعربيتي لغايت بتاعتك متتصلح.. اي خدمه..

يحيي: والمقابل؟

أنغام: هتيجي معايا تقنع بابا..

يحيي: يلا بينا...

أنغام: طب مكنت قولت من الاول.. وانا كنت عطتهالك.. بتاع مصلحتك....ليقهقهوا سويا..... و يخرجوا الي جهتهم...

*******************************************************
في شركه....

كانت أيشا انهت عملها.. وتخرج هي و عمر  من الشركه..

عمر: تعالي اوصلك..

أيشا: لا هاخد ناكسي..

عمر: يا بنتي تعالي هوصلك..

أيشا: عمر قولت لا.. زق عجلك بقي..

عمر: في بنت تقول زق عجلك..