هو الحب

مشهد خاص✨✨

المشهد ده بهدف واحد فقط .. نعرفه اسم أم يامن! 😂😂🤦🏻

_اشتغل بزمه يا استاذ انت وهو !
قالتها تيمه بغلاسه وهي بتاكل الجزرة اللي ف ايدها وبتبص علي يامن اللي بصلها جامد واتكلم بتحذير : لو فتحتي بوقك ده تاني بكلمه هفتح النيش وانتي حره!
بصتله جامد واتكلمت بغضب : ابقي افتحه وانا افتح دماغك!
ساب الطبق اللي كان بيغسله وبصلها جامد وهي كمان .. اتكلم يزيد بزهق : انا عايز اخلص يا عم يامن .. خلص اغسل الكام طبق الباقيين عشان انشفهم وراك واروح انام !
كتمت تميمه ضحكتها واتكلمت بصوت مكتوم : مهو مفيش نوم يا يزيد .. لسه هنسهر مع بعض !
رمي يزيد الفوطه في وشها وهي بصتله بدهشه واتكلم وهو بيمشي : اسهري مع نفسك انتي واختك .. مش حاسه بيا طول النهار تنضيف وغسيل وتقوليلي نسهر كتك القرف يا شيخه !
وقف قدام المطبخ من برا وبص لـ يامن واتكلم : اي هتكمل غسل ولا حاجه!
بص يامن حواليه ولقي فوطه تانيه غسلها كويس بالمايه ومن غير ما يعصرها رماها ف وش تيمه واتكلم وهو بيروح لـ يزيد : روحي الله ينتقم منك !
بصت تيمه للفوطه اللي ف ايدها وبصتله بدهشه وحولت نظرها لـ تميمه وانفجروا في الضحك .. اتكلمت تميمه بضحك : احنا زودنا عليهم اوي!
ضحكت تيمه وهي بتقف قدام الحوض وعصرت الفوطه واتكلمت : تفتكري؟؟
هزت تميمه راسها بتأكيد .. مدت تيمه بإيدها الفوطه لـ تميمه ومسكتها تميمه وبدأوا يكملوا اللي سابوه يزيد ويامن وبعد مده خلصوا  وطلعوا برا لقوا باب الفيلا مفتوح .. طلعوا برا لقوا يزيد ويامن كل واحد قاعد قدام حمام السباحه وبيرشوا علي بعض مايه وبيضحكوا .. بصت كل واحده منهم للثانيه وضحكوا بصمت وكل واحده قربت من جوزها عشان تزقه وقبل ما يعملوا كده لف كل واحد ومسك رجل حبيبته وشدها هي علي المايه وبقوا هما فوق زي ما هما والبنات تحت !
ضحك يزيد ويامن جامد عليهم وهما بينطوا جنبهم وبيساعدوهم يتنفسوا اتكلمت تيمه بغضب ؛ دي حركه تعملوها !
بصلها يامن باستفزاز واتكلم : ماانتوا كنتوا هتعملوا كده !
بصت تميمه لـ يزيد بضيق شديد واتكلمت ؛ مبتعرفش تهزر ابدا !
حضنها يزيد وهو بيتكلم : ازاي بقي يا روحي .. امال اللي حصل ده اسمه ايه ؟مش هزار بردو!
تميمه بضيق : ده انت كنت عايز تخلص مني مش تهزر !
ضحك يزيد عليها ورش عليها مايه ويامن عمل نفس الشئ بصت الاختين لبعضهم وبدون انظار بدأوا يرموا مايه جامد اوي بطريقه عشوائيه ويزيد ويامن بيصدوا علي قد ما يقدروا وصوت الضحك علي في المكان !
قعدوا كلهم حوالين النار بعد ما طلعوا من المايه وكل واحد خد حبيبته في حضنه وقاعدين بيضحكوا .. اتكلمت تيمه : نبتدي سهرتنا بقي .. احنا عندنا مجموعه من الاسئله هنسألها لبعض اكيد .. والشئ الممتع انك مبتكنش مجهز للأسئله بتسألها من غير ترتيب !
يامن بهدوء ؛ وانا موافق .. بس هنختار الاسم عشوائي .. اصبري !
قام من مكانه وغاب شويه وبعدين رجع وف ايده خمس ورقات وقعد جنبها من تاني واتكلم ؛ دول خمس ورقات .. كل ورقه مكتوب عليها اسم واحد مننا !
يزيد باستغراب : بس احنا اربعه يا يامن !
يامن بابتسامه ؛ عارف .. الورقه الخامسه دي مكتوب فيها كلمه شخص .. ودي لازم سؤال بتوجهه لشخص معين من غير ما تحتاج تقول اسمه حتي لو ليك نفسك !
تميمه بإعجاب ؛ حلوه جدا .. تمام نبدأ بـ تيمه !
بصتلها تيمه بضيق وبعدين اتكلمت ؛ ماشي .. هات الورق !
خدت الورق من يامن بدأت تحركه ف ايدها وتوقع ورقه ورقه ع الارض لحد ما فضلت اخر ورقه ف ايدها .. فتحت الورقه واتكلمت بابتسامه : يزيد !
يزيد بمرح : استر يارب
قفلت تيمه الورقه واتكلمت وهي بتبصله : اي اللي خلاك تختار تميمه من بين كل البنات ؟
بصتله تميمه مستنيه رده .. اتكلم يزيد بهدوء ؛ نفس السبب اللي خلا يامن يختارك !
ردت بسرعه ؛ ده مش اجابه سؤالي يا يزيد !
بصلها يزيد جامد للحظات وبعدين اتكلم ؛ معرفش .. شوفتها صدفه في محطة المترو معرفش اي اللي لافت نظري فيها حقيقي .. ولأول مره اعمل حركات المراهقه وراقبتها لحد ما وصلت بيتها عشان اعرف مكانها .. ليه عملت كده مش عارف؟؟ بس بعدها فوقت لنفسي وقررت معملش كده تاني .. بس زي ما تكون بقت لعنه منستهاش ومفتكرش حاجه بعدها غير اني جبت والدتي وروحت اطلب ايدها من غير ما اعرف هي متجوزه ولا لا حتي .. مفكرتش بس اللي اعرفه ان لو كانت متجوزه كنت انا هتدمر .. بس الحظ كرمني واتجوزتها اه مكنش كل حاجه طبيعيه الاول بس دلوقتي انا اسعد واحد بوجودها جمبي !
بصتله تميمه بصدمه من كلامه وحضنته بهدوء وهو بادلها الحضن بابتسامه .. ابتسمت تيمه علي سعاده توأمها واتكلمت بهدوء : عارفه انك بتحبها .. بس كنت عايزه اتطمن علي توأمي متزعلش !
ابتسملها يزيد وحرك راسه بهدوء وبعدت عنه تميمه بأحراج .. اخد يامن من تيمه الورق وهو بتيكلم بمرح ؛ اوعي مده انتي استوليتي ع الورق .. دوري يماما !
ضحكت تيمه وهي بتديه الورق .. حرك الورق ف ايده كذا مره ووقع ورقه ورا الثانيه وفضلت ف ايهد اخر ورقه .. فتحها وهو بيبص فيها واتكلم بابتسامه مستفزه ؛ تميمه هانم !
ضحكت تميمه وهي بتتكلم : انسي اي حاجه بتحصل متطلعش عقد مراتك عليا !
تيمه بتحذير ؛ مااشي يا تميمه ماااشي ؛
اتكلم يامن بزهق : هششش .. عايز اسألها .. تميمه .. شعورك كان ايه لما يزيد اتجوز ولو كان مطلقهاش وحبها كنتي هتعملي ايه؟؟
يزيد بضيق : ليه الاسئله دي يا يامن ؟!
مردش يامن عليه وبص لـ تميمه .. بصت تميمه لـ يامن واتكلمت بنبره غريبه : حسيت كأني خسرت الست اللي ولدتني للمره الثانيه .. حسيت بنفس الوجع لما بابا قالي مليش دعوه بـ تيمه .. حسيت اني فقدت حاجه كبيره اوي يا يامن .. انا حبيت يزيد بالرغم من كل اللي حصل بس حبيته وانه يدخل عليا وهو متجوز ومعاه مراته كان شئ صعب عليا .. ولو كان استمر وحبها ساعتها انا اللي كنت هتدمر لأني مكنتش هحارب .. انا بعترف اني مكنتش هحارب كنت هستسلم للي حصل لأنه هيكون حقه .. معملتش جاجه ساعتها تخلبه يتمسك بيا او حتي بحبي .. بس دلوقتي كل حاجه اتغيرت ولو حصل حاجه زي كده مش هسمحله اصلا هخلص منه وارتاح هيكون اهون !
سكت الكل ومحدش اتكلم .. بص يزيد لـ تميمه وهي كذلك من غير حديث واتكلم بابتسامه ؛ بس انا عمري ما كنت هحب غيرك يا تميمه ولا هحب غيرك !
ابتسمتله بهدوء من غير كلام لأنها عارفه انها لو اتكلمت هتعيط وهي مش عايزه كده خالص او ع الاقل مش ف الوقت الحالي ...
مد يامن ايده لـ يزيد عشان يقطع الصمت ده واتكلم : خد يا جدع هتقعد تسبل كتير مش هنا يا حبيبي!
بص يزيد لـ يامن وقرب منه وهمس بشر : حسابي معاك ع النكد ده بعدين !
ضحك يامن بتوتر ورجع بضهره لورا جنب تيمه وهي بصتله باستغراب بس متكلمتش .. وعمل يزيد نفس الشئ وفتح الورقه الاخيره واتكلم ؛ تيمه !
بصتله تيمه بابتسامه بارده فااتكلم يزيد بابتسامه خبيثه : لو فيه حاجه عايزه تغيرها في حياتك هتبقي ايه؟!
بصتله تيمه جامد وبعدين اتكلمت ببرود ؛ اني مبقاش من العيله دي .. اني مكنش بنتهم دي الحاجه اللي لو اقدر اغيرها هغيرها ومن كل قلبي !
يزيد بهدوء ؛ انتي مش ممكن تسامحي والدتك لو ادتك عذر مقنع !
تيمه بهجوم ؛ ده سؤال تاني بس هجاوبك .. لا مش هسامحها لأن نفيش اي مبرر يخليها تعمل كده .. نفيش اي شئ يخليها تتخلي عن ولادها بمنتهي البساطه وكأننا شئ لا يذكر .. مش هغفرلها طول ماانا عايشه .. كفايه انها حرقت قلب اختي كتير واخرهم المكالمه اللي كلمتهالك !
بصتلها تميمه بصدمه وسألتها : وانتي عرفتي منين؟؟
ضحكت تيمه بسخريه وهي بتفتكر المكالمه اللي جاتلها : ابدا اصلها اتصلت بيا بعدك .. معرفتش تاخد منك لا حق ولا باطل فااتصلت بيا انا وده كان غلطها .. بس متقلقيش هي مش هتفكر تيجي ناحيتنا تاني ابدا !
بصلها يامن بهدوء من غير ما يتكلم لأنه عارف بأمر المكالمه دي .. افتكر حاله تيمه الغريبه ساعتها وبعد وقت طويل حكتله ان مامتها اتصلت بيها .. مسك ايد تيمه بتملك وهي بصتله جامد من غير كلام .. ضحك يامن وهو بيتكلم ؛ جرا اي يا عم يزيد انت عايزني انام برا البيت ولا اي؟!
ضحك يزيد ومد ايده بالورق لـ تميمه وبعد ثواني اتكلمت ؛ يامن .. في سؤال كان في نفس تيمه بقالها مده وانا الصراحه جالي فضول بسببها !
بص يامن لـ تيمه باستغراب وبعدين بص لـ تمبمه واتكلم : سؤال ايه؟!
تميمه وهي بتكتم ابتسامتها : والدتك اسمها ايه؟
صوت ضحك عالي ظهر ف المكان وده كان ضحك يزيد علي السؤال لدرجه انه وقع علي الارض وهو بيضحك واتكلم من وسط ضحكه : قولهم يا يامن !
وكمل ضحك .. بصله يامن بغيظ شديد واتكلم : مفيش سؤال غير ده !
اتعدل يزيد وهو بيسند ع كتف يامن واتكلم ؛ لا والنبي لانت مجاوب .. لازم مراتك تعرف !
بصت كلا من تيمه تميمه لبعضها باستغراب واتكلمت تينه : هو الاسم صعب كده !
اتكلم يامن بعد مده : زبديه!
بصتله تيمه بصدمه من الاسم وتميمه حطتت ايدها علي بوقها وهي بتكتم ضحكتها .. اتكلمت تيمه : قول انك بتهزر !
يامن بضيق : وده شئ ههزر فيه يا تيمه !
ضحكت تيمه جامد عليه واتكلمت وهي بتحاول توقف ضحك : اسفه اسفه بس مقدرتش !
بصلها يامن بضيق واتكلم ؛ مش هنخلص بقي .. غيري الموضوع يا تيمه !
حركت تيمه راسها يإيجاب واخدت الورق من تميمه وحركته وبعد مده اتكلمت : شخص!
يزيد بمرح : ياتري هتوجهي سؤالك لمين !؟
سكتت تيمه وبعدين اتملمت وهي بتبص لـ يامن ؛ هوجه لـ يامن مش محتاجه اداري لأن حتي السةال واضح .. ليه اتجوزتني برغم كل الكلكعه اللي ف حياتي!
بصلها يامن لحظات وبعدين اتكلم بهدوء : يمكن عشان انا كمان حياتي مكلكعه زيك !
تيمه بترقب ؛ بس دي مش اجابتي يا يامن !
يامن ؛ بس دي اجابتي .. انا فالا حياتي كانت مش مظبوطه من غير وجودك .. اهلي متوفين معنديش حد .. وانتي يعتبر زيي .. كنت محتاج لـ حد يفهمني وانتي كنان .. قدرنا نفهم بعض .. قدرتي تنوري الضلمه اللي جوايا !
اتكلم يزيد : لو كانت واحده غير تيمه ع الجزيره كنت هتحبها بردو!
رد يامن بسرعه فجأتهم ؛ لا .. مكنتش هحبها .. تيمه فيها شئ مميز بيجبرك انك تحبها من غير ما تفكر اصلا من غير ما تكون مستوعب .. لو حد تاني كان غيرها استحاله كنت هحبه بس تيمه حسيتها فهماني .. فاهمه اني بهزر عادي بس ساعات بحب الهدوء الهزار ف الوقت ده مينفعش .. فاهماني اكتر من نفسي ومحدش هيقدر يعمل كده غير حد زيك .. حد زيك ف كل حاجه .. عرفت ليه مكنتش هحب حد غير تيمه !
بصله الكل بإعجاب من اجابته وتيمه بصتله جامد اوي من غير ما تتكلم بس نظراتها كانت غانيه عن اي حديث يمكن لو اتكلمت كانت كسرت سحر اللحظه فـ.الحل الافضل انها تسكت وبس !
أخدت تميمه منها الورق فجأه اللي خلاها فاقت ورمتهم ف النار واتكلمت : كده خلص وقت السهر .. مش حاسين ان وراكم مواعين مخلصتش!!
برق كل من يامن ويزيد ووقفوا بسرعه وهما بيجروا وصرخوا : يا ولاد المجانين .. اتقوا الله .. اجري يا مجدي!!
ضحكت كل من تيمه وتميمه جامد علي منظرهم وقربوا من بعض وحضنوا بعض جامد .. حست كل واحده انها بتترفع بعيد عن التاني .. بصوا وراهم لقوا يامن ويزيد كل واحد بيشيل مراته وبيجري ع الفيلا وسط ضحك منهم هم الاربعه وبيتمنوا ان السعاده دي متنتهيش ابدا !

#Nemo