هو الحب

الفصل الثاني

الفصل الثاني

*********

قعدت في وسط المايه و الامواج بتضرب فيها بعنف وبتبص قدامها بتوهان مفقتش غير علي ايد بتتمد قدامها بنص جوزة هند رفعت نظرها له وابتسمت وبعدين اخدته منه

تيمه بمرح : تعرف يا يامن .. جوز الهند ده بقي شبه الفول

يامن بابتسامه غريبه علي كلامها : لي بتقولي كده

تيمه : الواحد طول ما كان في بيته ووسط الناس كان كل يوم فول ودلوقتي لما بقي علي جزيره بقي كل يوم جوز هند لدرجه ان لو ربنا كتبلنا عمر هحرم اكل جوز هند لطول حياتي انا معايا مخزون كافي دلوقتي

ضحك جامد عليها وهي ضحكت معاه وقعد جنبها واتكلم بمشاغبه : بس انتي فيكي شئ غريب يا تيمه .. يعني لو كانت واحده غيرك كانت زمانها دلوقتي هتموت من القرف من نفسها لأنها بنفس الطقم بقالها اسبوعين اهو واكتر

تيمه بعدم اهتمام : دول بنات فاضيه انما انا اصلا قاعده في المايه ولا اكني في جزر المالديف بتسحمي وباكل وبشرب من خير الطبيعه

ضحك عليها وهو بيردف : انتي فظيعه يا تيمه

تيمه : بس هو اصحابك دول مدوروش عليك لي تعتقد!!

يامن : اكيد دوروا بس يأسوا زي ما انتي شايفه الجزيره تخوف فأكيد اعتقدوا ان وحش اكلني ولا حاجه

اتكلمت بهدوء : اقولك علي حاجه ومتزعلش!

بصلها باستغراب واتكلم : قولي!؟

تيمه بصدق : انا مبسوطه عشان انت تايه زيي

يامن بدهشه : مبسوطه عشان انا تايه

هزت راسها بإيجاب : ايوه وجدا .. لأن لو انت مكنتش تايه كان زماني لوحدي علي الجزيره دي

بص ليها بدهشه من كلامها معقول اللي بتتكلم قصاده دي تيمه !

يامن : بس انتي مقولتليش هو اهلك مش زمانهم قلقانين عليكي مثلا

بصت قدامها للبحر بجفاء من غير ما تتكلم وهو احترم سكوتها ده بس هي اتكلمت : انا ماما سابتني من وانا 10 سنين وبابا اتجوز واحده تانيه وهي بصراحه عامله واجبها علي اكمل وجه ضرب واهانه وتهزيق وقدام بابا هي الملاك بجناحين ساعات مكنتش بستحملها فبروح ضربها ماانا كده كده هضرب من بابا يبقي اخد حقي .. اللي ممكن تكون قلقانه بجد هي تميمه

يامن بتساؤل : مين تميمه!؟؟

ابتسمت لدي ذكر اسمها : اختي وتوأمي مع اننا توأم بس مفيش شبه خالص اه نفس اليوم والشهر والتاريخ والساعه بس مفيشش تشابه بالشكل ابدا

يامن : اكيد بتحبي اختك .. اي السؤال الغبي ده هو حد هيكره اخته يعني

تيمه : انا!