#البارت(12) 🌹
#روبنزل المغتصبه
#بقلمى برنسيسN
#لا تنسوا الصلاة على سيدنا محمد وعلى آله وصحبه أجمعين✨❤️
#الايك قبل القراءه و رأيكم في التعليقات بعد القراءه أن شاء الله.....👑❤️
________________________
_______________----
دخلت سيارة مالك السائق يقود و مالك و إياد بالخلف لاحظ مالك انزعاج اياد
مالك : في إيه مبوز و عمال تنفخ إيه اللي معصبك كده؟؟
أياد بغضب : هيكون إيه الهانم بتحب واحد تاني و هو ولا علي باله و بيحب واحده تانيه اقولها بصي حواليكي شوفي يمكن تلاقي حد يحبك ويقدرك تشتغلني وتتلفت حواليها وبعد كده تقولي مش شايفه حد غيره و تسبل بعينيها.... اوف انا عارف ايه اللي حصلي يوم ما أفكر احب احب واحده مش بتحبني
ضحك مالك :ههههه و الله شذي دي طلعت مصيبه
princessN
اياد بنفعال : صدق انا غلطان اني بتكلم معاك بتضحك علي إيه انت دلوقتي
مالك ببتسامه صغيره : علي خيبتك مش عارف تميل دماغها
اياد بضيق : دماغ مين انا مش عايز دماغها انا عايز قلبها الاول وبعد كده احتل كل حواسها
مالك بضحك : ههه حواسها حلوه دي
اياد بغيظ : بتضحك تاني بتستفزني
مالك : خلاص متتعصبش بس هقولك حاجه من كلامها ونظرتها بحس ان عنيها عليك وبالذات لما بتكون مشغول و مش واخد بالك لما بتبص عليها بتعمل نفسها مش واخده بالها وده انا لاحظته كتير
اياد بابتسامه امل : بجد ولا بتشتغلني
مالك : انت حمار هشتغلك ليه
رفع اياد أحدا حاجبيه : بصرف النظر عن حمار دي بس ازاي تكون معجبه بيا و هي بتحب واحد تاني
مالك : معرفش دي بس ممكن تكون بتكذب و مفيش حد تاني
اياد بتفكير : طب وهي هتكذب ليه و تقول ان في حد في حياتها
مالك بتسائل : طب ما انت كذبت وقولتلها ان في واحده في حياتك
اياد بنفي : لا انا مكذبتش انا كان قصدي عليها هي بس محستش ولا فهمت البعيده جبله
مالك بفاذ صبر : ما تصارحها وتجيب من الاخر وهي يا تقبل يا ترفض
princessN
اياد بحزن : كان ممكن قبل ما تقول انها بتحب حد إنما بعد ما قالت كده وكمان بتاكد أنها لسه بتحبه لا مينفعش كرامتي ماتسمحليش أكون احتياطى انا هنساها خلاص
مالك بحيره : بص سيبها للأيام يا تبعدو و تنسى يا يجمعكم القدر وتكملوا سوا
اياد : مش عارف بس الاكيد اني لازم انساها
صمت الاثنين ظل اياد ينظر من خلال زجاج السياره و يتحسر علي حاله ف منذ ان تركها وهو يشعر بغصه داخل قلبه لا يعرف هل أحبها بالفعل ام مجرد فتاه كسرت غروره لتكون اول فتاه لا تراه و تقع في حبه ولكن وجد الإجابه سريعاً لو كانت مجرد فتاه كسرت غروره ل غضب و لكن هو ليس غاضب هو يشعر بألم داخل قلبه حاول التخلص من تلك الأفكار عن رأسه و قرر أن يصبر ويترك الأمر للقدر فلن يحاول أن ينساها و لكن سوف يتجاهلها قليلاً أن لاحظت فهي مهتمه وان لم تلاحظ فسوف ينسحب من حياتها ويخرجها من حياته
YOU ARE READING
رابونزل المغتصبة بقلم/نرمين السعيد
Romantikaحسناءُ باهرةُ المحاسنِ عيبُها أن اكتمال جمالها جبّارُ لمّا بدت هتف الزمانُ مكبراً ثم انحنتْ لجلالها الأزهارُ ورمى الهواءُ المستفزُّ لثامَها فتلألأتْ مِن وجهها الأنوارُ هذ...
