პატარავ, სამოთხე შენს თვალებშია |Completed| (Baby Heaven's in your Eyes)

თავი 23

სკოლის დამთავრების ცერემონიის დღე იყო, როცა ლუიმ გამოცდების შედეგები მიიღო ფოსტით. საუზმობდა, მაგრამ ძლივს ჭამდა, რადგან ძალიან ნერვიულობდა იმაზე, რაც სიტყვით გამოსვლისას უნდა ეთქვა.

მშობლებმა ტელეფონი დაუბრუნეს გამოსაშვების შემდეგ და პირობა დაადებინეს, რომ გამოცდებზე კონცენტრირდებოდა. ლუიც შეპირდა, მაგრამ როგორც კი ოთახში მარტო რჩებოდა, მაშინვე ჰარის სწერდა და რამდენიმე საათით მეცადინეობა საერთოდ ავიწყდებოდა.

ეს კარგი იყო, რადგან ჰარი ავიწყებდა სტრესის მომგვრელ რაღაცეებს, როცა ეს სჭირდებოდა. ჰარი მისი გამოსავალი იყო და ლუი გიჟდებოდა ამაზე. ლუი ჰარიზე გიჟდებოდა და ჰარი ლუიზე.

ესმერალდამ კარზე დაუკაკუნა, თან ხელში კონვერტი ეჭირა. ლუიმ გამოართვა, კარი ჩაკეტა და ჰარის დაურეკა ვიდეოთი, რადგან უნდოდა, რომ მათ ქულები ერთად ენახათ. თუ ჰარი 85-ს ან მეტს აიღებდა, შეეძლო ლონდონის უნივერსიტეტში ესწავლა მათი გეგმის თანახმად. ლუი კი ოქსფორდში ან კინგს კოლეჯში ისწავლიდა.

მშობლებს ოქსფორდი უნდოდათ, მაგრამ ლუი კინგს კოლეჯისკენ უფრო იხრებოდა, რადგან ჰარისთან ის უფრო ახლოს იყო. დამადასტურებელი წერილები ერთი კვირის წინ მიიღო და რომელიმესთვის უნდა დაედასტურებინა.

„ჰეიიიი." უპასუხა ჰარიმ ზარზე. ლუიმ თვალები მოჭუტა.

„ეგ კოსტუმი რაარი შენი კარადის კარზე?"

ჰარის გაეცინა. „ჩემი შეყვარებულის სკოლის დამთავრების ცერემონიისთვის ვემზადები."

„ღმერთო, ჩემო."

„ნერვიულობ?"

„ცოტა. სინამდვილეში, ძალიან." აღიარა ლუიმ და დაჯდა. „შენ ნერვიულობ?"

ორივეს სკოლის დამთავრების ცერემონია დღეს იყო, მაგრამ ჰარისი ორი საათით გვიან.

„მიიღე შედეგები?"

„ხო, ერთად გავხსნათ, ხო?"