مبرر خيانة

حلقة 10🔥

#مبرر_خيانة 🔥

الكَاتِبة هَامِي ❤🌷

‏Part 10

_________                        الزواج💍

من كثر ماااعيطت معش تحملت جسمي فشل واغمى علي....

فتحت عيوني  نشوف روحي في دار سلوى وكان  سراج  واقف وفي ايده  عطر لشممه لي ،،
لاباس عليك العزا واحد ادعيله توا ماينفع شي غير دعاء

نطقتها بصعوبه  وبحرقه..الله يرحمه ويسامحه  ...كيف صار هك لتوا مش مصدقه

ياسين قرب وقعمز على حافة سرير
زي كل يوم وعى من فجر طلع يقيم الصلاه في جامع في اخر سجود ماصبش كانت اخر سجده له في عمره الله يرحمه ويسامحه ... نطقها وصوتها مخنوق  ودموعه نزلن نعرف ياسين قدشنو متعلق بي بوه...

النهاية المثالية لشخص مثالي محب للخير ..عاش طول عمره يعطي ومايستنى في مقابل ...عاش متقى الله في زوجته نذكر كيف كان يعاون فيها وكيف لما تمرض يبدل لصغاره ويغسل ملابسهم  ويطيبلهم ويقريهم ..يفرحها بِ هدية يقدرها قدام الناس بالكلام الطيب ،، ومن عيونه يبان كيف يشوف فيها بحب وحنية ...كان أخ وصديق لي أولاده قبل مايكون اب لهم ...إمام جامع يجمع في صدقات للناس المحتاجه ومصلح إجتماعي يصالح بين الناس ، رغم إنشغاله  عمره مانسانه وكان نعم الأب لينا لو مربونش أهلي لكن رباني هو💔 ... الأبوة والحن والامان عرفناهن معه ، ديما ضحكته والتفأل  على وجه .... لولاك ياعمي صافي كانوا بطلوني من قرايتي وزوجوني ديما واقف  جنبي ومراهن على نجاحي ...سامحني قصرت معاك في اخر ايامك وخذتني  دنيا  ونسيت نفرحك اني تخرجت وبديت نحقق حلمي لساعدتني فيه ومازلت محافظه على ديني ونفسي  برغم لعشته  مجريتش روحي للأنحراف مأساة حياتي قوتني وعلمتني نعتمد على نفسي في كل شئ ...

متأكده لو كنت عايش وشفتني كنت افتخرت بي وبأنك كسبت رهانك علي ... سامحني على كل مشاكل لسببتهن لعيلتك بدون قصد ساااامحني انا والله نحبكم وكل لصار غصب عني💔

______

كان واقف على باب دار لما رفعت عيوني ليدمعن وشفته نزل عيونه .... خشت وحده بطنها قدامه

سراج يبوك برا رجاله ينادوا عليك

سراج ::يلا توا طالع ..

طلع سراج ولحقى يعقوب ...قربت مرت سراج وياسين مزال قاعد

-عظم الله اجركم ..سامحيني مزال ماعزيتش من صدمه كانت قويه علي

مرت سراج .. سندس
اجرنا واجرك على الله ...الله غالب هذا حال الدنيا كلنا لها والله يرحمه  ويسامحه ...

-امين  يارب ...

سندس:: لي زمان عليك براء  وينك

-صارن معانه ظروف والتهينا  في الدنيا  .. نبي نعزي عمتي نوريه وسلوى طلعيني لهن