اتفاقيه زواج

الجزء الثالث

فهم عمر محاولتها لتغيير الموضوع ووقف بضحكه : لا ياستى البسى هدومك و يلا بينا

استمتعو بالمناظر الطبيعيه والاثريه اللى بتشتهر بيها باريس فضلو يتمشو فى الشارع شاف عمر شاب بيغنى ويعزف وقف جنبه وطلب منه الغيتار وبدء عمر العزف وغنى هو الشاب باستمتاع

كانت نور بتراقبهم بدهشه واستمتاع وبدء الناس تكتر حوليهم بعد فتره من اندماج عمر مع الاغنيه لاحظ اختفاء نور بدء يحس بقلق استأذن من الشاب وبدء يدور عليها لمحها وهى بتلعب مع ولد صغير فضل بعيد مسافه بسيطه ملاحظها وبدء يستمع لكلامهم بفضول

(مراحب لانى اكيد مش هكتب فرنسى فالكلام هيكون باللغه العربيه وأى كلام غير المصرى هيكون بالعربيه)

نور بابتسامه حنونه : حسنا صغيرى انا ارغب فى شراء ورده حمراء هل يمكن أن تجلبها لى

الولد بفرحه وحماس : حسنا سوف ابيعها لكى بثمن اقل لانكى لطيفه وسوف ألفها لكى بربطه جميله لأنكى أول ذبونه لى اليوم

وبدءت الدهشه على عمر وهو بيلاحظ ان نور بتحط مبلغ من الفلوس فى كيس الشبسى فى الوقت اللولد مشغول بربط الورده

الولد : تفضلى سيدتى

نور ببسمه وهى بتتمتع بريحه الورده: شكرا لك انت اعطيتها لى بثمن اقل لأننا اصدقاء صحيح

الولد بحرج وهو بيمسك طرف قبعته: ولانكى جميله و لطيفه

مسحت نور على شعر الولد بحنان: إذا سوف اعطيك هذا الكيس هديه لقد سمعت انه يحتوى على هديه ولاكنى لم أجدها خذه ولو وجدتها فهى لك

ضحك الولد بحزن: انا اعرف حظى انه سيئ للغايه بالتأكيد لن أجد الهديه لاكنى سعيد فأنا احب هذا الكيس

ابتسمت نور ووقفت ترجع لمكان عمر بس فاجأها عمر بظهوره المفاجأ

عمر : خفت عليكى لما اختفيتى كده

نور ابتسمت نور وهى بتمشى مع عمر: اسفه لقيت ولد بيبيع ورد وحبيت اشترى منه بس انت صدمتنى انك بتعزف وتغنى

عمر بضحكه وهو بيمشى : ياه اخيرا جه دورك فى برنامج الصدمه بدالى

ضحكت نور قبل ما ترد عليه قاطعها الولد اللحق بيها بسرعه: سيدتى لن تصدقى لقت وجدت الهديه انها نقود كثيره

نور بضحكه : حقا هذا رائع يبدو أن حظك ليس سيئ جدا

ابتسم الولد : سيدتى تفضلى النقود لقد كان الكيس لكى والنقود ايضا لكى

قعدت نور فى مستوى الولد : صغيرى لا يمكن لقد تركت الكيس لك لذا فالنقود هديتك وليست هديتى

رد الولد بفرحه تشوبها الشك: حقا انتى لا تمزحين

ضحكت نور : لا لا امزح

شكرها الولد ومشى وهو بيضحك فرحان

عمر بفضول وهو بيحط أيديه فى جيبه : هو انتى ليه معطتهوش الفلوس من الاول بدال حركت الكيس دى

نور بدهشه : انت عرفت ازاى

حرك عمر كتافاته بعدم اهتمام : شفتك وانتى بتحطى الفلوس فى الكيس

مشت نور مع عمر بهدء وهى حاطه أيديها فى جيوبها ومركزه على الشارع: السبب الاول لأنه اكيد مكنش هيرضى يا خدهم وكان هيكون احراج ليه والسبب التانى انه اكيد مكنش هيفرح بيهم بالشكل ده لو حد اداهمله كأنهم صدقه فانه يفكر انه كسبهم هديه احسن

سكت عمر فتره وتكلم بهمس نادم : آسف كمل وهو ملاحظ علمات التعجب على وش نور كنت فاكر انك إنسانه عديمه اخلاق وكنت كارهك جدا بس من اول مره كلمتك وانا عرفت إنى كنت غلطان

نور ببتسامه : مفيش داعى اسمع بما اننا صحاب فمفيش داعى للإعتذار او الشكر بينا علشان تكون حياتنا مريحه اكتر

ابتسم عمر : صح امتا ناويه تنتظمى فى الكليه
ردت نور بهدء : بعد بكره

وقف عمر عن المشى بدهشة: ليه السرعه دى كمل بضحكه دلوقتى اقتنعت انك مش مصريه فى حد يحب يبدء الدراسه بسرعه

حركت نور رأسها برفض وبضحكه : لا مصريه بس الدراسه بدئت من فتره ولازم الحق الم المحاضرات

عمر : تلمى المحاضرات ناقص تقولى هزاكر ليله الامتحان وانا هبصم انك مصريه

ضحكت : مش لدرجه ليله الامتحان

حرك عمر رأسه برفض وبضحكه عاليه : كل المصريين بيقولو كده بس محدش بيتوب تقدرى تقولى لعنه الفراعنه بقى

فضلو يتكلمو ويضحكو لحد ما وصلو البيت ونامو بعد يوم طويل من الضحك والمتعه بس محدش يعرف ايه الهيحصل بعدين .

رجو تشرفوني بالمتابعة ❤🤗