اتفاقيه زواج

الجزء الثالث

فتح عمر باب الشقه ببتسامه: ودى يا ستى شقتى

تأملت نور الشقه كانت بسيطه بس واضح فيها الفخامه والذوق الراقى شقه صغيره تتكون من ثلاث غرف كل غرفه بحمام خاص وصاله ومضبخ صغير

نور إنبهار : بجد حلوه واحلى ما فيها الديكور البسيط مش مبالغ فيه وبنفس الوقت فخم

كتف عمر ايديه بفخر وببتسامه: على فكره ده تصميمى تابع بسعاده من نظره الدهشه فى عيون نور بصى انا كان حلمى إنى اكون مهندس ديكور بس بابا كان نفسه إنى ادخل إداره اعمال ومكنتش هقدر محققش حلمه

ابتسمت نور وهى بتقعد: فعلا حلو كملت بحماس خلاص ياسيدى لما افتح مكتب هخليك تصممو ليا وومكن اشغلك كمان

فتح عمر عنيه بصدمه : انتى هندسه ديكور

ضحكت نور وهى بتميل بضهرها لورا : يا محاسن الصدف صح

قعد عمر جنبها وببتسامه : بما اننا بقينا صحاب فأنا هعوض اسلوبى السخيف معاكى بفسحه حلوه

اعتدلت نور فى مقعدها بفرحه : اخيرا يا راجل وقفت بحماس هجهز الاكل بسرعه وبعديه نتفق هنروح فين

رمش عمر عينيه بصدمه : انتى بتعرفى تطبخى

ضحكت نور وهى بتمشى للمطبخ : وبعدين فى برنامج الصدمه بتاعك ده

رجع عمر جسمه على المقعد براحه وبسمه

بعد الاكل قعد عمر مع نور وتكلم بجديه : نور احنا لازم نتفق على شكل حياتنا سوا يعنى مثلا مينفعش حد فى الجامعه يعرف اننا متجوزين معظم الجامعه تعرف بعلاقتى بفريده وده يعنى

ابتسمت نور بهدوء وهى بتضرب رأسه بخفه: ا مش قلنا أننا صحاب يقبى مفيش داعى للأعذار بنا انت خايف على مشاعر حبيبتك ومش عايز حد يضايقها بموضوع جوازنا ده أنا بتفهم ده وبحترمه كمان وبعدين فى كل الأحوال احنا هننفصل فمفيش داعى ان حد يعرف

رد عمر بحرج : متفهمنيش غلط بس انا مشفتش حد من عيلتك اللى فى بريطانيا فى الفرح هما رافضين الجواز ولا ايه

زفرت نور بهدوء : محدش حضر الفرح لان محدش منهم يعرف بيه

قاطعها وقوف عمر بصدمه : نعم هو انتى اشتريتى شنطه او فستان من وراهم دى جوازه

زفرت نور بهدوء وهى بتضغط على رأسها بايديها : فاكر الحكمه من ان الإنسان بودنين ولسان واحد

سكت عمر بتعجب وعدم فهم

كملت نور بهدوء وهى. بتشبك أيديها على الطربيزه: انا مش معايا عيله كبيره ذى ما انت فاكر بعد موت خالى الوحيد مراته سافرت هى و أولاده ومفيش اى صله بينا كملت بحسره حاولت تخفيها فى صوتها بعد وفاه جدى مفضليش حد فى بريطانيا علشان يحضر فرحى

قعد عمر بجنبها بحزن : انا آسف

نور بابتسامه : مفيش داعى دلوقتى بعد ما تغدينا انت هتاكل عليا الفسحه ولا ايه