نصف ليله

البارت العاشر

#رواسي الصبر
#نصف ليله

...السلام عليكم ..
سؤال ليش المشاهده كومه والتصويت قليل ليش ..لو بس ترجعون عل الباراتات السابقه وتشوفون شكد مشاهدين اضنكم ..اتوزعون تمن ومركه بثوابي 😂😂ولكم يهل الامروه صوتوو بداعت غواليكم ..

بداعه حارث الي ماشافته عيني ..شلون تحبونه😂😂انتم

طلع بوجهي من الصحيات ....ذبيت الجنطه بلكاع ..جريت الشال ..ذبيته

شافني ..خنزر بوجهي ..عفته ودخلت ..افف هسه دنيه العصر الجو بارد عايف بيتك وجاي ..

طبيت ..لغرفه ..اجت وراي ضحى ..تركض ..هاا مهجه .شو اليوم تاخرتي ..

اشرت عله راسي ..مابيه حيل ..دا انزع بملابسي ..

ضحى صافنه عليه ..

حاجيته فدوه افرشيلي ..تعبانه ..كلش

نزلت افراشي ..لبست ..دشداشه ..قديفه ..نمت ..احس ..نفسي اصخونه مرتفعه ..

كوه اتنفس ..نمت ..كعدت عله صوت حارث ..

كاعد ..يم راسي ..بيبي كاعده عله جربايته ..ضحى واكفه يمه ..

لزم راسي ..شبيج .اليوم ..

غمضت اعيوني ..راسي ..يوجعني ..خليني انام لزمت ايده وخرته ..

ولج اصخونتج نار ..كومي خل نروح ..لمضمد لاتنشمرين ..

كوه احجي ..مابيه ماخذه علاج .الظهر
جرني ..كومني ..صرت اشبه بطفل ..حاضني ..وكفني سندني ..حاجهه ضحى ..لبسيه شال ..هاي بس اضل تنشمر....

لبستني ضحى .وهذا موكفني ..
حارث ..حجيه وين عباتج ..خلي تلبسه ..
حجيت .ماالبس .عبايه ..
صاح لعد شتلبسين ..

حاجيت ضحى ..طلعي جبتي .

خطيه ضحى ..حارت بيني وبين حارث ..كلساع مطلعه شكل ..

لبست الجبه .طلعت وياه لازمني ..كعدت بلصدر ..حتى مابيه حيل اسئله عل ابويه ..

وداني ..لمضمد ..ماراح لمستشفى...انطاني ابر ...ضربتهن .يمه زوجته تضرب ..

طلعت ..اني احس روحي ممتوازانه ..اجه ..لزمني ..السياره ..ماوكفه ..يم العياده ..شارع عام ..صايره العياده ..

لازمني ..حجه ..لج مهجه ..شبيج بس لا راح تودعين .اليوم ..

رفعت اعيوني اله ...لله يسمع منك ..

ههه لج تردين تموتين والسانج .شطوله ..
فتح الباب الي صعدت ..
صعد ساق ..مانحس غير السياره ..انرجت بينه ..يمه شهكت ..حارث ..جلبت بيده..

نزل من السياره وهو المسبه والغلط عله اللسانه ..

عززه اشلون بيه .فتحت باب السياره ..نزلت ..باوعت سياره ورانه ..يبووه ياسر ابن ام يسر..

لازمه حارث من خوانيكه ..هادده الناس ..
فازعتهم ..
اني صافنه عليهم ..

حجيهم بصياح ..غلط حارث عليه ..
مااحس الا طفرت ياسر ..عليه ..انطاه بوكسي للك تغلط عليه ..