نصف ليله

البارت الثاني

#رواسي الصبر
#نصف ليله

..السلام عليكم ..اذا صار تفاعل اكمل نشره ماكوو اقطع النشر علما يصير تفاعل بلقصه ..لان راح اتناول موضوع الجن ...
وبعد محتاجه همتكم وياي ..خبرو اصدقاءكم شاركوو القصه فديتكم لا اضيعون تعبي ..

كعدت عل صوتهم مهوسين ناس تغني ..

افف شكوو منو عرس ..كمزت عزه بس لا عجيزنه عرست ولله كلشي اتوقع ..
اذا هيه حضرت روحه حتى حنه راح تخلي ..

طلعت من الغرفه شعري ضافرته.. ومخربطه كذلتي مهوسه خليته وره اذني ...

طبيت لصاله ..كاعده بيبي ومرت ابوي عباته بصفه  ..واخواتي الصغار كاعد يكدرن بملابس  ..
صفنت عليهم ..

شافتني بيبي حجت ..همزين من كعدتي توج ..وكفت تعاي خل نطلع بلحديقه نحط حنه ..

دخلت نباء لابسه بنطرون وقميص جدد ..حجت ماما لله يخبلن عليه ..هاهيه فيت عليه ..

جاوبته امه ..يمه فدوه لابنيتي طالعه تخبلين ..صدت عل بنته ثانيه ضحى ..وانتي ماما ضحاوي نفنوفج هاهيه ..

اني بس صافنه عليهم شكوو المن مشترين ملابس

*حاجيت بيبي .
شكوو مشترين ملابس  ..

تفتح بكصايبه ..يااه غير طهور ولد حارث باجر ومسوين حنه ..

هاا لعد شوو اني محد مشتريلي ..اشرت عل اخواتي ..لعد مشترين الهن واني محد ..دكيت رجلي
ولله ماعليه اريد ملابس ..

حجت مرت ابوي ..
ولله حبيبه اني مالي دخل افلوس عندي مجمعتهن وجبت الهن ملابس وكوه كفن عندج انطيني اجيب هسه الج ..شالت عباته يله هسه ..

منين اجيب اني ابوك اطلع لشغل ..صديت عل بيبي
وانتي مدجيبين الي ملابس ..استضمت كلش ..

بيبي .حجت .دهر ولج الكنتور متروس ماكافيج كومه عدج ..

ولله ماعليه ..عفتهن واني دموعي تجري ..طلعت لحديقه طبيت بيه رحت لترك ..

امسح بدموعي وادعي عل احقر انسان ..وصلتني لهذا الحال ..
عمري 16سنه عمري هذا كله ماشايفته ابد ولا سائله عني ..

ادري كلبج مايحن عليه مو عدج جهال معقوله ماتذكر من جابتني ..

معقوله ناسيتني وحايره بروحه وبجهاله ..

لا لا خاف رجله ميقبل ..اي ايجوز صدك ..

زين من تجي عل خوالي ليش من تمر ليش من تسأل ..

صاحت بيبي ..مهجه يحبوبه وينج ولج تعاي الليل اجانه وانتي بعدج ..

اوف شوف هاي حايره بلحنه واني حايره اريد ملابس ..

كمت بتذمر اله صحت بصوت عالي ..

مااا مااخلي الج والله ..لواطكين مااخليليج ..
شافتني ..حجت .
عزه كون دهر صابج والخله مجانج ويفكني منج ..
صاحت ..تعالي بت الزفره حطيلي لااجيج الا بلنعال .
ام عيون همين صايره اتحجي ..