نصف ليله

البارت الثالث

#رواسي الصبر
#نصف ليله

انفتح الباب ..طب ابوي ..بلعت ريكي ..وجهه ميبشر بخير.

حجه ..لج متكومين شمنتضره ..حضرتج ..

حجيت ..اني ماروح ..ماعدي ملابس ..

لا ولله ..شوهسه كدامي تكومين تلبسن واذا ماكمتي الا اخذج سحل..

يابه ماريد ولله ماروح ..عنادت ..

اجاني جرني من كصيبتي ..حجه ماترحين موو..

كومني سحل ..لابسه زي الهندي ..طلعني من الغرفه ..الجماهير كله تنتضرني ..بره ..

صاح ..يله اطلعن كدامي اصعدن ..

حجيت يابه ماريد ماروح  ..هيه كوه ..

ضربني عل حلكي ..انلصمي ..جايه تمشي كلمته عليه ماوراي بس بت ..

حاجته مرته ..دعوفه ياكريم ..متريد اتروح لو الا تفضحنه عيب حنه والناس عازمه واحنه رايحين متعاركين ..

صاح بيه ..انتي اسكتي ..بنتي ادربيه ..الناس تحجي ايطبه مرض ..

اخذاني سحل صعدوو شمرني بلسياره  سد الباب واحس اعيونه تريد اطك ..

انوب حته حجاب ملابسه ..بجيت ....شعري كفش المه وراه اذاني ..انوب لابسه ملابس بيت ..

وصلنه لبيت عمي ..نزلو واني ضليت ..كمت ابجي ..يابه عيب ولله شلون انزل ..

نزل ..فتح باب مالتي جرني ..علمود بعد من احد يكلج ..كومي انكلعي ادكومين وانتي المنونه ....طببني من الباب ..

طبيت كومه جهال ..كله مبدله ..طبيت من المطبخ ..مستحيه وادموعي تجري ..

شافتني ..ضمياء .مرت حارث ..حجت ..

ياا مهجه شبيج عزه منو ضاربج ..

بجيت ..استهضمت ..ماجاوبته ..اجتني بنت عمي مزوجه ..فرقد ..
ودتني لسنك اتغسل بوجهي ..وتحجي ..عيب مهجه منا نسوان غربه ..كافي ..لاتبجين ..

حجت ضمياء ..

اوف يمهجه دومج باجيه ومكتوله ..اويلي عله حظج ..

حاجته ..فرقد ..
كافي ضمياء ..خلي الابنيه تسكت لازيدينه ..

اخذتني ..فرقد خلت شال عل راسي نزلته عل اعيوني ..واني الدموع متوكف ..

كرهت .روحي ..احس نفسي اريد اشرد اصيح ..

صعدتني فوك لغرفه اخوه فتحت الباب ..طبينه اباوع الغرفه بيه ملابس البنات  ..

حجت ..كافي يول اعيونج صغرن ..وداعتج هسه الا اغير مزاجج ..

ماحجيت كمت اتنفس سريع مستهضمه كلش ..يمكن لو بذيج لحظه وامي اشوفه ..الا اذبحه اكتله ..اخليه

اذوق من المهانه الي اني بيه ..

حجت ..خلي انزل اجيب مي وكم غرض واجيج ..لزمتني من اخدودي ..وحجت بتوسل ..بداعتي كافي مالي خاطر يمج .مو هذني العيون راحن ..