#انتقام_العسل

الفصل الرابع عشر

#انتقام_العسل

الحلقة الرابعة عشر و الاخيرة

فى غرفة الاستماع كلهم بصوا لبعض و تبادلوا النظر
شهد دمعت بصلها مصطفى بصدقة و شفقة و هشام طبطب على اخته و اومأ لديالا كأنه بيصبرها
و هنا انتطلقت هانيا بفكرتها الملعونة: انا عندى فكرة
الكل بصلها باهتمام
هانيا لمصطفى: تعرف حد فى مكافحة المخدرات
مصطفى: ليه؟
هانيا: اسمع كلامى و اول ما اديك الاوكيه نفذ اللى هقولك عليه
مصطفى بتعجب :حاضر
ديالا: ناوية على ايه يا هانيا
هانيا: بعد ما شهد ركبت الميكروفون فى لبس حسام خطرتلى فكرة
ديالا: ايه ؟
شهد انتبهت
هانيا: احنا دلوقت هنعرف رامز حاطط فلوسكم فين و كدة حقكم وصل لكن حسام هيطلع نفسه زى الشعرة من العجين. صح ولا ايه يا مصطفى؟
مصطفى اومأ بنعم
هانيا: يبقى شهد زى العسولة كدة زى ما عرفت تحط الميكروفون هتحطله مخدرات و وقتها يتعامل بقى
شهد شهقت
ديالا بصت لشهد: هتقدرى
مصطفى: بس كدة خطر
هانيا بعصبية: وهو كدة مش خطر علينا و على كل ست بيقابلها. اللى زى دة عاوز القتل
شهد: عندك حق ( ربنا يستر يا منيلة)
ديالا: يعنى جاهزة يا شهد؟
شهد: اه
هشام:و هتجيبوا المخدرات منين بقى ولا هنسيبكم كدة
هانيا لمصطفى: هو انت مش ظابط . اتصرف
مصطفى: انتى بتهرجى
ديالا: استنوا بس انا عارفة هنتصرف ازاى
مصطفى بغضب: ايه يا ديالا اللى بتقوليه دة
ديالا: بص يا مصطفى هانيا معاها حق كدة قانونا حسام مظلوم و اتنصب عليه من رامز و حقنا مش هيجى
شهد: و ليه تتصرفى احنا نحطله شريط استروكس من اللى بستخدمه مع التيران الهايجة و هو يعتبر ادوية جدول يعنى مخدرات
هشام باعجاب: الله عليك يا استاذ ( عجبتينى يا شهد)
مصطفى: صح هو فعلا ادوية جدول
شهد: يبقى خلاص انا كدوكتورة بيطرية اقدر اسحب منه من اى صيدلية و هعرف احطوله زى ما حطيت الميكروفون
هانيا: وانت بقى يا مصطفى كلملنا حد تبعك فى المخدرات
مصطفى فكر: هكلم رعد ( طلبتيها و نولتيها يا دينا)
هانيا ضيقت عينها
مصطفى: دة من اكفأ ظباط المكافحة عندنا
ديالا: بس استنى ابقى اطلب منه الموضوع دة يبقى بشكل ودى
كلهم بصوا بتعجب و نطقوا: ليه
ديالا: علشان فى الاول اذا معترفش انه نصب علينا يساوموا لو موافقش بالاعتراف يبقى يترزع قضية مخدرات
هشام باعجاب ( داخل الرواية بحالة الاعجاب للكل): الله ينورك عليكى يا رب.
هانيا: يبقى توكلنا على الله
●•●•●•●•●•●•●•●•●•●•●•●••

عند حسام ورامز

رامز: خرجنى من هنا يا حسام
حسام: بشرط
رامز: مش هطلق حد
حسام: ومقلتش تطلق غيرت رايى
رامز: مش همضى وصلات امانة تانى
حسام: و لا دى
رامز بغضب: اومال ايه
حسام: ببساطة تقول الفلوس شيلتها فين اجراءات السفر خلاص و عاوز اسافر و انجز علشان الشغل اللى متعلق برا
رامز بقلة حيلة: وانت توعدنى انك تخرجنى
حسام بمكر: وقتى يا رامز عيب عليك
رامز: و ايه الضمان
حسام: رقية الضمان
رامز:  ومالها رقية
حسام: هصلح كل حاجة بينكم
رامز: و برضو ايه الضمان
حسام: رقية اختى يلا و خايف عليها
رامز: ماشى
حسام: الفلوس فين
رامز بيأس و قلة حيلة: الفلوس هتلاقيها فى شقة امى الله يرحمها فى الصندرة.
حسام ضيق عينه: و لو ملقتهاش؟
رامز: هتلاقيها يا حسام
مصطفى اتحرك بسرعة من تحرياته عن رامز عارف فين مكان شقة امه و فى الطريق كلم رعد (حبيب قلب امك يا رعدود) و اتفق معاه و فهموا القصة كلها و رعد وافق على الرغم انه فيها شئ غير قانونى الا انه وافق علشان يتصدى و يقف ضد اى واحد متسنكح زى حسام
و بعد ما راحوا الشقة و لقوا الفلوس مصطفى فكر بفكرة اخرى و نفذها و بعد ما نفذ خطته ابتسم بنصر: والله تستاهلها يا حسام.
و مشى و ساب الشقة و فى المدة دى حسام اتنازل عن المحضر ضد رامز و خرجوا و اتجهوا للشقة و لقوا الفلوس زى ما هى ابتسم بنصر و اخد الشنط و اتحرك و سابهم فى شنطة العربية و طلع الشقة لقى التلات بنات مستنينه
و اخر ما سيقدمونه له هو
دخل و ابتسم
شهد قامت نطت فى حضنه: حمدالله على سلامتك
ديالا باسته من خدوده: شكلك اتطمنت الحمد لله
هانيا ضمته: طمنا بقى احنا كمان
حسام: الحمد لله يا حبايب قلبى الحمد لله
شهد ضيقت عينها: اومال فين الفلوس عاوزين نطمن
حسام:رامز هيجيبها و يجى
ديالا لنفسها: يبقى مخطط لحاجة يا حسام
شهد لنفسها: اه يا ابن الكلللللللب يا جزمة
هانيا: طب تعالى نتعشى بقى
قعدوا و كلوا و اتبسطوا و سابهم و دخل اوضته و جت لديالا رسالة من مصطفى ( البيه حجز طيارة لبرا البلد للبنان و اكيد من هناك هيسافر لاى بلد اوروبى بس متقلقوش متبينوش حاجة و كملوا خطتكم)
ديالا: تيجوا نحتفل
هانيا: والنبى فكرة
قامت شغلت اغنية عمرو دياب (يوم تلات تلات بنات ندهونى)
و قعدوا يرقصوا
و جه كوبليه: شكلها مؤامرة اعشق السمرا ولا اعشق البيضا ام الخدود حمرا الحياة حلوة ويا ام روح حلوة كلهم حلوين جننونى
و وقتها بالترتيب هانيا ميلت على كتفه الشمال و ديالا على اليمين و ضمته ليها شهد.
بعد ما انتهوا من الحفل ديالا غمزت لشهد و حسام قايم لاوضته بحجة انه ينام
شهد: انت هتنام
حسام: تعبان اوى يا حبيبتى
شهد: مش هتختار واحدة فينا الليلة دى
حسام بابتسامة: اظن انك اطيب واحدة فيهم و على طول مخترانى
شهد بحنية: شفت؟ انا اكتر واحدة بحبك فيهم
حسام ضمها: وانا كمان بحبك اوى

مصطفى بيسمع الكلام و عاوز يقتله بس بيحارب نفسه.

حسام: بس انتى مالك بقيتى حلوة اوى كدة
شهد: علشان انت عينك حلوة
و باسته: و روحك حلوة
و ضمته: و كلك حلو اوى
حسام: ااااه انا لو بايدى اخدك دلوقتى و مسبكيش الا الصبح
شهد: و ايه المانع
حسام بتوتر: ااا ااا رامز رامز هيحيب الحاجة و رقية و هنصالحهم على بعض
شهد: ااااه طب تحب اجهزلك الحمام تاخد شاور
حسام: يا ريت
شهد: و اجهزلك هدومك
حسام: ممماشى
شهد بدلع و بتلعب على ياقة قميصه: تحب تلبس ايه
حسام بتوهان: والله انا لو عليا ملبسش خالص

هشام تجهم وشه و مصطفى بيغلى
هشام: اقفل يا عم
مصطفى: لاااا

شهد بدلع : عيييب ليكونوا واقفين برا
حسام بضحكة رجولية: ماااااشى
شهد غمزتله: خش انت بقى الحمام و انا هوضبلك هدومك
دخل اخد  شاور و هى صممت تلبسه بنفسها و حطت البرشام فى سوستة البنطلون (ابو العربى: السوستة فيها نص كيلو هيروين). لا لا لا خبت البرشام فى هدومه بطريقة متخليهوش يحس انه فيه حاجة و بعد كدة حطتله برشامة فى العصير ( علشان يخرف و ميوعاش لحاجة) و هو دقت الساعة عشرة اتحجج انه هيروح يشوف رقية انها اتأخرت.
راح للعربية حس بدوخة بس تحامل و اتحرك و ساق العربية لطريق المطار كما هو متوقع و كان مجهز الشنط مخبى الفلوس فى جيوب سحرية و دخل المطار و شكله متطوح و فى مرحلة تفتيش الشنط الشرطة وقفته و دخلوه
دخل رعد بهيبته و رعبه و جماله و رقته و خفته ( والله اموت فيه هذا الرعد): شكلك شارب حاجة
حسام: لا لا
رعد: طب نعمل اختبار
حسام بانكار:لا اكيد
رعد غمز لضابط زميله فخرج و هوقرب عليه :شارب ايه يا حسام
حسام المخدر شغال معاه: شارب و لحية
رعد مسكته من رقبته و حدفه على الحيطة و مسكه بعنف ( اسد يلا): انت هتهزر
حسام فتح عينه بدهشة: هو هو فى ايه
رعد فتشه و طلع البرشام: فيه دة يا روح امك
دخل الضابط عليه: الغلوس اللى فى الشنطة مزورة
حسام بدأ يفوق: ايييه
رعد: يعنى تجارة مخدرات و تجارة اموال مزورة
حسام بانكار: لااا للااااا يا ابن الكلب يا رامز
رعد ضيق عينه: رامز؟ دة شريكك؟
حسام: اه
هنيأ لك يا رامز انت كمان ( لولولولولوووى). و الله عليك يا مصطفى انك بدلت الفلوس الاصلية بفلوس مزورة محدش يسأل عمل كدة ازاى دة ظابط فى المخابرات.
رعد اومأ لزميله يخرج: انا نفسى اعمل حاجة فيك
حسام: ايه
رعد: اعلقك من رجليك ( اهو يا دينا رعد هيعلق حسام)
حسام: ليه
رعد: علشان افوقك
رعد علقه من رجله و دخله التلات بنات
شهد: يا قلب امك
حسام: شهد الحقينى يا شهد الحقينى
شهد: لا يا بيبى كان زمان و جبر
حسام: ليه
شهد: من غير ليه اللى زيك مالوش امان
حسام بص برجاء لديالا:ديالا طب انتى
ديالا: اهو انا بقى شايلة و معبية طلعتنى بايرة و مبخلفش و نصبت عليا و لعبت بمشاعرى
حسام: انا اسف
ديالا: طلقنى
هانيا: وانا كمان
شهد: هتطلقنا كلنا يا حسام
حسام: لا
ديالا: مهو مينفعش ابقى على ذمة واحد سوابق
حسام: مش هطلق و هقول انى اتعرضت للعنف و انكوا ضحكتوا عليا
شهد: طزززززز اثبت بقى كدة . هتطلق ولا نرفع عليك قواضى طلاق و نفقة و تتسجن اكتر
حسام: طب هطلقكم و تتنازلوا عن القواضى و تطلعونى
ديالا: اوكى
شهد بصتلها و بتهمس: ايه
ديالا: اسكتى انتى
حسام: انتو طالق كل واحدة فيكم طالق
رعد دخل فكه بناء على رغبتهم و جابه المأذون و طلقهم كلهم منه و فسخوا غقد الجواز العرفى بينه و بين هانيا
حسام: اهو اتطلقتوا اتنازلوا بقى
ديالا: ههههههههههههههههههه و ايه الضمان انت بتكلم خدمة العملا
شهد بانتصار: ههههههه باى باى يا حس حس
ديالا: اممممممم ممكن اوكلك محامى بس تقول ورايا الجملة دى
حسام: ايه
ديالا: انا حس حس بتاع النسوان
حسام: قاطعاها: لا
ديالا غمزتله: معطلكش
سابوه يواجه مصيره و قبضوا على رامز و انتقموا لانوثتهم بطريقتهم و شكروا رعد ( شكرا يا روح قلب سوسو من جوة) و بعد مرور اشهر و متابعة القضية فاق والد شهد من الغيبوبة و تزوجت ديالا من هشام. و لكن لم تتزوج شهد بعد و لم يعترف لها مصطفى قط بحبه لها.
و جه يوم النطق بالحكم حضرن الفتيات و شعرن بانتصار عندما حكم عليه بالسجن خمسة عشر عاما مع الاشغال الشاقة و ذهبوا كل فتاة لحياتها

الخلاصة
يا مآمنة للرجال يا مآمنة للمياة فى الغربال و الله يحرقك يا حسام



اتمنى انها تكون خفيفة عليكم رغم طول مدة نشرها
و استعدوا للعواصف الشتوية
هتبرد هتبرد هتبرد مع الرواية الجديدة