#انتقام_العسل

الفصل الثانى عشر

#انتقام_العسل
#حكايات_ياسو_و_ساسو

الحلقة الثانية عشر
الحلقات من هنا و رايح: يا سوادك يا قرمط

ديالا: بقولك يا حسام
حسام: قولى
ديالا: انت تعرف شركة هانيا المرشدى؟
تغير لون حسام و ابتلع غصته مرات  و رد بتوتر: ااه اعرفها. ليه؟
شهد بصتله و بصت لديالا باستفهام
ديالا: بسألك علشان صحبتى شاهى هتتعاقد معاهم و مش حابة تتعاقد معاك
شهد: شاهى مين؟
ديالا ابتسمت ابتسامة صفرا:  اوعى تكون زعلت
حسام: ازعل ليه اصلا لو حتى كانت طلبت منى شغل انا اليومين دول مريح و مش بقبل شغل جديد
شهد: ليه؟ كدة السوق هيضيع منك
ديالا فى سرها: اخرسى بقى يا بهيمة انتى مش عارفة حاجة
بصتله: بقولك اتطمنت على اختك؟
حسام: ليه يعنى
شهد: صحيح شكلها زعلان اوى
ديالا مثلت التوتر: بصراحة يا حسام و مش هكدب عليك
حسام اتوتر: مالك فى ايه ؟
ديالا: انا قابلت واحدة فى البيوتى سنتر و كانوا الناس بيباركولها على جوازها و كدة و بتوريهم صور فرحها و شفت رامز
حسام بتعجب: نعم؟ شفتيه ازاى؟
ديالا: كان فى الصور هو ال ال
حسام قبل ما تكمل قاطعها: مممن يكون فرح حد صاحبه او قريبه
ديالا بصت للارض: كان العريس يا حسام
تجهم وش حسام و اتردد فى رد فعله: انتى بتهزرى يا ديالا؟
ديالا: ههزر فى حاجة زى دى؟
حسام: يعنى ايه كان هو العريس و البت دى اسمها ايه
ساب الاكل و قام و ديالا بصت لشهد معاتبة ليها مش علشان اللى حصل بينها و بين حسام علشان هى ضعيفة و غبية.
شهد بهمس: انتى متأكدة
ديالا اومأت بجدية
شهد بهمس: انتى كنتى فين
ديالا: هحكيلك بعدين
حسام رايح جاى متعصب: ابن الملب يتجوز على اختى انا
شهد ببلاهة: و فيها ايه يا حسام انت متجوز اتنين
ديالا ضيقت عينها و فى سرها : تلاتة
حسام زعق لشهد: انتى هتهزرى
شهد: انت بتزعقلى ليه ماهو طبيعى يعمل كدة
حسام زقها بعصبية: امشى من وشى
شهد وقعت على الكنبة و عيطت و ديالا قربتلها و ضمتها و همستلها: خلاص يا شهد هانت
●•●•●•●•●•●••••

ومن ناحية اخرى
مصطفى كان بيراقب الوضع بعد ما ديالا بلغته الجديد و شافه و هو بيزق شهد فرمى فنجان القهوة من ايده: ايدك هقطعها يا حسام
و قام و اتصل بهشام عرفه اللى حصل
هشام بعصبية: يعنى ضربها
مصطفى: لا بس زقها بعنف
هشام: وانت شايف انا هتدخل ازاى هقوله شفتك من الكاميرات اللى حطيتها فى بيتك
مصطفى: هو انت بارد كدة ليه
هشام: مصطفففففى
مصطفى: خلاص يا هشام و اتطمن انا مفيش حاجة تجاه اختك و خصوصا بعد اللى عملته امبارح اكدلى انى مهما عملت بنفخ فى اربة مخرومة متقلقش انا بس اتضايقت علشان مد ايده عليها
هشام بلع غصته: طب انا جيلك بس طمنى ايه الجديد
مصطفى: ديالا قالتلتى انها قابلت هانيا المرشدى و عرفت انه خاطبها برضو علنا قدام الناس  لكنهم متجوزين فى السر و بينهم شغل و هتنضملهم هى كمان
هشام: الواد دة مفكر نفسه الستات هتقطع نفسها عليه
مصطفى: دة شكله نصاب محترف يا هشام
هشام : و ديالا كويسة
مصطفى: اعتقد انه ديالا بنت عمى و اختى و اخاف عليها و انت متسألش عنها خصوصا انها متجوزة
هشام: بتردهالى يا مصطفى
مصطفى: لا بفوقك زى ما فوقتنى
هشام: بس ديالا مش زى شهد
مصطفى بلع غصته: تقصد انك متأكد من حب شهد لحسام
هشام: يا عم اهدى وومتعشمش نفسك
مصطفى: انت اللى متعشمش نفسك يا هشام ديالا على زمة واحد تانى و ممكن متطلقش و تطلع بتحبه اكتر من اختك ما بتحبه و دى الحقيقة انها بتحبه اكتر من اختك
هشام: تصدق بالله انتوعيل تافه. سلام
و قفل التيلفون
هشام متضايق: اهدى يا هشام هى اصلا متجوزة.
و مصطفى مخنوق: اهدى يا مصطفى من الاول هى مش ليك.
●•●•●•●•●•
عند ديالا و شهد و حسام
حسام خرج من اوضته بعد ما كان قافل على نفسه و عمال يعمل مكالمات كتير لرامز و رسايل و مردش عليه
حسام: متزعليش يا شهد
شهد ببراءة: مش زعلانة يا حبيبى بس انت هدى نفسك
ديالا: هتعمل ايه
حسام: انا نازل رايح لرقية
ديالا: نيجى معاك؟
حسام: لا لا
شهد: خلاص يا ديالا متضغطيش عليه
حسام: انا اسف اذا اتعصبت عليكم
سابهم و مشى
شهد: براحة شوية يا ديالا هو وضعه صعب
ديالا: انتى مش هتبطلى هبلك دة
شهد ضيقت حواجبها : فى ايه يا ديالا؟
ديالا بصتلها:  فى واحدة تالتة
شهد بصدمة: ايه؟
ديالا: هانيا المرشدى بس دى بقى اتصح مننا لسة مخدش منها فلوس.
شهد: انتى كنتى فين و عرفتى موضوع رامز ازاى و مين هانيا دى
ديالا: امبارح اما كنا عند امه و رقية وريتنا الفيديو اللى على النت و كان فيه بنت معلقة انه خطيبها. بعتت لمصطفى و قدر يعرف مين دى طلع اكونت لهانيا جبنا بيانتها وحددت ميعاد معاها اما رامز بقى كانت صدفة و يا رب ميكونش اللى فى بالى هو اللى حصل
شهد بدموع: يعنى كان بيضحك عليا
ديالا: حسام نصاب. نصاب يا شهد فوقى
شهد: يعنى مش بيحبنا
ديالا غيرت الموضوع: اهدى علشان احكيلك مل حاجة بالتفصيل الممل علشان تقررى هتعملى ايه و علشام لازم نقابل هانيا سوا
شهد حاولت تهدى و ديالا قعدت قدامها: لسة بتحبيه
شهد: مش عارفة يا ديالا انا حاسة انى غبية بس حتى لو لسة بحبه مينفعش . و انتى
سكتت ديالا و اكتفت بدمعة نزلت منها و منطقتش الا: كان عندى امل انه يتغير.
غيرت الموضوع: تشربة قهوة
شهد اومأت بقبول قامت عملت قهوة و قعدوا و ديالا بدأت تحكى::::::
:::::: امبارح بليل واحنا هناك و رقية قالت على موضوع رامز شكيت فيه فبعتت لمصطفى و مصطفى عملت تحريات سريعة و عرف انه كان بيتردد على البيوتى سنتر دة...... . فقررت اروحه الصبح بعد ما عرفت انه مواعيده بدرى اوى يعنى من الساعة ١٠ الصبح و انا هناك جت بنوتة كدة كانت بتشتغل هناك بس اول ما دخلت الموظفين فضلوا يباركولها و قعدت و قالتلهم انها مش جاية بتشتغل جاية المرة دى زبونة و البنات اللى شغالين طلبوا منها توريهم صورها و طبعا المكان كل ستات و كله بيحب يبص و  يعرف فسألتنى اذا كنت حابة اشوف الصور قلتلها اوكيه و شفت الصور و صورة فالتانية الاقيلك رامز باشا هو العريس و صارف و مكلف و مفهم رقية انه بيشتغل

شهد ضحكت باستهتزاء: اتعلم من نسيبه

ديالا: حاولت اضرب معاها صحوبية لحد ما يجى ميعاد هانيا و عرفت مكان بيتها و واخدلها شقة غالية اوى
شهد: ليكون...
ديالا: انا مش شاكة انه حسام كان مخبى عنده فلوسنا انا متأكدة و مصطفى دلوقت بيشتغل على الموضوع دة
شهد عيطت: انا بس اللى غبية و ساذجة و ضعيفة
ديالا غمضت عينها بأسى:  اهدى يا شهد فى حاجات اهم
شهد: طب كملى
ديالا: خلصت البيوتى سنتر و طلعت على شركة هانيا المرشدى للديكور و قابلتها و اول ما شافتنى مانكرتش انها عرفتنى من فيديو الديسكو اللى نزل على النت
شهد: طب هى حلوة
ديالا: قمر يا شهد
شهد: و غنية
ديالا: بقولك صاحبة شركة
شهد: طب اخد فلوس منها
ديالا: اللى فهمته انه فاتحها فى موضوع شراكة بينهم بس هيعمل شركة برا مصر
شهد: يعنى كان هيسافر
ديالا: فى داهية الاهم دلوقت اننا نجيب فلوسنا منه و من رامز
شهد: هو كان هيسافر مع هانيا
ديالا: اللى عرفته منها انه كان هيأسس الشركة و هى هتسافرله بعد ما تصفى هنا و يتجوزوا
شهد: طب قولى بالتفصيل
●•●•●•●•●•●•●●••••

فلاش باك اول ما ديالا وصلت لشركة هانيا
ديالا: عندى ميعاد مع هانيا هانم
السكرتيرة: حضرتك مدام ديالا
ديالا اومأت
السكرتيرة: اتفضلى يا فندم
دخلت ديالا لهانيا لقيتها امرأة فى غاية الجمال يبدوا عليها انها فى اول العقد الثالث من عمرها تتميز ببشرتها الخمرية الداكنة بشعر اسود فحمى و عيون بنيه (مشكلهم يا حسام الله يلعنك)  طويلة كيرفى
قامت هانيا و مدت ايدها: اهلا مدام ديالا
ديالا سلمت بسرعة و خلعت نظارتها الشمسية: اهلا
هانيا: اتفضلى
قعدت ديالا
هانيا: تشربى ايه
ديالا: ولا حاجة
هانيا: لا انتى ضيفتى و دة واجب
ديالا: خلاص قهوة
هانيا للسكرتيرة: اتنين قهوة
بصت لديالا: تحبيها مظبوط؟
اومأت ديالا بسكوت
هانيا: اتنين قهوة مظبوط و خبطى قبل ما تدخلى
خرجت السكرتيرة و هانيا ابتسمتلها: انا عارفة جاية تقابلينى ليه
ديالا: يبقى منوغير لف ولا دوران و لخصى عليا كل الهم دة
هانيا: انا شفت فيديو انتى فيه مع حسام انتى و واحدة تانية صغيرة كدة
ديالا: اه دى مراته التانية
هانيا باندهاش: يعنى دى حقيقة بس عارفة هو مكدبش عليا
ديالا: نعم؟
هانيا: هو قالى انه متجوز فعلا و متجوز اتنين و قالى انه واحدة امه اجبرته عليها و التانية مبتخلفش
ديالا: وانتى اتخطبتيله ليه
هانيا: انا اتجوزته خدى بالك
ديالا بلعت غصتها: يعنى متجوزين
السكرتيرة خبطت و دخلت و حطت القهوة و خرجت هانيا طلعت سيجارة و ولعتها
هانيا: اتجوزنا فى السر من شهرين طبعا دخل عليا بالحب و الحنيه و خصوصا اننا كنا زمايل دفعة واحدة فى الكلية يعنى و كان بينا شد و جذب على طول
ديالا: طب ليه اتجوزتى فى السر
هانيا: طليقى و اهله لو عرفه هيعملولى مشاكل و قلنا هنعلن جوازنا اما نسافر
ديالا: تسافروا
هانيا: اه كنا هنفتح مقر لينا برا
ديالا: استنى استنى هو سحب منك فلوس
هانيا: ليه وانا غبية زيكم
ديالا عقدت حاجبيها: نعم؟
هانيا: انا عارفة من زمان انه مستغل و بعد ما اتجوزته سألت عليكم و عرفت انه كل واحدة فيكم تمتلك من الجمال و المال اللى يحليها ملكة فعرفت خسام جايب الثقة دى منين
ديالا: مواجهتهوش ليه
هانيا حطت وشها فى الارض و بصتلها بأسى: حبيت خداعه ليا حبيت انه حلنجى و بتاع تلات ورقات
ديالا: و طلب منك فلوس
هانيا: كنت بتوهه و فى الاخر اتفقنا نظمج فلوسنا بعد ما نتجوز
ديالا: ليه و مجتيش ليه تقولى لحد فينا
هانيا: قلتلك عجبنى انه حلنجى
ديالا: طب و بعدين
هانيا: ولاةقبلين اتضطرينا نشهر خطوبتنا قصاد المعارف علشان اهلى انا
ديالا: خطبك و انتى مراته
هانيا بنظم: عارفة انه غلطت بس منكرش انه برضو كان بيأثر عليا بطريقة غريبة
ديالا: طب و بعدين
هانيا: ولا قبلين انا كنت بديله مساحته يعمل اللى هو عاوزه
ديالا: طب و فلوسنا متعرفيش عنها حاجة
هانيا: بصى من معرفتى بحسام هو رامز كاتم أسراره
ديالا بحزن: رامز اتجوز على مراته
هانيا: شئ متوقع
ديالا: انا مش عارفة اقولك ايه
هانيا: انا هقولك
ديالا: قولى
هانيا: انا هساعدكم
ديالا: ازاى
هانيا: هتعرفى ازاى
نهاية الفلاش باك المنيل
●•●•●•●•●••
شهد بدموع: و هتساعدنا ازاى دى كمان
الباب خبط و ديالا فتحت
شهد بصت لقت واحدة غريبة
ديالا: دى هانيا
بصت لهانيا: و دى شهد
و اجتمعت ثلاث قطع من السكر
و الله يستر


جزء صغير فضفضة كدة بينى و بينكم و هفضح نفسى
اليومين دول انا نفسيا مش مظبوطة لو سمحت اهدوا عليا و محدش يزعل منى ارجوكم.
و بالنسبة لحسام انا دى الرواية الوحيدة اللى بكتب فيها بصعوبة و مش عارف ليه و مش لاقية سبب مقنع
بجد كذا حد قالى وقفيها وانا مرضتش علشان اللى متابعين احداثها
فنعديها الناس لبعضيها
و هحاول انتظم فى الكتابة يمكن نفسيتى تتعدل
و اسفة على الاطالة