| عشگ المداح | ' باللهجة العراقية '

البارت السابع عشر

#عشگ المداح
#بقلم: الراوية
#البارت السابع عشر

بسم الله ❤
اللهم صلِ على محمد و آل محمد❤

.

ناز..
قبل شهر..

من بعد كلامي وي سيد بالحديقة..اتخذت قراري بدون ما افكر مرتين..اعترافه المبطن بحبه الي
خلاني اوافق بسرعة..
انتظرت للصبح يلا انطيت موافقتي للحجيه..الي حسيت بفرحتها تشع من عيونها..
حظتنتي و گامت تهلهل..التمن البنات و هنّ يتسألن عن السبب و من حچتلهن الحجيه تقدمت فاطمه الي و هي تشبكني و تباركلي..شفت الفرحه طغت عليهن..

ما عدا حنين الي بقت واگفة بمكانها و هي تباوعلي و تخزر بيه..ما اهتميت بيها و تجاهلتها..لأن ما ردت شي يعكرلي فرحتي..

بالليل من اجا عمار و سيد و ياسر فتحت الحجيه الموضوع..اني چنت بالمطبخ گاعده بس تقيه چانت تسمعهم يتحاچون بالموضوع..اجا عمار و طلب من اتصل بعمو..حتى يعرف قراره..

اني دگيت عليه و حچيت وياه شوية و انطيته ل عمار
الي اخذه وراح للصالة...بقيت واگفه بالممر و يمي تقيه الي الضحكه مرسومه على وجهها..رغم توتري الا انو ما گدرت اكتم فرحتي و ساعدتي بهالشي..

ورا دقايق حسيتها طويله..اجت الحجيه و انطتني تلفوني و هي تگول بابتسامه

- عمچ موافق..و ان شاء الله باچر نعقدلكم

ما عرفت شنو اجاوبها..هي باستني من خدي و فاتت و رجعت للصالة..و اني بقيت بمكاني..فجاة حسيت كل معنوياتي هبطت من صار الموضوع صدگ
على غفلة حسيت بخوف تملكني..يمكن چنت فرحاته باعتراف سيد الي..بس نسيت انو الموضوع اكبر من هيچ..و يمكن هو چان شوية مستعجل

ثاني يوم جاب الشيخ..و عقدلنا
بصراحه ما چنت مقتنعه بهذا العقد..بس الحجيه طمنتني انو راح نعقد بالمحكمه هماتين..و شوية اقتنعت..

من انطيت موافقتي..اجيت اتهرب و ما اقابله مثل ما قابلت تقيه سامي..بس ما چان اكو مفر
نادتني الحجيه للصالة..و فتت و اني التوتر مستحلني
گتم عمار و ياسر و باركولي..اما محمد باركلي و طلع..

وگعت عيني على سيد الي گام و هو مبتسم..بادلته الابتسامه بخجل..و فجاة كلهم طلعوا
من توتري طلعت وي الحجيه الي ضحكت و هي ترجعني و تگول

- يمه صار رجلچ‌..ظلي تسولفوا

و سدت الباب وراها..التفتت ل سيد الي گال بضحكه

- اني همين لو بيدي چان انهزمت

- هاا

گام على حيله..و وگف گدامي..و بنبرة خافته گال

- مبروك

- الله يبارك بيك

حچيتها بخفوت..و هو لزم ايدي
و اني گبل سحبتها..و گلت بصوت اشبه بالهمس