| عشگ المداح | ' باللهجة العراقية '

البارت الثالث

#عشگ المداح
#بقلم: الراوية
#البارت الثالث

بسم الله ❤
اللهم صلِ على محمد و آل محمد❤

.

ناز

بالليل ورا العشا چنت گاعده اني و تقيه بالغرفة..هي تباوع على مسلسل متابعته و اني صافنه و افكر..افكر  ببابا و شوكت يرجع
و غيابه كُلش طول..جريت حسرة و اني اسند ظهري على الحايط باوعت ل تقيه الي گامت من مكانها ورا ما واحد من اخونها صاحلها..ثواني و رجعت فاتت
رفعت راسي الها لمن گالت

- سيد يصيحلچ

گمت من مكاني على السريع و گلت بلهفه

- بابا إتصل بيه ؟

رفعت اكتافها بعدم معرفة و رجعت گالت

- ما ادري والله..تعاي انتي هو طلبچ

هزيت راسي ب اي و طلعت وراها..تبطئت خطواتي من دخلت للصاله الچبيره..چان سيد و اخوه الچبير و الحجيه گاعدين..

بللت شفتي و گلت

- مرحبا

- أهلا بيچ خيتي

حچاها الاخ الچبير الي اتذكرت اسمه عمار..باوعت لسيد و گلت بهدوء..

- سيد بابا إتصل ؟

تنهد هو و باوع ل تقيه الي گبل طلعت..انداريت عليها و خفت بصراحه
رغم انو الحجيه چانت موجوده بس خوف انتابني

- لا ما إتصل

خابت آمالي و غورقت عيوني...العبره خنگتني
و شكل الحجيه عرفت شنو الي صار بيه بعد سماعي للخبر

- يمه ناز سيد يريد يسألچ چم سؤال بلچي يگدر يعرف شي عن ابوچ

مسحت عيوني الي غورقت بالدمع و گلت بصوت مخنوگ

- عن شنو

رفع راسه عليه و گال بتساؤل و اني ما باوعتله

- ابوچ لحد هسا ما خابر..الي اريدو منچ تنطيني رقم لأي شخص تعرفينو
اخوچ امچ ..بلچي اگدر من خلالو اعرف خبر عن ابوچ و تتطمنين

وگعت دمعتي و اني اگول و ذكرى اخوية ' سرمد ' تنرسم گدام عيني

- ما عندي اخوان..و ماما مانعينها تحچي ويانا

عگد حاجبه و گال

- ليش ؟

تلبكت و ترددت انو احچي..بس نظراته هو و اخوه و امه عليه خلتني احچي بخوف

- ورا ما صارت المشكله..خوالي اخذوا ماما
و حتى تلفون ما عدها

جرت حسرة الحجيه و هي تگول

- اووف يا يمه والله حالتچ تقهر
زين عندچ رقم ثاني لابوچ

هزيت راسي ب لا..و باوعت للسيد الي رجع گال