ام البنات ج ٢

البارت التاسع

اه ما شاء الله والله هسه سمعت منج
عفيه عليج بنتي
مد ايده بجيبه طلع ضبة ورق
هاج عموو
كلتله لا عمو عدنا خير من الله
اخذي اخذي مني هاي
لا عموو مااريد
فتح ايدها وخلاهن عيب تردين عمج 
وصعد بسيارته وراح
دخلت للبيت
وانفال وراي
شكوو جاي
كتلها طلع امير
اميير وينه وينه
يغسل فوك
صعدت تركض
اووف يربي والله حرت بزماني بيها
احسن شي ازوجها واخلص لان تعبت من المشاكل

انفال شكد فرحت بطلعت
امير الحمد لله من طلع
فتحت ايد بيها فلوس ورق
حسبتهم عشر ورقات
حيل اول مره الزم هيج مبلغ بيدي اول تالي عمي ينطيني فلوس
مااصدك لا ضحك بوجهي الله يهديه علينا
مع ذالك اني مصممة وباقية ع قرار خطوبتي من  اوس  لمصلحة ايهم اكثر مني
فترة وينساني احسن ماالعمر كلة يعيش بمشاكل 
   غيرت ملابسي وضميت الفلوس اسمع صوت امير
طلعت حضنته حبيبي الحمد لله ع السلامة والله فرحت بطلعتك شسويت بينا  ليش هيج
اسف والله بعد مااعيدها
وين مبايلك خل اخابر سولاف ابشرها 

بعد اسبوع

انفال
كاعدين اني واوس
كال انفال ها شوكت نحدد موعد الخطبة
خطبة بس هسه وبعد منخلص دراسة نتزوج بس المهم احجزج الي وكدام كل الناس انتي حبيبتي وخطيبتي
كتلة بكيفك اوس كال هاي الجمعة
بعد يومين
خاف ماالحك
لا تلحكين هي خطبة ع كدنا اني ماعندي اقارب هواي امي وابوي واخاي ماريا
شتكولين
ارجع للبيت واشوف اهلي وارجعلك خبر
درت وجهي صفح اذكرت ايهم جريت حصرة
كال بيج شي احسج مفرحانه
لا بالعكس ليش ماافرح
انفال والله اني حييل فرحان بداخلي هواي معجب بيج صارلي سنتين وياج مشفت مثل اخلاقج انسانه طموحة ومثابرة
ابتسمتله اشكرك وانت هم
كوليها بله رسميات راح تصيرين خطيبتي
ممتعوده عليك بعدني ان شاء الله بمرور الوقت

رجعت للبيت بلغت امي
كالت هذا اخر قرار الج
اي ماما
وابن عمج ايهم
الله يوفقة 
كولي الله يرجعة بالسلامة ويبرد كلب امة
ليش هو وين
ليش متدرين صارله اسبوعين بالموصل وجهازه مغلق واهله ضال بالهم عليه
حتى ابوه داز عليه وسائل وراه
ملاكيله اثر
يااا والله ماادري 
المهم انفال يمةة اذا ع مودي راح توافقين ع هذا
فيابنتي لا تخربين حياتج ع مودي اني اتحمل كولشي
لا ماما اني لعبت نفسي  واوس خوش ولد شخصيته عاجبتني وابن ناس
بكيفج يمةة ادز ع عمج واشوف

حليمة
بالليل دزيت ع عقيل وحجيتله
رفض وماقبل وزيدة مهند تخبل
كتله بس البنية قابله عوفوها تشوف حياتها  بله مشاكل وانتم شفتوا بعينكم سعاد شلون توعدتلي اخاف تسوي شي
عقيل كال شحدها
مهند كال باجر اروح اني اسئل ع ايهم
عقيل كله وين تروح اكسر رجلك غير
معارك بالموصل
هو ابوه يسئل عليه جاي

خوية هسه شنوو
احنه مقابلين
نزلت انفال
كالت عمو هاي حياتي واني اقرر اني موافقة تره عليه وايهم حتى لو امة اجت خطبتني هم مراح اقبل بعد بي
كافي تره احنه مو لهاي الدرجه ماعدنه كرامه
زواجي باوس رد كرامتي اني وامي
فعوفوني ارد كرامتي
صار حجي ومصايح بينهم
تالي كللولها انت مسؤوله عن قرارج
هاي هي براحتج
لزمة مبايلي وخابرت
كلتله اوس اهلي وافقوا ع الجمعة
مهند ضاج وطلع
وطلع وراه عقيل

بيوم الجمعة
رحت للصالون سويت تسريحة بسيطة ومكياج خفيف
ولبست فستان  لون سلفر 
رجعت للبيت
الكل جاي لكيت

جنت امثل  ع نفسي اني فرحانه اني راح اتزوج اوس واحبة اكيد بعد الزواج

سولاف كعدت يمي طالعة تخبلين بس
شويه اضحكي ابتسمي شبيج جنج ميتلج واحد
ابتسمت الها بس كلبي اريد اصرخ
كلبي ابد مرتاح
امير اجه كال اجو
احس تخردلت كمت ارجف
صارت صدك راح انخطب راح اصير لغير ايهم
اذكرت من كلي اموت
وكعت دمعتي مسحتها
لا متموت ان شاء الله
ازمة وتعدي الله يوفقك بحياتك
دخلت امة 
لابسة بنطرون وقميص وخاله شال ع راسها شامرته شمر
واخته ماريا لابسه تنوره قصيرة كولش ومامحجبة
تفاجئت بلبسهم
سلمت وكعدوا
امه كالت ماشاء الله عرف يختار اوس

قروا يمكن الفاتحة
بس مجايبين شيخ يعقد
امي سئلت امه
كالت احنه هاي عوايدنا بس خطبه قراءة سورة فاتحة هسه وعود بالمحكمه تعقد  شيخ
امي كالت الها بس هيج ميصير يكشف عليها ولا تسولف تحجي وياه
كالت همة زملاء صار سنين سوة يحجون ويسولفون ضلت ع هاي الفترة
اي صح زملاء جانوا بس هسه الوضع اختلف عيوني مااظن عمها يرضى
صدك مهند اسمعة طلع
كال جيب سيد  وتعال اعقد
امة كالت منعرف بهاي العادة عدكم جان جبنه ويانه
يله مو مشكله ع باجر ياخذها ويعقدون

راد يطب يلبسني حلقة مقبلوا اله يعقد

طلع وماشافني
ولا جنها خطبة  مااعرف تعرقلت من اول يوم
وللحكاية بقية
ام مصطفى