ام البنات ج ٢

البارت الثامن

ايلاف
بقيت يم امي اهدي بيها بس هي ماسكتت ادك وتبجي ع امير 
لنص الليل يله نامت بس شبعت بجي عليها وع امير عيوني ورمت
جبت بنتي ورجعت للبيت هم مهند كالب علي وصار يومين ميحجي وياي
طبيت للغرفة لكيته يباوع بالمبايل مالته
خليت بنتي بالكاروك
ونزلت جبت حسوني نايم بحضن عمتة منار شلته وصعدت
هم خليته بجربايته
وتمددت ع الجربايه
ذب المبايل من ايده مهند باوعلي شافني باجية
ذب حصرة كال اسف ايلاف جنت منفعل بوكتها ومااعرف شحجي جنت 
هزيت راسي عادي
لا تضوجين ميهون. علي اشوفج مقهورة
اسف حبيبتي لزم ايدي باسها
تعاي لحضني تعاي
والله جانت اعصابي تعبانه هم من ايهم الي لهسة ماعرف وين  صار جهازه مغلق
ومن امير وطلعت الحركة بيج
بوعتله بزعل وقهر
لا يمعودة مااتحمل هاي النظرة 
احسك متغير علي
لا والله مو متغير بس مامرتاح لهاي الوضعية
ليش انفال هيج اتصرفت وي الولد
بعدين شنو هو مسواه الها رفض بنت خالته  وقاطع اهله اجة خطبها وامج رفضت
قبل حتى يكعد وياكم
بعد شيكدر يسوي اكثر احسها تستغله
ومتحبة بكد ميحبها بسرعة باعته
لا بالعكس تحبة والله هواي
بس امه تتقصد تهين امي وتقلل من قيمتها امي متحب المشاكل واحنه هم
ايلاف مو عذر هذا الولد متخبل هسه اذا صارله شي شتكول هي  يعني راح ترتاح وترجع كرامة امج
لا اسم الله ان شاء الله ميصيرله شي
ان شاء الله
تقرب اكثر مني حضني 
واني هم حضنته
احبك مهند
واني هم والله واسف عمري اذا سمعتج ححاية تغثج

مهند ثاني يوم
رحت للمركز وافتهمت من الظابط الي لازم القضيه
انو صاحب الكوفي يتعامل بالحبوب المخدرة وماخذينه هو والعاملين
كتله ابن عمي مصارله اسبوع من اشتغل وياهم وهو طفل ميعرف بهاي السوالف يدور شغل واشتغل
كال لازم ينعرض ع القاضي هو الي يحكم لو برائه لو سجن ست اشهر.

عدل بدل ماكوو كال والله مو بكيفي وكل العاملين راح يتحولون للقضاء عليهم مقاطع فيديو مصورين وهمه يخلون مواد مخدرة بالمعسل

رجعت للبيت مااعرف شسوي وشصرف
حجيت وي ابوي
تخبل كتله انت كول لعمتي مااعرف شكللها اني
ابوي لزم مبايله خابر عمو صبري حجالة القصة
كله اليوم تطلعة انت مو بالدولة تروح للمركز بنفسك لو تخابر عليه
ضل يحجي وميصير هيج سمعتي ومدري شنوو
ابوي ضل يحجي عليه انت متبري من عدنه وانت الجبير شنو ذاب الحمل عليه
كله الله كريم دزولي عنوان المزكز واني اخابر عليه.

ايلاف
سمعت مهند حجة العمي ومتت قهر على امير شسوه بنفسة يربي
طلعة بالسلامة والله امي تموت عليه
وخالتي عايده من تسمع ترجع ع امي
وامير عندة دراسة ثالث متوسط خاف تروح السنه عليه

سولاف
خابرتني ايلاف وحجتلي تخبلت  مخدرات شلون سمعة هاي استحيت حتى احجي لا احسان
الي مااعرف شبي صار اسبوع متخربطة كل احوالة وبس يصفن
واذا دك مبايله يطلع بره يحجي وبعصبيه
احس وراه شي 
كتله احسان رايحه لهلي
شكوو
امي مريضة اشوفها
ها روحي 
اخذت تكسي واجيت لهلي
البيت كئيب صاير انفال حزينه وعازله روحها
وامي تون وتبجي ع امير
ايلاف دزيت عليها  اجت
شنو الاخبار شكال مهند
حجتلي بالي صاير
عززه وهسه شلون
ننتظر عمو صبري بلكت يسوي شي والله كريم

انفال يومين وماكو خبر ع  امير وامي كطعت الاكل والشرب
خالتي عايده خابرت تسئل عليها
كنالها يدرس قربت الامتحانات مكنالها مسجون غير تلعب لعب بامي

امي كالت روحي داومي 
كم يوم ممدامة

صدك داومت
زملائي كلهم تلكوني  وين مختوفية وظل بالنا عليج كتلهم
عندي ظروف والله
اوس جان مجتف وواكف يباوعلي
بعدين اجاني لحمد لله ع ألسلامة
هيج اسوين بيه لا اندل بيتكم لا عندج مبايل اسئل عليج
ليش هيج تسوين بيه متت عليج
ابتسمت اله اسفة اوس بس والله عدنا ضروف بالبيت .شنو خير
مشكله عائلية
يعني الجمعة مااجيب اهلي
لا اجلها من اكولك يله
ها خير ان شاء الله
باوعلي اشتاقيتلج هواي  احس روحي هسه ردت الي
شكرا ودتكت مااعرف ليش اجه ع بالي ايهم
انفال هذا رقم مبايلي خابري من اي واحد علي
اوكي اخذت الرقم
بله اكو وحده لهسه ماعدها مبايل .اي اني ههههه شسوي عقلية اهلي هيج .
الله يساعدج عليهم

يله نروح للمحاضرة يله
وللحكاية بقية ام مصطفى