أحببته في حلمي ⁦❄️⁩ مكتملة⁦❄️⁩

الجزء 4

دينيس: زعما واش مادايرش ليلونتيي??

فهد: لا!! علاش??

دينيس:حيت فايت لي شفت شي واحد بنفس الملامح نفس الشوفات..... غير لون عينيه مختلف على ديالك..

فهد: فين شفتيه??

ترددات فاللول باش تعترف ليه انها شافتو فالحلم و ديما مخسر ليها فياقها مع الصباح....قالت مع راسها اللي ليها ليها و لاحت ليه الجواب باش ما تراجعش...

دينيس:...في الحلم!!

فهد: شرحي ليا مزيان...

دينيس: حتى لغدا نتشاوفو فلافاك و غادي تفهم...مزيااان!!! دابا  نوض تكعد نرجع راه مشا الحال.

ناضوا كيتمشاو بجوج فالطريق ساكتين و كل واحد و فاش كيفكر....وصلات لدارهم و دارت ليه بالسلامة بيديها. حلات الباب و دخلات. لقات السقيل.. مشات للكوزينة خذات ما تاكل و مشات لبيتها. جلسات في الارض و دورات عليها ماكلتها و بدات كترجع بيها الذاكرة  عامين قبل.....

••فلاش باك••

جالسة هي وياه فقهوة و ساهية فيه و فعينيه لي كيحمقوها و هو مدور راسو  كيشوف في البحر و شعرو طاير مع الريح و تفاحة آدم كطلع و كتنزل غير بوحدها.....فيه كل مواصفات فارس أحلامها...العطر العجيب و الفريد من نوعو  لي عمرها شمات بحالو... الشوفات لي كيخليوها تدمنهم... الصوت لي كيخليها تزيد طيح فيه... يديه اللي  لمسة وحدة منهم دوب... عيات تقوي فراسها باش مطيحش فالشباك....قلبها لي شحال حماتو.. جا هو في رمشة عين خدا  عقلها و قلبها....خربق ليها الواقع و الخيال.. . خلط ليها الوعي و اللاوعي... بقات ساهية فيه حتى قفزها!

اسمر: فين مشيتي أ دينيس

دينيس: أ لعار واش ساحر ليا???

اسمر: ههه لا علاش??

دينيس: كل مرة نشوفك نزيد نطيح فيك..

اسمر: ما شتيش أنا راه وليت كندمنك

دينيس: وانا أكتر

اسمر : يلاه نزلو لبحر

دينيس: هي لي ما تعاودش

نزل هو و ياها للبحر و كيتمشاو هي سابقاه و هو تابعها قريب منها... شعرها بدا كيطير و كيغطي ليه عينيه....بحركة خفيفة كيبعدو بحالا خايف عليه يتخسر، جمعو بين يديه و جرها حتى تصاطحات مع صدرو دارت و تلقات عينيها مع عينيه و شدليها شعرها و جمعو مزيان حتى تشد و قرب لحدا  ودنيها 

اسمر: ما بغيت حتى واحد يشوف شعرك كيطير من غيري

بدون أخذ الإذن باسها حدا و دنيها و قرب  لفمها و باسها بوسة جانبية... دينيس تصدمات معمرو زعم عليها بحال هاكدا!!
خدودها ولاو حمرين و حسات بالإحراج... بصعوبة قدرات تحبس الضحكة حيث ما بغاتش تعطيه الفرصة يولي عندو أمل  يزيد يزعم!!!  عقدات حجبانها و جمعات فمها بحال شي طفلة كدليل انها ما راضياش على تصرفو المفاجئ!!! قرب ليها  و عنقها و همس فودنيها.....