....دازت دقائق و هي على هاد الحالة...بعدما جاب ليها السرباي القهوة اللي طلبات بقات شاردة و في عقلها مليون سؤال...البحر بعظمتو و بصوت أمواجو ما قدرش يخرجها من هاذ الوضع و عينين ذاك الولد ما بغاوش افارقوا دهنا....
دينيس: ومالي كدبت؟؟راه يقدر يدرها و يقد بها!!!
اختارت الصمت و تعودات عليه لأنه الوسيلة الوحيدة لتجاهل بلادة الناس و نوع من الجدية لي فرغ شخصيتها... ما كيخلي حتى واحد يزعم عليها و يتجاوز الحدود فالتعامل معاها...عشقها للبحر خلق علاقة غريبة بينها وبينو و ولات كتشوف راسها جزء منو و مراية كتعكس أفكارها...الشاطئ بالنسبة ليها مكان للتركيز و الخروج من دوامة الروتين....كتفضل
العزلة لأنها الحاجة الوحيدة للابتعاد على عالم النفاق و الاستغلال و الخروج من طغيان ديال المادة.... و حب التملك ....و الهضرة القاصحة المجانية.... و اكتشاف عالمك الخاص. الوحدة اللي كيعتبروها بزاف ديال الناس شي حاجة خايبة هي بالنسبة لدينيس افضل علاج للنفس.... و كتخليك تكتشف راسك و موهبتك... تعرفك بقيمتك و علاش قادر.....لأنك كتاخذ وقتك للتأمل و ماشي غادي مبرمج .... كتقوي شخصيتك و ما كتبقاش عبد للسيستيم... كتعمق فخيالك و كتختار الشكل لي بغيتي تمشي بيه لحياتك ..
....في مكان اخر و بالضبط حدا لافاك واقف ولد لابس كلشي كحل و داير القب...ملامحو مابينيناش... واقف بحزم كأنه جماد... بجسدو القوي....عضلاتو المفتولة باينة واخا لابس دجاكيت! ريحة العطر العجيبة زادت من شهامتو و رجولتو....عطر كيثير الانتباه من بعيد!
يدو ليسر في جيب دجاكيت و اليد الأخرى شاد بيها شي حاجة و كارزها بحال شي قبضة... واقف و مركز على الناس لي نازلين من الطوبيس حتى بانت ليه بنت نازلة و شعرها سابقها هازة ساكادو على ظهرها... من حالتها باينة كانت حدا البحر... سروالها عامر بالرملة!! نزلات من طوبيس و وقفات حد واحد الحيط...تحنات و بدات كتسوس الرملة بلا ماتنتابه شكون مقابلها... مشا وقف عليها و حيد القب حتى بان الشعر الحريري الممشوط بعناية و عينيه لي كتلف على القبلة!!!! حسات بوجودو و بلا ما تحاول تعرف شكون تابعات "عملية التنظيف"
الولد :راه مغاديش تحيد هاكدا!!!
مد ليها كلينكس وخذاتو و هي محنية مشغولة بالرملة....
دينيس:شكرا...و لكن راه حتى بكلينكس مغاديش تحيد!
بدات كتحاول تحيد الرملة لي مخلية أثارها بدون نتيجة.
الولد: يمكن.. ماعرفتش!... المهيم بغيتك غير تعاونيني الى كان ممكن!
هزات فيه راسها و عينيها طاحو في عينيه و بحال الى صرفقها شي جن بقات حالة فمها!!! نفس اللمعة!!! عوتاني?? اش هادشي??? تساءلات مع راسها: كيفاش??? هاد الزين كامل جاي يطلب مني المساعدة??? مخلي داك التيتيز كامل و جاي ليا انا??? رمشات عينيها باش تأكد أن هادشي حقيقة...الوالد باقي واقف!!!فاقت من السهوة و سولاتو....
أنت تقرأ
أحببته في حلمي ❄️ مكتملة❄️
الخيال (فانتازيا)❄️مقطع تشويقي❄️ .....برد مختارق أجسامهم لي ملتحمة صدفة....قلبهم كيضرب بشكل مفزع...كيخلي الخوف يسيطر و يلعب بيهم كيف بغى...... كيخلي الكلمات يتبخرو و الاحاسيس يتخباو...كيعطي نوع من الألم إلا أنه غير واضح....عينيه كيبرقو بريق غريب و ضحكتو تحكمات بطر...
