| عشگ المداح | ' باللهجة العراقية '

البارت التاسع

#عشگ المداح
#بقلم: الراوية
#البارت التاسع

بسم الله ❤
اللهم صلِ على محمد و آل محمد❤

.

محمد..

منتچي على باب الحوش و اني احس الدنيا ادور بيه..مادري شصار و شنو گاعد يصير بس دايخ واحس بلعبان نفس

و قطرات الدم احسهن بحلگي و تسيل من گصتي لعيني..جه الموبايل يوگع مني ورا ما اتصلت ب تقيه
اول شخص خطر على بالي..و انو هو يگدر يساعدني

شفتها فتحت باب المطبخ و طلعت منو و هي لابسه بجامة و فانيله مالت النوم..بس شافتني شهگت و لطمت على صدرها و هي تشوف حالتي

جتي يمي بسرعة..و بأخر لحظة جيت اگع لو ما هي تگضبني

و بتعلثم و اني احس بالدوخه گلت

- لورا البيت..لحد يشوفنا

اخذتني للممشى و اني اسمع تولولها و هي تسأل شبيه..بس ما چانت عندي طاقة احچي

گعدتني على الممشى و انتچيت على حايط المطبخ
و گلتلها

- جيبي شاش

- محمد شمسويي

- تقيه مو وكت حچي..روحي جيبي

هزت راسها ب اي..و راحت ركض
لحظات جتي و هي شايله علبة الإسعافات الأولية..طلعت گطن و گعدت تمسح بوجهي..الضو ضرب على وجهها و اني اشوف عيونها المغورگه
رفعت راسها عليه و هي تمسح حاجبي الأيمن

- منوو مسوي بيك هيچ ؟ و شهل الريحه البيك ؟

ما جاوبتها و اني أسند راسي على الحايط و رافعه شوية..و هي كملت تمسح وجهي و كلامها ما بطلتو

خلتلي لاصق على الجرح الي بگصتي و على الي بحاجبي..

وخرت شوية و سدت العلبة و گالت

- محمد شصاير

- ما صار شي

- محمد والله العظيم إذا ما حچيت شكو و منو الي سوه هيچ بيك..الا اروح اگعد امي و عمار و هما يخلونك تحچي

جريت حسرة و اني امسح يم شفتي و گلت

- خلص دورچ..روحي كملي نومتچ الله وياچ

- ما اتحرك من هين خطوة اذا ما حچيت

حچتها بأصرار..و اني دحگتلها بقلة حيله
تنهدت و گلت

- بس أياچ تفكين حلگچ بحچايه

هز راسها ب اي و اني تعدلت بگعدتي و گلت
و عيوني اضيقهن بسبب الصداع الي لازمني

- چنت اتعلل بيت رفيچي..و صارت مشكله بينا و تضاربنا و هاي كل ما في الموضوع

- و شنو هاي الريحه بهدومك

عگدت حاجبي و اني اكمش طرف قميصي و اشتمو..و بداخلي سبيتو ل أكرم
رفعت راسي عليها و گلت