ရွယ်တူ အသက် ၁၁နှစ် ၁၂နှစ်ခန့် အရွယ်ကလေး ၄ ၅ယောက် ရိုက်ပုတ်ထိုးနက်သွားတဲ့ ဒဏ်ကြောင့် တော်တော်နဲ့ ပြန်မထနိုင်သေး ဘဲ အပင်ခြေမှာ လဲလျောင်းရင်း ငိုကြွေးနေတဲ့ ထိုကောင်ကလေးရဲ့ ပုံရိပ်..............
နားထဲပြန်ကြားနေရတာက ဒီမကောင်းဆိုးဝါးစိတ်ကို မွေးမြူမိအောင် ပျိုးထောင်ပေးကြပြီး ခံစားချက်တွေပြည့်နှက်နေတဲ့ နှလုံးသားကို ထုတ်ချင်းပေါက် ပစ်ခတ်ရင်း သေအောင်သတ်သွားတဲ့ စကားလုံး ကျည်ဆံတွေ.......
" ဒီကောင်က တစ်ခါလေး မွေးစားခံလိုက်ရတာကို အဟုတ်မှတ်နေတာ"
" မင်းမွှေခဲ့လို့ မင်းကို ပြန်စွန့်ပစ်လိုက်တာပဲနေမှာ မင်းက တကယ့် နတ်ဆိုးလိုကောင်"
"နာမည်ကလည်းIvan တဲ့ ဟား ဟား ဘယ်တော့မှ မင်းကဘုရားသခင်ရဲ့ ချစ်မြတ်နိုးခြင်းကိုခံရမှာမဟုတ်ဘူး အလကား Satan"
" အလုပ်နဲ့ ကိုယ်ရေးကိုယ်တာကိစ္စတွေဟာ ရောပစ်လိုက်လို့မရဘူးဆိုတာ မင်းကို ခွဲခြားပြီးသိစေချင်တာ"
" ဒီသက်သေပစ္စည်းလေးတစ်ခု စာရွက်ကလေးတစ်ရွက်နဲ့ အကုန်မျက်စိမှိတ် လက်ခံပြီး မင်းပြောသမျှ ယုံပေးလိုက်ရအောင် ဦးနှောက်ပျက်ပြီး ရူးနေတဲ့လူမှ မဟုတ်တာ"
ကြွေမွသွားတဲ့ နှလုံးသားတစ်စုံနဲ့ ရူးသွပ်စွာ ငိုကြွေးခဲ့ရတဲ့ အချိန်တွေရဲ့ ပုံရိပ်တွေဟာ ရုပ်ရှင် ဖလင်လိပ်တွေလို တစ်ဖျက်ဖျက်ကူးပြောင်းပြနေတာကို ပြန်ခံစားနေရင်း မသက်သာတော့တဲ့အဆုံး.........
ကျွန်တော်လည်း ရှေ့ကလဲလျောင်းငိုကြွေးနေတဲ့ ကလေးနဲ့အတူ နားတို့ကိုပိတ်ရင်း အသံကုန်ခြစ်အော်ရတော့သည်.........
ခုလက်ရှိ ဒီနေရာကနေ အမြန်ဆုံးပျောက်ကွယ်သွားချင်တဲ့ စိတ်အစုံတို့နဲ့ပါ.......
စို့နစ် မွန်းကြပ်လာမှုတို့နဲ့အတူ နာကျင်ကြေကွဲစွာ အော်ဟစ်သံတစ်ချို့က ရင်ဝဆောင့်တက်လာရင်း လည်မျိုမှာ တစ်စို့သွားလိုက်တော့ အသက်ရှုနေတာတောင် ကမောက်ကမနဲ့ ရပ်တန့်မလို ဖြစ်သွားရတာကြောင့်နဲ့ အမြန်လန့်နှိုးလာပြီး ထကိုထိုင်ပစ်လိုက်ရပြီ..............
YOU ARE READING
Classic Love 🖤 ❤
Fanfictionစိုက်ခင်းတွေ ပန်းပေါင်းစုံခင်းတွေနဲ့ သဘာဝပတ်ဝန်းကျင်တွေကြားထဲ ယိမ်းနွဲ့ပြီး ကြည်နူးပျော်ရွှင်မှု၊ကြေကွဲဝမ်းနည်းမှု၊လွမ်းဆွတ်တမ်းတမှု စတဲ့ ရသစုံ ခံစားမှုတွေ ပေးကြမယ့် စီးပွားရေး လုပ်ငန်းပိုင်ရှင် ကောင်လေး၂ယောက်အကြောင်း............ See ya gu...
☕ ❤ 💥 Part 23
Start from the beginning