النهاردة هنقدم موضوع للنقاش في شكل "سكريبت" لموقف بيحصل يوميا وهو "قضية التحرش".
مسموح بجميع الاراء في مناقشه موضوعيه هادفه للوصول لحلول للقضية
بقلم/ ابتسام محمود الصيري& سليمة
-ماما انا هنزل الشغل، دعواتك يا ست الكل😌.
= انا بدعي ربنا كل يوم انك تسيبي الشغل ده😞،، ما بلاش الشغل الي بتطلعيله مالفجر ده يا بوسي😣.
-متقلقيش عليا يا قمر انت،سمعيني دعواتك الحلوه ع الصبح😍.
=ربنا يكتبلك في كل خطوة سلامة يا بنتي🙂.
-الله الله ع الدعوات اللى تفتح النفس ع الصبح،😍
هاتي ايدك البركة بقى اما ابوسها😘
= ربنا يرزقك ويفتح ليكي ابواب الخير سامحيني يا بنتي شيلتك همي وانت لسه صغيرة😢.
- والله يا امى النظره في عيونك، و انى اسمع دعوتك ليا ، كل يوم ع الريق عندى بالدنيا😘 ..ولا انتى عايزه تحرميني من جنتك اللى ع الارض يا قمرتي 🥺.
= الدوا غالي يا بنتي وحملك حمل كبير، ومش بتعرفي تجيبي حاجة لنفسك😞.
- و بعدين بقى في الكلام بتاع كل يوم اللى مش ليه لزوم،،😣..مش قولت انا اصلا مش بتعب،، و شغل الخياطه ده ممتع بالنسبه ليا🙂
= تسلمي يا بنتي من كل شر ربنا معاكي🥺.
- ربنا ميحرمني منك ابدا،، يالا سلام يا امي خدى الدوا بتاعك في ميعاده😍.
= ربنا يسهلك. حقول ايه بس ما انت دماغك نشفة زي ابوكي الله يرحمه كان غالي وسترني لحد اخر لحظة في دنيته😔.
- الله يرحمه، اللى خلف مامتش، ولا ايه رأيك يا ست الكل، و ع العموم اهم شئ عندى صحتك،ربنا يباركلي فيكى يا احلى ورده في حياتي🤩.
=ويخليكي لي وميحرمنيش من حنيتك عليا يابتي🙂.
- اللهم امين، انا هقفل الباب خليكى متدفيه💋.
=خدي بالك من نفسك، البسي البالطو بتاعك الجو ساقع 🙂.
- حاضر يا امي 💋
🚶♀️🚶♀️🚶♀️🚶♀️🚶♀️🚶♀️🚶♀️
=النهاردة كام ، لسه باقي ع اول الشهر ١٠ ايام بحالهم ، طب اعمل ايه ياربي الدوا بتاع امي قرب يخلص، يارب قدرني و متحوجش امي لحد ابدا ، دى ياما تعبت عليا عشان تعلمني، يارب خليها ليا ، باركي في عمرها دانا بستمد منها قوتي و عافيتي....🚶♀️🚶♀️😭.
🚶♂️🚶♂️🚶♂️🚶♂️🚶♂️🚶♂️
** صباح العسل يا عسل، هو القمر بيطلع بالصبح يا جدعان😍.
=اوفففففف ،هي كانت ناقصه قرف ع الصبح😔.
** مالك يا قمر ماشية تكلمي نفسك ليه، احنا جدعان ونعجبك، و تحت امرك وفي الخدمة😎.
= مالك ياض يا ملزق ما تقف عوج و اتكلم عدل😡.
**رايحة فين من الفجر كده؟ تيحي اوصلك يا قمر، ولا انت مروحة ولا ايه النظام🤩.
=نظام لما يشيلك من ع وش الارض😳.
**صوتك عسل يا عسل، والله سكر محلي و محطوط ع كريمه😍.
= طب اتجر من قدامي ل العسل يلزقك في بعضك🤬.
**الله الله احنا فينا من ده ولا ايه ؟ بالراحة عليا يا قمر 😈.
=استغفر الله العظيم😬.
** انت العسل اللى عمري ما شوفت عسل زيه، ايه الشياكة دي يا حلويات ما تيجي نتعرف😍.
= و ماله نتعرف،،، منتعرفش ليه🤛🏻🤛🏻🤛🏻🤛🏻.
**ااااي يا بنت اللذينة👿.
=ها لسه عايز تتعرف🤛😒.
** وربنا ما انا عاتقك النهاردة ، عملالي فيها شريفة وانت دايرة تتسرمحي من الفجر🤬.
=يالاااااااهوووي😱،، انت يا حيوان بتقول ايه🤯.
**بقول نجيب اتنين لمون ، ولا تيجي افطرك في احلى كافيه😋.
=الله يطولك يا روح، شكلك راجل سافل و عديم الضمير😤.
**لا معنديش ،مش هتندم يا قمر🤓.
=طب امشي من قدامي ل اصوت و الم عليك الناس😏.
**هاهاهاهاها فين الناس دي؟ طب صوتي عشان اسمع صوتك الحلو ده، ماتيجي معايا😉.
= اوووف ،، لا حول ولا قوه الا بالله العلي العظيم، استهدى بالله ياجدع و امشي من قصادي، خليني اشوف اكل عيشي الله لا يسيئك☹️.
**طب تعالي ناكل عيش سوا، ما تقوليلي اسمك ايه يا حلويات😉.
=لا بقا لا بقا، وربنا كده كتير😖، مبدهاش🏃🏻♀️🏃🏻♀️🏃🏻♀️.
**بتجري مني! يعني هتروحي فين يا لوزه هههههه😂.
= اوعى سبني جاتك القرف 🤼♀️،، انت كمان سكران ع الصبح😟.
** خدي تعالي هنا بقولك، ... يا لهووووي ايه الحلاوة دى يا بت 😍.
= انت ايه يا جدع، مش عندك اخوات بنات🥺.
** معنديش لا خوات بنات ولا صبيان🤩.
=ربنا ينتقم منك، اوعى سيب ايدى، بكره كل اللى بتعمله هتشوفه في مراتك و بناتك،و تبقى تفتكر كلامي☹️.
**لما يبقى في بكرة اصلا خلينا في دلوقتي 🙎🏻♂️.
=طب هه👊🙅🏻♀️.
** ااااااااااه بتزقيني يا بت المجنونة.
تتتتتتخ 🚙🙇🏻♂️
- اااااااه😵
ينزل سائق سياره اخرى🧔🏻
+ لاحول ولا قوه الا بالله، الراجل مات😮.
=🤦🏻♀️ولا ثانيه حتى تلحق تستغفر ربك فيها، اهو مات بيتحرش و سكران😢 ،يا بركة دعواتك يا امي، ربنا ميحرمني من دعوتك ليا ابدا ..الدنيا من غير بركة الام ولا تسوى😍.
"" ليس كل من خرجت من بيتها ودخلت في معركة الحياة العملية واضطرت للعودة لبيتها في اوقات متاخرة تصنف امراة منحرفة هناك بعض النساء من تكافحن لنيل لقمة العيش بسبب غياب السند سواء كان ابا او اخا او زوجا"""
