#شمس الصعيد ٥١&٥٢&٥٣&٥٤&٥٥
الحلقه ٥١
(اللهم اجرنا من النار )
عز : زين انا جهزت حجاتي ومسافر سفاجا . هروح اشوف الارض اللي هنبني عليها المشروع
زين : ربنا معاك توصل بالسلامه . انا كمان هلبس وانزل الشركه
عز : تمام . لو في حاجه اتصل بيا .. سلام
زين : اوك . سلام
ركب عز العربيه وهو سايق شاف جميله . عز ضحك وحب يغلس عليها علشان المره اللي فاتت معرفش يضيقها
هي ماشيه وهو بالعربيه وقف قصادها.
جميله خبطت علي العربيه : اووف مش تحاسب يا اخ انت . هتخبطني بالعربيه . شكلك اهبل ومش عارف تسوق
عز نزل من العربيه . وبصلها من فوق لتحت : هو انتي دايما لسان امك طويل
جميله اتصدمت : انت المجنون بتاع النادي
عز : بردو. شكلك عايزه تتربي
راح شدها من ايديها وركبها العربيه بالعافيه وقفل الباب ولف وركب
جميله بتصوت في العربيه . عز حط ايديه علي بؤقها . وهي عضته
عز : اااه . بطلي جنان . انا ممكن اندمك علي كل اللي عملتيه وطولت لسانك معايا
جميله : متقدرش تعمل حاجه . لاني هصوت والم عليك الناس وهحبسك
عز : الازاز مقفول . وانا هتحرك بالعربيه علي مكان فاضي . واربيكي . وبعدين بص علي جسمها . او هكسرك بمعني تاني
جميله خافت منه ومن نظراته : نزلني لو سمحت ارجوك . انت معندكش اخوات بنات
عز سايق العربيه وهي هتموت من الخوف
عز : لا معنديش
جميله بدموع : بس عندك مامتك . وخالتك وبنت خالتك . لو عملت فيا حاجه ربنا هيردها فيهم
عز واقف من العرببه مره واحده وبصلها وهي خايفه منه وبتعيط جامد
عز كان عايز يخوفها عشان تبطل طولت لسان بس مكنش هيعمل حاجه
جميله بدموع : ربنا شايفك وهينتقم منك
عز بعصبيه ؛ ادائك اووفر اووي . انا مكنتش هلمسك علي فكره . انا متربي. دي قرصه ودان علشان تبطلي تطولي لسانك
جميله بدموعو: اسف . لو شفتك في طريق مش همشي منه . نزلني بقي
عز صعبت عليه : خدي منديل امسحي دموعك . واشربي مياه
جميله : لا مش عايزه حاجه
عز : اووف انتي اهو اللي بتعصبيني . اشربي مياه واسمعي الكلام
(تاليف: ياسمين علاءالدين)
جميله شدت من ايده المياه وشربت بوق ومسحت دموعها بالمنديل
عز : شاطره . قولي بقي رايحه فين اوصلك
جميله : نزلني ارجوك
عز : هنزلك بعد اما اوصلك وبطلي تتكلمي كتير بضايق منك
جميله ؛ رايحه الصيدليه لعبدالرحمن
عز : عنوانها ايه
جميله : في ...... مش بعيد انا هروح لوحدي
عز ساق العربيه ووقف قبل الصيدليه بشويه . هي بتفتح الباب وهو لسه قافله
جميله : افتح الباب
عز : لا
جميله هتعيط تاني ووشها احمر والدموع محبوسه في عنيها
