#شمس الصعيد ٨&٩
الحلقه ٨
❤سبحان الله وبحمده ... سبحان الله العظيم ❤
في دوار عائله الهاشمي
ارتدت شمس جلباب علبه نقوش صعيدي.. كانت تبدو جميله جدا.. وضعت الحجاب علي شعرها وتوجهت لاسفل
كانت ناصره تجلس علي المقعد وهي تقرأ القرآن
رفعت راسها ناصره : ماشاء الله . ربنا يحميكي من العين يا بتي
شمس بابتسامه : شكراً يا عمتو . هو فين فزاع
ناصره : واقف بره مع صقر
شمس : هطلع انادي عليه علشان ياكول قبل اما يبدأ قاعده الصلح
ناصره : اقعدي وابعت البت سعاد
شمس ،: لا هطلع انا اشوفه .
وقفت وخرجت كان فزاع يقف أمام البيت
شمس خرجت إليه و وضعت يدها علي كتفه لينظر لها فزاع .. احمرت عينيه عندما رآها خارج البيت
ترك فزاع صقر وأمسك يد شمس ودخل البيت
فزاع بعصبيه : ايه اللي طلعك كده يا شمس
شمس بعدم فهم : كنت بنادي عليك علشان تاكل . وبعدين انا لبسه الحجاب ، بتتعصب ليه
فزاع : برضو متطلعيش انتي . ابعتي اي حد غيرك . افرضي في رجاله معايا
شمس بزعل : عمتو قالتلي انك واقف مع صقر . ولو كان في حد كنت رجعت
......
ناصره خرجت علي صوت فزاع : حوصل ايه , انت يا فزاع صوتك عالي و متعصب ليه
شمس نظرت له بحزن وصمتت
فزاع يأكلها النظره : مفيش يا حاجه حصل خير
شمس : عن اذنك يا عمتو انا هطلع .
صعدت شمس الي غرفتها وهي حزينه وغاضبه من فزاع وعصبيته الغير مبررة
......
في الاسفل
ناصره نظرت لفزاع بحده وهو فهم انها غاضبه منه
فزاع : هطلع اصالح شمس علشان زعلت
ناصره ابتسمت علي حب ابنها : اطلع . ربنا يبعد عنكم العين ويهديكم
......
فزاع نادي لسعاد وأخبرها أن تجهز الطعام
وتصعد به فوق عند شمس
صعد هو وطرق علي الباب قبل أن يدخل كانت شمس جالسه علي الفراش وتبكي
اقترب منها وجذبها لتقف امامه ومسح دموعها
فزاع بصوت دافي: متطلعيش تاني مره بره البيت
شمس : انا مطلعتش انا كنت بنادي عليك علشان ناكول مع بعض
فزاع : .افهمي . انتي مش قمر لا .ده انتي شمس منوره وطالعه بالحلاوه دي قدام الناس .اعمل ايه بغير عليكي . نفسي اخبيكي جوه قلبي بعيد عن كل العيون ...
