#شمس الصعيد ٤٨&٤٩&٥٠
الحلقه ٤٨
الحمد لله .. الله اكبر
شمس في النادي مع ضحي وقمر . قاعدين بيتكلمو
دخل عليهم عز وزين وزياد
شمس : في حاجه وله ايه . مش مفروض انكم في الشغل
زين : جينا نقعد معاكي
شمس : امممم . طيب اقعدو اما اشوف اخرتها ايه
قاعدو علي الكراسي وزياد قاعد جنب قمر
زياد : الجو زي العسل والله .
قمر : فعلا الجو حلو انهارده
زياد : هو من يوم ماتولد وهو حلو وقمر
قمر وشها احمر وبصت الناحيه التانيه . ضحي عز بيكلمها وزين بيكلم شمس ..
زياد قرب لعز : مش بتعبرني يا زفت اعمل ايه
عز : اوووف عليك . هي اول مره تكلم بنت
زياد : لا . بس هي مطنشاني
عز : هعمل ايه تاني ما انا قاعد واكل ودان خالتك ضحي وزين بيشغل امك هنعملك ايه تاني
زياد : انت هتتعصب عليا . خلاص انا هقوم اجيب حاجه نشربها .
عز : خليك انت انا هقوم
عز قام يجيب حاجه من الكافتيريا . وشايل المشروبات في صينيه . وفجاه خبط في حد والمشروبات وقعت عليه
عز بعصبيه رفع راسه : انتي اتعميتي
البنت : اسفه .غصب عني كنت هقع
عز : اه يا ختي غصب عنك ما انا عرفكم اما تستعبطو ،
البنت : انا اتاسفتلك . بس اظاهر انك عايز تتربي
عز : وانتي بروح امك اللي هتربيني
البنت : اه انا
الناس اتجمعو : خلاص يا كابتن . خلاص يا انسه
عز : محدش ليه دعوه . اما شوف بنت ال***** هتعمل ايه
البنت : يلا يا سافل يا قليل الادب . وقلعت الجزمه
زياد شايف لمه .. قام يشوف لاقي عز الناس ماسكين فيه عشان عايز يضرب البنت
قمر كمان شافتهم وراحت قالت لشمس وزين وضحي كلهم جريو عليه
زين شد عز بعيد عن الناس . وزياد معاه وراحو علي الترابيزه
شمس بخضه : فيك حاجه يا قلبي
عز : لا متخفيش . انا كنت هضرب بنت ال****
شمس : هي الخناقه دي مع بنت
عز : اه . انتي فاكره مع مين
شمس : افتكرتك بتتخانق مع راجل . انت مجنون عايز تضرب بنت
قمر كانت جايه مع البنت
قمر : دي جميله صحبتي يا ماما
جميله : ازيك يا طنط ضحي .. ازيك يا طنط شمس
شمس : ازيك يا جميله
جميله : الحمد لله يا طنط
عز : انتي
جميله بصتله بقرف : اه انا
عز : ايوه انتي جايه ورايا عايز تضربي صح
شمس بحزم : عز .. كفايه
عز : يا ماما
شمس : عز . عيب هتمد ايدك علي بنت
عز : هي دي بنت دي لسانها مترين وس****
شمس : كده كتير اووي . قولت خلاص هتشتم قدامي
زين لعز بهمس: اتلم بقي عيب دي بنت كفايه اللي عملته فيها
زياد : يلا قوم روح انت واخوك .
زين : وانت مش هتروح
زياد : لا انا قاعد هنا الجو لطيف اووي
زين شد عز اللي عينه علي جميله ونفسه يقوم يضربها
عز وزين مشيو
شمس : انت مش هتمشي
زياد : لا انا قاعد . مستني حد جايلي
شمس بصتله وسكتت لانها عارفه انه مستني عبدالرحمن اللي متقدم لقمر
شمس لجميله : ايه اللي حصل مع عز
جميله : ده قليل الادب اووي . مشفش تربيه
قمر : الله يخربيت طولت لسانك عز يبقي ابن خالتو شمس
جميله وشها احمر من الكسوف : والله ياطنط انا معرفش . انا اسفه . اصل هو شتمني
شمس : ولا يهمك هو فعلا عايز يتربي
جميله : اسفه والله
ضحي بتضحك : خلاص ياجميله قولي بس عملك ايه .
جميله : كنت هقع فخبطت في الصينيه اللي عليها العصير وقعت علي التيشرت . اتاسفتله بس هو شتمني
شمس : معلش هو بس بيتعصب بسرعه.
جميله : ولا يهمك ياطنط انا اسفه لو كنت اطولت بالكلام عليه
شمس : انسي الموضوع . ايه اخبار كليتك
