الفصل الثاني والعشرون
اسرعت عتاب ناحية ذلك الرجل الذي لاحظت اختناقه وتعرق وجهه
عتاب : بليز يا جماعة ابعدوا عنه ياريت مساحة علشان يتنفس كويس.. افتح شنطتي يا ركان فيها ابرة وشريط حبوب اسبوسيد.. لو سمحتو بلاش صوت عالي وياريت نهدي شوية
توجهت عتاب بحديثها ناحية المصاب حتي لا يفقد الوعي
عتاب : حضرتك محتاجة منك تساعدني.. في عندك حساسية للاسبرين.. اشار اليها الرجل بالنفي عتاب : تمام...
الاقراص دي هتمضغها.. وحاول تخليك معايا دقايق والاسعاف هيجي
بدأت عتاب بعمل تدليك لصدر المريض فيبدو انه قد اصيب بجلطة قلبية
ركان متحدثاً اليها بخفوت.. خليني انا اعمله التدليك.. حضرتك انا عندي فكرة بالاسعافات الأولية
بالفعل ساعده ركان ودقائق وجاءت الاسعاف وقامت بحمل المريض
توجهت عتاب للحاق بعربة الاسعاف
ركان : وين رايحة.. خلاص الاسعاف اخدته والمشفي بتعمله اللازم
عتاب : لأ انا لازم اطمن عليه.. دي جلطة ولازم تدخل جراحي بسرعه
ركان : اتفضلي هنركب السيارة ونروح وراه.. لما نشوف اخرتها
بعد ان وصلت عتاب الي المشفي.. خرج اليهم أحد الاطباء ليخبرهم ان المريض سوف يخضع لعملية جراحية فقد حدث انسداد بالشريان التاجي تسبب في جلطة قلبية
الطبيب متحدثاً الي عتاب باعجاب واضح : يعود اليكي الفضل في انقاذ حياته.. فيبدو انك ذكية وسريعة التصرف
عتاب متحدثة اليه بهدوء : هذا واجبي كطبيبة.. كذلك ساعدني زوجي كثيراً.. فهو ليه خبرة جيده بالاسعافات الأولية
الطبيب متحدثاً الي ركان : شكراً لك.. واري انك محظوظ بزوجتك
اطمأنت عتاب علي مريضها.. وعادت مع ركان الي الفندق
ركان : بعتقد ان حضرتك زودتيها اليوم.. كان ناقص تعملي للمريض تنفس صناعي وانا واقف
عتاب بتعجب : ركان ياريت تهدي شوية.. انا دكتورة وكنت بحاول انقذ الراجل.. واه صحيح بما انك قلت انك مش بتغير عليا.. ده اسميه ايه شك؟
ركان منفعلاً : متغيريش الموضوع.. انتي لما تكوني معايا بمكان متتحركيش ولا تتكلمي مع حد مفهوم
عتاب : لما حضرتك تحترم وجودي هبقي اعمل زيك
ركان : عتاب اسمعي الكلام احسنلك
عتاب : حاضر يا سي ركان.. كده كويس
امسك ركان زجاجة العطر امامه والقاها بالحائط.. وهو ينظر الي عتاب بغضب
KAMU SEDANG MEMBACA
عتاب عدوية المصري ... للكاتبة نداء علي
Romansaتتمايل علي نغمات الموسيقى تتراقص ببراعة وخفة ينظر الجميع باعجاب ' بتعاطف' برغبة ' بحزن قاتل' بغيرة وندم. فها هي قد حققت وعدها له بان ترقص علي نغمات اغنيتهم المفضلة ؛ تلك الاغنية التي كانت تعبر عن حالة الحب التي عاشاها معا.. واليوم ترقص ولكن في حفل خ...
