جمرة عشك

البارت الخامس

اشمك بيش انتة ياليبست ريتي
تعال اهواك يل بهواك بلكي ترد عافيتي

SarahSarah
ازل . قبل ساعة من الحادث جتي سعدية كالت ولج تعاي رحت وراه كالت اذا سئلج ابوج تكليلة مموافقة وابراهيم كذالك بعدين جيبي تلفونج كتله شسوين بي كالت جيبي كتله يمة عدم ثقتج بيه راح تخسرين الاول وتالي جنت طول عمري اسميج يمه بس هسة لا اختلف الوضع يا مرت ابوية شلت التلفون وركعتة بالكاع وكفت بالمطبخ اطبخ وامسح بدموعي نخلت ايد على حلكي وانسحبت لغرفة الحارس واني ارفس واضرب بس كال اي حركة اكتلج شال ايدة نداريت لكيتة سجاد نصدمت كتلة شلون تسوي هيج كال اش اريد اتفاهم وياج كتله كول اسمعك كال هية كلمة وحدة لو اي لو لا
سجاد. ازل تحبيني لو لا

ازل. ها ضليت افكر بكلام سعدية كتلة لا
هو ضل صافن علية اقسم بالله نظرتة الاخيرة فلا انساه نظرة عتب على حب على قهر
راح بس كال اسف شوفي حياتج
راح لو متت وين اولي شنو اسوي اذا ازوج والله ماريد يصيرلك شي اه محد يعلم بنار كلبي
جا ابراهيم صاح شبيه عيونج كتله مابيه ابراهيم اني ماطلع من البيت لتعب روحك مااخطي خطوة وحدة صعدت افكر الي سويتة صح لعد ضعف امي منين ضلت تسكت خايفة ما له سند واني هم بعد مالي سند سجاد وخسرتة ضليت ابجي احس عيوني غوشت وبلعومي مجرح صارت ساعة سبعة نزلت وريتني لنازلة شفت سجاد شايل جنطة سفر وباس جدة من راسه اني واكفة ابجي خلص خسرتة سلم على فاطمة وابراهيم وامير وابوية وامي وعمي وجدي وصل الية عبرني ومشة اني كمت احس هوى ماكو سعدية كامت تضحك وهية تشوف حالتي كتله مراح اسامحج ابراهيم سمع كال شكو اني صعدة لغرفتي غلق الباب لطمت وكعدت ابجي واصيح اني فكر اني ماستاهل اخذت كلشي مني ربي اخذت امي وهسة سجاد ضليت تقريبا ساعة كمت وكعت اغمى علية
فاطمة . رحنة اني وابراهيم لجلسة تصوير يم البحر اخذنا لقطات تجنن اني استحي هو جريئ اخذ لقطات كاة هو يعلمه وهي تطك رجعنا لكيت سجاد كاعد بالهوال باسني وكال فاطمة اني راح اسافر كتله وين وليش كال التركيا ايفاد ودراسة دمعة عيني كتلة شكد تضل كال ستة اشهر كمت ابجي كتلة يعني حتى لعرسي متجي باسني وكال والله محتاجه هاي رحلة كتله بسلامة ان شاء الله كتلة شوكت تروح كال باجر طيارتي ساعة ٢ ظهر دخلت ازل بس شنو احس عيونه حطك صعدت يمكن مشافتنة دخل ابراهيم يصيح عليه ماكو سمعنا طبكت الباب حيل كل طلع كالوا شكو ابراهيم لتاف على امة كتله ياخبر اليوم بفلوس باجر بلاش اقسم باللة اذا سمعت انتي ورة سالفة لكلب البيت عاليه واطيه صاح خرب عيشتكم حتى بفرحتي متهنيت صعد سجاد صعد وراة واني بدلت ورحت على سجاد ساعدتة ورتبت اغراضة كال تعاي اريد انام بحظنج نام على رجلي حسيت برطوبة شفتة مغمض بس يبجي بدون صوت شوية وانتظم تنفسة ونام طلعت شفت ابراهيم كال شعندج بغرفة سجاد كتلة شنو طابة لغرفة اخوية كال اغار كتله وخر ابراهيم كال شكو شبي كتلة حيسافر هو صفن كال يلة روحي نامي بنيتي وتغطي زين لتبردين رحت لغرفتي نمت كعدة ساعة ستة رحت شفت سجاد ديبدل كمل لتاف علية وباسني وكال ديري بالج على نفسج وعلى ابوية وابراهيم وجدة سمعي كلام بنيتي باسني من راسي وقفل غرفتة وانطاني المفتاح ضميتة ونزلنة كام يودع الكل انتبهة ازل نزلت بس عيونة مورمة مصدومة شفت سجاد عبرهة مسلم علية صارت زركة طلعة همسة ال سجاد كتلة ليش كال احسن سلم وطلع طبيت لكيت ازل ماكو ابراهيم كال عندي شغلة رايد شي كتلة سلامتك كال الله يسلمج ويخليج يا عشكي استحيت باس راسي وطلع ورة ساعة رجع كال ازل منزلت كتلة لا كال مصعدين تشوفية صعدت ادك بالباب ماكو صوت افتح مقفولة نزلت اركض صحت ابراهيم وامير واحمد حاولوا يكسرون الباب منكسرة صاح ابراهيم وخروا جر سلاح من حزام احمد وضرب قفل الباب انفتحت دخلنا شفت ازل وجه دم ومتصحى ابراهيم شالهة ويركض يصيح يا علي دخيلك شفت مرت عمي كامت تلطم ابراهيم صاح وخري بعد نجي والله اذا صار شي اله ال انعل الخلفوكم كام ميعرف شنو يحجي صعدهة وراح لدكتور اني بس ارجف دك تلفوني شفتة سجاد رديت كل مجالي اريد اسوي صوتي طبيعي بس ماكو كال شبيج كتلة مابية بس اكو طلابة بالديوان وصوتهم ارتفع وخفت ادري ممشة علية لان هو فطين مثل جدي سدة واحنة ننتظر اخابر على ابراهيم ميرد يمعود ماكوا
ابراهيم . بعد مكالة ازل انو متريد تطلع شكيت بامي تكون حاجية شي حجيت وتعاركت وياهم صعدت
لكيت فاطمة شاقيت وياه خطية هية شنو ذنبه تنقهر خجلت  كتله شسوين بغرفة سجاد كالت حيسافر فكرة معقولة ازل مقهورة لهذا سبب بس كلت لا رحت لغرفتي ضليت افكر نمت كعدت نزلت ونزلت ازل مصدومة من توديع سجاد اني شكيت انو امي عبره مسلم عليه شفت ازل كوه كامت تجر نفس كالت الامي مراح اسامحج سمعته تاكدة انو امي هية صعدت طلعت ورجعت دزيت فاطمة صاحت مقفولة الباب وماكو صوت ردنة نكسره منكسرة جريت اسلاح احمد اخوية وضربت الباب طبيت وريتني لطاب شفت بنيتي واختي وجه كله دم اكعد بيه ماكو شلته وصحت ياعلي نزلت لكيت امي تبجي وتلطم كتلهم والله بس يصير شي علية اذا ما العن الخلفوكم طلعت شايله صعدتة واصيح بنيتي كعدي ولج بس كولي شبيج ولج والله الدنيا لحركه لاجلج ياعلي دخيلك احضرنا يمكن ردت اسوي حوادث ماعرف شوكت وصلت لمستشفى طبيت صحت الدكاترة اخذوها طلع ها دكتور بشر
دكتور .بالوضع الحالي حالته مستقرة بس ننتظر التحاليل وتصحة
ورة نص ساعة دخل الدكتور
دكتور . سلام شلونج ليش متردين
ازل .اااااااامكدرت انطق ولا كلمة طلع يركض جابوا جهاز كال فتحي حلكج فحصني
دك.تكدرين تحجين
ازل . هزيت براسي لا وبجيت
دكتور. طلعت اخوه جا يركض كال بشر والله يا اخ ابراهيم متعرضة لصدمة وانهيار عصبي ولهذا سبب فقدة القدرة على نطق
ابراهيم . هو كال دكتور انو بعد متحجي مي حار وداروا على راسي وين انطي وجهي دكت فاطمة رديت كتله شكو متكليلي مرديت لتلحين كافي سديتة سويت اوراق خروج  ساعدته تصعد سيارة وهية بس دموع اروحلج فدوة سكتي مسحت دموعه وطلعنا وصلنا لبيت دخلنا ساعدته كله تسئل بيه شلونج هية بس تبجي عطت كتلهم فقدة نطق ارتاحوا خلي تقاليد تفيدتكم شفت امي تبجي اول مرة صحت شكو تبجين بفضلج هية متكدر تحجي ارتاحي بس بعد لا انتي امي ولا اعرفج متبري منج ليوم الدين صعدته ترتاح
سجاد .اخذت ازل وسئلته تحبني كالت لا بس شكيت هية مهدد دخلت حجزت وودعت فاطمة صعدت نمت كعدت بالخمسة عدلت غراضي وبدلت وانزلت شوية وشفت بت كلبي نازلة بس عيون مورمة عبرته مسلمت بس اني ميت عليه طلعت وصلت المطار احس كلبي ديوجعني خاف صاير شي خابرة فاطمة كالت ماكو شي بس صوته بي رجفة سديتة واني اعرف اكو شي بس ممتوقع هذا الخبر.......
مرحبا سنافري شلونكم ان شاء الله بخير
هذا بارت انتظروا بارت جديد اذا صارلي مجال احبكم
دمتم في رعايتة الله

SarahSarah