جمرة عشك

البارت الثاني

لا يعترفان بالحب لكنهما يشعران ان شيئا ما يجري بينهما مذهلا
SarahSarah
الدكتور. والله احنة سوينة الي علينة والباقي على الله ننتظر ٢٤ ساعة اذا صحت تعدت مرحلة الخطر ادعولها
ابراهيم . متحمل اشوف اختي وبنتي بين الحياة والموت شوية وشفت عمي جايب فاطمة طب كتلها فاطمة تعاي اخذتها لحديقة ما بية احد كتله محتاجج كمشت ايدها وكمت ابجي واشهك اسمعها تبجي كالت
فاطمة . معقولة تموت مثل ماما بس هية عندي اختي
ابراهيم . كمت اسكت بيه كتلها ادعيلها
سجاد . اني انتهيت حب حياتي ممكن بلحظة يروح من ايدي مرت ١٢ ساعة وماكو كتلة لدكتور خلي ادخل كوة قبل بس ما طول طبيت شفت الاجهزة كلها على جسمها كتلها ازل حبي اكعدي والله محتاج ما اتخيل حياتي بدونج اموت وراج اذا صارلج شي يطمونة بنفس لتراب احبج اذا تحبيني كعدي كمت ابجي ودموعي تجري على ايدها كامش ايدها عصرت ايدي وكامت تون اني من الفرحة كمت ماعرف بس هية تون ركض صحت الدكتور طلعنا برة واني احمد الله طلع الدكتور كال المريضة تعدت مرحلة الخطر راح نقلها لغرفة ثانية اذا باجر تحاليلها والفحوصات زينة تكدرون تخرجوها اني سجدة شكر طلعوها دخلنة عليه نايمة بس وجها اصفر ضلينة نحجي على خفيف حتى لتنزعج فتحت عيونه جتي عيني بعينها ابتسمت الها كتله الحمد الله على السلامة ابراهيم كام يبوس بيه اني شبيت لستار اغار عليه طلعنا فاطمة باتت يمه واني وابراهيم ضلينة برة ثاني يوم طلعناها جدي ذبح على سلامتها عشر طليان طبينة ساندته فاطمة وابراهيم اشوف مرت عمي ولا جتي ولا اتقربت ابراهيم خزره وطب جدة تبوس بيه وهية ساكتة عينه على امها بس كالت اريد ارتاح طبت مر على عمليتها عشرة ايام تروح لكلية بس متعب روحها جتي عطلت نص السنة اخذها ابراهيم لاربيل سفرة هية وامير بس اني جان عندي شغل فاطمة راحت وياهم اني كلت عود اكمل والحكهم
ازل .من جنت غايبة عن الوعي سمعت كل كلام سجاد بس ماكدر احجي بس من كال احبج ظغطت على ايدة بس مكدرت افتح عيوني طلع دخل دكتور ضل يفحصني اني اتوجع صح مفتحوا صدري بس مكان الصوندات ياذي ضربني مهدء نمت صحيت اسمع اصوات خفيفة فتحت عيوني وجتي عيني بعينة ابتسملي يمة ادفع روحي على الابتسامة جتي فاطمة وابراهيم طلعت كله تتحمدلي ال امي حتى مجني علية صدك انقهرت صعدوني بلغرفة كمت ابجي اني من النوع الي ما طلع صوت من ابجي صعدلي ابراهيم يحجي علية كتلة احلفك بالله والقران تعرف امي ليش متحبني ضل يتهرب كتلة بداعت فاطمة عندك كال من تصيرين زينة اكلج كمت اداوم جتي عطلة نص السنة ابراهيم كال نروح لاربيل رحنة توسلت بعمي يلة رضة ناخذ فطوم اني ردت فاطمة لان كلتلي ابراهيم كاله احبج كتله وانتي كالت احبة بس استحي اكلة طريق طويل حجيت وية ابراهيم ياخذني لدكتور تجميل لان مكان عملية محلو كال بعيني

الكاتبة . برهوم احجي شبيك
ابراهيم .حاضر.طلعنا ازل من المستشفى شفت موقف امي حجيت عليه تكول ماكدر كتله اذا صار ازل شي راح يكون بداية حرب داومت واني بالي كلة يم ازل اروح عليه اشوف نفسيته تعبانة بالعطلة جهزنا انروح لاربيل تفاجئت بفاطمة ويانة وصلنا سجاد ضل يزن براسنا ديرو بالكم اني بس اكمل شغل اجي اذا صار شي كول كتلة سجاد تروح لو ادفرك صعدنا طيارة اني اعرف فاطمة تخاف صارت معقدي يمه ربطوا حزام الامان شفتها وجهة صفر كتلة فاطمة باعي جو شكد حلو قلعنا كامت ترجف همست يم اذانها كتله اني يمج لتخافين ضلت تباوع بعيني والله لو مو العالم جان بستها وصلنا اخذتلها عصير خاف هبط ظغطها وصلنا لفندق غرفنا وحدة كبال لاخ اني سبحت ونمت كعدت ملكيت امير اني من اكعد انسة روحي رحت لغرفة ازل نسيت فاطمة طبيت حتى مدكيت الباب شفت ذيجي الشوفة فاطمة دتمشط الشعر واصل نهاية رجلها اكصر من شعر ازل اني اجيب زيوت وكريمات ازل عناية بشعر اكله انطي لفاطمة هية هم نصدمت كامت دور على حجاب كتله لتغطي خلي حلو اني اتقدم وهية ترجع لي ورة طلع صوتها بي رجفة كالت حرام وكامت تبجي اني طلعت كمت اسب بروحي خوفتها سبحت ودكيت على امير كال جوة كتلة اصعد بعيطة صعد كتلة تبقة يمهن متطلع اني طالع طلعت واني شاب نار ليش خافت مني رحت ادور على دكتور ل ازل اخذة موعد ورجعت اخذتلهم حلويات دخلت الفندق دك امير كال تعال اكل شفناك كتلة ماريد صعدت ورة نص ساعة جا امير كال شكو كتلة ماكو شي خابرة ازل كتله تعاي لغرفتنة جتي كتله على موعد الدكتور ونطيتها لحلويات كتله تحضروا باجر اني منمت ولا دقيقة كعدت امير وخابرات ازل كتله يلة حتى نروح طلعنا واني حتى بوجها مباوعت خجلان حيل اكلنا وطلعنا وصلنا لدكتور فحص ازل كاللها لتخافين كلش بسيطة كله اشتغلها بالعيادة ضل يشتغل اني طلعت شفت ولد كاعد يباوع على فاطمة تالي كله شبي الحلو زعلان كتلة تريد اخربط وجهك ضربتة بوكس فلشت وجها لان العب حديد هو ضربني هم تالي اخذونا الشرطة برة العيادة كتلة تحرش بمرتي طردة اني دخلت لكيته طاكة من بجي كتله سكتي ماكو شي اخذت اكلينس مسحت الدم صاح الدكتور كال كملنة كلش بسيطة نطاها مهدء كال خاف توجعها طلعنا كتلهم يلة لشلالات رحنة كعدنا طلبنا اكل شفتها متاكل واني هم كوة اكل لان حلكي يوجعني غمزت ل ازل تخليه تاكل صدك اكلت لمينة اني انتهي ورة الغدة نمطلت على الفراش سمعت امير اخذ ازل يطكون صور فاطمة بقت يمي اني من النوع الي نومي خفيف ورة دقايق حسيت احد ديبجي ويتلمس شفتي المشكوكة بست اصابيعه هية فزت كتلة الله كامت تبجي كتله شبيج كالت الله عليك لتزعل مني موتني ولتزعل علية حطيت ايدي على حلكها كتله سيرة الموت لتجيبي على لسانج كتله ليش جنتي تبجين هسة من جنت نايم سكتت كتله فاطمة تحبيني ذابتة على الصامت سويت روحي زعلت كمشت تلفوني كمت اخابر صاحبي جذب عود سئلني شبيك كتله رح اموت دزلي رقم رونق صاحبتي اريد احاجيها هو جذب حتى رونق هم ماكو شفتها فتحت عيونها المادري شلون لونهن يجنن وكامت تبجي نهيت المكالمة محجيت شي كالت ابراهيم كتله همممم كالت احبك اني اول بداية مستوعبت كتله ها كالت احبك عوف رونق كتله ولج يا رونق يا خر.....كمت اصيح احبج هيه تضحك كتله اذا اخطبج ترضين سكتت كتله السكوت علامة الرضا ضحكت مادري شنو منتظرنا

فاطمة . هلو اني فطوم اني امي توفت على الولادة طول عمري اتحسر على ام صح ابوية وسجاد اخوية مقصرو بشي بس هم تحس بنقصاني صف سادس حلمي اصير دكتورة حتى مااخلي اي ام تموت وطفلها يتيتم فد يوم ازل بنت عمي تخربطة دخلوها مستشفى شفت ابراهيم يصيح بالبيت اني احب ابراهيم بس ممخلية بالي اعرف ابراهيم يموت على ازل صاحلي كال اريد ملابس ل ازل لان حيدخلوها عملية كام يبجي كال فاطمة احبج اني مثل صنم عاط بية علمود الهدوم نطيتة واسمع صياح رج البيت صار هدوء اني وكعت منا خوفي على ازل ومنا حجي ابراهيم مرت ساعات توسلت بابا ياخذني لمستشفى اخذني لكيت ابراهيم منتهي خفت خاف ماتت كال تعاي لزم ايدي كال محتاجج كتلة راح تموت مثل ماما مو كام هو يواسيني ورة ساعة كالوا صحت شفت لهفتة وضل يبوس بيه يصيحلها بنيتي نمت يمه هو وسجاد ضل برة طلعت اشرب مي شفتة وحدة كتلة اريد مي كال اي طبي ولني اجيبلج شوية ودك الباب نطانياه وطلع خرجناها وداريته اني سجاد ياخذني ويجيبني لمدرسة يكول اخاف عليج داريتها امتحنت كالوا حنروح لاربيل ازل جابت الموافقة من بابا تجهزنة وطلعنا سجاد اخذني محاضرة طويلة صعدنا بالطيارة اني اخاف هو كعد يمي كام يحجي وياية لان اخاف تالي همس بذني اني يمج اني خدرت من قربة رحنة لفندق اخذت شاور ونمت كعدت ازل مو بلغرفة كمت امشط لان نمت بدون مشط انفتح الباب شفت ابراهيم ضل يتقدم واني ارجع كال لتغطين شعرج حلو اني ملتزمة بالحجاب كتله بصوت يرجف حرام وكامت دموعي تنزل هو طلع ورة ربع ساعة جتي ازل كالت ابراهيم صاير عصبي لليل هو ماكو نزلنا امير ناكل شفتة دخل لفندق هسة يلة ارتاحيت بس مقبل يجي صعد احنة كملنة دك على ازل كله تعاي حسيتة زعل مني حتى لغرفة مجى طبت ازل كالت باجر نروح لدكتور تجميل يمكن ساعة يلة نمت صليت وضليت كاعدة بالبلكونة دك على ازل لبسنة وطلعنا هو اعصاب حتى مباوع بوجهي وصلنا لدكتور دخل هو وازل اكو واحد كاعد ويباوع اني نزلت راسي امير منتبه علية طلع ابراهيم بس وكف بعيد كام يشمر حجي لزمة ابراهيم ضربة هو هم ضرب ابراهيم كمت ابجي لان كام يطلع من حلك ابراهيم طلعوهم برة رجع ابراهيم وامير ابراهيم كال كافي بجي سكتت مسح الدم طلعت ازل اخذنا لشلالات تغدينة هو نام اني كمت اتلمس حلك فجئة باس اصبعي اني فزيت كال شبيج كتله لتزعل كال تحبيني سكتت شفتة ضاج طلع تلفونة وراد رقم بنية اني كمت اغار كتلة احبك كال ها كتلة احبك والله بس عوف رونق كام يغلط عليه كام يصيح احبج بصوت عالي اكله اسكت يضحك بس ماعرف هاي الفرحة مدايمة

سجاد.ورة يوم خابرة فاطمة كالت رايحين لدكتور اني خفت كالت لدكتور تجميل ثاني يوم رحت حجزت وطرت اريد اشوف طفلتي رحت بس مفاجئة مكلت لاحد بس شفت هناك شي متوقعة اشوف .....

سنافري اريد تفاعل اشو ماكوا حتى تصويت انتظروا بارت جديد
SarahSarah