جمرة عشك

البارت الاول

ماضل علي بس الجسد
والروحةاخبرك رايحة
وماسامع اغنية عشك
كد ماسمعت النايحة
مربية رش ماي الورد
وابجيلي واقرة الفاتحة
sarahsarah

في محافظة العمارة يسكن فية شيخ عشيرة ...... لكل تهابة وتحسبلة الف حساب كلمتة متصير اثنين شيخ جاسر عندة ولد اثنين وبنات اثنين عندة علي مزوج بنت عمة سعدية وعندة ولد تلاثة وبنية عندة احمد وابراهيم وازل توم وامير
احمد .عمره ٢٧صيدلاني ومزوج من بنت عمتة عن حب زهراء مكملة معهد تقنيات طبية وعندهم بنوتة اسمه عسل
ابراهيم .عمره ٢١مرحلة ثالثةطب اسنان يحب بنت عمة
ازل.عمره ٢١مرحلة ثالثة  هندسة معماري
امير .عمره ١٧صف خامس اعدادي

عباس .مزوج بنت خالتة اتوفت على الولادة عندة سجاد وفاطمة
سجاد .عمره٢٦مكمل هندسة معماري يحب ازل بجنون عايش وياهم
فاطمة .عمره ١٨سادس اعدادي عايشة انو هيه سبب وفاة امه

عفاف. مزوجة ابن عمها وليد عده حسن وحسين وزهراء مرت احمد وفرح

حنان .ارملة ماعدها اطفال كاعدة بيت شيخ
شيخة نوعة كلمته مسموعة وتحب شيخ وتموت على احفادها وخاصة سجاد وفاطمة لان امهم متوفية

ازل .خلي احجيلكم على امي امي متحب ولد عمي لان على اساس هية رايدة عمي عباس بس هو راد بنت خالتة ومتحبني ماعرف ليش اني احب سجاد بس هو ميدري
مثل كل الايام كاعدين كلنة على الغداء فاطمة صافنة بيبي تحجي وياها مترد ندستها فاطمة كالت ها يمة هاي اول مرة فاطمة تصيح لبيبي يمة انتبهت لكل دنك بس سجاد عيونة دمع خلة وكام من الاكل فاطمة ضلت بحجر بيبي وتبجي اني لحكت سجاد شفتة يبجي من بعيد شفت خشمة ينفض دم اني بلا وعي ركضت اصيح وامسح الدم من خشمة بدشداشتي لكل اجة اخذو لمستشفى واني عبالك اخذو روحي ضليت افتر وجدة نوعة تدعي جابوا حاطيلة كانونة اخذوا لغرفتة
سعدية .ولج ازل صخام ولج وينج
ازل .ها يوم شكو .
ولج اليوم اذا ما كطعج فلا اسمة سعدية
نوعة .ولج سعدية جوزي من الفرخة لو اعرف شنو احجي
ازل .شفت امي تخوزر بية وطبت اني احبها بس ليش متحبني اكو سر
صعدت شفت فاطمة طلعت من غرفة سجاد دكيت الباب كال دخلي طبيت شفتة بس بلبجامة ملابس تشيرت درت وجهي هو عبالة فطومة لبس وكال نداري كتلة الحمد الله على السلامة متشوف شر ان شاء الله كال الله يسلمج ضليت واكفة صافنة علية وجهة تعبان وعيونة حمر كتلة من تصير زين عندي مادة مفاهمتها هو كال بعيني طلعت بس كلبي يدك الف بدقيقة رحت على تومي كتلة برهوم اريد شغلة كال عيوني لج طبعن ابراهيم يعرف امي متحبني ويعرف السبب بس ميقبل يكول مدللني هو اموري ابراهيم صديقي احسة هو امي وابوية واخوية يعرف احب سجاد واني اعرفة يحب فاطمة كتلة اريد دفتر تطبع بي صورة سجاد كال ازل مو صايرة بلا اخلاق كتلة لعد بس انتة عندك دفتر مطبوع صورة فطوم طب امير كال العصابة مسوية اجتماع بدوني ضلينة نحشش طلعت من الغرفة شفت فطوم كتله ولج كل ماشوفج لو تقرين لو تاكلين طبعن حتى اغيرلها جو كالت ولج اني سمينة اصلن اني رشيقة كمت اني نزعت شال وفتحت شعري لي يخط بلكاع ابراهيم ميقبل اكصة ولبست دشداشة قصيرة وحجل وجبت حب كتلها خل نقرة سوية لان غرفتي متسوي واهس اني منطية ضهري لباب انفتح الباب طب سجاد صاح فاطمة دواية ابوية وين اني من الغباء ضليت واكفة متحركت تالي عطت طلع اني لبست عباية فاطمة وطلعت لكيتة يحجي وية فاطمة ويباوع علية اني ركض لغرفتي نمت كعدت ثاني يوم كلعادة على عياط امي اني لابسة برمودة وشعري فلم هندي صاير نزلت لان ادري سجاد يطلع من الخمسة اني كعدت بلستة ونص حتى اروح لكلية نزلت صحت الله ياخذ ازل وترتاحين حتى نومة متخلين الواحد ينام شنو حرب من الصبح اني عين مفتحتها وعين سادتها
جدة نوعة .صاحت فلك طرج ولجن هاي منين جتي ها الخبلة سمعت صوت ضحكتة لتافيت ولكيت سجاد ديضحك واني افلت لغرفتي اخذت شور وبدلت لبست جبة سودة وشال ذهبي رهم وية لون عيوني واقي وحذاء ذهبي وجنطة ذهبي نزلت بكامل اناقتي لكيتهم دياكلون بيبي صاحت تعاي اكلي كتلها ماريد امي رادتني كالت سمعي والله اذا حاجيتي سجاد بعد تعرفين اكلة الابوج عدها علاقة ويا واخلي يكتلج انتي ويا اني صافنة علية كتلها لو يخيروني بين الموت وامي اختار الموت لان انتي مستحيل امي لو بنية من الشارع جان عاملتيها احسن هية كرصتني صح توجعت بس الكلام وجعني اكثر رحت همة دياكلون صحت ابراهيم كوم يلة هو شك اكو شي لان حسي مبين بي غصة هو وسجاد امير نزل كال شبيج عطت مابية عسة اموت كوم ابراهيم غمز الامير يجبي الادوية مالتي لا اتخربط كال يلة صعدت بلسيارة امير كال اشربي دواء وعصير كتلة ماريد كال يلة ازعل منج جيب شربتة همة ضلو صافنين علية كتلة يلة امير صعد اني طريق كلة ابجي احس غصة ذبحتني ابراهيم يصيح بنيتي جاوبين منو مزعلج مرديت قريب منوصل مسحت دموعي وانزلت اول محاظرة كلشي مفتهمت منها ثاني محاظرة كمت داشرح على الستيج بعد مادري
ابراهيم .جتي ازل من المطبخ غصة بصوتها خفت علية عدها نهيار عصبي وظغط يرتفع وانسداد بشراين القلب نخاف عليها هية متدري نطيها داوء بس اني وامير اخذتها لكلية ثاني محاظرة مدخلت احس كلبي مقبوض والله خابرت ازل بس موصوتها صوت بنية تكول اخي اختك اتخربطت قفلت التلفون بوجه وركض اخذتها لمستشفى خابرت سجاد كتلة اريد فلوس شوية وجا واني محد مطمني سجاد يروح ويرجع عيونة خوف مو طبيعي طلع الدكتور سجاد ركض قبلي يكلة بس كول مابية شي كال اهدواء بس المريض لازم عملية لان حالته حرجة سجاد وكع على رجلية كتلة دكتور كول غيرها كال لا الاسف ماعندي غير الكلام ادعوله كتلة يصير ادخللها كال اي بس لطول طبيت كتله بنيتي كومي شوفي حبيبج ولج طلع يحبج ولج كومي والله بس تكومين اكلج ليش امي متحبج كومي كعدت ابجي طلعوني سجاد كال روح جيبلها ملابس لان حيدخلوها علمية رحت طبيت لبيت جدة نوعة صاحت ولك شبلاك مو على بعضك صحت صوت رج البيت رج اه اه جدة بنيتي بين الحياة والموت لكل اجة جدي كال ولك شتحجي كتلهم والله بس تصير زينة اني اول واحد اكلها سكتوا كتلة انتي يا امي بس يصير شي على ازل اول واحد اتبرة منج اني صحت فاطمة امشي وياية صعدت لغرفتها كمت ابجي جتي فاطمة كال الله يكومها بسلامة الله كريم شبكتها وكتله اه فاطمة محتاجج احبج هية نصدمة اني هم غيرت الموضوع كتله يلة اريد هدوم ل ازل لان عمليتها بعد شوية بعدها واكفة صحت فاطمة يلة كالت اي اخذت هدوم وطلعت كل كال انروح وياك كتلهم محد يروح واذا احد جا احرك المستشفى على روسكم هاي بنتي بس اني صحت امير نزل عيونة حمر من البجي كتلة جيب دواء مالتها وتعال جدي صاح ابراهيم اشو كمت ما تحشم احد تعال وراية رحت وراى كال عوف التمسلت مالتك واحجي ليش اختك عدها انسداد واحنة ما عدنة علم كتلة اسئل بنت اخوك الي من يوم الي صار القدر واتوفت مرت عمي صارت ازل منبوذة والله لان شنو فاطمة احلى منها واخذت مزرعة الجبيرة ولان ازل مجتي ولد حتى تصير ام اربع ولد حتى تصير الشيخة ها كولوا جذب هاي تقاليتكم نكعوها واشربوا ميها واذا صار شي اني اول واحد اخترق التقاليد خليت وطلعت

سجاد . هلو اني سجاد مهندس امي متوفية اني اعشق ازل مرة كاعدين على السفرة فاطمة اختي صاحت لجدة يمة اني انقهرت لان ماتت ما شافتنا كبرانين شفت ازل تباوع علية حسيت خشمي طك دم جتي مخروعة تمسح الدم بدشداشتها اخذوني لمستشفى رجعت شفت علامات القلق والخوف بعيونها طبيت ارتاح نزعت الدشداشة والبدي ندك الباب عبالي فاطمة طبت هية شفت خجلها طلعت بليل طبيت لغرفة فاطمة عبالي وحدها لان هيج وكت كلمن بغرفتة طبيت واشوف ازل تحفة فنية والشعر قضية والخدود الوردية يجنن عاطت حسيت طلعت وشفتها طلعت بلعباية اني ثوليت ليل كلة مكدرت انام نمت وية اذان الفجر نزلت ستة ونص وشفت ازل تعيط وشكله يضحك بحيث لبسة برمودة بارزة انوثته كلها ضحكت صعدت نزلت اية من الجمال شالها ضارب وية لون عيونها بداخلي صليت على محمد طبت لمطبخ طبت وراها مرت عمي طلعت بصوتها غصة ابراهيم اقرب واحد الها غمز لامير وطلعوا جا امير اخذ عصير وطلع رحت لشغلي تقريبا ورا اربع ساعات خابر ابراهيم كال اخذ امير من المدرسة وجيبلي وياك فلوس سئلتة شكو كال ازل بل مستشفى بس لتكول بس لامير رحت اشو اني كتلة هذا نهار بلبجي اكله شكو يكول اذا راحت من ادينة فلا اسامح احد مرديت اخذت فلوس وطلعت وصلت شفت ابراهيم منتهي شكيت اكو فدشي خطير طلع الدكتور هو كال اني رجلي بعد متشيلني ابراهيم طلب يطب يمها رحت على الدكتور كتلة شكد نسبت النجاح العملية كال نسبة ٥٠/. كال ادعولها طلع ابراهيم كتلة يجيب ملابس كو قنعتة راح ضليت نص ساعة اباوعلها من الشباج كتله كومي نومة مو لج كمت ادعي خايف اخسرها مثل مخسرت امي توسلت بدكتور اطب كوة خلاني طبيت وصلت يمها لزمت ايدها باردة كتلها كومي الله عليج كومي ولج احبج والله بس تكومين اخطبج اعرف انتي تحبيني بس كومي اسويلج احلى عرس مثل متردين مو كاتبتة بدفتر مذكراتج ضحكت بين دموعي تذكرين من ضيعني دفتر مذكراتج وملكيتي عندي كومي وانطيجيا كمت اشهك طبت الممرضة طلعتني جا ابراهيم وامير اسواء من حالتي وراء شوية طلعوها ملبسيها ثوب العمليات بوسوها اخوانها ابراهيم طلع يدفع وامير ينطي لعلاج لدكتور اني بست راسها وشاورتها كتلها طلعي منتظرج حتى نزوج احبج اخذوها جا ابوية وجدي وابوها واحمد ابراهيم ضل يتعارك تالي جدي سكتة اني خايف كلش اكو مصلى بل مستشفى كمت اصلي وادعيلها وابجي كتلة ربي اخذني بس لتاخذها من عمري على عمرها رحت يمهم طلع ممرض  كال محتاجين دم ابراهيم راح شوية وجا كالوا تخربط اريد واحد ثاني كتلها اني رحت نطيت دم لروحي كتلها لممرض اخذ روحي اخذ عمري اخذ كلبي بس طلعوها عايشة كال ادعيلها ضليت ادعي طلع الدكتور وراء ساعتين
الدكتور .والله مااعرف شنو اكول بس احنة سوينة الي علينة بس .........

هلو سنافري شلونكم هاي بارت اريد تفاعل وانتوا تخيلو شنو شكلهم واذا دوام اسبوع الجاي عذروني ماكدر انزل بعد على العطلة او ب وقت فراغي احبكم هواية
SarahSarah