روايه (دموع الشمس) بقلمي/ أية هدايا.. مكتمله

*الحلقه الاولي*

روايه دموع الشمس
بقلم اية هدايا
*الحلقه الاولي*

في ذلك الصباح الجميل تشع الشمس أشعتها الذهبيه علي ذلك الوجه الملائكي
تفتح زيتونتها بأنزعاج قبل ان تسمع صوت أخاها الصارخ

سيف بصراخ:اصحي يا شااااااااااامس
شمس بأنزعاج وهي تضع الوساده فوق رأسها:اهو بدأنا فقره الصراخ خش علي فقره فتح الشبابيك

وبالفعل قام اخاها بفتح نافذه الغرفه
شمس بانزعاج:حلو اوي خش علي فقره شد اللحاف

نهض اخاها وازال اللحاف من عليها
شمس بتأفأف:كده تمام اوي اوي فين بقي كوبايه الم....
لم تكمل جملتها بسبب كوب المياه الذي غرقها كامله

شمس وهي تنهض من علي الفراش وتقترب من اخاها وتسلم عليه وتقبله من وجنتيه:اهو هو دا اخويا حبيبي....تسلم يا ابو نسب

سيف وهو يلوي شفتيه بسخرية : يعني الواحد لازم يعمل النشره بتاعت كل يوم عشان تقومي يلا يا حبيبتي ......
ثم قام بدفعها تجاه المرحاض

تأفأفت شمس بضيق وقالت :استغفر الله طب الواحد يعمل فيك ايه... انا دكتوره نفسيه من المجانين بسببك

سيف بغرور:هو انتي لسه شفتي حاجه
وأكمل بدراميه:وتلك مازالت البدايه يا مولاتي..

شمس بغيظ:طب اطلع يا بابا روح حضر الفطار على ما اجهز..

سيف بسخرية :هو حد قال لك أن انا الشيف اللي اهلك جبوه
شمس وهي تمسح على وجهها بنفاذ صبر:حاضر هعمل انا لنفسي اتكل بقي علي الله عايزه الحق الشغل..

خرج سيف من الغرفه وتركها لكي تتجهز وتذهب الي عملها

دخلت الي الحمام واخذت حمام دافئ ثم خرجت وارتدت فستان سماوي قصير بحمالات وارتدت عليه جاكيت جينز وقامت بربط شعرها زيل حصان
وارتدت في قدميها كتشي رياضي أبيض

اتجهت الى الخارج ولم تجد احد في المنزل وجدت طعام الإفطار معد وبجانبه ورقه
امسكت بها وبدأت في قراءة محتواها

_كلي كويس واتغذي عشان مجيش انفخك
الشيف سيف اخوكي..

ضحكت علي كلماته وبدأت في تناول الطعام نظرت الى الساعه وجدت نفسها تأخرت على العمل ...
تناولت الطعام بسرعه ثم هبطت الي اسفل واوقفت تاكسي واتجهت به الي المستشفي الذي تعمل به..

وهي في طريقها اتصلت بها صديقتها المفضله
شمس بأبتسامة : صباح الخير يا كلبوبتي..

ميرا بغيظ: وليكي عين تتريقي...تصدقي انا كلبه لأني اتصلت عليكي..

في حاجه مهمه حصلت في المستشفى وانتي بتهزري..

شمس بقلق:في يا ميرا مال صوتك..
ميرا بسرعه :مدير المستشفي طلب كل الدكاتره يكونوا موجدين في اوضه المكتب بعد نص ساعه..