part9
صباح يوم جديد جايب معاه مفاجئات للكل 🤭
نزل كمال:صباحكم
فتون حضناته:حبيب قلبي
هاجر:ياسر وانتي من امس لاصقه فيه
كمال:خليها بنيتي مستاحشها
هاجر 🙄😏
فتون:بتطلع!
كمال:ايه عندي شويه خدمه
هاجر:خدمه شنو فكنا وراس وخي ماصدقنا روحت
كمال:لالا موضوع الجيش تسكر عندي مبلغ نبي ناخد بيه اسهم في شركه عالاقل خدمه خير من الحوش
هاجر:ايه هكا تمام
كمال:وين ايهاب
فتون:ماياكلش في الحوش بكل في داره ولا طالع
كمال هز راسه وهوا مش ناوي خير
مراد رن هاتفه:ايوا
موظف:استاذ مراد سمعت انه الاستاذ اسلام ناوي يبيع اسهم من الشركه اليوم
مراد:اها
الموظف:انت موافق
مراد:ومن يكون اللي بيخش شريك
موظف:والله مانعرفه بس يحكو انه فلوس
مراد:يلا تو نتلاقو 😌
موظف تمام استاذ
بيان:نبي نطلع
مراد:وين
بيان:اي مكان فديت من الحوش
مراد:الباب قدامك والساعه 1 تكوني هنا
بيان قلبت عيونها وطلعت 🙄🙄
كمال نازل بسرعه:هاجر هاجر وينك
طلعت من المطبخ:هانعم الله الله وين عالطرح 😍😍
كمال: هاشن رايك
هاجر:جميل وين!
كمال:اجتماع في خدمتي الجديدة ادعيلي نوقع الشراكه
هاجر:ربي معاك وخي
كمال ان شالله وطلع
اسلام عاهاتف:بهي تعالي احضري الاجتماع
تم نستنى فيك
في مكان تاني
ايهاب:صاحبك رجع
مراد:نعم!!
ايهاب مقعمز فوق سيارته:قبل خديت راحتك هوا مش موجود بس توا الوضع ممكن يتغير 🤭
مراد طارتله:شن بيتغير يعني بعدين هوا مش مات
ايهاب قعمز على سيارته:وبقدرة قادر رجع من الموت 😂😂😂😂
مراد:شن يضحك فيك يا حيوان
ايهاب:بنستمتع
مراد ركب سيارته وطلع والنار في عيونه جي الوقت اللي نشوفك فيه يا كمال نوعدك هالمرة ناخد روحك
اتصل ببيان
مراد:وين انتي
بيان:شن دخلك.
بدي يعيط:تروحي توا وا اقسم بالله عارفتني شن ندير
بيان:تو نروح وين بنهرب يعني 🙄 وسكرت عليه
اسلام:ماوصلش
السكرتيرة:كلمناه وقال في الطريق
اسلام:تمام ووقف اغلبكم عارفين اليوم اجتمعنا باش تتعرفو على شريكي الجديد اللي رح ياخد 45%من اسهم الشركه
انفتح الباب وخش
اسلام ابتسم:نعرفكم عليه الاستاذ كمال عمر
كمال:السلام عليكم
بيان حست بقلبها وكل اطرافها تجمدت "حبيبي عايش 4سنين ماشفتكش يا روحي "
اسلام تفضل عرفه على مدراء الاقسام وهدرزو وتعرفو اكثر
كمال:زي ماتفاهمنا استاذ اسلام
اسلام:اكيد هي تفضل وقع
وقعو العقود ودفعله الفلوس وتم الاجتماع
سلمو كمال واسلام ووقفو يهدرزو
اسلام:تعالي بيان تعرفي على كمال عمر شريكنا وهدي بيان بنت عمي ووخيتي الوحيده
كمال ابتسم ومد ايده:اهلين مدام
بيان سلمت عليه وهيا ترعش وشاده دموعها
كمال:انا نستاذنكم وان شالله معرفه خير اسلام وطلع
بيان:بنمشي الحمام تو نجي لحقاته كمال
وقف:تفضلي مدام بيان
بيان: انت عايش حبيبي رجعت عاخاطري
كمال:عاخاطري!!
بيان:علاش تشتغل مع اسلام رجعت عاخاطري انا مزال تحبني
كمال ضحك وقرب منها: متأكد انك مانسيتيش حرف واحد من كلامي يا عسل 😉
بيان ضحكت:تحبني
كمال:لا جاي بنلعب بيك انتي وراجلك واللي داره حانطلعه من عيونكم
بيان نزلو دموعها:تلعب!!
كمال:ايوه بنلعب وقولي لمراد جايك لبس نضارته ومشي
بيان طلعت تجري ركبت سيارتها وطلعت وراه
كمال شاف للمرايه وضحك:هبلتي شورك 😏
بيان تغيرله في الضي تبيه يوقف بس هوا بسهولة قدر يغير طريقه وهيا راحت بين السيارات
وصل للحوش فتح الباب وخش يصفر
فتون:سلمه المبسوط
كمال شدلها خدودها:سلم بنيته
فتون:شن مشت عاخير
كمال:مشت ومشت وخوك بيلعب فيهم لعب ماصارش قبل
فتون:انا خايفه
كمال سكت وقعد سرحان اذكر بيان لما قالتله نفس الكلمة
فتون شدت ايده:كمال بالله عليك تبعدش علينا
كمال حضنها بقوة:مش رح نبعد يا روحي بهي بنتي جعان انا رهو
فتون:هي تعالا الغدا واتي
تغدو مع بعض وكالعادة ايهاب مش موجود
كمال:شنو مش ناويين تخلوني عم ولا كيف غبت 4سنين وجيت شي شي شن تحسابو روحكم عرسان قعدين 😂
احمد:بهي تحشم ياراجل
ملاك واطت راسها وسكتت متحشمه
كمال:اسملله علينا دبرو روسكم انا نبي فرخ نلعبه وركب
خش لايهاب في داره
ايهاب:هدا باب اللي وراك
كمال:الله بهي قلتلي حط في علمك ليومين الجايات بتطلع لتونس
ايهاب:نعم
كمال:زي ماسمعت بندخلك مركز علاج ادمان
ايهاب بصوت عالي: تي وين تحساب روحك انت جايني بعد 4سنين تتحكم وتفرض في عضلاتك عليا لا رهو ايهاب الفرخ كبر ومعادش حاسب حد معاه
كمال خنقه بقوة ودفه عالحيط: مش رح نتعب روحي ونعيط عليك ولا نبررلك شي اصلا عارف علاش لانك ماتستاهلش وربايتي فيك خيبتها بمجرد اني اختفيت انا ماناخدش في رايك انا نأمر. وانت عارف دورك 😒 وبعد عليه
هاجر:خيركم شن فيه
كمال:خوك بيسافر جهزيله شنطته
هاجر:وين بيمشي
كمال:ينضف روحه من الخمر اللي ياخد فيه
ايهاب:مش مسافر
كمال طلع وماعبراش بكل
الساعه 7 طق باب
كمال:السلام عليكم كيف حالك ياعمي
عمه:اهلا ولدي عاسلامتك
كمال:الله يسلمك
عمه:تفضل خش
خش كمال قعد يهدرز مع عمه وطلب منه طلب
عمه:ان شالله خير تو ناديهالك
عشرة دقايق وخشت نادين
كمال:اهلا
قرب منه وحضناته:الله قداش مشتاقتلك يا قلبي
كمال بعدها بهدوء:قعمزي
نادين:بابا قلي انك تبيني في شي مهم
كمال:انا اليوم جيت وطلبتك من عمي
نادين عيونها قلوب:بجديات حبيبي بتتزوجني اخيرا اقتنعت اني الوحيده اللي نحبك
كمال:مانحبكش ولا في حياتي رح نحبك
نادين بصدمه:نعم 😳 مالا علاش جاي تخطب فيا
كمال: تقدري تقولي تبادل منفعه
نادين:كيف
كمال:.............
نادين 🤔🤔
كمال:فكري براحتك يومين ونكلمك ومهما كان قرارك مش رح نجبرك على شي وطلع
عند بيان من لما روحت هيا حاسه براحه مريحتها فكرة انه طلع عايش حتى لو بعيد عليها
خش مراد للحوش زي المجنون:بيااان
بيان ماردتش عليه
خشلها وشدها من شعرها:طالعه باش تشوفيه ياكلبه بتتلاقو مع بعض هاا
بيان بعداته ورجعت قعمزت مكانها: جاي بنلعب بيك
مراد:شنو
بيان:هدي الجمله اللي قالها واطمن انا وياك في نفس المركب عنده ارتاح خليته يكرهني ويعتبرني عدوته
مراد:عدوته
بيان رجعت تتفرج عالتلفزيون وماردتش عليه
رن الهاتف
مراد:ها شن تبي
اسلام:علاش ماجيتش للشركه اليوم
مراد:مانيش فاضي لخص
اسلام:بنبدو في المشروع ولازم تحضر اجتماع الاسبوع الجاي باش نشوفو الارض
مراد:ربي يسهل
اسلام:وتتعرف عالشريك ولا قالتلك عليه بيان
مراد شافلها:لا اهو تو نسألها وسكر عليه منو الشريك
بيان ضحكت بهزوة:كمال عمر
مراد تجمد الدم في عروقه:منو!!!
بيان:زي ماسمعت واطلع خليني بروحي
مراد طلع وقعمز يفكر: رجع وفوقها بدي شريك معانا هدا مش ناوي طيب وشكله اللعب معاه مش ساهل بس رح نسبقه بخطوة وابتسم بشر
عند كمال راقد علئ سريره وصورتها مرسومه في خياله:ااه ياربي قويني
فتون:كيمو
تلفتلها:عيون كيمو
فتون:بنرقد معاك
كمال:تعالي هي
فتون جاته تجري ونقزت عالسرير
كمال قعمز وقعد يضفرلها في شعرها:بنتي السمحه كبرت ماشالله
فتون:لالا نبي نقعد صغيره وتضفرلي شعري هكا
كمال:توا بتتخرجي من كليه ويجي ياخدك مني راجل ونقعد انا بلا بنتي
فتون عيونها دمعو:بنقعد معاك
كمال حضنها:خلاص بلا بكي تو نشوفو كان مش تقولي نبيه
في دار هاجر:بهي شن تبي مني
شخص:ليا فترة نشوف فيك في الخدمه وعجبتيني الحق وناوي الحلال
هاجر:اممم ومن قالك انت بتعجبني
شخص:مهو مع الوقت تو تحبيني
هاجر:واثق انت
شخص:ايه هلبا
هاجر ضحكت:بهي شن اسمك هي
شخص:اسمي....... يتبع
