part5
بيان طلعت تجري قابلها
مراد:وين طالعه في الوقت هدا
بيان:بعد مش وقتك
مراد شدها بقووة:قلت وين ماشيه
بيان تبكي:ارحمني وخليني في همي امي دايرة حادث نبي نمشيلها
على طلعت اسلام جاها يجري:بيان خيرك تبكي قوليلي
بيان:اتصلو بيا من رقم ماما قالو دايره حادث ارفعني بالله عليك مش قادرة نسوق
اسلام ولا شاف لمراد خداها وطلع طول مشو للمستشفى
نزلت بيان دور وتسأل زي المجنونه لين قابلوها ممرضات مطلعين حد عالسرير مغطي كله قلبها قلها هدي امك مشت تجري نحت الغطا من عليها تجمد الدم في عروقها
بيان:ماما نوضي شن راقده هكا مش قلتي بتاخديلي بريوش هيا نوضي نروحو المكان مسقع هنا مش رح تقدري ترقدي ماما 😭 بدت تهز فيها وتعيط ياماما لالا ماتخلينيش بروحي ماعنديش غيرك ماتموتيش اااه ياربي لا ماتاخدهاش مني 💔💔
اسلام حضنها ويبكي معاها:ادعيلها وراس وخيتي حرام عليك تعذبي فيها
بيان:لالالا ماتقوليش هكا امي حيه ماماتتش يااسلام هيا تحبني مش حاتخليني بروحي لا
قعد يهدي فيها وهيا مستمرة تعيط وتنادي في امها
رن هاتفها رد اسلام:ايوا
ملاك:منو هدا مش هاتف بيان!!
اسلام:ايه بيان امها توفت توا وهيا وضعها سيء
ملاك:الله خالتي ليلى شن صارلها
اسلام:دارت حادث
ملاك:تمام وين انتم تو نجيها
اسلام:مستشفى........
احمد:خيرك حبيبي
ملاك:بيان امها توفت 😭💔💔
احمد:لاحول ولا قوة الا بالله ربي يرحمها
ملاك:هيا قعدا في المستشفى نبي نمشيلها
احمد:حاضر هي غيري وتعالي نرفعك
مشتلها ملاك وروحت بيها وللأسف ماقعدش معاها حد صاحبات امها جو شويه وروحو
"ام بيان ماعندهاش خوات وخوتها الزوز كل واحد في حاله وولدها مايدورش فيهم بكل"
فاتو 3ايام وبيان سيطر عليها الحزن بشكل كامل لا تاكل لا تشرب ملاك تقعد معاها طول اليوم وتروح في الليل.
رن هاتف فتحت الخط
كمال:قطوستي كيف حالها
بيان بدت تبكي بقوة
كمال:خيرك حبيبي شن فيه من مزعلك
بيان:ماما ماتت مشت وخلتني كمال
كمال:كيف امتى
بيان:نبيك
كمال:اني مروح
غير لبسه وطول روح
ملاك:حبيبتي كولي حاجه ليك 3ايام هكا
بيان:مانبيش شي خليني
ملاك:كمال كلمني يبي يشوفك
بيان:روح
ملاك:ايه مروح في الطريق
بيان بدت تبكي:معادش عندي حد في الدنيا الا كمال ياربي ماتحرمنيش منه انا تعبت والله
ملاك حضنتها:اهدي ياقلبي ان شالله ربي يرحمها
وصل كمال ركب دوش واتصل
ملاك تخاف منه ومخليه معاملتها معاه رسميه:ايوا
كمال:جيبيها معاك لحوشك
ملاك:تمام حاضر وسكرت هيا نوضي معاي
لبست بيان وطلعو
مراد:وين العزم
ملاك:بنرفعها لحوشي مانبيش نخليها بروحها
مراد:بس حضرتك متزوجه
ملاك:ااه اي اي شن يعني
مراد:بيان تبي تمشي
بيان:ايه
مراد:تمام يا روحي بري وغدوة روحي جداي بتجي تقعد معاك
طلعو ومشو للحوش
ملاك كلماته وركبلها طول
بيان مقعمزة في الصاله ودموعها ماوقفوش
كمال:روحي
بيان ناضت تجري حضناته وتبكي "ماتتخيلش في الامان بعيد على كمال تشوف فيه الاب والاخ والصديق لانه حبها بطريقه احتوتها من كل شي يأذيها يهتم بيها كأنها بنته مش حبيبته"
كمال:ادعيلها بالرحمه ياعيوني
بيان:قعدت بروحي
كمال يمسحلها في دموعها:وانا وين مشيت مش انا راجلك وحبيبك
بيان تمسكت فيه اكثر:ربي مايحرمني منك
كمال قعمزها وقعد يهدي فيها وهيا ارتاحت هلبا معاه:ماتاكليش اكيد
بيان سكتت
كمال:ملاك ديريلها تاكل
ملاك:حاضر هي
جابتلها الماكله ووكلها هوا بايده
كمال:بنيتي معادش نبي نشوفهم دموعك وماتخافيش انا معاك كل لحظه مستحيل نتخلى عليك لين ربي ياخد امانته وحاتبدي مرتي
بيان:نحبك
كمال:وانا نعشقك
قعد معاها وبعدين نزل وخلاها مع ملاك
امه:وين كنت
كمال:في حوش احمد
امه:واللي دير فيه صح
كمال:امي انا مش صغير ونعرف الصح من الغلط البنت امها ماتت ماعندهاش غيرها كنت نعزي فيها وهيا خايفه نسيبها
امه:وشن ناوي
كمال:نخطبوها طبعا
امه:الناس شن تقول علينا امها ماتت مشو يخطبو
كمال:امي نقولك ماعندها حد كيف بنخليها في حوش بروحها ماتخلينيش نقرا فاتحتها غدوة
امه:ربي يهديك وطلعت
كيف بيركب وقفه صوت
نادين:تحبها
كمال تلفت:حالي بهي وانتي 😏
نادين:سألتك جاوبني
كمال:بدونها نموت
نادين:علاش!شن فيها زايد عليا احلى مني?
كمال:مايهمنيش جمالها ولا جمالك انا قلبي معاها وتمت
نادين:مش رح نخليك توصلها
كمال ضحك عاجنب:وانتي منو باش تمنعيني عليها
نادين:نحبك تفهم فيها
كمال:اتجرأي وقربي منها
فتون:حبي
كمال حضن اخته ويشوف لنادين بتهديد:بنوتي 😘
فتون:وين كنت
كمال:نشوف فيها
فتون:شن بدير توا
كمال:بنتزوجها زي ماكنا مقررين قبل ماتغير شي بس نحاول نستعجل لانه تقعد بروحها
فتون:ايه مسكينه وجعتني
نادين تفاجئت انه عيلته يعرفو بعلاقته وموافقين
روحت بيان تاني يوم للحوش وجت جداها قعدت معاها وكمال كل يوم يكلم فيها
ايهاب بدي اغلب وقته في داره مايطلعش هلبا الا لأمه وخواته
فات شهر عاوفاة ام بيان
في يوم
بيان:حناي
جداها:نعم بنيتي
بيان:فيه واحد بيجي يتقدملي
جداها:مش بكري يا بنتي امك ليها شهر ونص متوفيه
بيان نزلو دموعها:بس ياحناي هدا الكلام من قبل تموت ماما وهيا موافقه بس لما توفت وقف كل شي
جداها:بهي تمام خلي يجو
في الليل بيان راقده حست بصوت جنبها
فتحت عيونها و 😱😱😱 يتبع
