بدريه قعدت في الكرسي وخلفت كراعه قالت لي اول حاجه الفي الفيديو دي م انا،،،،، عارف عرفته كيف ركز في الفيديو ظاهر انو الفيديو ده اتصور حديث ولو كنته انا فعلا وريني لي وشي م ظاهر في الصوره مش مفروض يكون حدث كامل،،،،، الادله الجبتها دي مزيفه ومفبركه وم بتدخل العقل وليد قال ليها معاك انو الادله دي مزيفه بس الحقيقه الما بتقدري تنكريها انك كتلتي راجلك صاح قالت لي اي كتلتو ومستعده اكتلو تاني لو كان عايش وليد قال ليها يعني معترفه انك كتلتيهو قالت لي ايوه كان واحد سكير م قدرته اخد منو حق ولا باطل وجاني مادي يد وراء وقدام و عاوز يتحكم في حياتي ويخنقني ودايرني اخلي عايش كدا ف قمته دسيت لي السم في الاكل وب كدا اتخلصته منو،،،،وليد قال ليها وانتي السبب في موت خالتو نعمه،،،،ضحكت وقالت لي ايوه مع انو م كنته عاوزه اضرها بس لمن شفته عايشه في العز ده كلو كان لازم اتخلص منها و عشان اسيطر علي البيت ده كان لازم نعمه تموت ف اتفقته مع الدكتور ولمن شفتها نازله كبيت زيت في السلم وب سببو جات وقعه علي بطنه ووديناها المستشفي الاي انا مقرر انها تمشي ليها واتفقته مع الدكتور انو يزيد ليها جرعه المخدر وفعلا عمل ذي م طلبته منو ونعمه ماتت وب كدا صفه لي الجو وكمان قدرته اخدع عمك ب انو يتزوجني وفعلا صدق الكزبه الاخترعته علي انو نعمه خلت لي وصيه عندي واتزوجتو وعشان احصل علي كل الاملاك كان لازم اتخلص منو كمان وكلفته واحد يفك لي الفرامل وهو ماشي علي الشغل وفعلا عمل حادث بس مع الاسف نجاء من الحادث ده كنته عاوزه اكتلو تاني بس لمن عرفته انو حيكون مقعد قلت م بضرني في شي،،،، عبدالله قال ليها انتي واحده خبيثه ده جزاتي اني جبتك لحدي هنا واكرمتك وعيشتك في بيت عمرك م كنتي تحلمي بيهو قالت لي اسكت ي عجوز ي خرفان ،،،،،بنت ي هند قالت ليها اي ي امي قالت ليها امشي غرفتي تلقي فايل جيبي لي وتعالي طلعت جابت ليها الفايل وجات قالت ليهم يلا بعده اي واحد يلم هدومو وعاوزاكم تطلعو لي برا لانو البيت ده بيتي انا،،،،وليد قال ليها انتي بتقولي في شنو قالت لي ذي م سمعته شايف الاوراق دي،،،،دي اوراق بتثبت انو عمك اتنازل لي ب املاكو كلها فتحت لي الفايل قالت لي شايف ده شنو ده توقيعي والجنبو دي بصمت عمك عبدالله وب كدا انا المالكه الوحيده لي البيت ده والشركه،،،هناء قالت لي وليد انا عارفه انو الشركه دي حلم حياتك وانت عارف اني بحبك ومستعده اعمل اي شي عشانك ف عندك خيارين ي ترضاء تتزوجني وقتها بس ح تكون الشركه ليك ي تطلع معاهم وتتمرمط في الشوارع بدريه قالت لي وليد انا م بقيف في وش سعادت بنتي و اظن بنتي ادتك حلول واضحه،،،،،شادي لحظته فكاها ضحكه بدريه استقربن شادي قال ليها معليش لاني ضحكته بس ي بدريه انا البعرفو عنك انك واحده طول عمرك زكيه بس الما اتوقعتو انو تطلعي ب الغباء ده،،، قالت لي مسكين انا مقدره الصدمه الانت فيها،،،،شادي قال ليها قلتي شنو صدمه طيب حاليا ح نعرف منو الح يتصدم فينا،،،، اي نعم انا معاك في انك قدرتي تكشفي انو الفيديو ده م حقيقي ومفبرك بس المقدرتي تكتشفي و طلعتي غبيه فيهو كونك م فهمتي المقصد من التمثيليه المثلناها انا ووليد قدامك دي انو نجيب الفيديوهات دي لحدي هنا وانتي تشوفيها بزات نفسك
