الرواية قيد الكتابة فاول ما الماتبة تنزل انا بانزل ان شاء الله
فشيلوا الصبر في الباقي
ــــــــــــــــــــــــــــــــــــــــ
انا من الحظه الاقيت فيها وليد وانا م علي بعضي م عارفه كيف جاتني الجراءه وقلت لي كل الكلام ده لي اخترته اني ابعد منو،،،حاسه انو الاي انا في ده حلم ونفسي ينتهي واصحه علي واقع اجمل بس مع الاسف اكتشفته انو ده الواقع ولازم استحمل اي شي بحصل فيهو ولاني حبيت وليد بجد اكتر من اي حاجه وكان في مكاني اسامحو وادي فرصه تانيه بس كل م اتزكر اهانتو وعدم ثقتو فيني بنسه لي اي لحظه حلو كانت بتجمعني بيهو وانا شارده ب افكاري سمعته صوت امي وهي بتنادي علي قمته من سريري وطلعته ليها ،،قالت لي انا من قبيل بنادي فيك الجيران سمعوني معقوله انتي م سمعتيني قلت ليها م سمعتك لانو كنته مشغله التلفزيون قالت لي انا مشاء مع خالتك كلتوم مشوار امشي جيب ليك فول وعيش من عمك عوض افطوري بيهن انا م بتاخر،،،قلت ليها كويس،،،،بعد امي طلعت نضفته البيت لبسته لي توب وشلته لي بستله وطلعته مشيت الدكان اشتريت الفول والعيش وانا راجعه صادفته شادي قدام الباب بعد شافني ضحك و قال لي انتي عارفه انا لي ساعه بفتش في بيتكم واي زول بديني وصف براهو بيتكم ده م في الخريطه ولاشنو قاطس كدا،،،،ضحكته وقلت لي قول بس م عرفته الوصف قال لي شبه كدا اي زول يقول لي شهد منو شهد منو الا لقيت لي ود حلال كدا قال لي انا بعرف شهد واحده قلت لي وديني ليها واهو لقيت نفسها،،،،قلت لي اتفضل دخلنا البيت بقاء يعاين يمين شمال قال لي انت عايشه هنا ي شهد قلت لي ايوه قال لي م شايف زول انتي عايشه براك قلت لي لا معاي امي بس طلعت مع خالتي قال لي ايوه شهد انا عارف انتي حاليا مستقربه انا جيت هنا لي مع انو مافي بينا معرفه قويه كدا ،،،قلت لي اين كان السبب الجايبك خلي بعد نفطر قال لي فطور قلت لي اي طالمه انت جيت لحدي عندي لازم تفطر معاي،،،،قال لي لا انا بس جيت عشان قلت لي لا م عاوزه اسمع منك اي عزر قال لي ماشي ي ستي دخلته المطبخ كان عندي جبنه وزيتون وبيض جهزته احسن فطور شادي قال لي شكلو فطورك ظابط ضحكته وقلت لي لازم معاك الطباخه شهد شخصيا.
في جانب تاني
وليد كان سايق ب اقصى سرعه لي ومن دون الايام صادف انو الشارع كان فيهو زحمه مرور يطلع من زحمه يدخل في زحمه تانيه قال في نفسو م ممكن وبعدين كمان مع الزحمه دي،،، ياربي بكون حصل شنو شادي لوشاف نعمه بعد السنين دي كلها حتكون صدمه بنسبه لي م عارف ح يتصرف كيف يارب تلطف.
بعد فطرنا قلت لي تشرب شاي ولاقهوه قال لي شاي،،،،عملته الشاي وجبتو لي قال لي تسلم يدك قلت لي ولو قال لي نبقاء في المهم شهد انا عارف انو وليد غلط معاك ومن حقك تزعلي وم اكزب عليك بعد عرف الحقيقه وانك بريئه بقاء ندمان انا م جيت هنا عشان ابرر ليك ز اقول ليك ارجعي لي وليد انا جيت هنا عشان اقول ليك انو ترجعي معاي الشركه،،،الشركه بجد محتاجه لي ناس اوفياء ذيك كدا ي شهد انا حاليا استلمته اكبر مشروع وممكن يوصلنا لي القمه وعاوزك انتي ي شهد تكوني معاي في المشروع ده وياريت م تكسفيني وقدري جيتي دي عشانك،،،،، قلت لي انا مقدره جيتك والله بس صعب اني ارجع لي نفس المكان الاتهانت فيهو كرامتي ومستعده اساعدك في مشروعك بس اعفاني من اني ارجع مره تانيه الشركه قال لي عشان خاطري ي شهد اول مره اطلب منك طلب قلت لي طيب ح افكر في الموضوع،،،،،ونحن قاعدين سمعته صوت الباب بدوق قلت لي بتكون دي امي جات قال لي احسن علي الاقل اسلم عليها قلت لي ح امشي افتح الباب فتحته الباب كنته مفتكراها امي بس اتفاجئه ب وليد الفي الباب قال لي شهد قلت لي اهلا قال لي شادي هنا استغربته من نظره الخوف الظاهره في عيونو وهو بسال من شادي قلت لي اي جوه دخل من غير م يتكلم معاي لقاء شادي قاعد في التعريشه وليد قال لي بعصبيه كدا انت وين م بترد علي تلفونك شادي كمان استغرب قال لي تلفوني في العربيه لي في شنو،،،،وليد بقاء يعاين كويس وم شاف نعمه قال في نفسو معقوله يكون عرف طيب وين نعمه وكمان انا م شايف اي ردت فعل على شادي ياربي الحصل شنو،،،،،شادي قال لي وليد سارح وين انت وليد صحه من شرودو وم عرف يبرر موقفو ب شنو وهو جاي ومقتحم البيت من غير اي منطق،،،،قال لي مافي شي مهم بس كان في اوراق م لاقيها في المكتب وكنته عاوز اسالك عن مكانه،،،شادي قال لي اسع انت جاي من هناك عشان تسالني من الاوراق كان تنتظرني بعد اجي الشركه،،،،وليد قال لي هو تحقيق انا مفتكر انو هي معاك هنا عشان كدا جيت ،،،لحظته انا كنته مزهوله لاني بعرف وليد كويس اكيد في شي مخبي بس شنو الله اعلم،،،،وليد قال لي شادي نمشي شادي قال لي لا امشي انت انا منتظر ام شهد اسلم عليها،،،،وليد قال لي خليها مره تانيه انت ناسي انو عندنا شغل كتير في الشركه شادي قال لي انت بتجوط مالك ياتو يوم بهمك انو نمشي سواء،،،،علي كلامهم الباب دقه قلت لي شادي دي امي اكيد،،،،وليد لحظته زي الكشحو فيهو مويه وشغال في سرو يارب م تطلع هي،،،شادي قال لي وليد في شنو مالك متوتر كدا وليد قال لي مافي شي قال لي لافي شي من ماجيت وانت م علي بعضك وليد قال لي مافي شي،،،فتحته الباب لقيته امي وكانت شايله ليها اكياس قالت لي دخلي الاكياس دي جوه شلتهن منها قلت ليها امي في ضيوف في التعريشه هناك عاوزين يسلمو عليك قالت لي ضيوف منو قلت ليها اصحاب الشركه البشتغل فيها قالت لي طيب دخلي الحاجات دي المطبخ وانا بمشي عليهم،،،،وليد قعد جنب شادي،،شادي قال لي وليد م اقتنعته ب كلامك انو جيت من هناك عشان تسال عن الاوراق اعترف انك اشتقته ليها وجاي تشوفه وعملته الاوراق حجه وليد عشان يطلع من الموقف قال لي اي اشتقته ليها شادي ضحك وقال لي ايوه قول كدا بدل م شابكني اوراق وغيرو فجاء جات نعمه داخله قالت ليهم اهلا فيكم ي اولادي،،،،الاتنين اتلفتو عليها بعد شافوها الصدمه كانت ظاهره في وشوشهم واكتر واحد كانت ظاهره فيهو شادي،،،،،قالت ليهم كيفكم وليد قام علي حيلو عكس شادي الكان قاعد ومصدوم من اول م خشت سلم عليها مدت يدها لي شادي بس هو كان بعاين فيها هي استقربت قالت لي وليد ده مالو وليد لحظته دموعو قربت تنزل يعني فعلا طلعت هي زي م اتوقع ياها نعمه المراه الطيبه الحنينه الكانت بتعاملهم بيها هي حاليا واقفه قدامو بنفس هيئته كان حيبكي بس اتماسك جات شهد دخله قالت لي شادي دي اعرفك ب امي واحلا ام هي الوحيده الطعته بيها من الدنيا دي هي بنسبه لي ام وابو واخ واخت هي بنسبه لي حياه،،،،،شادي قام علي حيلو وقرب من نعمه،،،،،قال ليها ويعمل شنو الاتحرم من حنان الام وهو طفل ياداب عمرو سبعه سنين طفل عايش علي ذكره امو لانها رحلت وخلتو وحيد وعايش بس علي مجرد زكريات كانت ليهو معاها طفل لمن عرف انو امو ماتت اتمني انو لو اخدتو معاها لانو الحياه مره وم بتنطاق من دونه من وانو هو من دون امو ولاشي لانو كان بعتمد عليها في كل شي كانت بتحضنو وبتحكي لي قصه قبل م ينوم كانت بتقيف معه في اي مشكله بتواجهو حتي لمن يعمل غلط م كانت بتضربو بلعكس كانت بتنصحو وهو بسمع نصيحته طفل كان متعلق ب امو اكتر من روحو،،،،نعمه لا اراديا دموعه جرن،،،شادي قرب منها وقال ليها انتي حلم ولاحقيقه وريني لانو لو كنتي حلم انا م عاوز اصحه منو وافضل اعيش فيهو كدا ،،اما لوكنتي حقيقه ح اسالك سؤال واحد انو لي اتخليتي عني واوهمتيني انو انتي ميته وقتها بس انا ح انسه انو انا كان عندي ام لانو مافي ام بتتخله عن اولاده،،،شهد قالت لي انت بتقول في شنو شادي قال ليها هس م عاوز اسمع ولاكلمه وم عاوز زول يدخل بينا لحظته وليد ادخل وقال لي شادي اهداء م كدا ي ،،،شادي زحه وليد قال لي انا قلته ولازول رجا خليك بعيد وقرب من نعمه خته يدي في وشها وقال ليها قولي انو ده م حقيقه وانو انا بتوهم وانو انتي م نفس المراه الماتت وخلتني وحيد لحظته نعمه دموعه جرن و حست بيهو قالت لي شااااااادي(في معلومه بتقول انو الام بتحس ب طفلها لمن يكون في بطنها لحدي م يطلع علي الدنيا و يكبر قدامه لانو احساس الامومه بكون عندها عالي وربنا ميزه ب الاحساس ده حتي لو ابنها كان بعيد منها احساس العاطفه بكون مسيطر عليها وبتقدر تميز ابنها بين الاف البشر نفس الاحساس ده كان عند نعمه لحظه م شادي كان قريب منها للحظه دموعه خاننها وبقت تلمس في وشوه وبتعاين فيهو ب لهفه وشوق قالت لي انت شادي ولدي م غيرو صاح ،،،بس قبل م تكمل كلامه فجاء وقعت داخت شادي مسكه قبل م تقع شهد صرخت في شادي ،،،، شادي بقاء يصحي فيها وهو ببكي قال ليها امي اصحي امي م تفوتي وتخليني مره تانيه بوعدك اني م اعاتبك بس اصحي عشان خاطري م عاوز افقدك تاني امي،،،وليد قال لي شهد جيبي ريحه سريع قامت جري علي غرفته جابت الريحه سريع وليد زحه شادي وبقاء يشممه الريحه بس م كان في اي تجاوب وليد قال ليهم نحن لازم نسوقه المستشفي سريع شادي قام زي المجنون شال نعمه وطلع بيها وليد وشهد طلعو ب وراهو ركبه العربيه وليد قال لي شادي انا الي ح اسوق طول الطريق شادي كان ببكي ذي الطفل وشهد كمان، وصلو المستشفي وهم في حاله خوف دخلوها الغرفه وكل الدكاتره دخلو عليها بعدها طلعوها ودخلوها العنايه الدكتور قال ليهم كانت ح تدخل في غيبوبه بس لفيناها في الدقايق الاخيره وحاليا ح تكون في العنايه لمده 24ساعه شادي قال لي شهد ح تكون بخير صح شهد م كانت فاهمه اي شي كانت عاوزه تتكلم وليد قال لي شهد وشادي تعالو معاي دخلهم الغرفه وقفل عليهم الباب قال ليهم اقعدو قعدو الاتنين وهم بعاينو لي وليد،،،،،قال لي شهد انتي حاليا راسك جايط وم فاهمه شي عكس شادي الممكن يكون فاهم وعارف انا قبيل جيت البيت بس عشان شادي م يقابل خالتو نعمه لانو كنته خايف من ردت فعل شادي وخالتو نعمه م ح تستحمل والكنته خايف منو حصل،،شهد عشان م اصدمك ذياده شادي بكون اخوك،،،،قامت علي حيله وقالت لي اخوي كيف يعني وانا ابوي مات بعد ما ولدني طوالي،،،، قرب منها وقال ليها دي الحقيقه ي شهد امكن تكون اتزوجت بعد عمي عبدالله وابوك خلفك انتي ومات ي امه في شي تاني بس كل البعرفو انو لحدي الحظه في حلقه مفقوده م عارف الحصل شنو وخله خالتو نعمه تكون متخبيه السنين ده والشي ده م ح نعرفو الا من خالتو نعمه،،،،قالت لي وانت كيف واثق انو امي هي نفسها ام شادي م امكن يكون مجرد شبه من امو،،،،شادي قام علي حيلو وقال ليها انا مستحيل م اعرف امي بعرفه حتي لو كنته مقمض والجوه دي هي امي م غيره فاهمه،،، انا عشته معاها 7سنين ولحدي الحظه صورته م فارقت بالي وذي م هي ولمن شفتها م بنكر اني كنته مصدوم كنته فاكر انو ده حلم بس لمن قربته منها ولمستها عرفته انو ده م حلم وانو هي امي نفسها م غيره لانو لمسته لي هي نفس لمساته لي لمن كنته صغير وجايه تقولي انها م امي،،، انتي كنتي معاها طول السنين دي صاح وبتحتمي بيها بس انا غير انتي م عارفه انا كنته عايش كيف بعد م خلتني كنته طول السنين دي بتعزب الف مره شهد انا كنته متعلق بيها اكتر من نفسي لي درجه انو يومي بحكي معاها وكانو هي معاي و سامعاني واسع اجي بعد السنين دي كلها اكتشف انها عايشه بس كيف ولي وعشان شنو لي م ساقتني معاها لي اتخلت عني،،،، شهد كانت مصدومه من ردت فعل شادي وليد قال لي شادي اهدا كل شي ح ينكشف وح يكون واضح واكيد بتكون خالتو نعمه لمن بعدت م عن فراغ بس حابي اقول ليكم شي كمان في سبب قوي بربط بدريه ب خالتو نعمه م عارف هو شنو بس نحن لازم نعرفو شادي قال لي بدريه الدخله شنو في الموضوع وليد حكه ليهم الكلام القالو لي عمو عبدالله كلو شادي قال لي لو طلعت عندها يد في الحصل صدقوني انا م ح ارحمه،،،،وليد قال لي م تستعجل كل شي ح ينكشف بس خالتو نعمه تصحه وكمان لازم الشي ده يكون سر بينا م لازم اي زول من البيت يعرف انو خالتو نعمه عايشه حتي عمي عبدالله ،،،،شهد عاينت لي شادي وعيونه مدمعه قالت لي انت عارف انو انا كان نفسي يكون لي اخ اتحامه بيهو انت عارف انو الدنيا مرمطتنا انا وامي بس عشان م عندنا سندلي انا بزات البحصل معاي كدا شادي قرب منها وحضنه علي وسلم عليها في راسه وقال ليها من اليوم انا الي ح اكون سندك الح تنسندي علي بوعدك وليد كان واقف بعيد وبعاين ليهم ابتسم وطلع خلاهم،،،، قلت لي شادي يعني الشبه البينا م كان ساي ضحك وقال ليها مع انو كنته مفتكرو مجرد شبه فجاء اتزكر ياسمين قال ليها انتي عارفه انو ياسمين هي الوحيده الكانت حاسه بي انو في شي بربطنا مع بعض بس انا كنته بكزبه،،،،قلت لي يعني ياسمين كمان قال لي اي اختنا ي شهد اتصل عليها وقال ليها ياسمين تعالي مستشفي.....قالت لي في شنو الحاصل شنو قال ليها مافي شي بس انتي تعالي وياريت م تحكي اي حاجه لي زول و تعالي انتي براك قالت لي تمام،،،ياسمين جات ولقت وليد في الممر قالت لي في شنو قال ليها خشي الغرفه دي وانتي تعرفي دخلت لقت شهد وشادي ،،،قالت لي الحاصل شنو ي شادي جايبني المستشفي فيك حاجه قال ليها لا انا كويس م علي شي بس في شي انتي لازم تعرفي قالت لي شنو قال ليها ياسمين امي لسه عايشه و شهد بتكون اختنا قالت لي انت بتقول في شنو امي ماتت زمان كيف عايشه وشهد اختنا كيف قال ليها انتي قبل فتره قلت لي شنو انك حاسه ب شي بجزبك ناحيه شهد ولمن قلت لي شهد عندها حساسيه من المنقه ذي م انا عندي،،،، ياسمين الحاجه دي م طلعت صدفه لانو شهد اختنا بجد قالت لي بس ممكن تفهمني ده كيف ومتين حصل ولي امي كانت بعيده مننا طول المده دي شادي حكه ليها الكلام القالو لي وليد قالت لي بدريه اكيد بتكون هي السبب لانو هي واحده خبيثه فجاء دموعه جرن عاينت لي شهد وحضنته عليها قالت ليها يعني احساسي طلع صاح وطلعتي اختي شهد قالت ليها الحمدلله انو ربنا عوضني ب اخوان اتنين عمري م اتخيلتهم في يوم،،،ياسمين قالت لي شادي وين امي انا عاوزه اشوفه قال ليها في العنايه المشدده اثناء كلامهم دخل عليهم وليد قال ليهم خالتو نعمه صحت مرقو كلهم علي غرفه نعمه.
⚘
سيبقي في عماق قلبي شي يشبه العصفور ، ينقر شرفة الأمال وينشد في حنايا النووور خفت مره ان ابرد،ان يتحول كل ما أشعر به الى رماد،خفت أن أتهاوى و أسقط تدريجياً ،وكُل مافيني متزن،ف ادركت حينها ب انني سأكون يومآ م أريد ف لا الرحلة ابتدت ولا الدرب انتهى⚘
#يتبع
