وهي ماره ب مكتب وعد شافت وليد وشهد واقفين وقفت تعاين ليهم سمعت وليد وهو بقول ليها الملف ده سري ومافي زول يعرف غيري انا وانتي حتي دعاء م عارفه ب موضوعو،،،،قالت في نفسها ايوه يعني فيها دور كدا امممم يسلام واخيرا الكره جات في ملعبي من غير مجهود ،،،،بعد شهد ووعد طلعن من المكتب دخلت بعد اتاكدت أنهن طلعن من الشركه ،،،طلعت الدبوسه من شعره وفلست الدرج شالت الملف وقفلتو ذي م كان،،،،اتصلت علي مدير الشركه المنافسه وطلبت منو انو تقابلو،،،،،وفعلا مشت ولاقت المدير قال ليها ممكن اعرف سبب الزياره ولي طلبتي تقابليني قالت لي علي حد علمي انت بتكره وليد وعاوز شركتك تكون في المقدمه قال ليها فعلا بس انتي مصلحتك شنو قالت لي انا عندي ليك هديه وح تعجبك اكيد قال ليها وانا اضمن من وين امكن تكون دي خطه منكم عشان توقعو بشركتي،،،،قالت لي رايك شنو في مشروع شركه سونا اظن كدا فهمته وعلي م اظن انك سعيت في انك تستلم المشروع ده بس وليد سبقك واخدو،،،،،سعدل قعدتو وقال ليها م فهمته عليك ادتو الملف فتحو لقاء ده المشروع قالت لي انا جبته ليك المشروع لحدي عندك بس اهم شي اخد حقي،،،،،قال ليها وانا موافق اطلبي المبلغ العاوزه قالت لي تلاته مليار تكون في حسابي قال ليها بس كدا انتي تامري،،،بس ممكن اعرف لي عملتي كدا علي حد علمي المشروع ده ح يحقق نجاح كبير لي شركتكم لي سلمتي لي،،،،،قالت لي كل شي مباح في الحرب والحب،،،،قال ليها افهم انو في عداوه بينكم قالت لي لا عداوتي الحب والحرب خدعه و انا بستخدم اقوه سلاح عندي قال ليها والي هو قالت لي الحب وطلعت منو.
وليد قال ليها انتي احقر واحده انا عرفتها في حياتي كان هدفك تبعديني عن شهد ونجحتي في كدا بس المستحيل يحصل انو انا اكون لي واحده زيك في يوم من الايام ولو م كنتي بنت كان اتصرفته معاك تصرف تاني،،،،ومن الحظه دي م عاوز اشوف وشك لافي الشركه ولا في البيت ولو لمحته مجرد خيالك م تلوميني في الممكن اعملو فيك انتي فاهمه وطلع خلاها،،،،ركب عربيتو وبقاء لافي بيها لحدي م لقاء نفسو واقف قريب بيت ناس شهد،،،،،طلع تلفونو وبقاء متردد بين انو يتصل ولا في النهايه اتصل بس م كان في رد،،،،قال في نفسو شي طبيعي م ترد عليك حتي لو ردت تقابله بياتو وش،،،،بقاء قاعد في عربيتو ومترقب وكانو متوقعه في اي لحظه تطلع عشان يشوفه ويحكي معاها.
بعد المغرب انا قاعده في التلفزيون اتصلت علي امنيه قالت لي تعالي لي ضروري،،،،قلت ليها امنيه اختيني بالله انا م ناقصاك قالت لي لو م جيتي بجي بسوقك غصبا عنك والنبي محتاجاك ي شهد انتي م عارفه الحاصل علي شنو قلت ليها والله ي امنيه القاهو مقلب من مقالبك م اخليك قالت لي م مقلب ولاشي بس انتي تعالي قلت ليها سمح جايه،،،،دخلته الغرفه ولبسته لي توب قلت لي امي انا م شاء ناس خالتو كلتوم قالت لي كويس بس م تتاخري قلت ليها تمام،،،وانا برا في الشارع لمحته عربيه وليد واقفه بعيد،،،،بقلبي قلت ي شهد انتي بتتوهمي امكن بتشبها وليد البجيبو شنو هنا كمان م اشتغلته ب الموضوع ومشيت بس فجاء اسمع ليك زول بنادي علي اتلفته لقيتو وليد،،،،بعد شفتو م اشتغله بيهو ومشيت كانو م بتكلم معاي جاء لاحقني قال لي دقيقه ي شهد قلت لي عاوز شنو افتكر مافي حاجه بينا نحكيها بعد الحصل،،،،،قال لي انا عارف انك زعلانه مني وليك الحق تزعلي وتعصبي انا عرفته انك بريئه وم عندك زنب قلت لي اممممم ياداب عرفته اني بريئه ههههه كنته وين ي استاذ لمن قلت ليك انو انا م عملته كدا وانو في شي غلط ،،،،وانت عملته شنو زليتني قدام كل الموظفين حتي م اديتني فرصه ادافع عن نفسي وكاني عدوه ليك كنته واحد تاني غير وليد البعرفو وحبيتو ،،،،،انت كان مفروض تثق فيني وتصدقني وتكزب عقلك لانو انت عارف كويس انو انا مستحيل اعمل كدا فيك لانك روحي ومافي زول بيئزي روحو وليد انا كنته خاتاك سند لي في الحياه العايشاها دي عارف يعني شنو سند كنته يوم عن يوم بحمد ربنا لانو عوضني بيك بعد كل الصعاب الشفتها و العشتها في حياتي بس انت هدمته كل البينا كنته مفتكراك فريد عن كل الناس الزباله المرت في حياتي وقلت اخيرا الدنيا ضحكت لي بس مع الاسف اكتشفته انك م بتفرق عنهم في شي وامكن اكتر ومع انك كنت دايما بتديني دروس في الثقه بس لمن جاء وقت الجد عرفته انك اول واحد محتاج الدروس دي،،،،قال لي شهد كفايه انتي عارفه انو بكلامك ده بتموتيني شهد بترجاك سامحيني انا عارف اني ظلمتك بس مافي انسان معصوم من الغلط ارجوك ي شهد ،،،،قلت لي اسامحك طيب ي سيدي انا سامحتك بس م تتوقع مني اكتر من كدا لانك كسرته حاجه جواي وصعب ترجع زي الاول صعب ارجع واثق فيك من تاني عشان كدا ح اقول ليك انت من طريق وانا من طريق،،،،، قرب مني ومسك ايدي وقال لي شهد انا بحبك ومستحيل اقدر اعيش من دونك عشان خاطري م تبعدي مني انا م بقدر اتحمل بعدك،،،، كل الحصل ده كان وسوسه شيطان وانا اسع عرفته غلطي واوعدك م ح اعمل اي شي تاني ممكن يجرحك
