#ﺍنتقام_وقسوة_محب
ﺑﻘﻠﻤﻲ
الكاتبه ام غايب🙋🏻♀️🙋🏻♀️:
#بارت١٣
ﻋﻨﺪﻣﺎ ﺃﺣﺼﻮﺍ ﺍﻟﺒﻴﻮﺕ
ﺍﻟﻤﻨﻬﺎﺭﺓ ﻓﻲ ﺍﻟﻤﺪﻳﻨﺔ
ﺃﺣﺼﻮﻧﻲ ﻣﻌﻬﺎ
ﻣﺤﺐ ﺭﻳﺎﻡ ﻗﺎﻓﻠﻪ ﺑﺎﺏ ﺍﻟﺤﻤﺎﻡ ﻋﻠﻴﻬﻪ ﻭﻣﺘﺠﺎﻭﺏ ﻭﺍﻟﺠﻠﻜﺎﻥ ﻣﺎﻝ ﻧﻔﻂ ﻫﻢ ﻣﺎﻛﻮ
ﻛﻤﺰ ﻣﻦ ﺍﻟﺠﺮﺑﺎﻳﻪ ﻭﺭﻛﺾ ﻋﻞ ﺣﻤﺎﻡ ﻭﻛﺎﻡ ﻳﺼﻴﺢ ﺭﻳﺎﻡ
ﻣﺎﺍﺣﺲ ﺍﻟﻪ ﻋﺎﻃﺖ ﺭﻳﺎﻡ ...... ﻭﻭﻳﻪ ﻋﻴﻄﺘﻬﻪ ﻣﺤﺐ .... ﻛﺎﻡ ﻳﺪﻓﻊ ﺑﺎﻟﺒﺎﺏ ﺣﻴﻞ ﺍﻧﻲ ﺭﻛﻀﺖ ﻋﻞ ﺑﻄﺎﻧﻴﻪ ﺍﺟﻴﺒﻬﻪ ﻣﺎﺍﺩﺭﻱ ﻟﻴﺶ ﺣﺴﻴﺘﻬﻪ ﺣﺮﻛﺖ ﺭﻭﺣﻬﻪ ﺑﻌﺪﻧﻲ ﻛﺎﻋﺪ ﺍﺟﻴﺒﻬﻪ ﺳﻤﻌﺖ ﺻﻴﺤﺔ ﻣﺤﺐ ...
ﺭﻳﺎﺍﺍﺍﺍﺍﻡ .... ﻭﺍﻧﻲ ﺭﻛﻀﺖ ﺍﻧﻄﻴﺘﻪ ﺍﻟﺒﻄﺎﻧﻴﻪ ﻭﺟﺎﻧﺖ ﺑﺎﻟﻔﻌﻞ ﺗﻮﻫﻪ ﺍﻟﻨﺎﺭ ﺗﺸﺘﻌﻞ ﻭﻫﻲ ﺗﺼﺮﺥ ﻃﻔﺎﻫﻪ ﻣﺤﺐ ﺑﺎﻟﺒﻄﺎﻧﻴﻪ ...... ﻭﺷﺎﻟﻬﻪ ﺑﺴﺮﻋﻪ ﻭﺻﺎﺡ
ﺍﻟﺒﺎﺏ .... ﺍﻟﺒﺎﺏ ﺑﺴﺮﻋﻪ ﻫﺪﻳﻪ
ﻭﻭﻭﻳﻨﻪ ﺍﻟﻤﻔﺘﺎﺡ
ﻣﺎﺍﺩﺭﻱ .. ﻫﺎ ﻋﻞ ﻣﻴﺰ ..... ﺑﺴﺮﺭﺭﻋﻪ
ﺍﻧﺨﺒﺼﻨﻪ ﺣﻴﻞ ﺭﻛﻀﺖ ﺟﺒﺘﻪ ﻭﻫﻮ ﺷﺎﻳﻠﻬﻪ ﻭﻣﻦ ﻛﺜﺮ ﻣﺎﺍﻧﺨﺒﺼﺖ ﺣﺘﻰ ﺍﻟﺒﺎﺏ ﻣﻌﺮﻓﺖ ﺍﻓﺘﺤﻪ
ﺍﺍﺍﺳﺘﻌﺠﻠﻲ ﻳﻤﻌﻮﻭﻭﻭﺩﻩ
ﺍﻱ ... ﺍﻱ ...... ﻃﻠﻊ ﺭﻭﺣﻲ ﻳﺎﻟﻠﻪ ﺍﻧﻔﺘﺢ ﺍﻟﺒﺎﺏ
ﺍﻟﺴﻮﻳﺞ ﻫﺪﻳﻪ
ﺭﻛﻀﺖ ﻋﻞ ﺳﻮﻳﺞ ﻧﺰﻟﺖ ﻭﺭﺍ ﻓﺘﺤﺘﻠﻪ ﺍﻟﺒﺎﺏ ﻣﺎﻝ ﺳﻴﺎﺭﻩ ﺻﻌﺪﻫﻪ ﺍﻟﻲ ﻭﺭﻩ
ﺧﻞ ﺍﺟﻲ ﻭﻳﺎﻙ
ﻭﻫﻮ ﺑﺼﻌﺪ ﺑﺎﻟﺴﻴﺎﺭﻩ ..... ﻛﻠﻲ ... ﻻ ﺻﻌﺪﻱ ﻓﻮﻙ ﻭﻗﻔﻠﻲ ﺍﻟﺒﻮﺏ ﻋﻠﻴﺞ ﻭﺍﻱ ﺍﺣﺪ ﻳﺪﻙ ﺍﻟﺒﺎﺏ ﻟﺘﻔﺘﺤﻲ
ﺧﻞ ﺍﺟﻲ ﻭﻳﺎﻙ
ﺻﻌﺪﻱ ﻫﺪﻳﻪ
ﺻﻌﺪﺕ ﻓﻮﻙ ﺍﺣﺲ ﺣﻴﻠﻲ ﺭﺍﻳﺢ
ﻗﻔﻠﺖ ﺑﺎﺏ ﺍﻟﺸﻘﻪ ﻭﻛﻌﺪﺕ ﻋﻞ ﻗﻨﻔﻪ ﻣﻤﺼﺪﻛﻪ ﺍﻟﻲ ﺻﺎﺭ ﺍﻧﻌﺎﺩ ﺍﻟﺸﺮﻳﻂ ﻋﻠﻴﻪ ﻣﻦ ﺍﻣﻬﻢ ﺣﺮﻛﺖ ﺭﻭﺣﻬﻪ .... ﻛﻤﺖ ﻛﻮﻩ ﺍﺗﻨﻔﺲ ﺍﺧﺘﻨﻜﺖ .... ﺍﺧﺬﺕ ﻧﻔﺲ ﻭﺑﺠﻴﺖ ﻋﻠﻴﻬﻪ
ﻟﻤﻠﻤﺖ ﻭﻧﻈﻔﺖ ﺍﻟﺤﻤﺎﻡ .... ﻭﺭﺣﺖ ﻟﻠﻐﺮﻓﻪ ﺑﺎﻭﻋﺖ ﻋﻠﻰ ﻣﻮﺑﺎﻳﻠﻪ ..... ﻋﻞ ﻛﻮﻣﺪﻱ ﺍﻟﻲ ﻳﻢ ﺍﻟﺠﺮﺑﺎﻳﻪ
ﺷﻠﺘﻪ ﺍﺣﺲ ﻛﻠﺒﻲ ﻛﺎﻡ ﻳﺪﻙ ﺳﺮﻳﻊ .....
ﻛﺘﺒﺖ ﺍﺳﻢ ﻋﻼﺀ ﺑﺎﻻﻧﻜﻠﻴﺰﻱ ﻣﻔﺘﺢ
ﺭﺟﻌﺖ ﻛﺘﺒﺖ ﻋﻼﺀ ﻭﻣﻮﺍﻟﻴﺪﻩ ﻓﺘﺢ
ﺍﻧﺼﺪﻣﺖ ﻭﺍﺑﺘﺴﻤﺖ .... ﺣﺴﻴﺖ ﻛﻠﺒﻲ ﺭﺍﺩ ﻳﻄﻠﻊ ﻣﻦ ﻣﻜﺎﻧﻪ
ﺭﺣﺖ ﻛﺒﻞ ﻋﻠﻰ ﺭﺳﺎﺋﻠﻪ ﻫﻮ ﻭﺭﻓﻞ ﻭﻛﻠﺒﻲ ﻛﺎﻡ ﻳﻮﺟﻌﻨﻲ
ﺟﺎﻧﻦ ﻫﻮﺍﻱ
💬 ﺍﻋﺸﻘﻚ ﺍﺗﻨﻔﺴﻚ ﺍﻣﻮﺕ ﺑﺪﻭﻧﻚ
💬 ﺍﻧﻲ ﻫﻢ ﺍﺣﺒﺞ
💬 ﻭﻳﻨﻚ ﻳﺮﻭﺣﻲ ﺷﻮ ﻣﺎﻛﻮ ﺍﻟﻴﻮﻡ ﻣﺨﺘﻔﻲ
💬 ﻣﻠﺘﻬﻲ ﺑﺎﻟﻤﺤﻞ
💬 ﻟﻴﺶ ﺗﺤﺠﻲ ﻭﻳﺎﻱ ﺑﺒﺮﻭﺩ
ﻻﻥ ﺍﻧﺖِ ﻻﺯﻛﺘﻠﻪ ﻛﺘﻠﻬﻪ ﺑﺎﻭﻋﺖ ﺍﻟﺮﺳﺎﺋﻞ ﺩﻭﻡ ﻫﻴﻪ ﺍﻟﻲ ﺗﺒﺎﺩﺭ ﻭﻳﺎ ﻭﻫﻮ ﻟﻮ ﻳﺠﺎﻭﺑﻬﻪ ﺍﻧﻲ ﻫﻢ ﻣﺸﺘﺎﻗﻠﺞ
ﺍﻧﻲ ﻫﻢ ﺍﺣﺒﺞ ﺍﺑﺪ ﻣﺎﻛﻮ ﺭﺳﺎﻟﻪ ﻫﻮ ﺩﺍﺯﻫﻪ ﺍﻟﻪ ﻧﺰﻟﺖ
ﻟﻜﻴﺘﻪ ﻫﻮ ﺩﺍﺯﻟﻬﻪ ﺑﺎﻟﺒﺪﺍﻳﻪ ﻭﻫﻴﻪ ﻣﺠﺎﻭﺑﺘﻪ ﺍﻟﺘﺎﺭﻳﺦ ﻗﺒﻞ ﺷﻬﺮﻳﻦ
💬 ﺍﺣﺒﺞ ﺭﻓﻞ ﺍﻧﺖِ ﻋﺸﻘﻲ ﺍﻟﻮﺣﻴﺪ ﺍﻟﻲ ﻣﺎﺍﺑﺪﻟﻪ ﺍﺭﻳﺪﺝ ﺍﻟﺞ ﻣﺎﺭﻳﺪ ﻏﻴﺮﺝ
ﺑﺠﻴﺖ ﻭﻫﻴﻪ ﻛﺎﺗﺒﺘﻠﻪ
💬 ﺍﻱ ﺻﺤﻴﺢ ﺍﻟﺪﺭﺟﺔ ﺗﻜﻠﻲ ﺑﻐﻴﺮ ﺍﺳﻤﻲ ﺻﺪﻣﺘﻨﻲ ﺍﻟﻴﻮﻡ ﻭﺃﺫﻳﺘﻨﻲ ﻫﻮﺍﻱ ﻭﺟﻌﺖ ﻛﻠﺒﻲ ﻭﺗﻤﻨﻴﺖ ﻛﻠﻴﻲ ﻳﻜﺮﻫﻚ
💬 ﺣﻘﺞ ﻭﺍﻟﻠﻪ ﺣﻘﺞ
ﺑﺲ ﻟﻴﺶ ﻣﺘﻜﻮﻟﻴﻦ ﻣﺘﻌﻮﺩ ﻋﻠﻰ ﺍﺳﻤﻬﻪ
💬 ﺍﻧﻮﺏ ﺑﻜﻞ ﺻﻼﻓﻪ ﺗﻜﻠﻲ ﻣﺘﻌﻮﺩ ﻋﻠﻰ ﺍﺳﻤﻬﻪ
💬 ﺟﺎﻭﺑﻴﻨﻲ ﻟﺘﺸﻠﻌﻴﻦ ﻛﻠﺒﻲ
ﻣﺴﺤﺖ ﺩﻣﻌﺘﻲ .... ﻭﺳﺪﻳﺖ ﺍﻟﻤﻮﺑﺎﻳﻞ ﺍﺣﺲ ﻛﻠﺒﻲ ﻳﺮﻳﺪ ﻳﻨﻔﺠﺮ ﻣﻦ ﺍﻟﺨﻨﻜﻪ ﺍﻟﻲ ﺻﺎﺭﺕ ﺑﻴﻪ ﻣﺎﺍﻋﺮﻑ ﻟﻴﺶ
ﻟﻴﺶ ﺍﻧﻘﻬﺮ ﻣﻦ ﺍﺷﻮﻑ ﻛﻼﻣﻬﻢ ﻣﺎﺍﺩﺭﻱ ﻭﻫﻮ ﻣﻴﻌﻨﻴﻠﻲ ﺷﻲ
ﻭﺍﺻﻼً ﺷﺘﻮﻗﻊ ﺷﻨﻮ ﻳﺤﺠﻲ ﻭﻳﺎﻫﻪ ﺍﻛﻴﺪ ﻛﻼﻡ ﺣﺐ
ﻋﻔﺘﻪ ﻭﻛﻤﺖ ﺭﺟﻌﺖ ﻋﻘﻠﻲ ﺑﺘﻔﻜﻴﺮﻩ ﻋﻠﻰ ﺭﻳﺎﻡ
ﻭﺍﻟﻘﻠﻖ ﺍﻛﻠﻨﻲ ..... ﺑﺎﻭﻋﺖ ﻋﻞ ﺳﺎﻋﻪ ﺗﺄﺧﺮﻭ ﻛﻤﺖ ﺍﺭﻭﺡ ﻭﺍﺭﺟﻊ ﺑﺎﻟﺸﻘﻪ ﺍﻟﺤﺪ ﻣﺎﺻﺎﺭﺕ ﺍﻟﺴﺎﻋﻪ ﺏ٣ﻭﻧﺺ ﺳﻤﻌﺖ ﺍﻟﺒﺎﺏ ﺍﻟﺠﻮﻩ ﺍﻧﻔﺘﺢ
ﺷﻮﻳﻪ ﻭﻓﺘﺤﺖ ﺍﻟﺒﺎﺏ ﺻﺎﺭﻭ ﺑﻮﺟﻬﻲ ﺭﻳﺎﻡ ﺗﻌﺒﺎﻧﻪ ﺑﺲ ﺗﻤﺸﻲ ﻋﻠﻰ ﺭﺟﻠﻬﻪ ﺑﺲ ﻣﺎﺍﺩﺭﻱ ﺷﺒﻴﻬﻪ ﺻﺎﻓﻨﻪ ﻭﻋﺒﺎﻟﻚ ﺑﻐﻴﺮ ﻋﺎﻟﻢ
ﻣﺤﺐ / ﺑﻌﺼﺒﻴﻪ ﺷﻠﻮﻥ ﺗﻔﺘﺤﻴﻦ ﺍﻟﺒﺎﺏ ﻛﺒﻞ ﺣﺘﻰ ﺑﻌﺪﻧﻲ ﻣﺪﺍﮔﻪ
ﺍﺩﺭﻱ ﺑﻴﻜﻢ ﺍﻧﺘﻮ
ﻣﻨﻴﻦ ﺗﺪﺭﻳﻦ
ﺷﺨﺒﺎﺭ ﺭﻳﺎﻡ ﺷﻜﺎﻟﻮ ﻭﺍﻟﺤﺮﻙ
ﻣﻤﺘﺄﺫﻱ ﺟﺴﻤﻬﻪ .... ﻣﻼﻳﺤﺘﻪ ﻧﺎﺭ ﻗﻮﻳﻪ ﺑﺲ ﻋﻘﻤﻮ ﻭﻃﻠﻊ ﺩﻫﻦ ﻫﺬﺍ ﻻﺯﻡ ﻧﺨﻠﻲ ﺍﻟﻬﻪ ﺍﻧﻲ ﻣﺎﺍﻛﺪﺭ ﺍﺧﻠﻲ ﺍﻟﻬﻪ
ﺍﺧﺬﺗﻪ ﻣﻨﻪ ﻭﻫﻮ ﺭﺍﺡ ﻳﻤﻬﻪ ﻫﻴﻪ ﻛﺒﻞ ﺗﻤﺪﺩﺕ ﻋﻞ ﻗﻨﻔﻪ
ﻛﻌﺪ ﻳﻤﻬﻪ ﺑﺎﻟﻜﺎﻉ ﻭﻟﺰﻡ ﺍﻳﺪﻫﻪ
ﺍﺣﺠﻴﻠﻲ ﺷﺒﻴﺞ ﺣﺒﻴﺒﺘﻲ
ﺭﻳﻮﻣﺘﻲ ﻛﻠﻴﻠﻲ ﺷﺒﻴﺞ ﺷﺘﺤﺴﻴﻦ
ﺍﻧﻲ ﻭﺍﻛﻔﻪ ﻳﻤﻬﻢ ﺍﺑﺎﻭﻉ ﻋﻠﻴﻬﻪ ﻣﻦ ﻳﺤﺠﻲ ﺑﺲ ﺩﻣﻮﻋﻬﻪ ﺗﻨﺰﻝ ﻣﺴﺤﻬﻪ ﺑﻴﺪﻩ
ﻟﻴﺶ ﻫﺎﻟﺪﻣﻮﻉ ﻛﻠﻴﻠﻲ ﺷﻨﻮ ﺗﺮﻳﺪﻱ ﺍﻧﻲ ﺍﺳﻮﻱ ﺍﻟﺞ
ﺗﻜﺮﻫﻴﻦ ﺣﺴﺎﻡ ﻫﺬﺍ ﻫﻮ ... ﻋﻮﻓﻲ ...
ﺗﺤﺠﻲ ﺑﻜﻠﺐ ﺧﻠﺼﺎﻥ ﺍﻛﺮﻩ ﻫﻮﺍﻱ
ﻫﺬﺍ ﻫﻮ ﻳﺼﻴﺮ ﺍﻟﻲ ﻳﺠﺮﺍﻟﺞ ﻧﺎﻣﻲ ﻭﺍﺭﺗﺎﺣﻲ ﺍﻧﺖِ ﻫﺴﻪ
ﻫﺪﻳﻪ / ﺷﻮ ﻣﺎﺍﺩﺭﻱ ﺷﺒﻴﻬﻪ ﺍﺣﺴﻬﻪ ﻣﺴﺤﻮﻧﻪ ﺭﻭﺣﻬﻪ
ﺿﺮﺑﻮﻫﻪ ﺍﻛﺜﺮ ﻣﻦ ﺍﺑﺮﻩ ﻭﺍﻧﻄﻮﻫﻪ ﻣﺴﻜﻨﺎﺕ
ﺑﻘﻪ ﻣﻜﺎﺑﻠﻬﻪ ﻭﻛﺎﻋﺪ ﻭﻫﻲ ﻫﻢ ﻧﺎﻣﺖ ﻭﺍﻧﻲ ﻛﺎﻋﺪﻩ ﻣﻘﺎﺑﻴﻠﻪ ﻋﻞ ﻗﻨﻔﻪ ﺍﺑﺎﻭﻉ ﻋﻠﻲ ﺻﺎﻓﻦ ﻛﺎﻡ ﻭﺭﺍﺡ ﻟﻠﻐﺮﻓﻪ ﺭﺣﺖ ﻭﺭﺍ
ﺟﺎﻥ ﻳﻨﺰﻉ ﺑﺘﺸﻴﺮﺗﻪ
ﻣﺤﺐ
ﺑﺎﻭﻉ ﻋﻠﻴﻪ
ﺗﺮﻩ ﺭﻳﺎﻡ ﻣﻮ ﻃﺒﻴﻌﻴﻪ
ﺍﻋﺮﻑ ... ﺍﻧﺘﺒﻬﺖ ﻣﺎﺍﻋﺮﻑ ﺷﻜﺎﻋﺪ ﺗﺸﻮﻑ ﻛﺒﺎﻟﻬﻪ
ﺷﺮﺍﺡ ﺗﺴﻮﻱ
ﻣﺤﺘﺎﺭ ﻛﻠﺶ ﻭﻣﺎﺍﺩﺭﻱ ﺷﺴﻮﻱ
ﻳﻌﻨﻲ ﺷﺘﺸﻮﻑ
ﻣﺎﺍﺩﺭﻱ
ﻟﻌﺪ ﺷﻠﻮﻥ ﺗﻜﻮﻝ ﺗﺸﻮﻑ
ﻣﺎﺍﺩﺭﻱ ﺷﺒﻴﺞ ﺑﺲ ﻫﻴﻪ ﺗﺤﺠﻲ ﻛﻼﻡ ﻣﻤﻔﻬﻮﻡ ﺷﻜﻴﺖ ﻣﺘﻠﺒﺲ ﺑﻴﻬﻪ
ﻳﻌﻨﻨﻨﻨﻲ ﺟﻨﻲبيج قصص عراقيه حقيقيه من واقعنا.روعه الطائي
ﻣﺎﺍﺩﺭﻱ ﺷﺒﻴﺞ .... ﻭﺻﻮﺗﺞ ﻧﺼﻲ ﻟﺘﺴﻤﻊ
ﺻﺪﻙ ﻣﺤﺐ
ﻭﻟﺞ ﺷﺒﻴﺞ ﻛﺘﻠﺞ ﻣﺎﺍﺩﺭﻱ ﻫﺎﻱ ﻣﺠﺮﺩ ﺗﺨﻤﻴﻦ ﺑﺎﺟﺮ ﺍﺷﻮﻑ ﺟﺎﺭﻩ ﺑﺲ ﺧﻞ ﻳﻄﻠﻊ ﺍﻟﺼﺒﺢ
ﺯﻳﻦ ﺭﺍﺡ ﺗﻜﻮﻝ ﺍﻝ ﺣﺴﺎﻡ
ﺧﻞ ﻳﺎﻛﻞ ﻧﻌﻞ ﻫﺬﺍ ..... ﺍﻧﻲ ﺍﻋﻠﻤﻪ ﺍﺧﺘﻲ ﻣﻮ ﻃﺒﻴﻌﻴﻪ ﻭﻫﻮ ﻭﻻ ﻳﻤﻪ ﺑﺲ ﻣﻠﺘﻬﻲ ﻳﺬﺏ ﻋﻠﻴﻬﻪ ﺗﻬﻢ ﻫﻴﻪ ﺑﻬﺬﺍ ﺣﺎﻟﻬﻪ ﺣﺎﻝ ﻭﺣﺪﻩ ﺗﺨﻮﻥ ﺭﺟﻠﻬﻪ ﻟﺞ ﻫﺪﻳﻪ ﻟﻮ ﺷﺎﻳﻔﻪ ﺷﺴﻮﺕ ﺑﺎﻟﻤﺴﺘﺸﻔﻰ ﺣﺘﻰ ﺍﻟﺪﻛﺎﺗﺮﻩ ﺧﺒﻠﺘﻬﻢ ﺻﺎﻓﻨﻪ ﺑﻮﺟﻪ ﺍﻟﺪﻛﺘﻮﺭ ﻭﺗﻜﻮﻝ ﺩﻡ ﻭﺳﺎﻋﻪ ﺗﻜﻮﻝ ﺟﻠﺐ
ﺑﺎﻭﻋﺖ ﺑﺲ ﺣﺴﺎﻡ ﺟﺎﻥ ﻳﺤﺒﻬﻪ ﺣﻴﻞ ﺷﻠﻮﻥ ﺻﺎﺭ ﻫﺬﺍ
ﺍﻧﻌﻞ ﺍﺑﻮ ﻻﺑﻮ ﺣﺒﻪ ﺑﺪﻝ ﻣﻼﺑﺴﻪ ﻭﺭﺟﻊ ﻳﻢ ﺭﻳﺎﻡ ﻛﻌﺪ ﻛﺒﺎﻟﻬﻪ ﻋﻴﻨﻪ ﺍﺑﺪ ﻣﺄﺧﺬﺕ ﻧﻮﻡ .... ﺍﻧﻲ ﻧﻌﺴﺖ ﺣﻴﻞ ﻧﻤﺖ ﻋﻞ ﻗﻨﻔﻪ ﻛﻞ ﺷﻮﻳﻪ ﺍﻓﺰ ﺍﻟﻜﺎ ﻛﺎﻋﺪ ﺍﺧﺮ ﺷﻲ ﻏﻔﻴﺖ ﻓﺰﻳﺖ ﻋﻠﻲ ﻭﻫﻮ ﻳﻐﻄﻴﻨﻲ
ﻭﺭﺍﻫﻪ ﻓﺰﻳﺖ ... ﻫﻠﻰ ﺭﻳﺎﻡ ﺗﺼﺮﺥ ﻭﻫﻮ ﻻﺯﻣﻬﻪ
ﺍﺭﻳﺪ ﺍﻣﻮﻭﻭﺕ .... ﺍﺭﻳﺪﺩﺩ ﺍﻣﻮﺕ
ﺍﻛﺮﻫﻜﻢ ﻛﻠﻜﻢ ﺍﺭﻳﺪ ﺍﻣﻮﺕ
ﻭﻫﻮ ﺷﺎﺑﻜﻬﻪ ﻭﻫﻲ ﺗﺪﻓﻊ ﺑﻲ ﺍﻧﻲ ﺍﺧﺘﺮﻋﺖ ﺟﺴﻤﻬﻪ ﻳﺮﺟﻒ ﻭﺗﺼﺮﻓﺎﺗﻬﻪ ﻣﻮ ﻗﺎﻧﻮﻧﻴﻪ ﻛﻮﻩ ﻫﺪﺋﻬﻪ ﻳﺤﺠﻲ ﻭﻳﺎﻫﻪ ﻭﻳﺴﺄﻟﻬﻪ ﻭﻫﻴﻪ ﺗﺘﺼﻔﻦ ﻳﺎﻟﻠﻪ ﺗﺠﺎﻭﺏ
ﻛﻠﻲ ﻛﻌﺪﻱ ﻳﻤﻬﻪ ﺑﻴﻦ ﻣﺎﺍﺑﺪﻝ
ﻣﺎﺷﻲ ﺭﺣﺖ ﻳﻤﻬﻪ ﻟﺰﻣﺖ ﺍﻳﺪﻫﻪ
ﺭﻳﻮﻣﻪ ﺷﺒﻴﺞ
ﺑﻄﻨﻲ ﺗﻮﺟﻌﻨﻲ
ﻭﺑﻌﺪ
ﺻﻔﻨﺖ ﺑﻮﺟﻬﻲ ﻭﺑﺠﺖ ﻳﻜﻠﻲ ﺩﺯﻭﻧﻲ ﻋﻠﻴﺞ
ﻫﻮ ﻣﻨﻮ
ﻭﺍﺣﺪ
ﻣﺴﺤﺖ ﻋﻠﻰ ﻇﻬﺮﻫﻪ ﻣﺤﺐ ﺑﺪﻝ ﻭﻛﻠﻲ ﺟﻴﺒﻲ ﻣﻼﺑﺲ ﺍﻟﻬﻪ
ﺭﺣﺖ ﺟﺒﺘﻠﻬﻪ ﻣﻼﺑﺲ ﺑﺪﻟﺘﻠﻬﻪ ﻭﻟﺒﺴﺘﻬﻪ ﺷﺎﻝ ﻻﻥ ﺭﻳﺎﻡ ﻣﺤﺠﺒﻪ ﺗﺤﺠﺒﺖ ﻣﻦ ﺗﺰﻭﺟﺖ
ﻭﻳﻦ ﺭﺍﺡ ﺗﺎﺧﺬﻫﻪ
ﻣﺎﺍﺩﺭﻱ
ﺯﻳﻦ ﺧﻞ ﺍﺳﻮﻳﻠﻚ ﺭﻳﻮﻙ
ﻳﻤﻌﻮﺩﻩ ﺑﺤﺎﻝ ﺭﻳﻮﻙ ﺍﻧﻲ ...
ﺍﺧﺬﻫﻪ ﻭﺭﺍﺡ ﺑﻘﻴﺖ ﺍﻟﻮﺏ ﻣﺎﺍﻋﺮﻑ ﻭﺿﻌﻬﻪ ﻟﻠﻌﺼﺮ ﻳﺎﻟﻠﻪ ﺍﻧﺪﻙ ﺍﻟﺒﺎﺏ ... ﺑﺄﺧﺮ ﻓﺘﺮﻩ ﻛﺎﻡ ﻣﻴﻘﻔﻞ ﺍﻟﺒﺎﺏ ﻣﻦ ﻳﻄﻠﻊ ﺍﻧﻲ ﺍﻗﻔﻠﻪ
ﻓﺘﺤﺘﻪ .... ﺟﺎﻧﻮ ﻣﺤﺐ ﻭﺭﻳﺎﻡ ﻭﺧﺎﻟﺘﻪ ﻧﻌﻴﻤﻪ ﻭﺭﻓﻞ ﻣﻦ ﻓﺘﺤﺖ ﺍﻟﺒﺎﺏ ﻋﻠﻰ ﻛﺜﺮ ﻣﺎﺟﻨﺖ ﻣﻨﺘﻈﺮﻩ ﺟﻴﺘﻬﻢ ﻋﻠﻰ ﻣﺎ ﺍﻧﺼﺪﻣﺖ ﺣﺘﻰ ﻣﻌﺮﻓﺖ ﺷﺤﺠﻲ ﻣﻦ ﺷﻔﺖ ﺭﻓﻞ
ﻧﻌﻴﻤﻪ / ﺩﺧﻠﻲ ﺣﺒﻴﺒﺘﻲ ﺩﺧﻠﻲ
ﺟﺎﻧﺖ ﻧﻌﻴﻤﻪ ﻻﺯﻣﺘﻬﻪ
ﻭﺧﺮﺕ ﻭﺭﺣﺖ ﺟﺒﺖ ﻣﺨﺪﻩ ﻋﻞ ﺳﺮﻳﻊ ﺧﻠﻴﺘﻬﻪ ﺍﻝ ﺭﻳﺎﻡ
ﺍﺣﺲ ﺍﻟﻠﺴﺎﻧﻲ ﺗﺮﺑﻂ ..... ﻭﻛﻞ ﻣﺎﺍﺑﺎﻭﻉ ﻋﻠﻰ ﻣﺤﺐ ﻳﺒﺎﻭﻉ ﻋﻠﻴﻪ
ﻧﻌﻴﻤﻪ / ﻫﻠﻮ ﻫﺪﻳﻪ ﺷﻠﻮﻧﺞ
ﻫﻠﻮ ﺧﺎﻟﻪ ﺑﻮﺳﺘﻬﻪ ﻭﺣﺘﻰ ﺭﻓﻞ ﺑﻮﺳﺘﻨﻲ ﻋﻔﺘﻬﻢ ﻭﺭﺣﺖ ﻟﻠﻤﻄﺒﺦ ﺣﺴﻴﺖ ﻧﻔﺴﻲ ﻏﺮﻳﺒﻪ ﺑﻴﻨﻬﻢ ..... ﺳﺄﻟﺘﻪ ﺧﺎﻟﺘﻪ ﺷﺒﻴﻬﻪ
ﻣﺤﺐ / ﻳﻜﻠﻲ ﺍﻟﺴﻴﺪ ﻣﺴﺤﻮﺭﻩ
ﻳﻤﻪ ﺍﺳﻢ ﺍﻟﻠﻪ ﺷﻠﻮﻥ ﻭﻣﻨﻮ ﺳﻮﻳﻠﻬﻪ
ﺷﻤﺪﺭﻳﻨﻲ ﻳﺎ ﺧﺎﻟﻪ .... ﻣﻘﺒﻞ ﻳﻜﻮﻝ ﺍﻟﺴﻴﺪ
ﻭﺍﻟﺤﻞ
ﺷﻤﺪﺭﻳﻨﻲ ﺍﻧﻄﺎﻧﻲ ﺍﻟﻬﻪ ﻣﺎﺍﺩﺭﻱ ﺷﻨﻮ ﺑﻄﻠﻪ ﻛﺎﻝبيج قصص عراقيه حقيقيه من واقعنا.روعه الطائي
ﻳﻤﻪ ﺳﻮﺩﻩ ﻋﻠﻴﻪ ﺍﻟﻠﻪ ﻻ ﻳﻨﻄﻴﻬﻢ ﻳﻤﻪ ﻣﻦ ﻛﺘﻠﻲ ﺗﺨﺒﻠﺖ
ﺍﺳﻤﻌﻬﻢ ﻣﻦ ﻳﺤﺠﻮﻥ ﻫﻤﻪ ﻣﻮ ﻭﻳﺎ ﺷﻮ ﻫﺎﻱ ﻣﺘﻔﺎﺟﺌﻪ ﺳﻤﻌﺖ ﺭﻓﻞ
ﺣﺒﻴﺒﻲ ﺷﺮﺍﺡ ﺗﺴﻮﻱ ﻫﺴﻪ
ﺷﺴﻮﻱ ﻳﻌﻨﻲ ﺍﻧﺘﻈﺮ ﺭﺣﻤﺔ ﺍﻟﻠﻪ ﺍﻟﻴﻮﻡ ﺭﺣﺖ ﻟﻠﺴﻴﺪ ﺑﻌﺪﻧﻲ ﺣﺘﻰ ﻣﺎﺍﻋﺮﻑ
ﻃﻠﻌﺖ ﻣﻦ ﺍﻟﻤﻄﺒﺦ ﺑﻌﺪ ﻣﺎ ﺗﺮﺳﺖ ﺍﻟﺪﻭﻟﻜﻪ ﻣﻲ ﻟﻜﻴﺖ ﻣﺤﺐ ﻛﺎﻋﺪ ﻭﺭﻓﻞ ﻛﺎﻋﺪﻩ ﻋﻞ ﺩﺟﻪ ﻣﺎﻝ ﻗﻨﻔﻪ ﻭﻣﺨﻠﻴﻪ ﺍﻳﺪﻫﻪ ﻋﻠﻰ ﺟﺘﻒ ﻣﺤﺐ
ﺍﻧﻲ ﺍﺣﺲ ﻧﺎﺭ ﺍﺷﺘﻌﻠﺖ ﺑﻜﻠﺒﻲ
ﻣﻮ ﺣﺐ ﺍﻱ ﺣﺐ ﻫﺬﺍ ﺑﺲ ﺍﻻﻫﺎﻧﻪ ﺻﻌﺒﻪ
ﺍﻧﻄﻴﺖ ﺍﻝ ﺧﺎﻟﻪ ﻧﻌﻴﻤﻪ ﺩﺭﺕ ﻭﺟﻬﻲ ﻟﻜﻴﺘﻪ ﻛﺎﻳﻢ ﻣﻦ ﻳﻤﻬﻪ
ﻗﺪﻣﺘﻠﻬﻪ ﻣﻲ
ﻳﺴﻠﻤﻮ ﺣﺒﻴﺒﺘﻲ
ﺑﺎﻭﻋﺖ ﻋﻠﻴﻬﻪ .... ﺑﻮﺩﻱ ﺍﺧﻨﻜﻬﻪ ... ﻭﺍﺣﻨﻜﻪ ﺍﻟﻪ ﻫﻢ .....
ﻣﺤﺐ / ﻫﺪﻳﻪ ﺗﻬﺎﻟﻲ ﺍﻛﻠﺞ ﻭﺩﺧﻞ ﻟﻠﻐﺮﻓﻪ
ﺭﻓﻞ ﻛﺒﻞ ﺍﻧﻜﻠﺐ ﻭﺟﻬﻪ
ﺧﻠﻴﺖ ﺍﻟﺪﻭﻟﻜﻪ ... ﻋﻞ ﻃﺒﻠﻪ ﻭﺭﺣﺖ ﻭﺭﺍ
ﺍﻭﻝ ﻣﺎ ﺩﺧﻠﺖ .... ﺟﺎﻥ ﻭﺍﻛﻒ ﻳﻢ ﺍﻟﻤﻴﺰ ﻣﺎﻝ ﻣﺮﺍﻳﻪ ﺟﺎﻥ ﻳﺤﺴﺐ ﻓﻠﻮﺳﻪ ..... ﻛﺒﻞ ﻋﺎﻓﻬﻦ ﻭﺍﺟﻪ ﻋﻠﻴﻪ
ﺷﻨﻮ
ﺷﺒﻴﺞ ﺍﺣﺴﺞ ﻣﻮ ﻃﺒﻴﻌﻴﻪ
ﺿﺤﻜﺖ ﺷﺒﻴﻪ
ﻫﺪﻳﻪ ﻣﺎﺍﺩﺭﻱ ﺑﻴﻬﻢ ﺗﻔﺎﺟﺌﺖ ﺑﻴﻬﻢ ﻳﻢ ﺑﺎﺏ ﺍﻟﺸﻘﻪ ﻭﺍﻟﻠﻪ
ﺍﺳﻜﺖ ﻣﺤﺐ
ﺍﻧﺖ ﻟﻴﺶ ﻫﻴﺞ ﻓﻬﻤﻨﻲ
ﻛﺎﻋﺪ ﺍﻛﻠﺞ ﻣﺎﺍﺩﺭﻱ ﺑﻴﻬﻢ
ﻭﻟﻴﺶ ﻛﺎﻋﺪ ﺗﺒﺮﺭﻟﻲ
ﻻﻥ ﺷﻔﺖ ﻭﺟﻬﺞ ﺗﻐﻴﺮ ﻭﻧﻈﺮﺍﺗﺞ ﻭﻛﺎﻧﻤﺎ ﺍﻧﻲ ﻣﺘﻘﺼﺪ
ﺑﺎﻭﻋﺖ ﻋﻠﻲ .... ﺗﻐﻴﻴﺮﻩ ﻣﻮ ﻃﺒﻴﻌﻲ ﻭﻳﺎﻱ
ﻳﺒﺮﺭﻟﻲ ﻭﻣﻤﺘﻌﻮﺩﻩ ﻋﻠﻰ ﺗﺒﺮﻳﺮﻩ ﺍﻟﻲ
ﺑﺲ ﻫﻢ ﻛﻠﺒﻲ ﻣﺸﺘﻌﻠﻪ ﺑﻲ ﻧﺎﺭ
ﻃﻠﻌﺖ ﻭﻋﻔﺘﻪ ﻭﻫﻮ ﻫﻢ ﻃﻠﻊ ﻭﺭﺍﻳﻪ .... ﻭﺭﻓﻞ ﻟﻄﺸﺖ ﺑﻲ ﻭﻛﻞ ﺷﻮﻳﻪ ﺣﺒﻴﺒﻲ ﻟﻮ ﻋﻤﺮﻱ ﻭﻓﻮﻛﺎﻫﻪ ﺑﻘﻮ ﻟﻠﻴﻞ
ﻭﻣﺤﺐ ﻣﻘﺒﻞ ﺍﺳﻮﻱ ﻋﺸﻪ ﻛﻠﻲ ﺍﻧﻲ ﺭﺍﺡ ﺍﺟﻴﺐ ﻣﻦ ﺑﺮﻩ
ﺍﻭﻝ ﻣﺎﺍﺟﻪ ﻣﻦ ﺑﺮﻩ ﻛﺎﻣﺖ ﺭﻓﻞ ﺍﻟﻪ ﺗﺘﺼﺮﻑ ﻭﻛﺎﻧﻤﺎ ﺍﻟﺒﻴﺖ ﺑﻴﺘﻬﻪ ﻭﻫﻮ ﻣﻦ ﺷﺎﻓﻬﻪ ﻛﺎﻣﺖ ﺻﺎﺣﻨﻲ
ﻫﺪﻳﻪ ﺗﻌﺎﻟﻴﻠﻲ ﻋﻴﻨﻲ
ﺗﻔﺎﺟﺌﺖ ﻭﺣﺘﻰ ﺧﺎﻟﺘﻪ ﻣﻦ ﻛﺎﻝ ﻋﻴﻨﻲ ﺑﺎﻭﻋﺖ ﻋﻠﻲ
ﺑﺲ ﺑﻘﻴﺖ ﻛﺎﻋﺪﻩ ﻻﻥ ﺷﻔﺖ ﺭﻓﻞ ﺭﺍﺣﺖ ﻭﺭﺍ ...
ﺷﻮﻳﻪ ﻭﻛﻤﺖ
ﺭﻓﻞ / ﻣﺤﺐ ﺍﻧﺖ ﻣﺘﻘﺼﺪﺩﺩ ﻟﻮ ﺷﻨﻮ ﺑﺎﻟﻀﺒﻂ
ﻣﺤﺐ / ﺗﻌﺸﻲ ﻭﺍﺧﺬﻱ ﺧﺎﻟﺘﻲ ﻭﻭﻟﻲ
ﻭﺍﻟﻠﻪ
ﻭﻋﻠﻪ ..... ﺷﻜﻮﻭﻭ ﺟﺎﻳﻪ ﻫﻨﺎ ﺍﻧﺖِ
ﻣﻜﺪﺭﺕ ﻣﺎﺍﺩﺧﻞ ﻻﻥ ﻋﻴﻦ ﺧﺎﻟﺘﻪ ﻋﻠﻴﻪ ﺻﻌﺒﻪ ﺍﻭﻛﻒ ﻫﺴﻪ ﺗﻜﻮﻝ ﺗﺘﺴﻨﻂ ﻋﻠﻴﻬﻦ
ﺩﺧﻠﺖ ﻟﻠﻤﻄﺒﺦ ﺭﺃﺳﺎً ﺳﻜﺘﻮ
ﻫﺪﻳﻪ ... ﺷﻮﻓﻲ ﻛﺎﻓﻲ ﻫﺬﺍ ﺍﻟﻌﺸﻪ
ﺑﺎﻭﻋﺖ ﺭﻓﻞ ﻣﺪﻣﻌﻪ ﻋﻴﻮﻧﻬﻪ .... ﻋﺎﻓﺘﻨﻪ ﻭﻃﻠﻌﺖ
ﻫﻮ ﺑﻘﻪ ﻳﺒﺎﻭﻉ ﻋﻠﻴﻪ ﻭﻃﻠﻊ
ﻣﺎﺍﻋﺮﻑ ﺍﻓﺮﺡ ﻟﻮ ﺷﻨﻮ ﻫﻮ ﺑﺎﻟﺤﺎﻟﺘﻴﻦ ﺍﻟﻤﻮﻗﻒ ﺃﺫﺍﻧﻲ ﺳﻮﺍﺀ ﻛﺎﻟﻠﻬﻢ ﻳﺮﻭﺣﻮﻥ ﺍﻭ ﻣﻜﺎﻟﻠﻬﻢ ﺑﺎﻟﺤﺎﻟﺘﻴﻦ ﺍﻫﺎﻧﻪ ﺍﻟﻲ
ﻭﺟﺎﻧﺖ ﺭﻓﻞ ﺗﻮﺻﻠﻲ ﻓﻜﺮﺓ ﻫﻴﻪ ﺍﻡ ﺍﻟﺒﻴﺖ ﻭﻫﻴﻪ ﺍﻟﻜﻞ ﺑﺎﻟﻜﻞ ﻭﺍﻧﻲ ﻣﺠﺮﺩ ﺭﺍﺡ ﺍﺻﻴﺮ ﺧﺪﺍﻣﻪ
ﺭﺣﺖ ﺍﺧﺬﺕ ﺳﻔﺮﻩ .... ﺟﺎﻥ ﺟﺎﻳﺐ ﺩﺟﺎﺝ ﻭﺗﻤﻦ ﻭﻣﻘﺒﻼﺕ ﻭﺯﻋﺘﻬﻦ ﻭﻛﻠﺘﻠﻬﻢ ﺗﻔﻀﻠﻮ
ﻭﺭﺣﺖ ﻟﻠﻤﻄﺒﺦ ﻟﺤﻜﻨﻲ ﻣﺤﺐ
ﺗﻌﺎﻟﻲ ﺗﻌﺸﻲ
ﺭﻭﺡ ﻣﺤﺐ
ﻫﺪﻳﻪ
ﺭﻭﺡ ﻣﺤﺐ ﺗﻌﺸﻰ
ﻣﺎﺍﺗﻌﺸﻰ ﺍﺫﺍ ﻣﺘﺘﻌﺸﻴﻦ
ﺻﺪﻙ ﻳﻌﻨﻲ ﺩﺗﺤﺠﻲ ﺍﻧﺖ ﻋﻠﻴﻚ ﺍﻟﻠﻪ
ﻫﺪﻳﻪ ﻣﻦ ﺗﺤﺠﻴﻦ ﻭﻳﺎﻱ ﻟﺘﺤﺠﻴﻦ ﺑﻬﺎﻱ ﺍﻟﻨﺒﺮﻩ
ﻭﺑﻌﺪﻳﻦ ﺍﻃﺮﺩ ﺧﺎﻟﺘﻲ ﻗﺎﺑﻞ ﻟﻮ ﺭﻓﻞ ﺟﺎﻳﻪ ﻭﺣﺪﻫﻪ ﻭﺭﻭﺡ ﺍﻟﻐﺎﻟﻲ ﻣﺎﺍﺩﺧﻠﻬﻪ
ﺑﺲ ﺧﻠﻴﺘﻨﻲ ﺍﺧﺪﻡ ﺧﻄﻴﺒﺘﻚ
ﺍﻧﺖ ﻛﻠﺘﻬﻪ ﻗﺒﻞ ﺍﻧﺖِ ﺧﺪﺍﻣﻪ
ﺗﻌﺎﻟﻲ ﺧﻞ ﻧﺘﻌﺸﻰ ﻭﺑﻌﺪﻳﻦ ﻧﺴﻮﻟﻒ
ﻣﺎﺍﺭﻳﺪ
ﺑﺮﺍﺣﺘﺞ ﺳﻮﻱ ﺟﺎﻱ
ﺑﺎﻭﻋﺖ ﻋﻠﻲ ﻛﻮﻩ ﻟﺰﻣﺖ ﺩﻣﻌﺘﻲ ﺧﻠﻴﺖ ﺍﻟﻘﻮﺭﻱ ﻭﺳﻤﻌﺖ ﺧﺎﻟﺘﻪ ﻛﺎﻟﺘﻠﻪ ﻟﻌﺪ ﻣﺘﺘﻌﺸﻪ ﺍﻧﺖ
ﻻ ﻣﺎﺍﺷﺘﻬﻲ
ﺍﺑﺘﺴﻤﺖ ... ﻋﺎﺑﺘﻠﻚ ﻣﺤﺐ ﺻﺎﻳﺮ ﺣﺒﺎﺏ
ﺭﺣﺖ ﻟﻜﻴﺘﻪ ﻣﺎﺧﺬ ﻣﺎﻋﻮﻥ ﻭﻳﺤﺎﻭﻝ ﻳﻮﻛﻞ ﺭﻳﺎﻡ
ﻧﻌﻴﻤﻪ / ﻣﺘﺠﻴﻦ ﺗﺘﻌﺸﻴﻦ ﻫﺪﻳﻪ
ﻗﺒﻞ ﺷﻮﻳﻪ ﺗﻐﺪﻳﺖ ﺧﺎﻟﻪ
ﺣﺴﻴﺘﻬﻪ ﺿﺎﺟﺖ ﺻﺢ ﻫﻮ ﻋﻴﺐ ﻣﺄﻛﻠﺖ ﻭﻳﺎﻫﻢ ﺑﺲ ﺟﻨﺖ ﻣﻘﻬﻮﺭﻩ
ﻛﻤﻠﻮ ﻋﺸﻪ ﺻﺒﻴﺖ ﺑﺲ ﺍﻟﺨﺎﻟﺘﻪ ﺟﺎﻱ
ﻭﻗﺪﻣﺘﻪ ﺍﻟﻬﻪ
ﻣﺤﺐ / ﺧﺎﻟﻪ ﺭﺍﺡ ﺍﻃﻠﻊ ﻫﺴﻪ ﺍﺫﺍ ﺗﺮﻳﺪﻳﻦ ﺍﻭﺻﻠﻜﻢ ﻭﻳﺎﻳﻪ
ﻻ ﻳﻤﻪ ﻭﻳﻦ ﺍﻧﻲ ﻣﺎﺍﺭﻭﺡ ﺑﺎﻗﻴﻪ ﻫﻨﺎ ﻣﺎﺍﻛﺪﺭ ﺑﺎﻟﻲ ﻳﺒﻘﻪ ﻳﻢ ﺭﻳﺎﻡ ﺷﻠﻮﻥ ﺍﻋﻮﻓﻬﻪ ﺑﻬﺎﻱ ﺍﻟﻮﺿﻌﻴﻪ
ﺑﺎﻭﻋﺖ ﻳﻤﻜﻦ ﺑﻠﺤﻈﺘﻬﻪ ﺭﺍﺩﺕ ﺗﻄﻠﻊ ﺍﻟﺪﻣﻌﻪ .... ﻣﺎﺍﻋﺮﻑ ﺷﻨﻮ ﻣﻌﻨﺎﻫﻪ ﺗﺼﺮﻓﻬﻪ ﻭﺑﻘﺎﺋﻬﻪ
ﻣﺤﺐ / ﻛﻮﻣﻲ ﻟﻌﺪ ﺭﻓﻞ ﺧﻞ ﺍﻭﺩﻳﺞ
ﻣﺎﺷﻲ
ﻛﺎﻣﺖ ﻟﺒﺴﺖ ﺣﺬﺍﺋﻬﻪ ﻭﻃﻠﻌﻮ ﺍﻧﻲ ﺍﺣﺲ ﺍﻋﺼﺎﺑﻲ ﺗﻠﻔﺖ ﺣﻴﻞ ﺻﺢ ﻫﻴﻪ ﺧﺎﻟﺘﻪ ﻭﻣﻦ ﺣﻘﻬﻪ ﺗﺒﺎﺕ ﺑﺲ ﺍﻧﻲ ﺍﻧﻘﻬﺮﺕ ﺣﻴﻞ ﻣﺎﺍﻋﺮﻑ ﺷﻠﻮﻥ ﻗﺒﻠﺖ ﺏ ﻣﺤﺐ ﻳﺨﻄﺐ ﺑﺘﻬﻪ ﻭﻫﻮ ﻣﺘﺰﻭﺝ ﻭﺭﺍﺡ ﻳﺼﻴﺮ ﺍﺏ ﺻﺢ ﺍﻧﻲ ﻣﻤﻨﺘﻈﺮﻩ ﺷﻲ ﻣﻨﻪ ﺑﺲ ﺍﺣﺲ ﺍﻟﻤﻮﻗﻒ ﺻﻌﺐ ﺑﺎﻟﻨﺴﺒﻪ ﺍﻟﻲ ﺭﻓﻞ ﻣﺘﻔﺮﻕ ﻋﻦ ﺍﺧﺘﻲ ﻣﺎﺍﺩﺭﻱ ﺍﻟﻠﻪ ﺩﻳﻌﺎﻗﺒﻨﻲ ﻋﻞ ﺳﻮﺗﻪ ﺍﺧﺘﻲ ﺑﺄﻡ ﻣﺤﺐ
ﻛﻌﺪﺕ ﻳﻤﻬﻪ ﻛﺎﻟﺘﻠﻲ ﺩﻭﺭﻳﺎﻳﺎ ﻋﻞ ﺍﻡ ﺑﻲ ﺳﻲ ﻣﺘﺎﺑﻌﻪ ﻣﺴﻠﺴﻞ ﻭﺭﻳﺎﻡ ﻛﺎﻋﺪﻩ ﺗﺘﺼﻔﻦ ﻭﺗﺒﺠﻲ
ﻛﻤﺖ ﻧﻈﻔﺖ ﻣﻄﺒﺨﻲ ﻭﺩﺧﻠﺖ ﺳﺒﺤﺖ ﻭﻛﻠﺖ ﺧﻞ ﺍﻛﻮﻡ ﺍﺳﻮﻱ ﻛﻴﻜﻪ ﺻﺢ ﻣﻮ ﻭﻗﺘﻬﻪ ﺑﺲ ﺿﺎﻳﺠﻪ ﺷﺴﻮﻱ ﺑﺸﻨﻮ ﺍﻟﻬﻲ ﺭﻭﺣﻲ ... ﻭﺭﻳﺎﻡ ﺗﺤﺐ ﺍﻟﻜﻴﻚ ﻣﺎﻟﺘﻲ ﺑﻠﻜﺖ ﺗﺎﻛﻞ
ﺳﻮﻳﺖ ﻛﻴﻜﻪ ﺗﻮﻧﻲ ﺧﻠﻴﺘﻬﻪ ﺑﺎﻟﻔﺮﻥ ﺍﺟﻪ ﻫﻮ
ﺩﻙ ﺍﻟﺒﺎﺏ ﻋﻠﻰ ﻛﻴﻒ ﻋﻠﻤﻮﺩ ﺭﻳﺎﻡ ﻓﺘﺤﺖ ﺍﻟﺒﺎﺏ
ﺷﺨﺒﺎﺭ ﺭﻳﺎﻡ
ﺍﺣﺴﻦ ﻣﻦ ﺍﻟﺒﺎﺭﺣﻪ
ﻫﺎﺍﺍ ﻭﺍﻟﻠﻪ ﻳﻌﻨﻲ ﺍﻛﻮ ﻓﺮﻕ
ﺍﻱ ﺍﻧﻲ ﺍﺣﺲ ﺍﻛﻮ ﻓﺮﻕ
ﺍﻟﺤﻤﺪﻟﻠﻪ .... ﺩﺧﻞ ﻧﺰﻉ ﺣﺬﺍﺋﻪ ﻭﻛﻠﻲ ﻭﺧﺎﻟﺘﻲ ﺷﻮ ﻣﺎﻟﻬﻪ ﺣﺲ
ﻛﺎﻋﺪﻩ ﻳﻢ ﺍﻟﺘﻠﻔﺰﻳﻮﻥ
ﺗﺮﻩ ﺟﻌﺖ ﺣﻴﻞ ﻣﺘﺴﻮﻳﻠﻨﻪ ﻋﺸﻪ
ﻣﺎﺷﻲ
ﺭﺣﺖ ﻟﻠﻤﻄﺒﺦ ..... ﻳﻠﻢ ﻋﻠﻰ ﺧﺎﻟﺘﻪ ﻭﻛﻌﺪ ﻛﻌﺪﺕ ﺍﺣﻤﻲ ﺑﺎﻟﻌﺸﻪ .... ﻭﺍﺭﺍﻗﺐ ﺍﻟﻜﻴﻜﻪ ﺳﻮﻳﺘﻠﻪ ﻋﺸﻪ ﺍﻧﻲ ﺟﻨﺖ ﻣﺎﺍﺷﺘﻬﻲ ﺍﺗﻌﺸﻰ ﻭﻣﻨﺘﻈﺮﻩ ﺍﻟﻜﻴﻜﻪ
ﻛﻠﻲ ﺗﻌﺸﻴﺘﻲ
ﻻ
ﻟﻌﺪ ﻟﻴﺶ ﻣﺘﺘﻌﺸﻴﻦ
ﻣﺸﺘﻬﻴﻪ ﻛﻴﻜﻪ ﺳﻮﻳﺖ ﻫﺴﻪ
ﻛﻌﺪﺕ ﻋﻠﻰ ﺻﻔﺤﻪ ﻫﻮ ﺗﻌﺸﻰ ﻭﻛﺎﻡ ﻳﺴﻮﻟﻒ ﻫﻮ ﻭﺧﺎﻟﺘﻪ
ﻣﺎﻋﻮﻟﺘﻪ ﻳﻜﻤﻞ .... ﻓﺮﺷﺖ ﻓﺮﺍﺵ ﺍﻟﺨﺎﻟﺘﻪ ﻳﻢ ﺭﻳﺎﻡ ﻭﺩﺧﻠﺖ ﻟﻠﻐﺮﻓﻪ ﺗﻤﺪﺩﺕ ﺟﻨﺖ ﺗﻌﺒﺎﻧﻪ ﺣﻴﻞ
ﻧﻤﺖ ﻭﻫﻮ ﻧﺎﻡ ﻳﻤﻬﻢ ﺑﺎﻟﻬﻮﻝ ﻋﻞ ﻗﻨﻔﻪ ﻻﻥ ﻣﻴﻜﺪﺭ ﻳﻌﻮﻑ ﺭﻳﺎﻡ ﻳﺨﺎﻑ ﻋﻠﻴﻬﻪ
ﻣﺮﻥ ٣ﺍﺳﺎﺑﻴﻊ .... ﻭﺭﻳﺎﻡ ﻋﻠﻰ ﻧﻔﺲ ﺍﻟﻮﺿﻊ ﻭﺍﺳﻮﺀ
ﻛﺎﻣﺖ ﺣﺘﻰ ﺩﻭﺩ ﻳﻄﻠﻊ ﻣﻦ ﺟﺴﻤﻬﻪ ﺍﻟﺴﺤﺮ ﻛﺎﻟﻮ ﻗﻮﻱ ﺣﻴﻞ ﻭﺷﻌﺮﻫﻪ ﻭﻛﻊ ﻭﺣﻮﺍﺟﺒﻬﻪ ﻫﻢ ﺑﺪﺕ ﺗﻮﻛﻊ ﺍﻛﻞ ﺷﺮﺏ ﻣﺎﻛﻮ
ﻭﺳﺎﻋﺎﺕ ﺗﺼﺮﺥ ﻣﺜﻞ ﻭﻛﺎﻧﻤﺎ ﻣﺘﻠﺒﺲ ﺑﻴﻬﻪ ﺷﻲ
ﻭﻣﺤﺐ ﺣﺎﻟﺘﻪ ﻣﺘﺘﺴﻮﻟﻒ .... ﺷﻔﺖ ﺣﻨﻴﺔ ﻋﻼﺀ ﺑﻲ
ﻣﻜﺎﺑﻠﻬﻪ ﻭﻛﺎﻋﺪ ﺣﺘﻰ ﻧﻮﻡ ﻣﻴﻨﺎﻡ ﻭﺣﺘﻰ ﺍﻟﺸﻐﻞ ﻛﺎﻡ ﻣﻴﻄﻠﻊ ﻭﻫﻮ ﻋﻨﺪﻩ ﺳﻠﻔﻪ ﻻﺯﻡ ﻳﺪﻓﻌﻠﻬﻪ ﺍﻧﻲ ﻭﻳﻦ ﻳﺎﻟﻠﻪ ﻋﺮﻓﺖ ﻫﻮ ﻳﺸﺘﻐﻞ ﺣﻼﻕ
ﻭﺣﺴﺎﻡ ﻣﻦ ﺩﺭﻩ ﺑﺤﺎﻟﺔ ﺭﻳﺎﻡ ﺍﺟﻪ ﻭﻣﺤﺐ ﻣﻘﺒﻞ ﻳﺸﻮﻑ ﺭﻳﺎﻡ ﻭﺗﺨﺒﻞ ﺣﺴﺎﻡ
ﻭﺍﻧﻲ ﺑﻮﻗﺘﻬﻪ ﺑﺸﻬﺮ ﺍﻟﺴﺎﺑﻊ ﺑﻨﻬﺎﻳﺘﻪ
ﻭﺧﺎﻟﺘﻬﻢ ﻧﻌﻴﻤﻪ ﺗﺠﻲ ﺑﻴﻦ ﻓﺘﺮﻩ ﻭﺍﻟﺜﺎﻧﻴﻪ
ﺟﻨﺖ ﻧﻌﺴﺎﻧﻪ ﻭﻣﺤﺐ ﻗﺎﻓﻞ ﻣﻴﻨﺎﻡ ﻻﻥ ﺭﻳﺎﻡ ﻣﺮﺍﺕ ﺗﺨﺘﻨﻚ ﻭﻳﺨﺎﻑ ﺧﺎﻑ ﻳﻨﺎﻡ ﻭﺗﺨﺘﻨﻚ ﻭﻫﻮ ﻣﻴﺪﺭﻱ ﺑﻴﻬﻪ
ﺷﻔﺘﻪ ﻏﻔﻪ .... ﻛﻴﻔﺖ ﻻﻥ ﺧﻄﻴﻪ ﺗﻌﺒﺎﻥ
ﺭﺣﺖ ﺟﺒﺖ ﻏﻄﻪ .... ﻏﻄﻴﺘﻪ ﻓﺰ ﻣﺨﺮﻭﻉ
ﺍﺳﻢ ﺍﻟﻠﻪ ... ﺍﺳﻢ ﺍﻟﻠﻪ
ﻋﺒﺎﻟﻲ ﺭﺳﺎﻡ ﻣﻦ ﻛﺪ ﻣﺎ ﺑﺎﻟﻲ ﻳﻤﻬﻪ .... ﻭﻭﺧﺮ ﺍﻟﻐﻄﻪ ﻣﺎﺍﺭﻳﺪ ﺍﻧﺎﻡ
ﺩﻧﺎﻡ ﻣﺤﺐ ﺷﻜﻠﻚ ﺗﻌﺒﺎﻥ ﺣﻴﻞ
ﺍﻧﺖِ ﻟﻴﺶ ﻣﻨﺎﻳﻤﻪ ﺍﻟﻬﺴﻪ
ﻣﻨﻌﺴﺎﻧﻪ
ﻧﺺ ﺳﺎﻋﻪ ﻭﻛﻌﺪﻳﻨﻲ ﻟﻌﺪ ﻻﻥ ﺑﻌﺪ ﻣﺎﺍﺗﺤﻤﻞ
ﻣﺎﺷﻲ
ﻧﺎﻡ ﻭﺗﻐﻄﻪ ﻭﺷﻮﻳﻪ ﻭﺩﺍﺭ ﻭﺟﻬﻪ ﺭﺍﺳﻲ ﺭﺍﺡ ﻳﻤﻮﺗﻨﻲ ﻣﺎﻋﻨﺪﺝ ﺣﺒﻮﺏ
ﻻ
ﻛﻤﺖ ﻛﻌﺪﺕ ﻋﺪﻝ ﻭﻛﺘﻠﻪ ﺧﻠﻲ ﺭﺍﺳﻚ ﻋﻠﻰ ﺭﺟﻠﻲ ﺍﻣﺮﺧﻪ ﺍﻟﻚ .... ﺧﻼ ﻭﻛﺎﻡ ﻳﺒﺎﻭﻉ ﻋﻠﻴﻪ
ﻭﺍﻧﻲ ﺍﺑﺎﻭﻉ ﻋﻠﻲ ... ﺷﻮﻳﻪ ﻭﺩﺍﺭ ﻭﺟﻬﻪ ﻋﻠﻰ ﺑﻄﻨﻲ ﺻﺎﺭ ﺧﺪﻩ ﻣﺘﺠﻲ ﻋﻠﻰ ﺑﻄﻨﻲ
ﻏﻔﻪ ﻻﻥ ﻛﻤﺖ ﺍﻟﻠﻌﺐ ﺑﺸﻌﺮﻩ ..... ﻣﺎﺍﺣﺲ ﺍﻟﻪ ﺩﻓﺮﻧﻲ ﺍﻟﻄﻔﻞ ﻫﻮ ﻓﺰ
ﺷﻨﻮ ﻫﺎﻱ
ﺍﺑﺘﺴﻤﺖ ﺗﺤﺮﻙ ﺍﻟﻄﻔﻞ
ﻭﺍﻟﻠﻪ
ﺍﻱ ﻭﺍﻟﻠﻪ
ﻫﺎﻱ ﺷﻨﻮﻭﻭﻭ ﻭﺍﺑﺘﺴﻢ ﺣﺴﻴﺖ ﺑﻲ ﻭﺍﻟﻠﻪ ... ﻫﺬﺍ ﻳﻀﺮﺑﻨﻲ ﺍﺑﻦ ﺍﻟﻜﻠﺐ
ﺍﺑﺘﺴﻤﺖ .. ﺍﺷﺶ ﺻﻮﺗﻚ ﺭﻳﺎﻡ
ﻓﺰﺯﻧﻲ ﻫﺬﺍ ﺍﻟﺤﻘﻴﺮ
ﺷﻨﻮ ﻣﻨﻌﺴﺘﻲ ﺍﻧﺖِ
ﻻ
ﺟﺬﺍﺑﻪ ﻧﻌﺴﺘﻲ
ﻻ ﻭﺍﻟﻠﻪ ﺷﺒﻴﻚ
ﻛﺎﻡ ﺭﻓﻊ ﺭﺍﺳﻪ ﺑﺎﻭﻉ ﻋﻠﻰ ﺭﻳﺎﻡ .... ﺻﺎﺭ ﺟﺴﻤﻪ ﻗﺮﻳﺐ ﻋﻠﻴﻪ .... ﻣﺎﺍﺣﺲ ﺍﻟﻪ ﺑﺎﺳﻨﻲ ﻣﻦ ﺷﻔﺘﻲ
ﺑﺎﻭﻋﺖ ﻋﻠﻲ ... ﺍﻧﺼﺪﻣﺖ ﻭﺗﻔﺎﺟﺌﺖ
ﻭﺧﺮ ﺷﻔﺘﻪ ﻭﺳﻮﺍﻟﻲ ﺍﺷﺸﺶ ﻟﺘﻔﺰ
ﻫﺎﻱ ﺷﺴﻮﻳﺖ ﻣﻮ ﺭﻳﺎﻡ ﻫﻨﺎ
ﺷﺎﻭﺭﻧﻲ .... ﻳﻌﻨﻲ ﻟﻮ ﻣﺎ ﺭﻳﺎﻡ ﺗﺨﻠﻴﻨﻲ ﺍﺑﻮﺳﺞ
ﻻ
ﻟﻴﺶ
ﺭﻳﺎﻡ ﺭﺍﺡ ﺗﻜﻌﺪ ﺍﺳﻜﺖ
ﻛﺎﻡ ﻭﻟﺰﻡ ﺍﻳﺪﻱ ﻭﻛﻠﻲ ﻛﻮﻣﻲ
ﻳﺎﺍﺍﺍ
ﻋﺾ ﺷﻔﺘﻪ ... ﻛﻮﻣﻲ ﺍﻛﻠﺞ
ﻣﺤﺐ
ﻛﻤﺖ ﻏﺼﺒﺎً ﻣﺎﻋﻠﻴﻪ ﻻﻥ ﻣﺪﺭﻱ ﺷﺼﺎﺭ ﺑﻴﻪ ﺗﺨﺒﻞ ﻭﺍﻟﺒﻨﻴﻪ ﻧﺎﻳﻤﻪ ﺑﺎﻟﻬﻮﻝ ﻟﺰﻡ ﺍﻳﺪﻱ ﻭﺩﺧﻞ ﻟﻠﻐﺮﻓﻪ ﻭﻃﺒﻚ ﺍﻟﺒﺎﺏ
ﻣﺤﺐ ﺷﺒﻴﻚ
ﺷﺒﻴﻪ ..... ﺷﺒﻴﻪ ﻳﻌﻨﻲ
ﺍﻧﺖ ﻣﻮ ﻃﺒﻴﻌﻲ
ﻛﻠﺶ ﻣﻮ ﻃﺒﻴﻌﻲ ﻭﺣﺼﺮﻧﻲ ﺑﺎﻟﺒﺎﺏ
ﺭﺍﺡ ﺍﺻﻴﺢ ﻭﺍﻛﻌﺪ ﺭﻳﺎﻡ ﻭﺍﻟﻠﻪ
ﻟﻮ ﺗﻜﻌﺪﻳﻦ ﺍﻟﺪﻧﻴﺎ ﻛﻠﻬﻪ ﻫﻢ ﻣﺎﺍﻭﺧﺮ
ﺩﻓﻌﺘﻪ ﻋﺰﺯﺯﻩ ﻣﺤﺐ ﻣﻮ ﺻﻮﺟﻚ ﺻﻮﺟﻲ ﺍﻧﻲ ﺍﻟﻲ ﻛﻤﺖ ﻭﻳﺎﻙ
ﺷﺴﻮﻳﻠﺞ ﺷﻮﻓﻲ ﺻﻮﺟﺞ ﺍﻧﺖِ ﻣﻮ ﺻﻮﺟﻲ
ﻭﺧﺮﺭﺭ ﺩﻓﻌﺘﻪ ﺗﻘﺮﺏ ﻋﻠﻴﻪ ﺍﻛﺜﺮ ﻭﻛﺎﻡ ﻳﺒﻮﺱ ﺑﺮﻛﺒﺘﻲ
ﻭﺧﺮ ﻓﺪﻭﻩ
ﻓﺪﻭﻩ ﺭﺣﺘﻠﺞ ﺳﻜﺘﻲ
ﺧﻠﻪ ﺷﻔﺘﻪ ﺑﺸﻔﺘﻲ .... ﻭﻛﺎﻡ ﻳﻠﺘﻬﻢ ﺑﻴﻬﻪ ﻣﺜﻞ ﺍﻟﻤﺨﺒﻞ ﺍﻧﻲ ﺑﻘﻴﺖ ﺻﺎﻓﻨﻪ
ﻋﻠﻰ ﻭﺿﻌﻪ ﺧﺎﺻﻪ ﺑﺎﺧﺮ ﻓﺘﺮﻩ .... ﺣﺴﻴﺖ ﻣﺮﺽ ﺭﻳﺎﻡ ﻗﺮﺑﻨﻪ ﻧﻜﻌﺪ ﻫﻮﺍﻱ ﺳﻮﻩ ﻭﺣﺒﻪ ﻭﺧﻮﻓﻪ ﺍﻻﺧﺘﻪ ﺧﻼ ﻳﺮﺟﻊ ﻳﺪﺧﻞ ﻛﻠﺒﻲ ﺍﻭﻝ ﻣﺮﻩ ﻣﻦ ﺣﺴﻴﺖ ﻧﻔﺴﻲ ﺍﺣﺒﻪ ... ﺟﻨﺖ ﻣﺸﺎﻳﻔﻪ ﺷﻲ ﺣﻠﻮ ﻭﺯﻳﻦ ﺑﻲ ﻟﺬﻟﻚ ﻛﻤﺖ ﺍﻋﺎﺗﺐ ﻛﻠﺒﻲ ﻭﺍﺣﺎﺭﺑﻪ ﺍﻃﻠﻌﻪ ﻣﻦ ﻛﻠﺒﻲ ﻭﺫﻫﻨﻲ ﺑﺲ ﻫﺴﻪ ﺷﻔﺖ ﻃﻴﺒﻪ ﻭﺷﻔﺖ ﺍﻧﺴﺎﻧﻴﺘﻪ ﻣﻦ ﺧﻼﻝ ﻣﺮﺽ ﺭﻳﺎﻡ
ﺳﺤﺒﻨﻲ ﻣﻦ ﺍﻟﺒﺎﺏ ﻭﻫﻮ ﻳﺒﻮﺱ ﺑﻴﻪ ﺣﺎﻭﻝ ﻳﺘﻘﺮﺑﻠﻲ ﻭﻋﻴﺖ ﻋﻠﻰ ﻧﻔﺴﻲ ﻭﻛﺘﻠﻪ ﻭﺧﺮﺭ ﻣﺤﺐ
ﻣﺎﺍﻭﺧﺮ ﻭﺩﻓﻌﻨﻲ ﻋﻞ ﺟﺮﺑﺎﻳﻪ ﻋﻠﻰ ﻛﻴﻒ
ﻭﺧﺮ ﻣﺤﺐ ﻣﺎﺍﻛﺪﺭ ﺍﻧﻲ ﺍﻧﺖ ﻋﻨﺪﻙ ﺭﻓﻞ
ﻭﺭﻓﻞ ﻫﻴﻪ ﺍﻟﺤﺎﺟﺰ ﺍﻟﻲ ﺑﻴﻨﻲ ﻭﺑﻴﻨﻚ
ﺭﻓﻊ ﺭﺍﺳﻪ ﺑﺎﻭﻉ ﻋﻠﻴﻪ ﻭﻫﻮ ﻳﻠﻬﺚ ﻭﺍﺧﺬ ﻧﻔﺲ
ﻭﺑﻘﻪ ﺳﺎﻛﺖ ﻭﺭﺟﻊ ﺧﻠﻪ ﺷﻔﺘﻪ ﺑﺸﻔﺘﻲ
ﺩﻓﻌﺘﻪ ﺑﺎﻟﺒﺪﺍﻳﻪ ﻣﺴﺘﺠﺎﺏ ﻓﺠﺄﻩ ﻣﻦ ﺍﺳﺘﺴﻠﻤﺘﻠﻪ ﺭﻓﻊ ﺭﺍﺳﻪ ﻭﺑﺎﻭﻉ ﻋﻠﻴﻪ
ﺗﻔﺎﺟﺌﺖ ﺑﻘﻴﺖ ﺍﺑﺎﻭﻉ ﻋﻠﻴﻪ
ﺗﺪﺭﻳﻦ ﻣﻨﻮ ﺍﻟﺤﺎﺟﺰ ﺑﻴﻨﺎﺗﻨﻪ
ﺭﻓﻞ
ﻻ ..... ﻭﻛﺎﻡ ﻣﻦ ﻓﻮﻛﺎﻳﻪ ﻣﺤﺠﻪ ﺷﻲ ﻭﻃﻠﻊ ﻣﻦ ﺍﻟﻐﺮﻓﻪ
ﺑﻘﻴﺖ ﺍﺳﺄﻝ ﻧﻔﺴﻲ ﻫﺬﺍ ﺷﺒﻲ ﻭﻟﻮ ﺍﻛﻴﺪ ﺍﻟﺤﺎﺟﺰ ﺍﻻﻧﺘﻘﺎﻡ ﺍﻟﻲ ﻣﻴﻜﺪﺭ ﻳﺴﺘﻐﻨﻲ ﻋﻨﻪ
ﺑﻘﻴﺖ ﺑﺎﻟﻐﺮﻓﻪ ﻧﻤﺖ ﻛﻌﺪﺕ ﻋﻠﻰ ﺻﻮﺕ ﺭﻳﺎﻡ ﺍﻟﻲ ﺻﺎﺭﺕ ﺷﺒﻪ ﻣﺨﺒﻠﻪ ﻭﺷﺒﻪ ﻋﺎﻳﺸﻪ
ﻭﻣﺤﺐ ﻛﺎﺑﻠﻬﻪ ﻭﻛﻌﺪ ﻳﺒﺠﻲ ﺣﺴﻴﺘﻪ ﺍﻧﻬﺎﺭ ﻣﻦ ﺷﺎﻓﻬﻪ ﻣﺜﻞ ﺍﻝ ﺃﻳﺲ ﻣﻨﻬﻪبيج قصص عراقيه حقيقيه من واقعنا.روعه الطائي
ﺍﻭﻝ ﻣﺮﻩ ﺍﺷﻮﻓﻪ ﻳﺒﺠﻲ ﺻﺎﺭﺕ ﺍﻳﺎﻣﻨﻪ ﺳﻮﺩﻩ ﺍﻧﻬﺎﺭ ﺣﻴﻞ ﺷﺎﻝ ﻣﻮﺑﺎﻳﻠﻪ ﻭﺧﺎﺑﺮ ﻋﻠﻰ ﺳﻴﺪ ﻋﻠﻲ
ﺍﻟﻮﻭﻭ ﻫﺎ ﺳﻴﺪ
ﻣﻮﻭﻭ ﺯﻳﻦ ﻣﻮ ﺯﻳﻦ ﺍﺑﺪ ﺍﺭﻳﺪ ﻛﻠﺐ ﺍﺑﻦ ﻛﻠﺐ ﻳﻜﻠﻲ ﻣﻨﻮﻭﻭﻭﻭ ﺍﻟﻲ ﻣﺴﻮﻳﻠﻬﻪ ﺍﻟﺴﺤﺮ
ﺗﻌﺒﺖ ﺍﻧﻲ .... ﺍﺭﻳﺪ ﺍﺷﻮﻑ ﻫﺬﺍ ﺷﻨﻮﻭﻭﻭ ﻣﻦ ﺑﺸﺮ ﺍﻟﻪ ﺍﻃﻠﻊ ﺭﻭﻭﺣﻪ ﺑﻴﺪﻱ
ﺷﻬﺪﺃ ... ﺷﻬﺪﺃ .. ﺍﺧﺘﻲ ﺩﺗﺸﺮﻑ ﺍﻟﻤﻮﺕ ﺑﻌﻴﻮﻧﻬﻪ ﻭﺍﻧﻲ ﺍﺗﻔﺮﺝ ﻋﻠﻴﻬﻪ ﻣﺎﺍﺩﺭﻱ ﺷﺒﻴﻬﻪ ﺳﺎﻋﻪ ﺟﻠﺐ ﺳﺎﻋﻪ ﻧﻌﺠﻪ ﺳﺎﻋﻪ ﺣﻴﻪ ﻣﺬﺑﻮﺣﻪ ﺩﺗﺸﻮﻑ ﺷﻌﺮﻫﻪ ﻭﻛﻊ ﻣﺮﻳﻀﻪ ﻳﺎﺭﻳﺘﻨﻲ ﻣﻴﺖ ﻭﻻ ﺷﺎﻳﻔﻬﻪ ﺑﻬﺎﻱ ﺍﻟﺤﺎﻟﻪ
ﻟﺘﻜﻠﻲ ﺳﻴﺪ ﺍﺣﻤﺪ ﻧﺮﺟﻌﻬﻪ ﺍﻟﻪ ... ﻣﻮ ﻭﺩﻳﺘﻬﻪ ﻣﻜﻠﻲ ﻣﻨﻮ ﺑﺲ ﻳﻜﻠﻲ ﺳﺤﺮ ﻗﻮﻱ ﻭﺑﻌﺪﻳﻦ ﻭﺑﻌﺪﻳﻦ
ﺑﺎﻭﻋﺖ ﺍﻟﻠﺤﻈﻪ ﺍﺟﺘﻲ ﺷﻴﺮﻳﻦ ﺑﺒﺎﻟﻲ ... ﻣﺎﺍﻋﺮﻑ ﻟﻴﺶ ﺗﺬﻛﺮﺗﻬﻪ ﻣﻦ ﺳﻮﺕ ﺳﺤﺮ
ﻻ ... ﻻ ﻣﺴﺘﺤﻴﻞ ﻳﺎ ﻫﺪﻳﻪ ﻟﺘﻔﻜﺮﻳﻦ ﻫﻴﺞ
ﺷﻮﻳﻪ ﻭﺍﺟﻰ ﺳﻴﺪ ﻋﻠﻲ ﻭﺍﺧﺬﻭﻫﻪ ﻭﺭﺍﺣﻮ ﻣﺎﺍﻋﺮﻑ ﻭﻳﻦ ﻛﻌﺪﺕ ﺍﺑﺠﻲ
ﺧﺎﻳﻔﻪ ... ﺧﺎﻳﻔﻪ ﻣﻦ ﺍﻟﻲ ﺑﻌﻘﻠﻲ ﻭﻛﻞ ﻣﻴﺠﻴﻨﻲ ﻫﺬﺍ ﺍﻟﻔﻜﺮ ﺍﻛﻮﻝ ﻻ ﻭﺍﺳﺘﻌﻮﺫ ﻣﻦ ﺍﻟﺸﻴﻄﺎﻥ
ﺍﻟﻤﻐﺮﺏ ﺍﺟﻮﻱ .... ﻭﻫﻢ ﺭﻭﺣﻬﻪ ﺭﺍﻳﺤﻪ ﻭﻻﻳﺒﻪ ﺟﺎﻥ ﺑﺎﻟﺤﻤﺎﻡ ﻣﺤﺐ ﺩﺧﻞ ﻳﺴﺒﺢ ﻻﻥ ﺭﻳﺎﻡ ﻣﺴﺘﻔﺰﻏﻪ ﻋﻠﻲ ﻭﻣﺘﺪﻣﺮ
ﺩﻙ ﻣﻮﺑﺎﻳﻠﻪ .... ﺭﺣﺖ ﻟﺰﻣﺘﻪ ﺣﺴﺎﻡ
ﻛﻠﺖ ﺍﺟﺎﻭﺑﻪ ﻟﻮ ﻻ ... ﺧﻔﺖ ﺑﺲ ﻛﻠﺖ ﻻﺯﻡ ﺍﻛﻠﻪ ﻋﻦ ﻭﺿﻌﻬﻪ ﻫﻮ ﻋﺮﻑ ﺳﺤﺮ ﻻﻥ ﺭﺍﻳﺢ ﺍﻟﺴﻴﺪ ﻭﻛﺎﻳﻠﻪ ﺑﺲ ﻣﺤﺐ ﻛﻠﻪ ﻣﺎﻟﻚ ﻋﻼﻗﻪ ﻭﺳﺪﻩ ﺑﻮﺟﻬﻪ
ﺟﺎﻭﺑﺘﻪ ﺑﺼﻮﺕ ﻧﺎﺻﻲ
ﻫﺎ ﺣﺴﺎﻡ ﺍﻧﻲ ﻫﺪﻳﻪ
ﻫﺪﻳﻪ .... ﻣﺘﺖ ﻳﻤﻌﻮﺩﻩ ﻛﻠﻴﻠﻲ ﻫﺪﻳﻪ ﺷﺨﺒﺎﺭﻫﻪ
ﻣﻮ ﺯﻳﻨﻪ ﺍﺑﺪ
ﺍﻧﻌﻞ ﺍﺑﻮ ﺍﻝ ﻫﺬﺍ ﻣﺤﺐ ﺍﻧﻲ ﺭﺍﺡ ﺍﺟﻲ ﻏﺼﺒﺎً ﻣﺎﻋﻠﻲ ﺍﺷﻮﻓﻬﻪ
ﻣﻌﺮﻓﺖ ﻣﻨﻮ ﻣﺴﻮﻱ ﺍﻟﺴﺤﺮ
ﻣﻨﻴﻦ ﺍﻋﺮﻑ ﻣﺤﺪ ﻳﺤﺠﻲ ﻳﻜﻮﻝ ﺍﻟﺴﻴﺪ ﻣﺴﺆﻟﻴﻪ ﻋﻠﻴﻨﻪ
ﺗﻮﻧﻲ ﺭﺩﺕ ﺍﻛﻠﻪ ﺍﻧﻲ ﺷﺎﻛﻪ ﺑﺸﻴﺮﻳﻦ ﺧﻔﺖ ﻣﻦ ﺭﺩﺓ ﻓﻌﻠﻪ ﻭﺳﻤﻌﺖ ﻣﺤﺐ ﻃﻠﻊ ﻣﻦ ﺍﻟﺤﻤﺎﻡ ... ﻛﺘﻠﻪ ﻣﺤﺐ ﻃﻠﻊ ﺑﺲ ﺭﺩﺕ ﺍﻛﻠﻚ ﺭﻳﺎﻡ ﻛﻠﺶ ﻣﻮ ﺯﻳﻨﻪ ﻭﻣﺒﻘﻪ ﺳﻴﺪ ﻭﻣﺒﻘﻪ ﺍﻣﺎﻡ ﻣﺰﻭﺭﻫﻪ ﻭﻣﺎﻛﻮ ﻓﺎﺋﺪﻩ ﻭﺳﺪﻳﺘﻪ ﻭﺭﺟﻌﺘﻪ ﺍﻟﻤﻜﺎﻧﻪ
ﺩﺧﻞ ﻟﻠﻐﺮﻓﻪ ﻭﻫﻮ ﻳﻨﺸﻒ ﺑﺸﻌﺮﻩ ﻭﺿﺎﻳﺞ
ﺟﻮﻋﺎﻥ
ﻻ
ﺑﺲ ﺍﻧﺖ ﻣﻤﺎﻛﻞ ﺷﻲ
ﺷﺎﻛﻞ ﻫﺪﻳﻪ ﺗﻌﺒﺖ ﻭﺍﻟﻠﻪ
ﺍﻟﻠﻪ ﻳﺴﺎﻋﺪﻙ ﺑﻠﻜﺖ ﻳﺎﻟﻠﻪ ﻫﺬﺍ ﺍﻟﺴﻴﺪ ﻋﻠﻰ ﺍﻳﺪﻩ ﺍﻟﺸﻔﺎﺀ
ﻭﺍﻟﻠﻪ ﻣﺎﺍﺭﻳﺪ ﺷﻲ ﻣﻦ ﺍﻟﺪﻧﻴﺎ ﺑﺲ ﺍﺭﻳﺪ ﺍﺷﻮﻓﻬﻪ ﻭﺍﻛﻔﻪ ﻋﻠﻰ ﺣﻴﻠﻬﻪ ﻣﺎﺍﺗﺤﻤﻞ ﻳﺼﻴﺮ ﺑﻴﻬﻪ ﺷﻲ ﻛﺎﻓﻲ ﻋﻠﻴﻪ ﻋﻼﺀ ﻣﺎﺍﺗﺤﻤﻞ ﺭﻳﺎﻡ ﻫﻢ ﺗﺮﻭﺡ ﻣﻨﻲ
ﻭﻛﻌﺪ ﻋﻞ ﺟﺮﺑﺎﻳﻪ ﻭﺧﻠﻪ ﺍﻳﺪﻩ ﻋﻠﻰ ﺭﺍﺳﻪ
ﻧﻘﺮﺑﺖ ﻋﻠﻲ ... ﻟﻴﺶ ﻣﺘﻨﺎﻡ ﺷﻮﻳﻪ ﺑﺎﻭﻉ ﻭﺟﻬﻚ ﺷﻜﺪ ﺗﻌﺒﺎﻥ
ﻫﻮ ﺍﻧﻲ ﺗﻌﺒﺎﻥ ﻫﺪﻳﻪ ﺍﺣﺲ ﺍﻟﺪﻧﻴﺎ ﻣﺴﺪﻭﺩﻩ ﺑﻮﺟﻬﻲ
ﺗﺪﺭﻳﻦ ﺍﻟﺴﻴﺪ ﺷﻴﻜﻮﻝ ﻫﺬﺍ ﺍﻟﺮﺣﺘﻠﻪ
ﺷﻴﻜﻮﻝ
ﻳﻜﻮﻝ ﻫﺬﺍ ﺍﻟﺴﺤﺮ ﻣﺴﻮﻱ ﺑﻌﻄﻢ ﻣﻴﺖ ﻳﻌﻨﻲ ﻟﻮ ﺍﻛﺘﻞ ﺭﻭﺣﻲ ﻣﻴﻨﻔﻚ ﺍﻟﺴﺤﺮ ﺍﻟﻪ ﺍﻟﻜﻮﺍﺩ ﺍﻟﻲ ﻣﺴﻮﻱ
ﻣﻜﻠﻚ ﻣﻨﻮ
ﻻ ﻣﻴﻘﺒﻞ ﻳﻜﻮﻝ ﺯﻳﻦ ﺍﻧﻲ ﺷﻠﻮﻥ ﺍﻋﺮﻓﻪ ﺷﻠﻮﻥ ﻋﻨﺪﻱ ﻋﻠﻢ ﺍﻟﻐﻴﺐ ﻭﺍﻋﺮﻓﻪ
ﺗﻌﺒﺖ ﻳﺎ ﺍﺳﻼﻡ ﺗﻌﺒﺖ ﻭﺍﻟﻠﻪ ﺍﺻﻌﺐ ﺍﺧﺘﺒﺎﺭ ﺍﻟﻲ ﻫﺬﺍ ﻭﺩﻙ ﻋﻠﻰ ﻛﻠﺒﻪ
ﻣﺎﺍﺗﺤﻤﻞ ... ﺗﻌﺒﺖ ﻭﺩﻙ ﻋﻠﻰ ﺍﻟﺨﺸﺒﻪ ﻣﺎﻝ ﺟﺮﺑﺎﻳﻪ
ﺍﺧﺨﺨﺦ ﻟﻮ ﺑﺲ ﺍﻋﺮﻓﻪ ﻫﺴﻪ ﺍﻧﻮﺏ ﻫﻴﻪ ﻣﻮ ﺑﻮﻋﻴﻬﻪ ﺣﺘﻰ ﺍﺳﺄﻟﻬﻪ ﻣﻨﻮ ﻣﻨﺎﻙ ﻳﻀﻮﺝ ﻣﻨﻬﻪ ﻳﺼﺨﻢ
ﺑﻘﻪ ﻳﺤﺠﻲ ﺍﻟﻰ ﺍﻥ ﻗﻨﻌﺘﻪ ﻳﻐﻔﻪ ﺷﻮﻳﻪ ﻃﻔﻴﺘﻠﻪ ﺍﻟﻜﻠﻮﺏ ﻭﻛﻠﻲ ﻋﻴﻨﺞ ﻋﻠﻴﻬﻪ ﺍﺑﺪ ﻟﺘﻔﺎﺭﻛﻴﻬﻪ ﻛﺎﺑﻠﻴﻬﻪ ﻭﻛﻌﺪﻱ
ﻣﺎﺷﻲ ﺑﺲ ﺍﻧﺖ ﻧﺎﻡ
ﻗﻬﺮﻧﻲ ﺣﻴﻞ .... ﺭﺍﺡ ﻳﺼﻴﺮﻟﻪ ﺷﻬﺮ ﻭﻫﻮ ﺩﺍﻳﺦ ﻭﻣﺤﺘﺎﺭ
ﺑﻘﻴﺘﻪ ﻧﺎﻳﻢ ﻣﻜﻌﺪﺗﻪ ﻛﻌﺪﺕ ﺭﻳﺎﻡ ﺷﻮﻳﻪ ﺍﺣﺴﻦ .... ﺍﻫﺪﺃ ﻣﻦ ﻗﺒﻞ ﺳﻮﻳﺘﻠﻬﻪ ﺍﻛﻞ ﻭﻛﻠﺘﻬﻪ ﻭﺍﺑﺘﻠﻴﺖ ﻛﺎﻣﺖ ﺗﺰﻭﻉ ﻭﺯﻭﺍﻋﻬﻪ ﺑﻲ ﺩﻭﺩ ﺗﺨﺒﻠﺖ ﺍﻧﻲ ﺭﻛﻀﺖ ﺍﻝ ﻣﺤﺐ
ﺟﺎﻥ ﻏﺎﻓﻲ
ﻣﺤﺐ ... ﺍﻟﺤﻚ
ﺧﻄﻴﻪ ﻓﺰ ﻛﺒﻞ ﻛﺎﻡ ﺭﻛﺾ ﺍﻝ ﺭﻳﺎﻡ
ﺑﺪﻟﻨﺎﻟﻬﻪ ﻭﺩﺧﻠﻨﺎﻫﻪ ﻟﻠﻐﺮﻓﻪ ﻻﻥ ﺯﻭﺍﻉ
ﻧﻈﻔﺖ ﺍﻟﻬﻮﻝ ﻭﻫﻮ ﻛﺎﻋﺪ ﻳﺒﺎﻭﻉ ﻋﻠﻴﻪ ﺑﺎﻭﻋﺖ ﻋﻠﻲ
ﻛﺘﻠﻪ ﺷﺒﻴﻚ
ﻣﺎﺑﻴﻪ ﺷﻲ
ﺑﻘﻴﻨﻪ ﺭﻳﺎﻡ ﺑﺎﻟﻐﺮﻓﻪ ﺑﺲ ﺍﻟﺒﺎﺏ ﻣﻔﺘﻮﺡ ﻭﻛﻌﺪﺕ ﻳﻢ ﻣﺤﺐ ﺳﻮﻳﺘﻠﻪ ﺟﺎﻱ ﻭﺟﺒﻦ ﻣﻤﺘﻌﺸﻲ ﻭﻣﻘﺒﻞ ﺍﺳﻮﻳﻠﻪ ﺷﻲ ﻛﺘﻠﻪ ﺷﻲ ﺧﻔﻴﻒ ﻣﻴﺼﻴﺮ ﺗﺒﻘﻪ ﻫﻴﺞ
ﺍﻛﻞ ﻭﺑﻘﻴﻨﻪ ﻛﺎﻋﺪﻳﻦ ..... ﺟﻨﻪ ﻛﺎﻋﺪﻳﻦ ﺑﻨﻔﺲ ﺍﻟﻘﻨﻔﻪ ﻣﺎﺍﺣﺲ ﺍﻟﻪ ﺧﻠﻪ ﺭﺍﺳﻪ ﻋﻠﻰ ﺭﺟﻠﻲ ﻭﻏﻤﺾ ﻋﻴﻨﻪ
ﻭﻟﺰﻡ ﺍﻳﺪﻱ ﻭﺧﻼﻫﻪ ﻋﻠﻰ ﻛﺼﺘﻪ ﻛﻠﻲ ﺭﺍﺳﻲ ﻳﻮﺟﻌﻨﻲ
ﺣﺴﻴﺖ ﻛﻠﺒﻲ ﻛﺎﻡ ﻳﺪﻙ ﺳﺮﻳﻊ
ﺧﻠﻪ ﺍﻳﺪﻩ ﻋﻠﻰ ﺍﻳﺪﻱ ﻭﻛﺎﻡ ﻳﺤﺮﻛﻬﻪ ﻣﺜﻞ ﺍﻟﻲ ﺍﻣﺮﺥ ﺭﺍﺳﻪ
ﻛﻤﺖ ﺍﺣﺮﻙ ﺍﺻﺒﻌﻲ ﻋﻠﻰ ﺷﺮﺍﻳﻴﻦ ﻛﺼﺘﻪ ﺍﻟﺒﺎﺭﺯﻩ .... ﻋﺎﻑ ﺍﻳﺪﻱ
ﻣﻦ ﺭﺍﺳﻪ ﻳﻮﺟﻌﻪ ﻳﺒﺮﺯﻥ ﺷﺮﺍﻳﻴﻨﻪ
ﺑﻬﺎﻟﻠﺤﻈﻪ ﺍﺗﺼﻠﺖ ﺭﻓﻞ
ﺑﺎﻭﻉ ﻋﻠﻴﻪ ﻭﺳﻮﺍ ﺻﺎﻣﺖ ... ﻭﺭﺟﻊ ﻏﻤﺾ ﻋﻴﻨﻪبيج قصص عراقيه حقيقيه من واقعنا.روعه الطائي
ﻓﺘﺤﻬﻪ ﻟﻜﺎﻧﻲ ﺍﺑﺎﻭﻉ ﻋﻠﻲ
ﻟﻴﺶ ﺗﺒﺎﻭﻋﻴﻦ ﻋﻠﻴﻪ ﻫﻴﺞ
ﻣﻜﺘﻠﻲ ﺷﻨﻮ ﻏﻴﺮ ﺭﻓﻞ
ﺭﻓﻊ ﺣﺎﺟﺒﻪ ﺷﻨﻮ ﻣﻔﻬﻤﺖ
ﻛﺘﻠﻲ ﺍﻛﻮ ﺣﺎﺟﺰ ﻏﻴﺮ ﺭﻓﻞ
ﻓﺘﺢ ﻋﻴﻨﻪ ﻭﻛﻠﻲ
ﺭﺍﺡ ﺍﺳﺄﻟﺞ ﺳﺆﺍﻝ
ﺑﺎﻭﻋﺖ ﻋﻠﻲ ﻛﺘﻠﻪ ﺍﺳﺄﻝ
ﻣﻦ ﺗﺴﻤﻌﻴﻦ ﺍﻏﻨﻴﻪ ﻣﻨﻮ ﻳﺨﻄﺮ ﺑﺒﺎﻟﺞ
ﺿﺤﻜﺖ ﻟﻴﺶ
ﺟﺎﻭﺑﻴﻨﻲ ﻭﻣﺎﻟﺞ ﻋﻼﻗﻪ
ﺍﺑﺘﺴﻤﺖ ... ﻣﺤﺪ
ﻣﻤﻤﻤﻢ ﻭﺭﺟﻊ ﻏﻤﺾ ﻋﻴﻨﻪ
ﺭﺟﻊ ﻓﺘﺤﻬﻪ ﺯﻳﻦ ﺳﺆﺍﻝ ﺛﺎﻧﻲ
ﺍﺑﺘﺴﻤﺖ ... ﺍﻱ
ﻣﻦ ﺧﻄﺒﺖ ﺭﻓﻞ ﻟﻴﺶ ﺑﺠﻴﺘﻲ ﻭﺍﻧﻘﻬﺮﺗﻲ
ﺍﻧﻲ
ﻫﺎﺍﺍﺍ ﻫﻢ ﻛﻮﻟﻲ ﺟﺬﺏ
ﺷﻨﻮ ﻫﺎﻱ ﺃﺳﺎﻟﺘﻚ ﺍﻟﻴﻮﻡ
ﺑﺎﻭﻉ ﻋﻠﻴﻪ ﻭﺭﻓﻊ ﺣﺎﺟﺒﻪ
ﻋﻠﻤﻮﺩ ﺍﻟﻜﺮﺍﻣﻪ
ﺭﺟﻊ ﻏﻤﺾ ﻋﻴﻨﻪ ﺿﺤﻜﺖ ﺍﻧﻲ
ﺯﻳﻦ ﻭﺍﻧﻲ
ﺍﻧﺘﻲ ﺷﻨﻮ
ﺍﺳﺄﻟﻚ ﺳﺆﺍﻝ
ﺍﻱ ﻣﻦ ﺣﻘﺞ
ﺷﻨﻮ ﺍﻟﺤﺎﺟﺰ ﺍﻟﻐﻴﺮ ﺭﻓﻞ
ﻓﺘﺢ ﻋﻴﻨﻪ ﻭﺑﺎﻭﻉ ﻋﻠﻴﻪ .... ﻫﻴﺞ ﻛﻼﻡ ﻣﻮ ﻣﻬﻢ
ﻻ ﺍﺣﺠﻲ ﺍﻧﻲ ﻣﻮ ﺟﺎﻭﺑﺘﻚ
ﻭﻣﻨﻮ ﻛﺎﻝ ﺟﻮﺍﺑﺞ ﺍﻟﻲ ﺻﺤﻴﺢ
ﺻﺤﻴﺢ
ﻣﺎﺷﻲ ﺭﺍﺡ ﺍﻛﻠﺞ ﻋﻼﺀ .
ﺑﺎﻭﻋﺖ ﻋﻠﻲ .. ﻛﻠﻲ
ﻫﺬﺍ ﺍﻗﻮﻯ ﺣﺎﺟﺰ ﻟﻮﺟﻨﺖ ﺍﻋﺮﻑ ﺗﺤﺒﻴﻦ ﻋﻼﺀ ﻭﻋﻼﺀ ﻳﺤﺒﺞ ﻣﺴﺘﺤﻴﻞ ﺍﻃﺨﺞ
ﺑﺎﻭﻋﺖ ﻋﻠﻲ . ﺭﺟﻊ ﻏﻤﺾ ﻋﻴﻨﻪ . ﺟﻨﺖ ﻃﻔﻠﻪ ﻣﺠﺮﺩ ﺣﺐ ﻃﻔﻮﻟﻪ
ﺑﺲ ﻣﺎﺍﻛﺪﺭ ﺍﻛﻠﻚ ﻫﺬﺍ ﺍﻟﻜﻼﻡ ﻋﺮﻓﺖ ﺷﻨﻮ ﺍﻟﻲ ﻣﺨﻠﻲ ﻃﻮﻝ ﻫﺎﻟﻔﺘﺮﻩ ﻣﻴﺘﻘﺮﺑﻠﻲ
ﻣﻊ ﺍﻟﻌﻠﻢ ﺍﻟﻲ ﺍﻋﺮﻓﻪ ﺍﻟﺮﺟﺎﻝ ﺗﺼﻴﺮ ﻧﻔﺴﻴﺘﻪ ﺿﻌﻴﻔﻪ ﻭﻳﺤﺐ ﻳﻔﺮﻍ ﺷﻬﻮﺍﺗﻪ
ﺳﺎﻣﻌﻪ ﺍﻏﻨﻴﺔ ﻣﺤﻤﺪ ﻋﺒﺪ ﺍﻟﺠﺒﺎﺭ ﺍﻟﺠﺪﻳﺪﻩ
ﺷﻤﺴﻴﻦ
ﻻ ﺭﺍﺡ ﺍﻏﻨﻴﻬﻪ ﺍﻟﺞ ﺑﺲ ﻳﻌﻨﻲ ﻫﻮ ﺍﻧﻲ ﺍﺣﺒﻪ ﻝ ﻣﺤﻤﺪ ﻋﺒﺪ ﺍﻟﺠﺒﺎﺭ ﺍﻋﺘﺒﺮﻩ ﻣﻄﺮﺑﻲ ﺍﻟﻤﻔﻀﻞ
ﺗﻌﻮﺩﺕ ﺗﺸﻮﻓﻚ ﻋﻴﻨﻲ ﺗﻌﻮﺩﺕ ﻧﻮﻣﻲ ﺗﻨﺴﻴﻨﻲ
ﺗﻌﻮﺩﺕ ﻋﻨﻚ ﺗﺤﺠﻴﻠﻲ ﻭﺗﺴﺄﻟﻨﻲ ﻋﻠﻴﻚ
ﺇﻟﻴﻤﺘﻰ ﺃﺿﻞ ﺃﺗﺎﻧﻲ ﻳﻠﻲ ﺩﻭﻡ ﺗﺸﻐﻠﻲ ﺑﺎﻟﻲ
ﻣﻮ ﺧﻠﺺ ﻛﻞ ﻋﻤﺮﻱ ﺁﻧﻲ ﻭﺇﻧﺘﻪ ﻣﺎﺗﺮﺣﻤﻠﻲ ﺣﺎﻟﻲ
ﻭﻳﻨﻚ ﺇﻧﺘﻪ ﺣﺘﻰ ﺃﺟﻴﻚ
ﻣﺎﺃﻛﺪﺭ ﻋﻦ ﺣﺒﻚ ﺁﻧﻲ ﻻ ﺃﺻﺒﺮ ﻋﻨﻚ ﺛﻮﺍﻧﻲ
ﺷﻴﺼﺒﺮ ﺣﺎﻟﻲ ﺑﻐﻴﺎﺑﻚ ﺗﻌﺒﻨﻲ ﻭﺍﻟﻠﻪ ﻋﺬﺍﺑﻚ
ﻭﻳﻨﻚ ﺇﻧﺘﻪ ﺣﺘﻰ ﺃﺟﻴﻚ
ﺭﻓﻌﺖ ﺣﺎﺟﺒﻲ ﻭﻛﺘﻠﻪ ﻭﺧﺮ ﻣﻦ ﺣﻀﻨﻲ
ﻟﻴﺶ
ﻫﺎﻱ ﺍﻟﺮﻓﻞ ﻭﺗﻐﻨﻴﻬﻪ ﻛﺒﺎﻟﻲ
ﺧﺮﺭﺭﺏ ﺣﻈﻲ ﺍﻱ ﻭﺍﻟﻠﻪ ﺍﻧﻲ ﺍﻟﻲ ﺭﺍﺡ ﺍﻛﻮﻡ
ﺑﻌﺼﺒﻴﻪ ﻏﺒﻴﻪ ﻣﻮﻭﻭﻭﺑﻴﺪﺝ
ﻛﺎﻡ ﻭﻋﺎﻓﻨﻲ ﺩﺧﻞ ﻟﻠﻐﺮﻓﻪ ﺑﻌﺪﻳﻦ ﺭﺣﺖ ﻭﺭﺍ ﻟﻜﻴﺘﻪ ﻧﺎﻳﻢ ﻋﻞ ﻛﺎﺷﻲ ﻭﺍﻟﻤﻜﻴﻒ ﻣﺸﺘﻐﻞ ﻭﻣﻤﺘﻐﻄﻲ
ﻏﻄﻴﺘﻪ ﺑﺠﺮﺟﻒ ﻓﺘﺢ ﻋﻴﻨﻪ
ﺷﻨﻮ ﻣﺘﻨﺎﻣﻴﻦ
ﻭﺭﻳﺎﻡ
ﻻ ﻋﺎﺩﻱ ﻧﺎﻣﻲ ﺑﺲ ﻗﻔﻠﻲ ﺍﻟﺒﺎﺏ ﻣﺎﻝ ﻏﺮﻓﻪ ﺧﺎﻑ ﺗﻜﻮﻡ ﻭﻣﻨﺤﺲ ﺑﻴﻬﻪ
ﺭﺣﺖ ﻧﻤﺖ ﻳﻢ ﺭﻳﺎﻡ ﻋﻞ ﺟﺮﺑﺎﻳﻪ ﺻﻔﻨﺖ ﻣﻌﻘﻮﻟﻪ ﻣﺤﺐ ﻳﺤﺒﻨﻲ ﻛﺎﻡ ﺯﻳﻦ ﻫﻮ ﻟﻴﺶ ﺻﺎﺭ ﻋﺼﺒﻲ ﻫﻮ ﺍﻻﻏﻨﻴﻪ ﻋﻞ ﻓﺮﺍﻙ ﻋﺒﺎﻟﻚ ﻭﺍﻧﻲ ﻛﺒﺎﻝ ﻋﻴﻨﻪ ﻻ ﺷﻴﺤﺐ
ﺭﺟﻌﺖ ﺻﻔﻨﺖ ﻫﻮ ﻛﺎﻝ ﺍﻟﺤﺎﺟﺰ ﻋﻼﺀ ﻳﻌﻨﻲ ﻣﻴﻜﺪﺭ ﻳﺤﺒﻨﻲ ﻻﻥ ﺍﺧﻮ ﺟﺎﻥ ﻳﺤﺒﻨﻲ
ﺻﻔﻨﺖ ﺷﻨﻮ ﺍﻧﻲ ﻧﺴﻴﺖ ﻋﻼﺀ ... ﺷﻮ . ﻋﺎﺩﻱ ﻋﻨﺪﻱ ﻭﺍﻟﻠﻪ ﻳﺎﺭﺑﻲ
ﺧﻞ ﻳﻄﻴﺮ ﻫﺬﺍ ﻣﺤﺐ ﻫﺴﻪ ﻳﺮﺟﻌﻠﻪ ﺍﻻﻧﻔﺼﺎﻡ ﻭﻳﻜﻠﺐ ﻋﻠﻴﻪ ﻫﺎﻻﻳﺎﻡ ﺯﻳﻦ ﻭﻳﺎﻱ ﻻﻥ ﻣﺪﺍﺭﻳﻪ ﺭﻳﺎﻡ ﻣﺼﻠﺤﺠﻲ ﻫﻮ ﻣﻴﺪﺭﻱ ﻫﻴﻪ ﺍﺧﺘﻲ ﺑﺎﻟﻨﺴﺒﻪ ﺍﻟﻲ
ﻏﻔﻴﺖ ﻋﻠﻰ ﻫﺎﻻﻓﻜﺎﺭ ﻓﺰﻳﺖ ﺟﺮﺱ ﺍﻟﺒﺎﺏ ﻳﻨﺪﻙ ﻫﻮ ﻫﻢ ﻛﺎﻡ
ﻛﻤﺖ ﻭﻛﻔﺖ ﻳﻢ ﺍﻟﺒﺎﺏ ﺍﺳﻤﻊ ﻣﻨﻮ
ﺷﺠﺎﺑﻚ ﺍﻧﺖبيج قصص عراقيه حقيقيه من واقعنا.روعه الطائي
ﺷﻨﻮ ﺷﺠﺎﺑﻨﻲ ﻣﺮﺗﻲ ﻫﺎﻱ
ﻣﺮﺗﻚ ﻭﻛﻦ ﺍﺗﻬﻤﺘﻬﻪ
ﺍﻧﺖ ﺷﺒﻴﻚ ﻣﺤﺐ ﺧﻠﻲ ﻧﻔﺴﻚ ﺑﻤﻜﺎﻧﻲ ﺍﻧﻲ ﺍﻟﺤﺪ ﺍﻻﻥ ﻣﺎﺍﻋﺮﻑ ﺍﻟﺼﺤﻴﺢ ﺑﺲ ﺣﺒﻲ ﺍﻟﻬﻪ ﻣﻴﺨﻠﻴﻨﻲ ﺍﺻﺒﺮ ﻣﺎﺍﻋﺮﻑ ﻭﺿﻌﻬﻪ ﻫﺎﻙ ﺍﻟﺰﻡ ﺷﻮﻑ ﺍﻟﺮﺳﺎﺋﻞ ﻭﻣﺄﺟﻴﺖ ﻫﺠﻤﺖ ﻋﻠﻴﻬﻪ ﺍﻧﻲ ... ﺳﺄﻟﺘﻬﻪ ﻭﻫﻴﻪ ﺟﺎﻭﺑﺘﻨﻲ ﺷﺘﺮﻳﺪ ﺷﺴﻮﻱ
ﺻﻮﺗﻚ ﻧﺼﻲ ﻭﺍﺩﺧﻞ
ﺭﺣﺖ ﺑﺪﻟﺖ ﻭﻃﻠﻌﺖ ﻓﺮﺣﺎﻧﻪ ﺑﺠﻴﺘﻪ ﻻﻥ ﺍﻋﺮﻑ ﺣﺴﺎﻡ ﻳﺤﺐ ﺭﻳﺎﻡ ﺣﺐ ﻣﻮ ﻃﺒﻴﻌﻲ .... ﻭﻣﺤﺐ ﺍﺳﺘﻘﺒﻠﻪ ﻻﻥ ﻣﺘﺄﻛﺪﻩ ﻳﺮﻳﺪ ﻳﻌﺮﻑ ﺑﻤﻨﻮ ﺷﺎﻙ ﺣﺴﺎﻡ ..... ﺟﺎﻧﻮ ﻛﺎﻋﺪﻳﻦ ﻳﺴﻮﻟﻔﻮﻥ ﻭﻣﺤﺐ ﻳﻜﻠﻪ ﻣﻨﻜﻢ ﺍﻛﻴﺪ ﺍﻟﻲ ﻣﺴﻮﻳﻬﻪ
ﻫﺪﻳﻪ / ﻫﻠﻮ ﺣﺴﺎﻡ ﻭﺑﻮﺳﺘﻪ
ﻫﻠﻮ ﻫﺪﻳﻪ ﺷﻠﻮﻧﺞ
ﺍﻟﺤﻤﺪﻟﻠﻪ ﻭﺍﻧﺖَ
ﻋﺎﻳﺶ
ﺑﺎﻭﻋﺖ ﻣﺤﺐ ﻳﺨﺰﺭ ﺑﻴﻪ ﻛﻠﺖ ﺑﻜﻠﺒﻲ ﺣﺠﻴﺖ ﺷﻲ ﻭﺍﻧﻲ ﻣﺎﺍﺩﺭﻱ
ﺭﺟﻊ ﻛﻤﻞ ﺣﺴﺎﻡ ﺍﻟﺴﻴﺪ ﺍﻧﻄﺎﻧﻲ ﻣﻮﺍﺻﻔﺎﺗﻬﻪ ﻛﺎﻝ ﻣﺮﻩ ﻣﻮ ﻣﻮﺍﺻﻔﺎﺕ ﺑﺲ ﻋﻼﻣﻪ ﻛﺎﻝ ﺍﻛﺜﺮ ﻣﻦ ﻫﻴﺞ ﻣﺎﺍﻛﺪﺭ
ﻣﺤﺐ / ﻻﺑﺸﺮﻓﻚ ... ﻣﻨﻮ ﻋﺮﻓﺘﻬﻪ ﻟﻮ ﻻ
ﻻ ﻭﺍﻟﻠﻪ ﻳﻜﻠﻲ ﻭﺣﻤﻪ ﺑﺎﺭﺯﻩ ﻋﺪﻫﻪ
ﻭﻭﻳﻦ ﻫﺎﻱ ﺍﻟﻮﺣﻤﻪ
ﺷﻤﺪﺭﻳﻨﻲ ﻭﻣﺎﻋﺪﻧﻪ ﺍﺣﺪ ﺑﻌﺎﺋﻠﺘﻨﻪ ﻋﻨﺪﻩ ﻭﺣﻤﻪ ﺑﺎﺭﺯﻩ
ﻣﺤﺐ / ﻫﺬﺍ ﻳﻤﻀﺮﻁ ﻫﺴﻪ ﻫﻤﻪ ﺷﻜﻮﻭﻭ ﻣﻴﻜﻮﻟﻮﻥ ﻭﻳﻔﻀﻮﻫﻪ
ﺍﻧﻲ ﺻﻔﻨﺖ ﻋﻠﻴﻬﻢ ﺣﺴﻴﺖ . ﺍﻟﺪﻧﻴﺎ ﺍﻓﺘﺮﺕ ﺑﻴﻪ
ﺷﻴﺮﻳﻦ ﻋﺪﻫﻪ ﻭﺣﻤﻪ ﺟﻨﺖ ﺷﺘﻜﻪ ﺑﺲ ﺍﺳﺘﺒﻌﺪﺗﻬﻪ ﻭﻣﺤﺐ ﻫﻢ ﻣﺴﺘﺒﻌﺪﻫﻪ ﻻﻥ ﻣﻴﻌﺮﻑ ﺷﻴﺮﻳﻦ ﻣﺴﻮﻳﻪ ﺍﻻﺑﻮ ﺳﺤﺮ ﻭﻋﺪﻫﻪ ﻫﺎﻱ ﺍﻟﺴﻮﺍﻟﻒ ﻭﺍﻛﻴﺪ ﻣﻤﺘﻮﻗﻌﻬﻪ ﻫﻴﺞ ﺗﺴﻮﻱ ﺑﺮﻳﺎﻡ ﺑﻤﺎ ﺍﻧﻮ ﻫﻴﻪ ﻣﺮﺑﻴﺘﻬﻪ
ﺑﺲ ﻻ ﻣﺴﺘﺤﻴﻞ ﻣﺎﺍﺻﺪﻙ ﺣﺴﻴﺖ ﺟﺴﻤﻲ ﻛﻠﻪ ﻳﺮﺟﻒ ﻋﻔﺘﻬﻢ
ﻭﺭﺣﺖ ﻟﻠﻐﺮﻓﻪ ﺍﺧﺬﺕ ﺍﻟﻤﻮﺑﺎﻳﻞ ﻭﺩﺧﻠﺖ ﻟﻠﺤﻤﺎﻡ
ﻣﻦ ﻃﻠﻌﺖ ﺑﺎﻭﻋﺖ ﻣﺤﺐ ﺑﺎﻭﻉ ﻋﻠﻴﻪ .... ﺿﻤﻴﺖ ﺍﻳﺪﻱ ﺍﻟﺜﺎﻧﻴﻪ ﺑﺠﻴﺐ ﺗﺸﻴﺮﺗﻲ ﻭﺩﺧﻠﺖ ﻟﻠﺤﻤﺎﻡ
ﻓﺘﺤﺖ ﺍﻟﻤﻲ ﻭﺟﻨﺖ ﺍﻋﺮﻑ ﺍﻟﺮﻣﺰ ﻣﺎﻝ ﻣﺤﺐ ﻛﺘﺒﺖ ﺷﻴﺮﻳﻦ ﻃﻠﻌﻠﻲ ﺭﻗﻤﻬﻪ ﺍﺗﺼﻠﺖ ﺑﻴﻬﻪ
ﺍﻟﻮ
ﺷﻴﺮﻳﻦ
ﻫﺪﻳﻪ ... ﺣﺒﻴﺒﺘﻲ ﻭﺍﻟﻠﻪ ﻣﻤﺼﺪﻛﻪ
ﺍﻧﺘﻲ ﻣﺴﻮﻳﻪ ﺳﺤﺮ ﺍﻝ ﺭﻳﺎﻡ
ﺗﺨﺒﻠﺘﻲ ﺍﻧﺖِ
ﺍﻧﺖِ ﻭﺍﻟﻠﻪ
ﺍﺳﻜﺘﻲ ﻟﻴﺴﻤﻌﻮﺝ ﻣﻄﻴﻪ ﻭﻳﺼﺪﻛﻮﻥ ﺭﻳﺎﻡ ﺑﻨﺘﻲ ﺷﻠﻮﻥ ﺍﺳﻮﻱ ﺑﻴﻬﻪ ﻫﻴﺞ
ﺷﻴﺮﻳﻦ ﺭﻳﺎﻡ ﻭﺍﺻﻠﻪ ﻟﻠﻤﻮﺕ ﻭﺍﻧﺘﻲ ﻋﻨﺪﺝ ﻭﺣﻤﻪ ﻭﺍﻟﻠﻪ
ﻣﺎﺍﺣﺲ ﺍﻟﻪ ﺍﻧﺪﻙ ﺑﺎﺏ ﺍﻟﺤﻤﺎﻡ
ﺳﺪﻳﺘﻪ ﺑﺴﺮﻋﻪ ﻭﺍﻳﺪﻱ ﺗﺮﺟﻒ
ﻛﻠﺖ ﻣﻨﻮ
ﻣﺤﺐ / ﺍﻧﻲ
ﻫﺴﻪ ﻟﺤﻈﻪ
ﻣﺘﻮﺗﺮﻩ ﺣﻴﻞ ... ﻭﻣﺤﺼﻠﺖ ﻋﻠﻰ ﻧﺘﻴﺠﻪ ... ﻣﻦ ﺍﺗﺼﺎﻟﻲ ﻭﻣﺤﺐ ﺭﺍﺡ ﻳﺎﺧﺬ ﺍﻟﻤﻮﺑﺎﻳﻞ ﻣﻦ ﻳﻄﻠﻊ ﻭﻣﺤﺐ ﺍﺫﺍ ﻋﺮﻑ ﺷﻴﺮﻳﻦ ﻣﻴﺴﻜﺖ ﺍﺑﺪ
ﺍﺧﺨﺦ ﻳﺎﺭﺑﻲ ﺷﻨﻮ ﻫﺎﻟﻤﺼﻴﺒﻪ
ﻃﻠﻌﺖ ﺭﺟﻌﺖ ﻟﻠﻐﺮﻓﻪ ﻭﺧﻠﻴﺖ ﺍﻟﻤﻮﺑﺎﻳﻞ ﺑﻤﻜﺎﻧﻪ .... ﻫﻮ ﺟﺎﻥ ﻛﺎﻋﺪ ﻳﻢ ﺣﺴﺎﻡ ﺗﻮﻧﻲ ﺭﺩﺕ ﺍﻃﻠﻊ ﻓﺘﺢ ﺍﻟﺒﺎﺏ ﻣﺎﻝ ﻏﺮﻓﻪ
ﻓﺰﻳﺖ ﺭﺃﺳﺎً ﻣﺎﺍﺩﺭﻱ ﻟﻴﺶ ﻣﻊ ﺍﻟﻌﻠﻢ ﺍﻧﻲ ﻣﺨﻠﻴﻪ ﺍﻟﻤﻮﺑﺎﻳﻞ
ﺑﺎﻭﻉ ﻋﻠﻴﻪ ﻭﻭﺟﻪ ﻧﻈﺮﻩ ﻟﻠﻤﻮﺑﺎﻳﻞ ... ﻭﺭﺟﻊ ﻃﺒﻚ ﺍﻟﺒﺎﺏ
ﺷﺠﻨﺘﻲ ﺗﺴﻮﻳﻦ ﺑﻤﻮﺑﺎﻳﻠﻲ
ﻣﻤﺎﺧﺬﺗﻪ
ﻟﺘﺠﺬﺑﻴﻦ ﻫﺪﻳﻪ ﻣﻮﺑﺎﻳﻠﻲ ﺟﺎﻥ ﻳﻤﺞ ﻭﺑﺎﻟﺤﻤﺎﻡ
....... ﻳﺘﺒﻊ
