إيه بتقولي إيه إزاي يعني أنا مش فاهمه يعني آنتي كنتي في المطبخ و صحيتي لقيتي نفسك في اوضته عريانه وهو مغتصبك إيه الهمجيه دي هي البلد سايبه آنتي لازم توديه ف داهيه إحنا بلد القانون فيها بينصر المظلوم ويعاقب الظالم
داليدا. بصوت متقطع من كتر البكاء. طيب أنا عاوزه سبب واحد للي عمل معايا أنا فكرت كتير آه صحيح كان بينا خلافات كتير بس مش إللي انتقامه فيها يبقى بالبشاعه دي
أمل. آنتي لازم تاخدي قرارك لازم تواجهي روحي إعملي بلاغ ف القسم لأن إللي عمله ده اغتصاب أنا حوديكي ل محامي شاطر قريبنا ويعرفنى وحخليه يهتم بالموضوع بشكل شخصي
داليدا. آنتي رأيك كده
أمل. آه طبعا صحيح إحنا مجتمع ذكوري بيجى فيه علي البنت حتي لو هي الضحيه لأن مهما كان السبب لازم تكون هي إللي غلطانه المفهوم ده لازم يتغير
داليدا. حنروح للمحامي ده امته
أمل. دلوقتي لو حبيتي
داليدا. يلا بينا
راحت داليدا وامل للمحامي إللي طلب من البنات سرعه التوجه لمركز آلشرطه وتقديم بلاغ ب يونس عمر الشامي بتهمه الاعتداء عليها جسمانيا ونفسيا وتعرضها للاغتصاب من المدعو يونس
وفعلا اتوجهو ومعاهم المحامي وفعلا اتعمل محضر واتحول المحضر للنيابه بسرعه وسهوله وفعلا تم استدعاء يونس
وكيل النيابه. إسمك وسنك وعنوانك
يونس. يونس محمود الشامي. ٣٢ سنه. جليم
وكيل النيابه. الانسه داليدا مصطفي مقدمه فيك بلاغ إنك اتعديت عليها بالاغتصاب
يونس بكل برود. هو في حد بيغتصب مراته
وكيل النيابه. وايه الدليل إللي يثبت إنك جوزها
هنا بقى كانت المفاجأه. طلع يونس ورقه زواج عرفي موثقه ف الشهر العقاري بينه وبين داليدا
وكيل النيابه. انسه داليدا الاستاذ يونس إللي حضرتك اتهمتيه إنه اعتدي عليكي بيقول انكم متزوجين بعقد زواج عرفي وطبعا إحنا أخدنا العقد وراح مكتب الطب الشرعي التعرف علي صحه التوقيع إذا كان ليكي ولا لا
داليدا بصدمة. إزاي أنا مش متجوزه إزاي لا طبعا الكلام ده مش صح أنا أتجوز الإنسان ده طيب إزاي وأنا أصلا مش بطيقه
وكيل النيابه. للأسف يا انسه داليدا مكتب الطب الشرعي اثبت إن الخط ليكي يعني كده مفيش دعوي
يتم إغلاق المحضر وتحفظ القاضيه
خرجت داليدا شافت يونس وعلامه انتصار غريبه علي وشه بصلها وقال
يونس. قولتلك بلاش تتحديني آنتي مش قدي
داليدا. بصتله وعيونها بتنزل منها شلالات دموع. حسبي إللي ونعم الوكيل
