جرت داليدا تركب العربيه مع مصطفي وسايبه وراها واحد بيغلي منها ومن ردها وبيتوعدلها إنه لازم يزلها ويدوقها المرار و جاتله فكره عجبته كان الشيطان كان واقف مش يونس خالص
يونس. فكره هايله ههههههه يا انا يا آنتي يا داليدا وراحت داليدا مع والدها عند مامتها ف المستشفى فضلت معاها ٣ أيام تقريبا مفيش نوم لحد ما داليدا بقت فاقده التركيز ف أي حاجه جات الممرضه وجابت لداليدا شويه ورق عاوزين توقيع منها ضروري الورق ده خاص بشغل اداري للمستشفى يعني شويه إجراءات روتينيه وقعت داليدا ومشيت الممرضه أدت الورق ل يونس إللي كان مستنيها بره الاوضه خايف أحسن داليدا تاخد بالها بسرعه
الممرضه. ودا ورق إيه المهم ده إللي إنت مستعجل عليه
يونس. وإنتي مالك كان اتفاق تمضيها الورق ده وتاخدي إللي فيه النصيب
الممرضه. كنت عاوزه أعرف من باب الفضول
يونس. لا أنا مش عاوز وجع قلب أعرف لو حابه تعرفي ممكن بس عند المدير إللي حيبقى ليكي عنده هديه حلوه
الممرضه. لا وعلي إيه إللي إنت عاوزه اعمله يكش تولع فيها وأنا مالي هي من بقيه أهلي
يونس. شاطره أنا كده احبك خدي يا ستي مبلغ آكتر من إللي اتفقنا عليه علشان آنتي جدعه بس اعرفي كلمه كده ولا كده انتي إللي حتروحي ف داهيه أنا بقى أنتي عارفه أنا مين يعني مفيش حد يقدر عليا
الممرضه. لا وعلي إيه يا باشا الطيب أحسن أنا لا شوفتك ولا أعرفك هو حضرتك مين وعاوز اوضه مين
يونس. آيوه كده شاطره
راح يونس علي المحامي واتفق معاه إنه يسجل الورق إللي معاه ده بتاريخ قديم
يونس. الورق أهو وإنت عارف حتعمل ايه
المحامي. طبعا طبعا يا يونس باشا
يونس. كويس أنا عارف إن ليك حبايبك ف الشهر العقاري خد المبلغ ده راضي بيه الناس
المحامي. شكرا لذوقك يا يونس باشا بس ليه كل ده
يونس. رغم إنه حاجه متخصكش إلا إني لما مش برضي عن حد بيكون فيه عقاب وطبعا العقاب ده درجات يا ريت ميبقاش ليك درجه فيهم
مشي يونس والمحامي مستغرب ليه يونس يعمل كده ف بنت الراجل إللي رباه لازم يكون فيه سر وسر كبير كمان بس هو ميقدرش علي يونس وقلبته هو بينفذ الاوامر وبس
خرج يونس من عند المحامي وعلي الرغم من إنه بدأ ف تنفيذ خطته إلا إنه حس بنغزه ف صدره المفروض إنه يبقى فرحان ليه زعلان وحاسس إنه مش مبسوط ليه حاسس إن قلبه بيوجعه ومش متطمن
أتجاهل يونس إحساسه الغريب ومشي روح البيت ولما جات الساع ٥ الفجر كده حس بحد ف المطبخ كان هو قريب من المطبخ كان ف الجنينه ورايح اوضته يفكر حينفذ الجزء التاني من الخطه أمته شاف داليدا بتحضر عصير جات ف باله فكره شيطانيه جاب شريط المنوم إللي كان والده بياخده علشان الأرق ولان النوع إللي كان والده بياخده قوي ف تأثيره حيبقي قوي جدا
