بتاعتي أنا ازاي وأنا أصلا مش بعرف اسوق
ابتسم مصطفي وقالها مؤقتا بس العربيه حيبقي ليها سواق لحد ما تتعلمي السواقه
كانت داليدا متردده تاخد العربيه لكن مصطفي ووالدتها اصرو إنها تاخدها ومامتها قآلتلها عادي لأن الهديه من باباها
كان مصطفي بيحاول يعوض داليدا عن الحرمان إللي عاشت فيه ولو حتي بنسبه بسيطه لإنه عارف هي كانت بتعاني لأن مفيش أب ف ضهرها ومفيش أي حاجه تعوض الاب ف الحياه مهما كانت ايه
نزلت داليدا وانبهرت بالعربيه وفرحت إن بقى ليها عربيه ركبت وراح السواق يوصل داليدا الجامعه وهي ف السكه كانت ماسكه ف أيدها كريدت كارد وسرحت
Flash back
مصطفي خدي يا داليدا
أيه ده
دي كريدت كارد فيها فلوس لازم تستخدميه وتجيبي مل إللي نفسك فيه مهما كان ومهما يكلف المهم إنك تتبسطي
لا شكرا أنا مش محتاجه حاجه أهل معايا
ضحك مصطفي وقالها ومالو بس أنا عاوزك تصرفي من الفلوس بتاعتي أنا حبقي مبسوط ومع الحاح مصطفي أخدتها لإنه كان حيزعل كانت حيرانه جدا مش عارفه تعمل إيه ونزلت راحه تركب العربيه
End flash back
وصلت داليدا الجامعه
قابلت أمل إللي حكت ليها علي كل حاجه وإن خلاص بقت عايشه مع باباها وعلي الرغم من إن أمل كانت متفاجاه إلا إنها كانت فرحانه علشان صاحبتها
خلصت المحاضرات روحت داليدا وامل كل وآحده علي بيتها
وصلت داليدا البيت وقالت لمامتها إنها عاوزه تروح بكره بيتهم القديم بلال وحشها وعاوزه تروح تبص عليه
وماله يا بنتي جيرانا وكان بينا معروف وعشره
دخل مصطفي وسأل داليدا بكل حب ومين بلال دا بقي إن شاء الله إبن الجيران وكده وراح غامز بعينه
ابتسمت والده داليدا وقاله آه هو ابن الجيران حب مو أول نظره وضحكت
بس يا ماما أحسن بابا يصدق
ليه يا ست داليدا بكذب يعني
لا مش بتكذبي وبصت لمصطفي إللي مش فاهم حاجه وقالتله بلال ده ابن جارتنا اتولد علي أيدي حبيته من أول نظره مامته جابته بعد ١٠ سنين من الجواز وتعبت فيه جامد كانو تقريبا عايشين عندنا لأن زوجها بيسافر فترات طويله وكان بيخاف عليها من القعده لوحدها فكانت بتيجي تقعد معانا
آه فهمت وماله يا حبيبتي روحي وهاتي ل بلال ألعاب وهدوم وشوفي هو محتاج إيه ومن غير حدود والسواق معاكي هيوصلك أهم حاجه تاخدي بالك من نفسك
بس يا ديدي إللي فكرك دلوقتي ب بلال
أصل مامته اتصلت تسأل علينا وكلمني وكان بيلومني إني اتأخرت عليه
مشكله بلال ده علي الرغم إنه لسه طفل مكملش ٦ سنين لكن تحس إنه راجل كبير شايل مسئوليه البيت كان بيحسسني إنه أكبر مني من كتر سؤاله رايحه فين وجايه منين ويصح وميصحش ربنا يبارك فيه طفل جميل
يا رب يا بنتي واعيش لحد ما أشوفك عروسه واشيل اولادك
ونزلت دمعه من عين مامه داليدا
مالك بس يا ست الكل ما كنا كويسين إن شاء الله حتحوزيني وحتجوزي أولادي
ابتسمت والده داليدا وقالتلها يا رب يا بنتي ربنا يفرح قلبك
طلعت داليدا اوضتها لقت أمل بتتصل
الوووز عامله إيه يا بطتي
تماااام جدا وصلتي أمته
يادوب لسه مخلصه أكل وداخله أنام شويه حاسه إني عاوزه ارتاح جدا
اوك أنا كمان عاوزة أنام شويه وإللي تصحي الأول تصحي التانيه
اوك يلا تصبحي علي خير
وإنتي بخير
❤️❤️❤️❤️❤️❤️❤️❤️❤️❤️❤️❤️
راح يونس المطار مع ميار وادم علشان يجيبو يأمن وطول السكه بيهزرو وبيضحكو
وصل يامن واخدوه يوصلوه وهما ف السكه كان يامن بيبص علي ميار إللي كانت وحشاه جدا وهي ولا هي حاسه بيه خالص كانت بتعامله عادي
أدم بصوت ميسمعوش إلا يامن
لسه يا يامن متعلق بيها
مش قادر يا أدم حاولت أنساها معرفتش
بس إنت عارف إنها مش شايفاك كده خالص
ما هو ده إللي مجنني إنت علرف لو يونس حاسس بيها وبيبادلها نفس الاحساس والشعور كنت حبقى مبسوط وفرحان ليهم لكن إنت عارف إنها بالنسبة ليونس مش آكتر من أخت
و.......
عاوزه أعرف توقعاتكم للبارت الجديد
إيه إللي حيحصل مع يونس و داليدا
يامن وميار
وادم تتوقعو ايه ممكن يكون حيحصل ف حياته
ولكم مني كل الاحترام والتقدير
سلمي كحله 💎 💎 💎 💎 💎
داليدا
Magsimula sa umpisa
