ဖုန်းအရင်ခေါ်တာ ကောင်းမလား ဆိုတဲ့ အတွေးကြောင့် Shinya အခန်းရှေ့က လူခေါ်ခေါင်းလောင်းကို နှိပ်ခါနီး Tanikaze လက်တွေ တွန့်ဆုတ်သွားတယ် ! ဒါဆို သူ့ရဲ့ အံ့သြတဲ့ မျက်နှာလေးကို မြင်ရမှာ မဟုတ်ဖူးလို့ ထပ်တွေးမိပြန်တော့ Tanikaze လူခေါ်ခေါင်းလောင်းကိုသာ နှိပ်လိုက်တော့သည် !
*တင်း တောင်*
*တင်း တောင် * *တင်း တောင် *
အခန်းလေးထဲက ဘာသံမှ မကြားရ တိတ်ဆိတ်လို့နေတယ် ! သူအရမ်းများ အိပ်ပျော်နေသလားပဲ ! ခလုတ်ကို ဆက်နှိပ်ဖို့ လက်အလှမ်း.....
"Ta....Tanikaze san?"
နောက်ကွယ်က ကြားရတဲ့ တိုးလျှလျှ အံ့သြသံလေး....
"Shinya?"
အတန်းလိုက်ရှိနေတဲ့ ကွန်ဒိုခန်းတွေရဲ့ရှေ့ လျှောက်လှမ်းမှာ ညဉ့်နက်သန်းခေါင်ချိန် လူသူရှင်းနေတယ် ! ပင်လယ်ပြာလေးဟာ အခုမှ ဓာတ်လှေကားထဲက ထွက်လာခဲ့ပုံနဲ့ သူ့ရှေ့မှာ အကြောင်သား မတ်တပ်ရပ်နေတယ် ! လက်ထဲမှာ စက္ကူလက်ဆွဲအိတ်ကြီး တလုံးဆွဲလို့ ....
"မင်း ဒီအချိန်ကြီး ဘယ်က ပြန်လာတာလည်း?"
"ဟို...ဒါ...ဒါနဲ့ Tanikaze san က မနက်ဖြန်ညနေမှ ရောက်မှာ မဟုတ်ဖူးလား?"
Shinya က ပြူးပြူးပြာပြာနဲ့ သူ့လက်ထဲက စက္ကူအိတ်ကို နောက်ကိုအသာကွယ်လိုက်ရင်း Tanikaze ကို ပြန်မေးနေတယ် ! သူ့အိတ်ထဲ Tanikaze လှမ်းမြင်ရသမျှ အဝတ်စ အနက်ရောင်တွေလိုပဲ !
"လာ .... အိမ်ထဲဝင်အုံး ! အိမ်ရှေ့မှာ မိုးတိုးမတ်တပ်နဲ့ ! ပေး အိတ်တွေ ကျွန်တော်သယ်ပေးမယ် !"
Shinya က ပြာပြာ ပြာပြာနဲ့ Tanikaze လက်ထဲက လက်ဆောင်အိတ်ကြီးကို ဆွဲယူပြီး အခန်းတံခါးဖွင့်ကာ အိမ်ထဲ ဝင်သွားတယ် ! တခုခုကွယ်ဝှက်ထားဟန် Shinya ရဲ့အမူအရာတွေဟာ Tanikaze ရင်ကို မီးနဲ့ မြိှုက်နေသလိုပဲ ! ရင်ထဲမှာ စပ်ဖျင်းဖျင်းနဲ့ !
YOU ARE READING
Midnight Cafe (Unicode Version)
Fanfiction♣အနာဂတ်ကို ဖန်တီးယူခဲ့တာမဟုတ်ပါဘူး....ကြိုတွက်ချက်ကြည့်မိရုံပါ♣ ♠မသေချာတဲ့ အရာတွေ အကောင်အထည်ဖော်လို့မရတဲ့ အရာတွေ လက်တွေ့မဆန်တာတွေကို မယုံကြည်ဘူး! အကွက်ဆင် လှည့်စားတာမျိုး .....ကိုယ်မုန်းတယ်♠ The story between the wizard and re...
