بنات نور ( روايات ليبية )

حلقة 18 🔥

رواية #بنات_نور
( حقيقة ممزوجة بلخيال )
للكاتب #أحمد_عبدالله
الرواية بلهجة الليبية
حلقة 18
🔥 ( حلقة طويلة )

( بدت ناهد في بعت أشخاص لقمر و يلحقوا فيها و يستنوا في الإشارة يلي تقول فيها تم باش يقوموا بلواجب )
بس بعد مرور أسبوع و نص علي المراقبة
جئ اتصال لناهد من واحد من يلي يراقبوا في قمر يقوللها
ان فيه حد تاني يراقب في قمر هل انتي باعتيه و صورهولها
.
بعد ما بعتوا الصورة ليها
ناهد : هذا راجل و لا بنت
الشخص : و اللهي اللقيناه يلحق في قمر في كل مكان و اكتر من مرة نلقوا فيه يراقب حتي في الحوش
ناهد : جيبه
الشخص : شني
ناهد : جيبه خلي نشوفوا شن قصته ؟
الشخص : حاضر
.
( و بلفعل شدو الشخص يلي كان يراقب في قمر و جابوه للحوش )
و قابل ناهد و بدت ناهد تسال فيه و قاللها انه
( شامل عزت و الملقب ب ( شوشو ) و يشتغل في الملاهي و الليلية )
ناهد : باهي شن علاقتك بقمر
( قمر كانت تشتغل معاي و كانت .
ناهد : استنا استنا عاود شن قلت
شوشو 😞 كانت تشتغل معاي )
ناهد : يلي هوا وين
شوشو : في الملهي الليلي
ناهد : به كمل
شوشو : ( و كان الشغل مية مية الا لما عرفت ان قمر توقفلي في كل صفقة اني بنربحها في المحل لذرجة حتي الزبائن ما يخشوش لو ما هناش قمر و هذا يلي صار لقطت قمر الفلوس و عبت علي قلبها و اني كل ما اندير حاجة توقف قدام وجهي و لما اكتفت بلفلوس طلعت من المحل و معش تبي تشتغل و المحل اليوم شبه فاضي )
ناهد : فا انت جاي تراقب فيها باش تقتلها صح
شوشو : لالا حبيبتي اني مش متع قتل بس كان عندي فضول نشوف شن المشروع الجديد و الحق كان في ودي ان انديرلها فيه فضيحة لا اكتر لا اقل
ناهد : عندك علم انت جيتني من السمي
ممكن نطلب منك طلب
شوشو : هوا اني نعرفك باش تطلبي مني
ناهد : 😶 اها
انت ما ينفعش معاك الطلب انت تبي الأمر
جهاد ( حارس شخصي )
شوشو : 😱
🙂 نبصر عليك تفضلي
ناهد : ايواه نبيك هكي
نبي اي دليل يأكد ان قمر كانت تشتغل في هذي الأماكن
شوشو : بس هكي
ناهد : شن انت عندك اكتر
شوشو : فيديو و صور و حاجات يلي تبيها كلها
ناهد : باين علينا هدفنا واحد
شوشو : هوا صح اني هدفي نفضح قمر بس حتي كان لازم ناخد فلوس علي اي حاجة نعطيهالك
ناهد : و اني تحت امرك
( طلع شوشو من الحوش ووعد ناهد ان غدوا رح يجيبلها الصور مقابل مبلغ مادي و هيا وافقت )
(و بلفعل الصور وصلوا لناهد و لفلوس وصلوا لشوشو )

( بس المشكلة توا هيا ان ناهد مش عارفة شن ادير بيهم هل اتوريهم لفارس و هوا يعرف حقيقة قمر بس مرات فارس يعرف ان قمر كانت تشتغل في ملهي ليلي و يبدا يدافع عليها و مرات يحرق حتي الصور باهي هل اتوريهم لقمر و تستفز بيهم قمر و تهددها ان رح تفضحها مش مع فارس بس مع كل الناس لو ما بعدتش علي فارس )

🔥 انتقال الي البنات 🔥
احلام : قمر هيا نوضي اسمعي اني رح نسبقك للمحل و انتي الحقيني
قمر : باهي بري
( طلعت احلام للمحل بما ان قمر فتحت محل مكياج )
مشت تتمشي و تتصل بلتليفون
احلام : مش قتلك اني ان اسمهان تبي ناجي قتلك و اني قلتيلي كذابة
( و هيا لاهيا في الاتصال شافت الشخص يلي مرة تصادم هوا و ياها و حتي جئ مرة لصالون وقعد يهدرز عليها و عزمها لو تذكروا )
الشخص : صباح الخير
احلام : صباح النور
الشخص : كيف حالك
احلام : الحمد الله كويسة و انت
الشخص : الحمد الله وين معش نشوف فيك في الصالون
احلام : و اللهي معش نخدم فيه الحق توا شادتها خدمة في محل اختي
الشخص : وين يجي هذا
احلام : في شارع المنار
الشخص : ماشاء الله ربي يزيد و يبارك
احلام : سلمك
الشخص : تعالي نوصلك
احلام : لالا خلاص قربت
الشخص : لا تعالي نوصلك
احلام : و اللهي خاطري نتمشي خليها مرة تانية
الشخص : اوكي تبي حاجة
احلام : صحيت بارك الله فيك
🔥
قمر ( لبست و وتيت روحي )
ليلي : صباح الخير قمر
قمر : صباح النور
ليلي : قمر توصليني
قمر : وين
ليلي : للجامعة
قمر : ايه حاضر عندك امتحان
ليلي : لا كملت قالوا بألك طلعوا يلي مدايرين دور تاني
خايفة نطلع منهم
قمر : باهي هيا بسرعة
( مشيت اني و ليلي للجامعة و للاسف مزال النتائج ما طلعتش )
ليلي : اقسم بالله خايفة يا قمر
قمر : لالا ما فيه الا الخير
( كملت المشوار للجامعة و مشيت للمحل لأحلام و لقيتها معصبة اني تأخرت )
احلام : سنة
قمر :تي باهي خلاص اسمعي فطرتي
احلام : لا
قمر : خلي نمشي نجيب فطور علي الساريع
..
🔥 انتقال الي ليال 🔥
( ابدت امتحانات الطب و بدت القراية الصح و ليال و زين كل يوم عندنا يا يقروا في الدار يا يقروا في الجردينة )
( و ليلي قاعدة تفكر و خايفة من النتيجة و خاطرها تتخرج السنة هاذي و حتي زادت عليها علاقتها مع يزن يلي من بعد العيد ميلاد زي يلي فضلت ليلي انها تبعد بعد الإهانة يلي حصلتها من امه و ما قدرتش تقوله )
🔥 انتقال الي احلام 🔥
بعد ما روحوا من المحل و قاعدين في الصالة متعت الحوش
طق الباب
احلام : مني
زين : اني
احلام : ( فتحت الباب ) تفضل
زين : شكرا وين ليال
احلام : في دارها
زين : خلي نركبلها.
احلام : استنا هني توا نركبلها
قمر : 😂
ركبت لليال
احلام : انتي الولد يستني فيك لوطة
ليال : ركبيه
احلام :وين بنركبه
ليال : اهنئ
احلام : و اللهي
ليال : و شن فيها
احلام : لا ما فيها شي غير الشيطان يفضل يقولك العب يلا
ليال : 😂
احلام : انزلي يا فا...
.....
( نزلت ليال و قعمزوا في الجردينة يقروا )
قمر : خيرك عليهم
احلام : انتي اسكتي
قمر : أتفوه
جاني اتصال من متع الوحدات السكانية
صاحب الوحدات : الو استاذة قمر
قمر : الو و اللهي زعلانة منك عطلت عليا هلبا الحق
صاحب الوحدات : لالا لقيتلك الحوش و واتي و اذا تبي غدوا نمشي نشوفه اني وياك
( اتفقت معاه لأني لازم انحول من هلحوش باي طريقة )
.
🔥انتقال الي ناهد 🔥
قاعدة ناهد في دارها تقلب في الصور و تفكر شن رح ادير
علي جية ولدها زياد
طق
ناهد : ادخل
( خبت الصور تحت المخدة )
زياد : اهلين امي
ناهد : خش زياد
زياد : كنت نبيك في موضوع
ناهد : تعال قعمز بحداي و احكي
زياد : اني كنت بنقولك اني بنرجع نسافر لفرنسا
ناهد : ليش زياد ليش اهو اهنئ الشغل كله و تعاون خوتك ليش الغربة يا ولدي الغربة مرة العمر واحد عيشه و حس بطعم الحياة و احني بحداك
زياد : اهو جيتكم و اكيد رح نجي مرة تانية
ناهد : وين جيتنا يا زياد تي احني ما شفناكش الا مرتين من لما جيت و انت شادها شغل شغل شغل حرام عليك هامل زوجتك و صغارك ليش هكي يا زياد
زياد : هوا الحق اني و جوان مش
ناهد : ما اتكملش شن بدير زي خوك فارس بطلق حتي انت و تقعد سايب انت و جوان حبيتوا بعض و جبتوا احلي ملائكة توا بعد كل هلعشرة و الحب تخليها لا زياد انت العاقل فيهم لا زياد
زياد : باهي خلاص حاضر
ناهد : لا اني مش رح نامرك اني بس نصحتك و انت و عقلك
انت توا وليت بابا مزال بنسيطر عليك
زياد : ☺️ لا كيف عاد
ناهد : يا وخيتي قداش نحبكم
( اضبطت ولدها ) ❤️
🔥 انتقال الي شروق 🔥
شروق : صباحكم خير يا الخير
ناهد : خلي من هاذي يلي معش نشبحوا فيها بكل
شروق : و اللهي الا شغل
قتلك فارس
فارس : نعم
شروق : شن صار في البضعة متعي
فارس : ايه حاضر اليوم انكلمهم
شروق : اوخي ما تنسانيش
فارس : حاضر
( طلعت شروق علي الشركة طول و لما وصلت للاسف دورت علي مالك و ما القاتاش )
بعد ما كملت شغلها و هيا مروحة وقفت علي الاستعلامات
شروق : قتلك يا غزالة مالك جئ وقع و روح و لا غائب من الأساس
السكرتيرة : لا و اللهي مالك واخد اجازة
شروق : أمتا و ليش ما وقعتش عليها
السكرتيرة : وقعت عليها إدارة الموضفين
( الإدارة هادي توقع في الاجازات يلي فيها سبب مقنع زي حالة الوفاء )
شروق : ليش ان شاء الله خير
السكرتيرة : و اللهي ما نعرف الحق لكن من يوم الخميس الصبح
( يعني بعد العيد ميلاد بيوم )
( مشيت نجري للإدارة متع الموضفين و للاسف كلهم روحوا )
نزلت نجري
شروق : عمي جمعة عمي جمعة
جمعة : السيارة وآتية
ركبت نجري
شروق : اسمع متعرفش ليش مالك واخد اجازة
جمعة : لا الحق ما سمعتش شي
لو فيه شي كان كلمك
شروق : مش عارفة الحق
ترا برا نمشوله
جمعة : حاضر
( وصلت شروق لحوش مالك و لقت خيمة قدام الحوش و هيا قاعدة مستغربة خشت الخيمة و النساوين تعيط و المشكلة ما قدرتش حتي تسألهم لان في هذيكا اللحظة نست حتي اسم امه )
شروق : الو جمعة تسمع فيا
جمعة : الو
شروق : اسمع سالت لعزي هذا لمني
جمعة : ايهم الله
شروق : لمني
جمعة : ام مالك
شروق : 💔😢 ( لحظة وجعني قلبي هلبا اقسم بالله كأنها امي و رجعت و بديت نعيط معاهم الحق وجعتني )
..
🔥 انتقال الي ناهد 🔥
بعد تفكير في المرضوع و تدقيق قررت ان ادير لقاء مرة تانية مع قمر و تشوف ردة فعلها لما تشوف الصور و بلفعل اتصلت بقمر بس للاسف قمر ما تبيش ترد عليها
( الناس يلي تسال كيف جابت الرقم ناهد المقابلة يلي فاتت اتصلت بلوحدة السكانية و طلبت منهم الأرضي متع رقم فيلة البنات و ردت عليها احلام و بعدين ردت عليها قمر و أعطتها رقمها )
.
( بعد ما حاولت ناهد اكتر من محاولة للاتصال بقمر و قمر ما تبيش ترد فكرت ان تبعتلها رسالة و تبعتلها فيها وحدة من الصور الموجودة )
قمر : 📲( هاذي وحدة من الصور يلي عندي غدوا نبيك تكوني موجودة في مطعم اوتو مع الساعة 11 الصبح )
( صدمت قمر كانت كيف جابت الصور و اكيد الحيوان شوشو اعطاهملها بس كيف عرفت شوشو لازم نمشي غدوا و نقابلها )
.
( و بلفعل مشيت للمطعم و علي الساعة يلي قالت عليها و قعمزت و بدت توري فيا بلصورة و تستفز فيا بيهم )
ناهد :😂 هوا الحق متوقعتش ان تسيبي لدرجة هاذي
هوا فارس يندري عليك و لا لا
قمر : 😡 هوا انتي جايبتني باش تقوليلي الكلام هذا
ناهد : لا اني جاية انقولك ان لو بعتي علي ولادي انتي و خواتك اعتبري الصور هاذم مافيش و لو قاعدة متمسكة بجملة خالق الرأس قاطعه فا خليني نشوف شغلي
قمر : 🙂 اعلي ما فخيلك اركبيه
ناهد : متاكدة
قمر : متاكدة
و نضت
( نضت و حدفت كل شي من ورأي طز بتقول لفارس طز بتفضحني طز يلي بديره طز اما اني نقعد نترجي في وحدة زي هادي مستحيل )
بس لازم نحول من الحوش مش خوف منها لا لكن معش عندي جهد نحارب حد تعبت حياتي كلها حرب
.
و اني كيف طالعة من المطعم و مروحة جاني اتصال من احلام
قمر : ايوا حلومة
احلام : ايوا قمر ليلي نجحت
قمر : 😱🔥😍😍 لوووولللللللليييييي
احلام : قلت انبشرك
قمر : تي احلا بشارة ايوا ايوا علي المحامية
احلام : نستنوا فيك
قمر : 😢 من الفرحة لين معش نشوف حتي في الطريق
وصلت الحوش نجري
و فرحانة و نزغرط
قمر : يا سلمها يا نجيها نوبة بو عمران تجيها
احلام : ايوا ايوا ايوا
قمر : ها ها ها ها
قمر : مبروك ليلي مبروك
ليلي : شكرا قمر شكرا
( اضبتها و اني فرحانة )
فرحت من قلبي قداش ليا ما فرحتش الفرحة هادي الحق ممكن عمري ما فرحتها في حياتي بجد
.
مع الساعة 9 في الليل
( ليلي فرحانة هلبا و قاعدة مع ليال تكلم في صاحباتها يوتوا في حفلة التخرج متعهم في الجامعة )
و اني قلت نطلع نشم هوا شوية
طلعت لقيت فارس مقعمز علي كرسي في جردينة حوشهم
قمر : بس بس
تلفت
فارس : قمر كيف حالك
قمر : الحمد الله
نصبلك شاهي
فارس : ايه عادي
( مشيت صبيتله شاهي و جيت )
فارس : خيرك فرحانة
قمر : ليلي نجحت اليوم
فارس : ما شاء الله مبروك
قمر : الله يبارك فيك عقبال زين ان شاء الله
( قعدنا نهدرزوا علي المدرسة و تخصص لين جابنا الكلام لموضوع لحوش و قتله اني كلمت صاحب الوحدة السكانية و رح انحول و غدوا ماشية نشوف الحوش )
فارس : كويس حلو التغير ان شاء الله عتبة خير يا رب
قمر : 😳 ان شاء الله
فارس : تفضلي الشاهي
تصبحي علي خير
قمر : و انت من أهله
( فارس ايس مني من كتر ما يهدرز معاي و مقدرش يوصل لنتيجة بس و اللهي العظيم نحبه لكن كيف كيف و ناهد و شروق العملية مش راكبة ابدا و الأحسن البعد )
خش فارس لقي يزن مقعمز بحدا التلفزيون
فارس : خيرك مش فرحان
يزن : ليش بنفرح
فارس : حبك اليوم نجح
يزن : ليلي
فارس : ايه
يزن : 😍 ترا احلف
فارس : توا قتلي قمر
يزن : 🤬 في سره ( عصب هلبا كيف ما قالتلاش )
....
🔥
ليلي : صباح الخير
احلام : صباح النور محامية ليلي
ليلي : حلومة اني طالعة اني و ليال بنمشوا نشروا حاجات لحفلة التخرج
احلام : قررتوا الموعد
ليلي : ايه ان شاء الله يوم الخميس
احلام : باهي بتوفيق يا رب
( طلعت ليلي هيا و ليال )
هما كيف طلعوا و طلع يزن من الحوش شافهم قعد ينادي علي ليلي
ليلي : 😳 ليال خليك اهنئ خلي نمشي نشوفه
مشتله
يزن : الف مبروك
ليلي : الله يبارك فيك يارب
يزن : كانا مش من الناس راهو ما سمعتش
ليلي : و اللهي كيف بنقولك اني
يزن : ليلي اني شن درتلك مش عارف
ليلي : خيرك يزن تعمق في كل شي و اللهي ما في حاجة و كنت بنقولك و بلمناسبة يوم الخميس حفل التخرج و انت معزوم
يزن : باهي باهي
ليلي : هي نتلاقوا
...
( طلعت ليلي و ليال و بدوا يوتوا للحفلة متع التخرج و يعزموا في اصدقائهم و رح يكون معاهم فارس و يزن و زين و ليلي عزمت أختهم شروق ( مع انها مزال ما شافتهاش )
و جئ يوم حفلة التخرج
ناهد : وين هذا كله كلكم طالعين وين ان شاء الله
شروق : و اللهي البنت جارت فارس و صديقة يزن عازمتني علي حفلة تخرجها قلت خلي نمشي
حتي قالولي جاتك في عيد ميلادك و اني ما شفتهاش
ناهد : 😳🤬 و من ماشي تاني
شروق : علي ما أطن خوتي كلهم الا زياد
ناهد : و اللهي
شروق : ايه هكي سمعت و بعدين باين عليهم علاقتهم كويسة مع خوتي
ناهد : باهي المكان وين
شروق : في قاعة الموتمرات متع كلية القانون
ناهد : اها كويس
(و مشت تجري )
شروق : هاذي خيرها تسال
غريبة
........
ناهد : الو حسان
حسان ( واحد من الأشخاص يلي كانوا يراقبوا في قمر )
ناهد : تعالا نبيك
( اتفقت معاه علي شن رح يديروا )
.
احلام : هيا وقت هيا
قمر : اسمعي اني وآتية يلي بتعطلنا هيا ليال
احلام : نكلم ليلي نشوفها
قمر : لالا خلاص خليها اكيد لاهية في الحفلة و توتي في روحها
احلام : الو فارس وين
فارس : هيا هيا احني واتيين
ليال : اني عزمت اخت فارس معانا
قمر : 😱😳 شني
ليال : خيرك اخت فارس
قمر : من عزمها
ليال : اقسم بالله ما اني عزمتها ليلي
قمر : مش قلتي اني
ليال : اقسم بالله ما اني
احلام : خلاص خلاص اهو وصلوا .
.
طلعت ناهد من الحوش تجري
ناهد : رد بألك بسرعة الحفلة تبدا الساعة 11 بسرعة
حسان : حاضر
ناهد : الو وينك جمعة
جمعة : هيا هيا
طلعت بسيارة
جمعة : وين تبي
ناهد : كلية القانون بسرعة
... يتبع

الحلقة الجاية رح نشوفوا شن رح يصير في كل هلاحدات
في تطورات هلبا و في اشياء رح تصير
يلي نقدر انقولهولكم ان النهاية صدمة
🔥🔥🔥
تفاعلوا و رأيكم في تطور الاحدات و شن تتوقعوا رح يصير