بنات نور ( روايات ليبية )

حلقة 12 🔥

رواية #بنات_نور
( حقيقة ممزوجة بلخيال )
للكاتب #أحمد_عبدالله
الرواية بلهجة الليبية
حلقة 12
🔥
( ناض زين الصبح و وتا دبشه و كل بضعته متع الدراسة و كلن ليال انه جاي و طلع طلع )
زين : صباح الخير ماما
ناهد : صباح النور و السرور وين ان شاء الله
زين : بنمشي لحوش فارس
ناهد : بسم الله من توا
زين : ايه عندي مشوار
ناهد : استنا ماشية معاك
زين : وين ماشية 😳
ناهد : ماشية معاك لحوش خوك حطني و برا
و منها نشبح سعيدة الحظ و خواتها
عندي فضول نشوف ليال
زين : 😒 باهي هيا بسرعة
( مشت ناهد تلبس بسرعة و وتت روحها )
زين : هيا
ناهد : باهي
( ركبوا في السيارة و طلعوا للحوش )
🔥 انتقال الي قمر 🔥
قمر : صباح الخير
ليال : صباح النور
قمر : شن عندك محاضرة تعالي نوصلك
ليال : لا
قمر : 🤨 أمانا شن نوضك بكري
ليال : عندي مشوار
قمر : 😅 مشوار الله الله الله علي ليال مشاوير
ليال : صديقي في الجامعة عازمني علي فطور فا قلت خلي نمشي نغير جو . انتي وين ماشية
قمر : اني عندي مشوار صغير و جاية
ليلي : باهي ربي يعاونك
قمر : سلمها . سلميلي عليه 😉
طلعت من الحوش و اني شادة التليفون و بنركب السيارة نشبح في سيارة فيها ولد و مراة كبيرة شوية في السن
( مش هذا خو فارس ) و قعدت واقفة علي باب السيارة و نشبح
🔥انتقال الي زين و ناهد🔥
نزلت ناهد من السيارة
و قعدت تهدرز علي زين لين تلفتت و شافت قمر
قمر : ناهد 😳
ناهد : تقول في سرها ( هيا هيا هيا عيون قمر نعرفهم )
( ركبت قمر للسيارة و طلعت و ناهد قاعدة تشبح و مركزة فيها )

زين : امي هي تفضلي
( خشت ناهد للحوش )
🔥 الي زين و ناهد🔥
زين : هيا اني ماشي
ناهد : استنا بنشبح ليال وينها
زين : هيا باي
(و سكر علي أمه الباب و طلع مشي لليال )
ليال : سنة يا زين معش ولا فطور
زين : تي هيا
( ركبت هيا و زين في السيارة و طلعوا )
.
احلام : نضت الصبح و ما لقيت حد في الحوش
بسم الله وينهم هادم
يا ليلي
يا ليلي
ليلي : صباح الخير
احلام : صباح النور . وين ليال و قمر
ليلي : وين نندري عليهم
احلام : قصدي الزوز ما عندهم شي اليوم
ليلي : بالك طلعوا يغيروا جو
احلام : بالك
تعالي نفطروا تعالي
🔥 انتقال الي فارس 🔥
فارس : الو خالد الأوراق في الدرج التاني في مكتب يزن
و هوا نازل من الدروج لقي امه😳
فارس : 🤨 امي
ناهد : ايه قلت خلي نجي نشوفكم
فارس : اهلين . تبي نديرلك شي
ناهد : لالا درت شاي
فارس : اوكي اني طالع خليك انتي يزن مش رح يمشي اليوم
ناهد : ربي يعاونك يارب
( طلع فارس للشغل خوه زياد يستني فيه في العمل و قعدت ناهد في الحوش مقعمزة تستني في يزن لين ينوض )
🔥 الانتقال الي شروق 🔥
( لابسة و طارحة و ماشية للعمل
و هيا طالعة لقت مرت خوها زياد
شروق : صباح الخير
جوان : صباح النور شو اخبارك
شروق : باهية الحمد الله قتلك خوان حكتلي امي علي الموضوع يلي كنتي تبي تقوليهولي انك تبي تشتغلي معاي
جوان : ايه و شو صار
شروق : تفضلي أمتا ما تبي حتي من غدوا و تاخدي احسن مكان معاي بس ياريت يكون الملف معاك اوكي
جوان : ميرسي شكرا كتير من بكرا رح كون بلشركة
شروق : حقا وين ماما
جوان : راحت للأولاد
شروق : غريبة مش من عاداتها . باهي وين زياد
جوان : زياد من لما رجعنا من كندا و هوا هيك شغل شغل شغل ما بيرجع من الشركة حتي ولاده ما بيشوفهم
شروق : حاضر توا نكلمه
هيا اني تأخرت باي
جوان : باي
🔥 الانتقال الي احلام و ليلي 🔥
مقعمزين مطرمين في الحوش بروحهم
احلام : ما شاء الله وحدة طالعة عندها موعد و وحدة طالعة تدهور و احني حتي كلب ما عبرنا
ليلي : شن كلمتيهم
احلام : ايه المعفنات
ليلي : شفتي شن يطلع منهم
احلام : توا أنهارهم احرف
( ناضت ليلي تفكر )
احلام : وين ماشية
ليلي : طالعة للجردينة
احلام : بري غير البسي حاجة الدنيا صقع
( طلعت ليلي للجردينة و هيا تفكر في يزن يلي زعلان منها ليه فترة المشكلة حتي رقمه ما عندهاش )
بلصدفة طلعت ناهد للجردينة و في أيدها طاست الشاهي
تلفتت ليلي شافت مراة كبيرة في السن واقفة في الباب
طلعت من الجردينة متعهم و مشتلها
ليلي : السلام عليكم صباح الخير
ناهد : 🤨 و عليكم السلام
ليلي : اهلين كيف حالك عمتي
ناهد : اهلين . مني معاي
ليلي : اني ليلي جارت يزن و صديقته
( و من غير اي مقدمات انقلبت الطاسة علي يد ناهد و كانت سخونة )
ليلي : 🙀🤭 بشوية بشوية خيرك عمتي ساعدي روحك
( باعدت ناهد يد ليلي عليها )
ناهد : انتي ليلي صار
ليلي : ايه ليلي ☺️ الباين يزن حاكيلك عليا
ناهد : لا و الله مش حاكي لكن ماشاء الله عليك الحق
ليلي : بارك الله فيك عمتي
ناهد : تقري يا ليلي
ليلي : ايه نقراء قانون
ناهد : ما شاء الله
ليلي : ☺️
ناهد : معرفة طيبة بادن الله
ليلي : لازم تجينة تهدرزي عندنا يوم لازم
ناهد : ان شاء الله اكيد ضروري و نشوف خواتك الباقيات يلي متاكدة كلهم حلوين هكي
ليلي : ☺️
( نزل يزن يشبح في امه تهدرز علي ليلي )
يزن : صباح الخير
ناهد و ليلي : صباح النور
يزن : امي شن اديري هني
ناهد : شن مش من حقي نجي لحوش ولدي
و بعدين كيف عندك صديقة زي ليلي و متعرفتيش عليها
يزن : ليلي جارتنا هني و ولت صديقة عزيزة
ناهد : لالا ما شاء الله عليها الحق
ليلي : 🥺 هي اني نستادنكم
( طلعت ليلي من الحوش زعلانة و متاكدة ان يزن قاعد زعلان منها و كله من راس احلام الشومة )
🔥 انتقال الي قمر 🔥
قمر : قتلك انت داورلي حوش حتي حوش عادي مش مهم تصميم جديد
صاحب الوحدات السكانية : حاضر يا استاذة قمر
قمر : و في اقرب وقت
صاحب الوحدات : حاضر
قمر : سامحنا علي تعبك
صاحب الوحدات : لالا هذا واجب
قمر : باي
( طلعت قمر من الحوش كلمت صاحب الوحدات السكانية لانها ادور في حوش و تبي تحول و بعدها مشت للمصرف تشوف في فلوسها في البنك و قاعدة مصرة انها تبطل شغل و لازم )
🔥 انتقال الي ليال 🔥
( مشو فطروا و قعمزوا هدرزوا و قعدت تهدرزله علي احمد و علي حبها ليه )
ليال : شكرا علي الطلعة الحلوة هادي
زين : خلاص احني أصدقاء معش بيناتنا شكرا
ليال : أصدقاء
زين : انتي شن تشوفي
ليال : أصدقاء
زين : 😂 حتي أصدقاء كويس
ليال : يزن انت أمتا اول مرة شفتني فيها
زين : و اللهي من اول سنة جامعة و زاد الاهتمام لما عرفت اسمك
ليال : اسمي
زين : ايه ليال لان زمان قالي خوي فارس اني كنت نحب وحدة اسمها ليال و كانت هادية و حلوة
ليال : 😂 ايه كمل
زين : باهي ما تضحكيش
ليال :😂 حاضر
زين : المهم فا بديت مهتم بيك شوي و زاد الاهتمام لما عرفت شخصيتك المطابقة يلي قالهالي فارس بزبط
ليال : حتي اني كنت خاطري نتعرف علي شخص زيك بزبط
زين : كيف يعني
ليال : منعرفش كيف نوصفهالك بس انقولك حاجة زين انت شخص جميل من داخل و من برا و هذا يلي خلاني نتعلق بيك
باين عليا سرحت في الكلام اني آسفة هيا نوض تأخرنا
ناضت هيا و ياه و ركبوا للسيارة
( قعدت ليال سرحانة فيه و هوا يسوق و شدت ايده )
زين : 😳😍
( ليال فعليآ ولت تحب زين لان شافت السند الصح و الحب النضيف مع انها كانت تعشق احمد )