بنات نور ( روايات ليبية )

حلقة 11 🔥

بنات نور 11 🔥

احلام : نوضوا يعطيكم سخطة الساعة 11 شني هذا
ركبت فوق خشت لدار ليلي و ليال
احلام : شني اللوحة هادي 🤨 و خيرها مخربشة
( هوا رسم كاركتيري يعني كله ألوان و تخربيش )
احلام : هات لي نطلع انلوحها اكيد امس جابتها ليلي لقتها في الكناسة تحب تلمد و تجيب
😱😂 بتلوح اللوحة هذية يزن لليلي
طلعت احلام من الحوش و في أيدها اللوحة
علي جيت زياد
هيا تلفتت
و تشبح في حد نازل من السيارة
فا شبحتله
( شكت ان هدا هو زياد )
قعدت تشبحله لوحت اللوحة و تشبحله
تلفت شافها ضحكلها
.
احلام ☺️
مشي و خلاها و خش الحوش
احلام : 😳
..
رجعت للحوش
قمر : صباح الخير احلام
احلام : صباح النور اسمعي شفت حد اول مرة نشبحه فيهم بألك هذا زياد
قمر : احلام شن قلنا احني سكري علي الموضوع و بعدين ان شاء الله اليوم رح انكلم صاحب الحوش
احلام : و ليش
قمر : بعدين حنحكيلك علي كل شي
احلام : بعدين انتي لابسة و متكمة وين ماشية
قمر : عندي مشوار صغير و راجعة
.
🔥 انتقال الي زياد 🔥
زياد : هيا يا فارس
فارس : تي باهي و بعدين مزال بنفطر
زياد : تي هيا شن وسعة البال يلي عندك هادي
فارس : حاضر
....
طلعنا
( و هما كيف طالعين لقوا قمر طالعة )
زياد : 😍 أووو مني الحلوة هادي
فارس : احترم نفسك هاذي جارتنا قمر
زياد : قمر
فارس : ايه اسمها قمر
زياد : قصدك قمر يلي
فارس : لالا هادي قمر تانية مش هديكا
زياد : لكن سبحان الله تشبهلها
فارس : صباح الخير آنسة قمر
قمر : صباحكم نور
( مني يلي مع فارس هذا اول مرة نشوفه )
( بألك زياد 😍 محلاه )
زياد : قداش ليها ماجرة هني
فارس : فترة بالك شهر توا ليها و بعدين سكر علي الموضوع خلينا في الشغل شن قتلي امبكري
🔥 انتقال الي يزن 🔥
ناض لقي روحه بروحه في الحوش لان يزن قاعد في حوش أمه فا نضم اموره و لبس و بيطلع بيلحقهم للشغل و هوا طالع و كيف فتح باب السيارة شاف لقي اللوحة متعه
يزن : 😳 هذي لوحتي
( مشي يجري جابها و دخلها للحوش و كان مستغرب و معصب ليش ليلي بتلوح الرسمة متعه )
ركبت سيارته و طلع
🔥 انتقال الي حوش ناهد 🔥
( مقعمزة ناهد و مرت ولدها زياد ( جوان ) في الجردينة و الصغار يلعبوا بحداكم )
جت شروق
شروق : صباح الخير
ناهد و جوان : صباح النور
ناهد : وين ان شاء الله
شروق : و اللهي عندي شغل شوي
ناهد : ديما شغل حرام عليك
( باست امها و خدت كيكة من علي الطاولة )
شروق : باي باي
ناهد : بسلامة . بس و اللهي ديما شغل شغل هلبا هكي و اللهي ما عندي الا زين علي حاله و ديما معاي
جوان : هيا كيف شروق بتشتغل و هيا لسا بتدرس
ناهد :و اللهي هيا تقراء في فاشن و أزياء فا حبت انها ادير مشروع في نفس تخصصها و يساعدوا فيها خوتها في التمويل و مدخلا معاها أصدقائها
جوان :و ناجح المشروع
ناهد : كويس ولت تصرف علي نفسها و معتمدة علي نفسها و عندها راس مال
جوان : منيح كتير انا تخصصي بزنس شو رايك تقترحي عليها انها تدخلني معها و الله ما بطيق قعدة البيت بحب الشغل كتير
ناهد : كلماها و اللهي ما تقولك حاجة
جوان : لالا بخجل
ناهد : حاضر حنكلمها
خليني نمشي انوض زين
.
مشت اتنوض في زين
طقطقت الباب
زين : تفضل
ناهد : صباح العسل
زين : صباح النور ماما
ناهد : من امتي نايض
زين : من بكري
ناهد : خيرك ما نزلتش أمانا
زين : قلت خلي نقعد بروحي شوي محتاج قعدة مع نفسي
ناهد : خيرك زين في شي
زين : لالا ما في شي
ناهد : تي كيف عاد تعرفني فيك
زين : لالا غير لازم الشخص مرات يبي يعيد حسباته
ناهد : خيرك في شي في الجامعة
زين : لالا
ناهد : في حاجة مضيقاتك
زين : لالا
ناهد : أمانا شني تحب
زين : ايه
ناهد : تبصر 😂
زين : لالا
ناهد : تي غير قول مني
زين : 😂 انبصر
( مشت تجري سكرت الباب )
ناهد : لالا لازم تقول توا
زين : 😂
ناهد : كان تبيني نخطبهالك اليوم نمشي بس انت قولي مني
زين : لا عاد مش لدرجة هادي
ناهد : باهي قولي مني
زين : وحدة تقراء معاي
ناهد : 😂 ومني سعيدة الحظ يلي وقع الاختيار عليها
زين : و بلصدفة ولت جارت خوي فارس
ناهد : شن الصدفة الغريبة هاذي
لالا لازم نعرف من هيا و من بوها و عيلتها
زين : اسمها ليال
ناهد : ☺️ بعد التدقيق في الاسم 😐 بدت علامات التعجب تبان في وجه ناهد
ناهد : به كمل و عيلتها مني
زين : الحق منعرفش من عيلتها بس هيا عايشة مع خواتها التلاتة
ناهد: 😡 كويس
و من أمتا يسكنوا بحدا خوك
زين : توا كيف جو ماليهمش شهر
ناهد : اوكي
و ناضت
زين : امي في حاجة 🤨
ناهد : لا يا حبيبي غير كنت نبي نطمن عليك و هاني تطمنت
زين : اوكي ☺️
.
( طلعت من الدار تجري و خشت لدارها و قعمزت علي السرير )
( 🔥🔥🔥🔥 من ليال يلي ساكنة مع خواتها التلاتة و بحدا فارس يلي طول عمره يدور عليهم مش رح يهدالي بال الا لين نشبحهم و اقسم بالله لو هما حنقتلهم بايدي ) 🔥🔥
.
🔥 انتقال الي شروق 🔥
وصلت للشركة
مالك : صباح الخير مديرة شروق
شروق : منين جبتها مديرة هادي
مالك : اليوم وصلوا الفواتير
شروق : حاضر حنشبحهم تعالا وراي
مالك : حاضر
.
خشوا للمكتب
شروق : سكر الباب وراك
سكر الباب مالك و جاها
شروق : اسمع كلمت اصحاب الداعيات
مالك : ايه كلمتهم
شروق : اوكي و شن صار
ماك : كل خير و ان شاء الله كل شي يكون جاهز في الوقت المحدد
شروق : كويس
رن التيلفون
شروق : الو كيف حالك غسان شن الجو
مالك : 😳
شروق : 😆 حاضر وين المطعم هذا
هيا شوي و جاية
..
مالك : شن فيه ان شاء الله خير
شروق : لا خير بس غسان التاجي ولد عمي عازمني علي مطعم شوي و راجعة
.
مالك : خوي راحتك
🔥 انتقال الي قمر 🔥
مشت للمحل و قعمزت في المكتب
و قعدت محاولات قمر بلاتصال بصاحب الحوش هلبا و لكن ديما مشغول لين هداه ربي و رد علي تليفونه
الشخص : الو آنسة قمر ان شاء الله
قمر : لالا ما فيه الا الخير بس عندي موضوع يهمك
الشخص : يلي هوا
قمر : رح انسيب الشقة
الشخص : ليش
قمر : و اللهي ضروف
الشخص : قصدك السعر
قمر : و الله لا
الشخص : الجيران
قمر : لا
الشخص : باهي ليش
قمر : ضروف و خلاص
الشخص : أوكي أمتا تسيبي
قمر : و اللهي لين نلقي حوش رح نطلع
الشخص : اوكي ان شاء الله خير
سكرت التليفون
شوشو : هايي قمور أمتا جيتي
قمر : امبكري شوي
شوشو : آنستي
قمر : كنت نبي نقولك ممكن تجيبلي كشف مستحقات ليا في المحل
شوشو : و ليش
قمر : الحق اني بنسيب
شوشو : كيف بتسيبي و ليش
قمر : لامتا بنقعد هكي الحق من الأخير نبي نشتغل حاجة شريفة حتي لو رح يقل مدخولي
شوشو : توا طلع مش شريف
ان شاء الله يصير خير
و سكر الباب بلقوة و طلع
استغربت الحق شني هذا
كملت اليوم و طلعت